مملكة(احساس) الموضوع خاص قرائة بلا ردود

[محمد مطلق الجربا]

اسعد الله اوقاتكم بكل خير

منحت نفسي هنا حق لا اعلم هل يحق لي ذلك ام لا يحق لكني ادرك ان ان هذى المنتدى الراقي يمنح الكثير

هنا مساحة(احساس) خاصه لكتاباتي اتمنى ان تنال رضاكم وهي من دون ردود فقط للقراءة


وهذه اولى قصائدي فيها











احساس اهدا من الندى واغرب من افكار الخيال=احساس ما قد مربي من قبل واليوم اشعره
احساس من شوق اوله واشياء ما حده مجال=مدري متى قد زارني ولا متى صرت انثره
احساس انبت بي غلا ورياض في رمض الرمال=احساس ادنى من جنون الذات في حد شعره
احس في ذاتي جواب احتار في روح السؤال=واحس في ذنب الغلا ولا رجيت المغفره
من صدق حبال الرجا تموت في رجوا المحال=اصمت وانا في داخلي اشياء كله ثرثره
اشياء صدفه جيتها والله ما كانت فبال=الين صارت عالمي في عسره وفي ميسره
احساس داهمني ولا ادري سببه بأي حال=بس الاكيد احتلني ساد الغلا واستعمره

[محمد مطلق الجربا]

اشتقت لك تعال طول غيابك=ودي بشوفك ياهوا البال مشتاق
تعال نور عالمي في جنابك=ياسيد الاحساس والزين والذوق
شف روحي الي واقفه عند بابك=ملت تدق الباب والباب موثوق
تعال روحي من فدايا شبابك=يلي ملكت بداخلي قلب وعروق

[محمد مطلق الجربا]

ليه اجهلك

وانته معي

بين اضلعي

احساس يمك شدني

احساس فوق الا وعي

واذا تكرمت اسألك

ياكيف بس اشتقت لك

وانا اجهلك

يا اغرب امال الزمن

واقرب مسافات الوله

خذني على شانك وطن

ماضاق جنك منزله

خذني امل خذني دفا

خذني رجا خذني وفا

خذني مثل ماتشتهي

ما اقول يالغالي كفا

بس اسألك

يا كيف بس اشتقت لك

وانا اجهلك

[محمد مطلق الجربا]

يامساء الشوق والحب والغرام=يزها السما في كل مسا
سيد احساس الغلا والاهتمام=ما ابالغ تعتبر ست النسا

[محمد مطلق الجربا]

[quote=محمد مطلق الجربا;5639303]
يامساء الشوق والحب والغرام=يزها السما في كل مسا
سيد احساس الغلا والاهتمام=ما ابالق تعتبر ست النسا
[/q


يامساء الشوق والحب والغرام=ياقمر يزها السما في كل مسا



عذراً للخلل الموجود في البيت الاول جل من لا يسهو

[محمد مطلق الجربا]

انتضرتك وانت تدري الانتضار=كل لحضه منه بحسبة شهر
لين طولت البطا والوقت صار=كل دقة ثانيه كنه دهر
بين وجد وبين شوق وبين نار=وبين جلاد الدقايق والسهر
ارتمى شعري على بيض الوقار=يجمع حروفه على شانك مهر
بس دخيل الله كفاني انتضار=شاب شوفي وسالت دموعي نهر

[محمد مطلق الجربا]

تغيب كنك تمتحن شوق مغليك=وتعود كنك مادريت بشعوري
ياصاحبي والله دقة ثوانيك=عبرات احسه ناشبه وسط زوري
بس ليه تحرقني عسا الله يخليك=تبي تشم من احتراقي بخوري
(احساس) والاحساس همه يلاقيك=حاضر معي في كل ثواني حضوري

[محمد مطلق الجربا]

الله يهنيك وانا الله يصبرني=متعود القلب للحرمان واهماله
ياليت من بادي احساسي مخبرني=ما كان صرت بقراري حالتي حاله
وش يجبر كسور قلبي يامجبرني=خله على كسر حاله يمكن اشوا له

