روايه لكل قلب ثاني

[عاسف المهره]

http://www.ksa-w.com/vb/images/icons/roor.gif رواية لكل قلب قلــب ثاني يحبــه

سلالالام كيفكم عسااكم بخير
أنا حاب أنزل روايتي وأتمنى تعجبكم
وهذي ليست أول مشاركاتي وأول رواية أكتبها
وإذا لقيت ردود راح أنزل الباقي
http://www.ksa-w.com/vb/images/smilies/mor/more9.gif
... لكل قلب قـلبــــ ثاني ـــــــ يحبـــــــــــــــه ...

لكل شخص في هالدنيا
مقدر له شخص ثاني يحبه
طـــال الزمن او قصر
مصيرنا نلاقي شخص
يحبنا ويعزنا ويخاف علينا
ولازم نحترمه ونقدر شعوره
ونعطيه من حبنا قد مانقدر
حتى لو كنا نحب شخص ثاني
نحاول نحبه لان صعب تلاقي
شخص يحبك بهالسرعة

(روايتي تتكلم عن الحب والالم والجروح والاحزان وكل هذا يمكن يتمحي نهائيا بقوة الحب بين قلوبنا ونقدر نعيش بعدها باذن الله بسعاده .. ولازم نتخلى عن الانانيه بقرب احبابنا او ببعدهم..
والحب انواع كثيرة ومنها حب الصداقه ومثل مايقولون الصديق وقت الضيق وهو الوحيد اللي يقدر يواسيه وقت كربته ووقت ازمته العاطفيه لانه يكون الوحيد اللي فاهمه وكل الناس ضده... نوعين من الحب صعب تلاقيه بسهوله وخصوصا بهالزمن .." حب الصداقه اللي هي اغلى من كنوز الدنيا ، والحب اللي كلنا نعرفه لانها راح تتوقف عليه سعادتنا بالمستقبل )

الشخصيات ...
أبو سليمان: ناصر شخص مهمل في عياله مايهتم غير لنفسه و لشياكته .
أم سليمان: ناديا شخصيه عصبيه وتعصب لاصغر شي تحب اولادها كثير لكن ماتبين لهم ,,,
سليمان: 19سنه يدرس في المعهد الثانوي الصناعي آخر سنه
نوف: 17 سنه شخصية شبه انطوائيه صعب تتأقلم مع الناس اللي ماتعرفهم بسرعة ثالث ثنوي علمي
مي: 15 سنه
نايف: 4 سنوات
عائلة عبد الله:
ابو عبد الله: ابراهيم يشتغل بالتجاره وله شركة خاصة به اخو ناديا
ام عبد الله: نوال شخصيه جدا طيبه وتهتم في عيالها وزوجها
عبدالله: 24سنه درس بكلية التجاره واللحين يشتغل مع ابوه في الشركه
عمار: 19سنه أول سنه بالكليه كلية تجاره أخو نوف بالرضاعه
ريم: 17 سنه بنت خال نوف ثالث ثنوي علمي
عائلة محمد :
أبو أحمد : محمد رجل أعمال حرة
أم أحمد : سميه
أحمد:23سنه طالب في كلية الطب هذي آخر سنه دراسه والسنه اللي بعدها تطبيق ...
بدر: 20 يدرس بقسم الهندسه ( وهو مره لعاب لكنه يهتم بالدراسه)
سحر:17 سنه ثالث ثنوي علمي رفيقة نوف الروح بالروح هي اقرب لنوف من ريم ( وفيها نسبة رجه بسيطه)
منى: 15 سنه هذي رفيقة مي بعد
هند هنادي:توأم 9سنين
عائلة بوسامي
أبو سامي:: عبدالرحمن طلق ام سامي وتزوج عليها بحكم إنه مايبيها لاسبابه الخاصه
وجاب منها سامي وروان "سامي 24 سنه يدرس في بريطانيا
روان: 17 سنه ثالث ثنوي قسم علمي
تزوج من غاده وجاب منها نواف وريما
نواف:: 5سنين
ريما:: 3سنوات
باقي الشخصيات راح تتعرفون عليها بالروايه
*************************************
كانت نوف قاعدة تكلم سحر على التلفون
نوف: كيفك سحورة ماوحشتك
سحر: بصراحة قوية لالالالالالالا
نوف: عمى هيا مع السلامة ..