[محمد مطلق الجربا]

ان رحت عنك موت وان جيت لك موت=يعني معك مكتوب لي حكم موتي
انده عليك بصوت ثم يرجع الصوت=كنه تعاندني تراتيل صوتي
يااكبر غلا في موج من دونك الحوت=ان ما غرقت استدركن فم حوتي

[محمد مطلق الجربا]

افتقدتك

غاب صوتك

مدري عنك غاب صوتي

صرت ادور لك بذاتي

لين ذاتي بعثرتني

ونثرتي

فوق صحرا مابها الا الغياب

والضما واسراب من طرد السراب

والعذاب

ايه العذاب

كن موتي شدني

وكن همي هدني

لدني بس لدني

شوفني كلي جروح

جسم باقي دون روح

اثر موت الشخص لامن مات في جوفه طموح

واعترف بالمستحيل

وامتثل لجل الرحيل

وارتضا يشرب مراره عقب طعم السلسبيل

ما اقول اني نستيك

ولا اقول اني هجرتك

بس اقول اني لقيتك

مستحيل وما ضفرتك

بس ابي منك السماح

عف والي راح راح

واطلبك بس اتركيني

في عيونك كل صباح

لجل قلبي يستريح

اخر امال الجريح

[محمد مطلق الجربا]

امانه لا تقولي لي تخيل دنيتك دوني=انا والله من دونك زماني ما تخيلته
يغيب الصوت عن سمعي وتجحد شوفه عيوني=كأني عايش لحالي بدنيا ماتحملته
امانه يابعد عمري ومحبوبي ومضنوني=خيالات العدم دونك الا ياليت ماقلته
انا اشعارك انا اوراقك تعال وصير مضموني=عدم ساير تعابيري اذا مافيك دونته
انا الطفل الصغير الي اشوف بناضرك كوني=اشوفك دنية امالي واحبه لو تأملته

[محمد مطلق الجربا]

سخافة حبر وجنون القلم والدفتر والمغمور=وانا والليل وهموم الخلايق والشقا لمه
اخطا من الخيال بحور لين اغرق بوسط بحور=اسجل هم يفرح به عليل(ن) يشتكي همه
ييمه كن في دمعي عيوني دارت الناعور=ابي كفك مناديلي تعالي جففي يمه
انا والحرف واشتات المعاني واختلاج سطور=ووجدان الحروف الي كسوره ترتجي ضمه
وتعبير(ن) يخط اشياء نور(ن) في زمن ديجور=واحساس(ن) يبعثرني وانا ابعثره والمه
ولا غيري انا والحزن وهمومي معي جمهور=اسم الحرف من همي واذوق الهم من سمه
ييمه ذا الزمان الي يساوي العور ويا الحور=ييمه ذا الزمان الي ذبح قلبي وسفك دمه
تعالي ياهموم الناس بس ليتك تجي بالدور=لان القلب ياهموم الخلايق صار به زحمه

[محمد مطلق الجربا]

البرد قاطع وشوقي يحرق عضامي=والنوم سلطان هارب مالقا جفوني
الوجد رمضى صحاري والحشا ضامي=والقلب صملة مياهه خاليه دوني
والريح ناي المشاعر ينثر هيامي=حتا يجي كاف وجداني من لحوني
انا معاناة روحي تقتل احلامي=وتجفف اغصان عنابي وزيتوني
من طول درب الصحايف تشكي اقلامي=سطرت عمري قصايد لجل تقروني
يابنت لا تنضري شكلي وهندامي=شوفي بقاياي في شعري ومضموني
لا تلمسين بكفوفك جرحي الدامي=اخاف لامن يطيب الجرح يجفوني

[محمد مطلق الجربا]

كل ما ابتعد عن منهل الشعر واختار=شي(ن) احاكيبه همومي وسروري
تلفيني امواجي بها قاف الاشعار=تجتاحني في سيلها من جذوري
ياشعر لو تشعر بي الناس ما صار=نزفي على الاوراق شي(ن) ضروري
مثل البخور اصبحت ياشعر بالنار=احرق وغيري ينتشي من عطوري