سحر:ههههههههه لحظة لحظة يابنت الحلال
نوف: نعم في شي ثاني يامدام
سحر: إحترمي نفسك آنا آنسة
نوف: طيب ياآنسة سحر تبين شي؟؟
سحر: وش بلاكي إنتي صرتي تزعلين بسرعة
نوف: لأنه دمك ثقيل وصرتي جداً مليقة
سحر: أفا انا صرت كذا
نوف: وألعن كمان
سحر: لالا عاد شكلك زعلانة حيل
نوف: مين قال؟
سحر: لالا عاد كله ولا زعل فوفو حبيبة قلبي
نوف: إي زعلانه من دمك الثقيل
سحر: والله ياقلبي إيش أسوي طفشانة وحبيت أستهبل عليكي
نوف: خلاص بس بكره ماأبغى امشي معاكي
سحر: لافوفو الله يخليكي
نوف ماقدرت تمسك نفسها من الضحك : ههههههههههههههههههههههههههه
سحر: بسم الله وش فيكي
نوف: احســـــــــــن مشي عليكي المقلب صح
سحر: طيــــــــــــــــب أوريكي بكره
نوف: ههههههههه نشوف يامدام
سحر: خلاص راح تشوفين بكره راح أردلك الصاع صاعين ياحلوه
نوف: طيب يالله باااااااااااااي
سحر: باي
&&&&&&&&&&&&&&&&&&&&&&&&&&&&&&&&
سحر قفلت وهي مقهورة من نوف لانها ضحكت عليها وكانت جدا غرقانة في الخطط اللي تبي تسويها لنوف
دخل أحمد وهو معصب: سحرو وين الشاحن حقي ليش تشيلينه (طالع فيها لقاها في قمة السرحان لوح بيده: هلللو نحن هنا
مانتبهتله راح المطبخ وجاب مويه مررررره بارده طشها على وجهها
سحر:آآآآآآآآآآآآآآآآآآآآه عمى انشالله
أحمد: هههههههههه ضربتك عشان تقولين آه
سحر: مالك صلاح وبعدين إيش الهبل ذا
أحمد: والله معصب وحبيت أرفه نفسي عن طريقة إشعال الغضب في قلبك
سحر: ااااااااااااااااااااااه والله إن ماخرجت لاقملك
أحمد: هه أتحداكي يا هيكل عظمي
سحر بس وقفت على السرير هرررب أحمد سريع وهو يضحك
سحر: طيب اللحين مافتكيت من مقلب نوفو السخيف يجي أحمدو ويطش المويه عليا طيب يومٌ لك ويومٌ عليك
أخذت الجوال وأرسلت لنوف ( لاتحسبين ياحلوه إني بكره راح أنساكي )
&&&&&&&&&&&&&&&&&&&&&&&&&&&&&&&&&&
نوف كانت جالسه تضحك على مسجات التهديد من سحر سمعت فجأة صررراخ جامد
طلعت من غرفتها بسرعة شافت أمها تصرخ وتبكي لان أبوها كان يضرب أخوها بشكل فضيع مرررره
ماقدرت نوف تستحمل ودخلت الغرفة تبكي .......
*****************************************
أحمد بعد ماتونس على إخته راح أخذ جواله ولقى فجأة رسالة من حبيبة قلبي {لاتتصل ياأحمد عليا ثاني لاني صراحة لقيت خوي ثاني}
احمد: لالالالالالالا ياحبيتي ليش؟ ليـــــــش ؟.. اتصل عليها فورا ..
__: الو
احمد: ليه ياسارة ليه صرتي ماتحبيني ؟ ليه بتتركيني ؟ (كان يقول هالكلام والدموع محبوسة في عينه شوي وتنزل)
سارة: ماقلتلك لا تتصل ثاني إنت ماتفهم
أحمد: ليه ياقلبي أنا ماقدر أنام غير بصوتك ولا أقدر أعيش بدونك
سارة: باأي لغة تبيني أتكلم أنا مااااابيك أكـــــــــرهك
كانت هالكلمة كأنها سكين تقطع في قلبه : بس أنا والله أحبك
سارة: وانا ماقد كرهت شخص قد ماكرهتك وقفلت
أحمد رمى الجوال وقعد يبكي مثل الطفل اللي فقد أمه (شخصية أحمد شخصية هاديه رومنسيه وقلبه جدا طيب وعطوف)
دخلت سحر تبي تتخاصم معاه شافته طايح على الأرض بشكل محزن يبكي ماقدرت تستحمل راحت ومسكت إيده
سحر: حمودي حبيبي ليه تبكي محد يستاهل دمعه من دموعك تنزل عشانه
احمد: حبيــــــــبتي تركتني لقت غيري بعد كل هالسنين اللي كانت فيه معايا [شهق من البكى] بعد ماخلتني أحبها تركتني
..كان يضرب بيده على الأرض مثل الأطفال ويبكي ..
سحر: ماعاشت ولا إنخلقت اللي تخليك تكون في هالحاله و
احمد مسك فمها :لا تغلطين عليها تراني أحبها
اعطته كف جامد من كثر ماهي مقهورة عليه : اصحى ياحمار تراها عمرها ماحبتك ولا راح تحبك كانت تخدعك ..
ولا تجري ورى وحده ماتستاهل وإن ماخرجت من هالحاله لا إنت اخوي ولا أعرفك ولا يشرفني إنه أخوي يبكي على وحده فاهم..وخرجت
كان قاعد مصدوم من الكف اللي جاله ومن الكلام اللي قالته إخته (وقعد يفكر في مكانه)
خرجت سحر وهي زعلانه ومقهوره على الكلام القاسي اللي قالته وفي نفس الوقت : يستاهل عشان يفوق شوي
أم احمد: بسم الله عليكي يابنيتي علامك تتكلمين بروحك
سحر: لا ولاشي أتذكرت روان وهبالها
ام احمد: طيب أنا اللحين بروح عند أخوكي احمد عشان صديقه ينتظره تحت
سحر قامت بسرعة : خلاص إنتي أرتاحي وانا اأناديه
منى: بس ياشيخه وش هالأدب اللي نزل عليكي فجأة ؟
سحر: أقول محد فاضي يتهاوش معاكي
منى: قولي إنك مو قدي بس
سحر لوحت بيدها علامة الامباله وراحت ..
ام احمد: يعني إنتي لازم تتهاوشين مع كل خلق الله
منى: طفشانه وش أسوي بكره مدارس
ام احمد: أقول أسكتي أفضلك
دخلت سحر على احمد وهو باقي على حالته بس كان جالس مصدوم و آثار الدموع الناشفه باقيه على جفونه ..
خرجت من الغرفه من غير اي كلمه ماحبت تجرحه ثاني وطلعت: ماما خليهم يقولوله نايم تراه تعبان
ام احمد: بسم الله على ولدي وش فيه
سحر: شوية صداع وقال بينام ومايبي اي احد يدخل عليه
*************************************

اليوم الثاني ..كان أول يوم دراسي لكل المدارس ..
في بيت ابو سليمان : يللا ياعيال اجهزوا بسرعة ترى بروح واترككم
نوف: مي وين وديتي أغراضي ؟
مي: وش يدريني عنها
نوف: تستهبلين إنتي وجهك هذا
مي: أحسن من وجهك اللي كانه بلونه[نوف نحيفه بس عندها خدود هي اللي محليتها]
نوف: بطلي هبال وقوليلي وينها ترى بصفقك
مي بكل برود: Idont now
نوف تصرخ: يممممممما
ام سليمان: بسم الله عليكم وش بلاكم تتهاوشون من الصبح
نوف: انا قلتلها كم مرة لاتاخذي اغراضي واللحين ضيعتها وماتبي تدورها
مي: بلا بكش من الصبح
منال: انتو بس كل يوم هواش حتى اليوم اول يوم في المدرسه وتتهاوشون
مي: اقول اسكتي ماباقي غيرك انتي تتكلمين
منال: ليه انشالله ناقصين عين ولا رجل؟
مي: إلا ناقصك عقل ههههههه
نوف: شايفه ياامي تتضارب مع كل خلق الله
نايف: ماما بابا يتول يلا ( بابا يقول يلا )
مي: ناقصنا نيفو يتكلم
نايف: انا ماحبت انتي سريره ( انا مااحبك انتي شريره )
ام سليمان : يابعد قلبي تعال عندي
راح نايف عند امه وطلع لسانه لمي يبيها تنقهر
الكل: ههههه
ابو سليمان: يعني ماخلصتوا
نوف: لا خلاص جاهزين
ابو سليمان: يلا الحقوني على السيارة
نوف وهي تلبس العبايه: باقي حسابك عندي لمن ارجع من المدرسة ياميو الدلخة