[محمد مطلق الجربا]

سمها زله وابي منك السماح=بعدها ما اقولك لا تجرحن
لو دريت انك تبي زود الجراح=ما اقول الاه لولا تذبحن
اعتبرني ذنب بين اكرام طاح=خوذني اصغر ذنوبك وادمحن
بس لا تطري الجفا والعمر راح=عمر نصه شوق والباقي محن
ياحلاة الجرح دام انت السلاح=شوف كيف الاه صارت له لحن
كيف اب اسلا وانت ليلي والصباح=كيف قلي كيف بالله انصحن

[محمد مطلق الجربا]

زمن وانا معك صاحي نسا جفني وصوف النوم=قلي كيف طعم النوم انا ما زارني نومي
اتوه بفكري التالف واعيش بعالمي المحروم=يضيق ابه النفس صدري احس تخنقني هدومي
انا العايش على الذكرى بحال(ن) واقعه مهزوم =انا سيف الزمان الي زماني كثر ثلومي
انا قصر الوداد الي بقا فوق الامل مردوم=انا ذيك العلوم الي تضايق سائل علومي
انا حزن الزمان الي بدى بين الملا معلوم=انا حر(ن) وقع مشبوك واتعب مشبكي حومي
انا الجربا اذا عدو تواريخ ورجال قروم=تعرفي منهو محمد وتدرين بفخر قومي
واذا شفتي الزمان الي رماني في صراع هموم=تقف في ناضري هيبة رجال وتسند جدومي
انا ما ابيع وجداني بيوم(ن) الضماير سوم=ولا ارضا طعنة المقفي وانا تمنعني اسلومي
انا بس اسائلك بالله توصف لي حلاة النوم=لأني من زمان(ن) راح وجفوني نست نومي

[محمد مطلق الجربا]

احبك ماهو بكيفي احبك غصب عن ذاتي=انا ودي ابتعد عنك واشوف الشوق يجذبني
حبيبي لو بدى رسمك على وزني وابياتي=امانه سامح المعنى ولا يوم(ن) تحاسبني
حبيبي اكتم اسرارك وتضهر في عبارتي=تصور كيف هالمعنى ابي اخفيك ويكذبني
اذا كان القمر شبهك فضح نوره سماواتي=وبدرك في سما شعري على القيفان يطربني
حبيبي خوذني يمك ولو من بعض لحضاتي=ابي لو قلت لك قرب بكل الشوق قربني
الا وشلون اجحدها مشاعر شوق مولاتي=وانا غيباتها لحضه الا ياكم تتعبني

[محمد مطلق الجربا]

صباح الشوق ياشوقي=صباح يشابهك عندي
صباح يفز من موقي=ويرسم جوك الوردي

[محمد مطلق الجربا]

تعبت اردد للصباحات وينك=والصبح يمضي ويمضي الصوت بالصبح
تعال شوف الي مناته يعينك=ترى غيابك ذابحه يالغلا ذبح

[محمد مطلق الجربا]

غريب ودنيتي غربه اسافر والامل مشوار=احث الصبح في سيري وواصل بالمسا ساري
على باب الامل واقف اردد للبعيد اشعار=عسا يوصل صدى صوتي ويسمع شاكي اشعاري
ندهت من الشقا حتى صدح صوتي بكل جدار=رجع صوتي على سمعي صداه وشتت اشعاري
انا عالم من الوحده رقد في دفتر التذكار=يقلب معجمي كفي ويشكي هم تذكاري
الوج بخافق(ن) يشقا محطم والضلوع جدار=اعيش بعالم الذكرى غريب(ن) والزمن جاري
انا عالم من الصحرى نبت فيه القصيد اشجار=تعال وكون في ضل القصايد واقطف اثماري
اقول الشعر في رجوى يلاقي بالقلوب ديار=عسا من حس في معنى قصيدي يحسن الطاري

[محمد مطلق الجربا]

ان كنت صاحي صباح الورد لعيونك=ون كنت غافي عساني ساير احلامك
هذي تحيات مجنونك ومفتونك=الي اماني حياته يسعد ايامك













.