مي: ههههه تافهة اقهري نفسك مسز نوف
ام سليمان: لاحول ولا قوة إلا بالله
&&&&&&&&&&&&&&&&&&&&&&&&&&&&&&&&&&
دخلت نوف المدرسة تدور يمين وشمال على صحباتها
جات من وراها : نووووووووووووف
انفجعت نوف لفت بسرعة تشوف مين: هلا بالمرجوجة وحشتيني
روان: حرام عليكي انا مرجوجة يعني ماوحشتك
نوف: ولا وشحتيني حيل وين البنات؟
روان: وش وشحتيني قولي وحشتيني
نوف: عادي ياشيخة تغيير المهم وين باقي الشلة؟
سحر جات من وراهم هي وريم وهديل: هااااااااااااااااي
نوف وروان : بسم الله فجعتونا
هديل: عادي هذي فجعة بسيطة قبل فجعة الدراسة
ريم: انتي لازم تذكرينا يعني خلينا ننبسط اليوم بس قبل الهم
سحر: ههههه مهو احنا ياذكية في المدرسة يعني راح نشوف الكتب والمدرسات ونتذكر غصب عننا
ريم: يعني انتي لازم تحرجيني
الكل: ههههههههه
دق الجرس وكل واحد راح وعرف فصله وطلعت الشلة المحترمه من حظها الحلو كلهم في فصل واحد
هديل: بنات والله حمااااس كلنا في فصل واحد
روان : عاد انا بفل ابوها هذي السنة
ريم: إلا بتفلي جد ابوكي على الدراسة
الكل:هههههههههه
&&&&&&&&&&&&&&&&&&&&&&&&&&&&&&&&&
في مدرسة مي : والله فاتكم يابنات اليوم رفعت ضغط اختي من الصباح
منى: انا والله مافقت اطفش سحر لاني نعساااانه
مي: ياشيخة خيرها في غيرها
منى: وانتي الصادقه
منار: الله يعين اللي يوقع بيدينكم
منى ومي: ليش؟؟
ندى: صراحه كانكم ريا وسكينه
منار: وتخوفون بلد
منى مي: هههههههههههههه
&&&&&&&&&&&&&&&&&&&&&&&&&&&&&&&&
في هذا الوقت كان أحمد جالس لحاله يفكر للحين باللي قالته سحر في نفس الوقت دق جواله
احمدبدون نفس: الو
..: هلا بالقاطع وينك؟
احمد: نعم في شي؟
..: افا ماعرفتني حمود
احمد: يوه ترى مالي خلق مين ؟
..: حمود وش فيك انا رائد
احمد: اوووه معليش تعبان شوي وماعرفتك
رائد: افا تعبان وانا مادري وش فيك؟؟
احمد: لا شوية صداع
رائد: لالا إنت فيك إن
احمد : لا إن ولا أخواتها (ابتسم ابتسامه بسيطة)
رائد: ههههه اقول لازم اشوفك اليوم
احمد: لا مالي خلق خليها مره ثانيه
رائد: لاثانيه ولاثالثة اليوم يعني اليوم لاني عارف إنه فيك شي يلا جهز نفسك باااي
احمد في خاطره:والله انت هديه من السما يارائد انت الوحيد اللي تفهني من غير ماتكلم
&&&&&&&&&&&&&&&&&&&&&&&&&&&&&&&&&&
ام سليمان: يلا ياولدي ياسليمان قوم قبل مايجي أبوك
سليمان: خليه يولي مابغى أروح بكيفي
ام سليمان: لاتسوي مشاكل من الصبح ياوليدي
ابو سليمان دق على ام سليمان بالجوال : وينه سليمانو مارح المعهد؟
ام سليمان : اللحين رايح بس قاعد يتروش
ابو سليمان بسرعة خليه يروح ترى بدأ الدوام
ام سليمان: أبشر اللحين اقوله
**********************************
مر رائد على احمد واخذه وطلعه للبحر ماكان فيه احد ...
رائد : وش فيك ياخوي اشوف هموم الدنيا كلها بعيونك
احمد : والله وعرفت يارئود تختار المكان المناسب اخترت البحر اللي الواحد لما يكون متضايق يشكيله كل همومه
رائد: وش تبي بالبحر وآنا قدامك خرج اللي في قلبك لي مو للبحر هذا البحر اللي قدامك مايوصلك لحلول بمظهره الكاذب المغري للمهمومين اللي زيك اما انا مافي مثلي احم احم
ضحك احمد شوي رغم همه الكبير : والله كأنك تقول حكمة لا وتمدح نفسك بعد
رفع راسه رائد غروراً : احم احم شايف عندك نعمة وماتقدرها
احمد: هههه ترى يقولون انه اللي يمدح نفسه كذاب
رائد: لا ياحبيبي انا غير انا مامدح نفسي غير بعد ماخذت وجهت نظرات الكل عني
احمد : ايوا اغتر بنفسك عادي بس بعد مايجرحك احد انا مالي شغل ههههه
غير رائد الموضوع : إلا قولي وش اللي مضايقك
تنهد احمد تنهيدة طويلة خوفت رائد: اااااااااااااااااه
رائد: سلامتك من الآه وش فيك؟
احمد دمعت عيونه :حبيــــبتي تركتني
رائد: سارة؟!
احمد: هي في غيرها اللي ملكت قلبي
وحكاله كل شي من الرسالة إلى الكلام اللي قالته سحر
رائد: صراحة إختك على حق سارة عمرها ماحبتك
تذكر أحمد { سارة: أقول حمودي
احمد : نعم ياعيون حمودي ياروح حمودي انت
سارة: لا عاد كذا تحرجني أكثر
احمد: خلاص ياقلبو آخر مرة
سارة :طيب حمودي انا ..أ.ح .ب.
احمد: كملي كملي ياقلبي
سارة: انا أحبــــــــــك
احمد: وااااااااااااااااااااااي قوليها ثاني الله يسعدك
سارة: خلاص بلا إحراج
احمد: عشان اصدقك
سارة: ليش اللحين على بالك كذابه
احمد يمزح معاها: إي
سارة: والله أحبــــــــــــــك
احمد: كلللللللللللللللوييييش
سارة: هههههههههه وش فيك انهبلت
احمد" انهبلت فيك انا}
" قام احمد وصرخ والدموع تنزل على خدوده" :لالالالالالالالالالالا مستحيل تكون كذابة "مسك يد رائد وضغط عليها بقوة"مستحيل تكون خدعتني هي تحبنـــــــــــــي فاهم تحبني "ماستوعب إلا بكف جااااااااامد على خده"
رائد: اصحى ياحمار من اللي انت فيه راح تضيع وتضيعنا معاك
احمد توه استوعب الكف وتذكر كف سحر طاح على الأرض منهار : إنتو ماتفهمون لأنكم عمركم ماحبيتو كل واحد يجي ويلطش فيني على بالكم لعبة تضربونها بدال ماترجعوا حبيبتي تطقوني انا مابيكم ابي سارة " وقعد يبكي على الأرض مثل الاطفال"
رائد حزن على حال رفيقه ودمع لكن بنفس الوقت قسى عليه قرب من عنده: انت ماتفهم هي ماتحبك مـــــــــــــاتحبك فاهم اصحى لنفسك ولاتذبح نفسك عشان وحدة ماتستاهل وحدة م..
احمد مسك فم رائد: لاتكمل تراني للحين احبها
سحبه رائد للبحر ورماه قريب من الشاطئ :إذا تبي تذبح نفسك عشانها كاهو البحر قدامك روح وانتحر
جا احمد بيمشي قام رائد واعطاه بوكس محترم نزل الدم منه : احمد وش فيك تبي تدخل النار عشانها؟ تبي تغضب ربك عشان وحدة؟ تبي تخسر آخرتك عشان ترضيها؟ طيب مافكرت برضى ربك مافكرت وشلون تبي تقابله باي وجه وباي صفه؟ ..
احمد جالس في مكانه يسوعب الكلام اللي قاله رائد :......