[محمد مطلق الجربا]

احبك عد ماتحمل معاني كلمة(ن) للحب=احبك يابعد روحي واكذب فيك عدواني

[محمد مطلق الجربا]

فديت عيونك وسحره الا يامسببه موتي=فديت الي حلا كل الخلايق يسكن عيونه

[محمد مطلق الجربا]

وينك حبيبي كل ما جيت صديت=يالحاضر الغايب غرامك سباني

[محمد مطلق الجربا]

اه يا احساس الغريب الي غدى=تايه(ن) مايهتدي سير الدروب
ينتهي صبره ومشواره بدى=بين تيار المأسي والكروب
يرتمي كنه على اوراقه ندى=ويحترق شمع(ن) على ناره يذوب

[محمد مطلق الجربا]

متى اشوفك

انا اسأل

ولا ودي علي تزعل

ابي من جود معروفك

اقلك وين انا اشوفك

واذا عز القا دونك

ولا قد زانت ضروفك

كفاني نضرت عيونك

وكفاني لمسة طيوفك

ولا ترحل

ولا تزعل

انا والله جيت اسأل

متى اشوفك

[محمد مطلق الجربا]

ارقد حبيبي ليت نوم الهنا جاك=وانا انتضر متى قمرنا يلوحي
انا وقلبي والنضر من فداياك=عمري وروحي يابعد روح روحي
تقول لي انسا انا كيف انساك=ما والله انسا من يداوي جروحي

[محمد مطلق الجربا]

تزعل وانا كلي قصايد تناجيك=لولاك ماخط القلم دام ساكن
اجيك يسلم راسك شلون ما جيك=واغني لشوفك لحون الاماكن

[محمد مطلق الجربا]

تدري ان الليل من بعدك نهار=شاب راس الليل من زود القهر
وتدري ان الصبح ف انتحار=شفت من شوقي به نجوم الضهر
ياحبيبي مل صبري الانتضار=كيف ترضا للنضر طول السهر

[محمد مطلق الجربا]

ادريك طيب وادري اني حبيبك=وادريك ما ترضا عذاب الحبايب
وادري وربي يجبرك زود طيبك=وتعودلي من بعد ما كنت غايب
غنيت لك ياغايتي كيف اسيبك=والشوق يحرقني وانا صرت ذايب

[محمد مطلق الجربا]

صباحك نور يسعد لي صباحك=الا يانور عيني في صباحي
عسا نوم الهنا زاد ارتياحك=الا ياغايتي وكل ارتياحي
تعال افرش على صدري جناحك=تعال اغفا واناالي فيك صاحي

[محمد مطلق الجربا]

مسائك ورد

[الشاآآآمخه]

الله يذكر اخي محمد الجربا بكل خير


ان كنت صاحي صباح الورد لعيونك &&
ون كنت غافي عساني ساير احلامك
هــذي تحـيـات مجنـونـك ومفتـونـك &&
الــي امـانـي حيـاتـه يسـعـد ايـامــك

[نــوف]

صح لسانك


قصيدة رائعة


يعطيك العافية
http://www.al-wed.com/pic-vb/813.gif

[الشاآآآمخه]

روائع هذه الاحاسيس
لذلك وجب رفعها

[سنى البدر]

الله يذكرك بالخير أخوي محمد الجربا

مر زي النسمة في ليلة صيف حارة

الله يسعدك وين ما تكون

[طلال فهد الشمري]

الأخ العغالي محمد الجربا

انا اعلم ان الموضوع يفترض ان يكون بلا ردود

لكن تحملني لأقول لك

لله درك لله درك لله درك
مبدع

تحيتي

[رهفتووو]

مثل البخور اصبحت ياشعر بالنـار
احرق وغيري ينتشي من عطـوري
صح لسااااااااانك
بيت عن مليااااااارات الابيات

[محمد مطلق الجربا]

كل الشكر لمن تواصلوا مع هذه المساحه اثناء غيابي

هي مملكتكم

[محمد مطلق الجربا]

المشاعر دون صنعة فبركه=لو لفت تلفي جموح واعتراك
كل درب فيه شده تسلكه=وتنتهي دام واهي تتبع خطاك
الهوى والصمت ليله محلكه=وانت يانور القمر غايب ضياك
ليت كل شي بخفوقي تدركه=ليت تدري ياغلاتي عن غلاك
والله اني واصلن للتهلكه=وش حياتي يا امل روحي بلاك
شوف كيف الحزن ساد المملكه=وانت جافي عنها يا اعذب ملاك

[الشاآآآمخه]

شوف كيف الحزن ساد المملكه &وانت جافي عنها يا اعذب ملاك

هذا حال مملكتك بغيابك
ارجو تثبيت الموضوع يامشرفين
والاستمرار فيه يالجربا

[محمد مطلق الجربا]

كل مسا يمسي معك شكله جديد=يامساء المسك يامسك المسا

وكل صبحن في وجودك صبح عيد=ياصباح الورد ياست النسا

[محمد مطلق الجربا]

الصبح من دونك غدى كله ظلام(ن) في ظلام=وين انت يانور الصباح الصبح من دونك عدم

[محمد مطلق الجربا]

يكفي زعل
يلي انت احلا من العسل
يعني بيرضيك القهر
طول الضجر
ماهز وجدانك ابد ذكراي في بعض الصور
اب اسألك تذكر لقانا بالمطر
يوم السما ماه انهمر
تذكر حروف اسمائنا الي على جذع الشجر
تذكر بديات المسار
اول نهار
في يوم عيني قابلت عينك ومدري ايش صار
ماضن يالغالي نسيت
ون كانك حتى لو نسيت
ارجعك
لا يمكن اني انزعك
وانت الغلا
وانت الحلا
وانته ترانيم الصباح الي ضفا كل الملا
اب اسألك
يلي انت بحساسي ملك
تذكر معي ذيك الحروف
ذيك الرسايل والضروف
ذيك الجمل
ذاك الامل
ضحكاتنا جنب البحر
في يوم جدمي قد عثر
وانته بضحكاتك تقول
انا احمد الله ع البصر
اب اسألك
تذكر لهايب غيرتك لما تغار
يوم اتصلت وشفت جاري الانتضار
ابلشتني بالاسئله
من كان يتكلم معك
وش قالك وش قلت له
جاوب ترى ودي اسمعك
معقول تنسى اول لقا
يوم النقا
يوم الحروف اتبعثرت
ساكت واطالع بك وله
وانته تطالعني غلا
ماتت بجوفي الاسئله
يومن نضرتك يالغلا
يكفي جفا يكفي جفا

انا على حطت يدك مازاد بي الا الوفا

[محمد مطلق الجربا]

سار القدم مدري على وين ناوي=حسيت ضيقن صابني قلت سجه
ساري ولا ادري وين تالي الخطاوي=حتى ولا ادري وين بالي توجه
يالله عفوك من عضيم البلاوي=كن الوسيعه ضايقه في فججه
عزاه ياحال الغريب الخلاوي=الي معاناته بالاجواف لجه
تاقف على رمشه دموع الرجاوي=كنه يدور هامل الدمع حجه
في ناضره ما عاد شي(ن) يساوي=امال عمره خيل عجل(ن) مهجه
متزلزل الواقع ولا عاد قوي=في عالم(ن) صابه من الياس رجه
متعومس الخاطر وحيد(ن) شقاوي=ماعمر يفرح بنفراج الاحجه
ينطر هماليل الرجا في لضاوي=يذري عليه من المقادير عجه
من كل نوع من الكدارات حاوي=كن الزمن في بحر الاحزان زجه
وعلى نثيلة خافقه ذيب عاوي=يقنب على ضلع(ن) صدى الهم فجه
الين يتعب والبلاوي بلاوي=ويعود ماكنه خذا الوقت سجه

[محمد مطلق الجربا]

هوا عاصف الغربه معه طاحت اوراقي=تعرا معه غصني وهو زايد هياجه
اشوف الفضا ضايق مسافات باحداقي=كانه طريقي اللي ولا ادل منهاجه
لك الله ياراسن برغم الاسا باقي=رماه الاسا لكن ثبت للملا تاجه
كثر ماضرب خصمي مع الحض في ساقي=ابا الساق لايضهر للاحزان معراجه
صحيح الالم كافر يقطع بي اعماقي=وصحيح البكا حاجه بيحرجني اخراجه
وانا عالمي كله غروبي مشراقي=غدى دامس النضره ولا يضهر ابلاجه
توسدت انا صبري وتعزويت بأوراقي=وفرشت البقا تحتي والايام ديباجه
فلا الموت مدركني ولا العيش لي لاقي=على كثر حاجاتي ولا عندي الحاجه
زلالي زمى فيضه وانا يبست ارياقي=وحضي همل غيمه من المر وامهاجه
الا يالله الخيره على من بقا باقي=يكابر على الدمه ويزريه مخراجه

[محمد مطلق الجربا]

اكبر الم لو شفت في عين رجال=دمعه وعجز انه بكفه يكفه
كنه اذا قد حرك الكف للعال=تطيح قبل قبل انه يحاول يضفه
واكبر اسى في حال من ما معه حال=العوز معري عن عطاياه كفه
كريم ذات ولو غدى ثوبه سمال=مازاده الا عوز الايام عفه
واكبر قهر طيب اذا طاح بانذال=كل واحد(ن)مابين الاضلاع دفه
ينهض وهو في ناضره صرخة ابطال=ويطيح وجروحه على الصدر صفه
واكبر ضياع اللي نطح واهم الال=وهو مرتجي عن يابس الريق شفه
كل ماوصل اخر حدود المدى طال=وهو بقا له عن لقا الحتف هفه
واكبر ندم للي رما هيبة عقال=وعقب الرزانه زاده السفه خفه
الين ضيع مجتمع ربع(ن) جزال=ثم رد وانضار الخلايق تحفه
واكبر غياب غياب من فيه الامال=اللي حدى دونه نصيبي وزفه
لا دونها شوف(ن) ولا خط مرسال=حتى ولا له لو خبر نستشفه
حالي بدونه حال من فاقد عيال=ثم ضل جالس بين واسط ورفه
ثم رابت دموعه من الجال للجال=وازرى يمينه يعتلي له يضفه
احتال بالحيله وهو مامعه حال=فوق المصيبه عوز الايام كفه
يشعر بذل وداخله صوت الابطال=تعبان كله وانتها حيل كفه
خلوه تاهيه ناطحن واهم الال=ماباقي الا دونه الموت هفه
وهو شعر ساعة ندم طيحت اعقال=في يوم زيد للمخاليق خفه
يلي قريت الخط ذا حال من قال=من عقبها ذي وصفة الحال صفه

[قمر+]

صح لسانك
مااروعــــــــــــــــــــك
حضور متميز
ومتالق
دائما
الابداع
هو
الابداع
اللهم صلي
ع
النبي

[محمد مطلق الجربا]

قمر فديت حضورك

والله ياقمر ماهو الا من تراكمات جروح وجروح وجروح انهكتني

هو ليس ابداع انما هي روح الذكريات تتألم هنا

[محمد مطلق الجربا]

يامهرة الليل ياطفلة صباح الضياء=ياهمسة الروح ياروح الجمل والقصيد
يالمسة الدفىء يالفحة برود الشتاء=يانزعة الموت يانبضة حياة الوريد
ياهيبة الضلم يانضرة حنين الثراء=ياوردة الصبح ياصبح الورود الجديد
ياموجة اليم يايم النفوس الضماء=يابسمة الحلم ياحلم ابتسام الوليد
ياضيقة البال ياشي(ن) وسيع الفناء=ياجنة الروح يانار(ن) تريد المزيد
يادمعة الفرح يا اخر حدود البكاء=يافرحة العيد والثوب الحرير الجديد
شوفي بذاتي لشوفك كم ياء(ن) وياء=يلي تناقض صفاتك من قريب وبعيد
انتي اول اللي عطاني طابع الاغنياء=بالحزن ولا تراها مو بزود الرصيد
وانتي اول اللي عطاني عفة الاتقياء=في عزلتي واحتقار العيش الا الزهيد
وانتي اول اللي عطاني وقفتي فالبلاء=من كثر صداماتك اللي له بريق ورعيد
وانتي اول اللي عطاني كلمة(ن) به ثناء=قلتي لي انك تحمل كل بطش(ن) شديد
وانتي اول اللي عطاني نضرة الاذكياء=لما صنع بي برود نار وسط الجليد
وانتي اول اللي عماني عن جميع النساء=لن النضر مايطاوع كل جادل وجيد
حتى اشعر الكل دونك يشبه المومياء=وانتي الحياة الوحيده في حياة الفقيد
يامهرة الليل يكفي من سخائك عناء=وش وصفك اللي عصاني في بحور القصيد

[محمد مطلق الجربا]

ادري بأن امالنا واقعه مات=وادري بأني قد خذيت التعازي
وادري بأن الندب في جهر الاصوات=ذنب(ن) كبير ولا يحصل مغازي
لكن بقت في داخلي صرخة الذات=ما يحجبه الا عضيم اعتزازي
ياحض ياحض(ن) طويت المسافات=ياليت ما تصبح معاي انتهازي
جزاي منك فجعتي بالنهايات=يعني خيولك شايحه للمغازي
ياحض ما فيني بقا حيل صدمات=شف كيف من بعد الثبات اهتزازي
حزمت للوحده همومي ملفات=وختمت من منفذ زماني جوازي
نويت اسافر غربتي حرف وابيات=وانثر حذر بوحي وكثر احترازي
وارمي بقايا عالمي في زمن فات=ماله معي داعي ولا له جوازي
ومادام كل امالنا واقعه مات=رضيت في موت الامل للتعازي

[محمد مطلق الجربا]

تمتمه
وسط ليله مضلمه
اسدل الليل الستار
وبتدى ذاك الحوار
بيني وبيني وحيد
ايش اريد
يازماني ايش اريد
غير بسمة فرح في صبح(ن) جديد
اكبر امالي ضيا مابه غبار
في نهار
واكبر همومي اهدم ذا الجدار
وابتدي اول مسار
للسعاده والهنا
في طموحي والمني
من انا؟؟
من انا الا بقايا من زمان
راح مع اول زمن
يشتكي للذاكره ذكرى الحنان
وينها ماله وطن
ثم يزور الصوت صمت
واعرف اني جد نمت
في حضن حزني البعيد
وانتها كل ما اريد
وان سألت الليل عني
في جوابه خاب ضني
واحبس انفاسي واغيب
لن في دفتر حياتي لاجديد
لن في دفتر حياتي لاجديد
لاجديد

[محمد مطلق الجربا]

ماراح من عمر الامل غير ثلثين=والثلث الاخر بينك وبين ذاتي
اللي معك اصبح هبوب الدخاخين=واللي معى ذاتي رمت به حياتي
يعني صفقنا للامل بيض كفين=ما عاد تطري فكرته فمنياتي
وما دامها ضاعت معا الزين والشين=ابي اشط الاشواق من ذكراتي
لا عاد تطلق سهم داعج العين=ولا عاد اسطر للغلا مفرداتي
الله على وقت(ن) غدى بينك وبين=دفتر قصيدي والقلم في شتاتي
ومادام لك في داخل القلب عامين=تزجر وهمك داخل الصدر عاتي
ابي اتركك وابشر ترى دمعتك دين=سدادها مني عسى يوم ياتي

[محمد مطلق الجربا]

تعال خذ كفي وسرح جديلك=خله تداعب ناعم الليل وتفوت
يلي كثيرك موت يكفي قليك=من نضرتك او من دفا هادي الصوت
غرقت في صافي فراتك ونيلك=وفي مبسم الولو على ساحل التوت
وفي زبر يبدى من نهاية هزيلك=وفي نحر مرمر فايض النور منحور

[محمد مطلق الجربا]

امر امر وابشر ابشر بالرضوخ=لامرك اللي قلت لي تامر وتم
انت يلي فيك تعبيري يدوخ=جاك حرفي فيه كسر وفيه ضم
ياسليل الحسن يانسل الشيوخ=كل زين الكون لك خال(ن) وعم
يكفي ان من الجمال اسمك شموخ=ويكيفي انك كامل(ن) من دون ذم

[$Shmookh$]

امر امر وابشر ابشر بالرضوخ=لامرك اللي قلت لي تامر وتم
انت يلي فيك تعبيري يدوخ=جاك حرفي فيه كسر وفيه ضم
ياسليل الحسن يانسل الشيوخ=كل زين الكون لك خال(ن) وعم
يكفي ان من الجمال اسمك شموخ=ويكيفي انك كامل(ن) من دون ذم


انت تنهى عن الردود ويأبى الوفاء إلا أن يرد :(

لك الشرف يابنت يومك دخلتي%في دولة الإحساس مع شيخ الإحساس
اليوم في زينك ياشموخ إكتملتي%خط الملك فيك حروف مثل الألماس
مارايحه توفينه حقه مهما قلتي%شكرا لك يامحمد ويسلم لي هالراس
من شمر أهل الطيب في وصفهم إحترتي%فيهم شجاعه وكرم وقوة باس


جلالة ملك دولة الاحساس المعظم % محمد الجربا
أقبل حروفي كما هي فهي صادره من قلب وفي إلى ملك يستحق الوفاء

[محمد مطلق الجربا]

انت تنهى عن الردود ويأبى الوفاء إلا أن يرد :(

لك الشرف يابنت يومك دخلتي%في دولة الإحساس مع شيخ الإحساس
اليوم في زينك ياشموخ إكتملتي%خط الملك فيك حروف مثل الألماس
مارايحه توفينه حقه مهما قلتي%شكرا لك يامحمد ويسلم لي هالراس
من شمر أهل الطيب في وصفهم إحترتي%فيهم شجاعه وكرم وقوة باس


جلالة ملك دولة الاحساس المعظم % محمد الجربا
أقبل حروفي كما هي فهي صادره من قلب وفي إلى ملك يستحق الوفاء


الاخت الكريمه الفاضله شموخ

اتشرف بهذه الابيات التي اعتبرها ةسام اعتزاز من اخت فاضله وكيمه

وان كان للاحساس دوله فانتي دون ادنى شك اميرة تلك الدوله

لك وافر الاحترام

[محمد مطلق الجربا]

وهذه مملكة احساس

يامن استشهدت بها على محمد الجربا


الجربا يكلم الوجوه بالوجوه

واذا طعن يطعن الصدور ولا يطعن الضهور


مودتي للرجوله ان بقيت

[محمد مطلق الجربا]

يمكن هواوي ودايم الرجل يهوى=لكن ابد ما يطعن بغرة انسان

اعشق طراد البيض لا شك واقوى=ومنهو كره لون الزهر وقت نيسان

رجل(ن) انا بعيون الاحباب اسوى=ماني من اللي ماسوى ربع الاثمان

وكان انت رجال وعلى الطعن تقوى=ايك طعن الضهر خلك كحيلان

جساس فعله صار بالناس هزوى=وهذا انت ياجساس عادتك الازمان

[makn]

اسعد الله مسائك ابومطلق
طولت الغيبه ياخوي
صرنا من الشوق لشخصك الكريم نبحث بارشيفك الفذ
لاهنت ولاهان غاليك
ووفقك الله في حلك وترحالك