رائد : قلي جاوبني اللحين ال
فجأة جا أحمد وحضن رائد بقوة وهو يبكي : ساعدني يارائد ساعدني ارجوك
رائد ماقدر يستحمل الموقف وضم احمد اكثر لصدره وهو يبكي: لاتخاف مهما صار ومهما جرى ماراح أتخلى عنك أبد

&&&&&&&&&&&&&&&&&&&&&&&&&&&&&&&&&&&&&&
عند البنات في المدرسة كانت الحصة السادسة
سحر: يوووووه متى نرجع ابغى انااااااااام
روان: هذي اللي انتي فالحة فيه نوم بس
هديل : طبعا ماهي صارت كيس نوم
ريم: إلا أكبر كيس وانتي الصادقه
الكل: ههههههههههههه
سحر: اي بس اضحكوا يعني اللي يسمعكم يقول انكم ماتناموا أبد
نوف: اللحين شوي وبيطلعلها قرون
الكل:ههههههههههههه
سحر: هذا وآنا قايلة إنك بتوقفين معايا إنتي وجهك
هديل: لالاعاد كله ولا زعل المدام
سحر: مدام في عينك "نظرة انوف "كله منك يالسوسة
ريم: حراام عليكي وش سوتلك
سحر: إلا قولي إيش اللي ماسوته
روان: خلاص ترى جبتولي صداع جامد
هديل: حبيبتي مهو إنتي اللي بدأتي على سحر
سحر: يعني بتسوي نفسك بريئة اللحين
نوف: إي بريئة جداً
سحر: طيب يانوفو ماتوقفين بصفي إنتي وخشتك هذي
الكل:هههههههههههههههههههههه
**************************
كان يوم متعب والكل رجع من المدارس ونام ونفس الموال حق أول يوم دراسي اللي مايبي يصحى واللي واللي
الساعة 12بالليل دق جوال نوف بنغمة "انا هاجي على نفسي وابعد يمكن انسى اوام عشان مالقتش راحتي معاك ولامره من نفسي" ردت من غير ماتنتبه للرقم لانه كانت تستنى روان..
نوف: الو
..: ياهلا
نوف: نعم مين معايا ؟
..: هذا رقم نورة
نوف: لا النمرة غلط
..: طيب ممكن نتعرف على الحلو
قفلت في وجهه :عمى ناس ماتستحي
دق ثاني وماردت بعدين قفلت جوالها
ابو سليمان كان قاعد يتخاصم مع ام سليمان وسليمان كان بره
ابو سليمان: انتي ماتعرفي تربي عيالك كلهم داشرين في الشوارع
ام سليمان: يعني انت مو ابوهم اتحمل مسؤليتهم ولو شوي
ابو سليمان: اقول اسكتي احسلك انتي مايبيلك غير كف بوجهك "وخرج من البيت"
نوف كان نفسها تروح عند امها وتواسيها بس عمرها ماتعودت على المشاعر فدخلت الغرفة وقفلت النور وقررت انها تنام.
&&&&&&&&&&&&&&&&&&&&&&&&&&&&&
سحر دوبها صحيت من النوم نزلت وهي تفرك بعينها
ابو احمد: لا صحى النوم كان كملتيها لبكرة احسن
سحر: والله ياليت بس ظهري يوجعني من كثر النوم
منى: طبعاً مهو انتي صرتي كيس نوم
الكل:هههههههههههههه
سحر: وليش انشالله تضحكون؟!
ام احمد: اقول تعشي يابنتي احسلك
سحر: طيب يامنو اوريكي اليوم فاضيتلك
منى: ماما خوفتيني
ابو احمد: بنت خلاص عيب هذي اختك اللي اكبر منك
منى: انشالله يبه
راحت سحر وهي تتوعد لمنى: ليش يقولون لي كيس نوم
بدر: بسم الله وش فيكي تتكلمين بروحك
سحر: كلهم يقولون لي كيس نوم ليش ؟
بدر: بالله يعني انتي مو شايفه نفسك تنامي كثير
سحر: يعني شويه شويتين
بدر: ترى ياحلوة النوم الكثير يتخن
سحر: جـــد
بدر: إي يعني تحسبيني امزح ترى هذي المعلومة من زمان جدي فصفص
سحر: والله على بالي جدي سنفور ههههه
بدر: هه بايخة اصلا محد يعطيكي وجه
سحر: احد ضربك على إيدك وقالك تعال
بدر: يعني هذي جزاتي اني أفدتك بكم معلومة
سحر: من زينها عاد انت قلت بنفسك انه من زمان جدي فصفص
بدر: هه فصفص ولا سنفور يلا إنقلعي
سحر: هههههههههه
راحت للمرايا بسرعة تشوف نفسها تخنت ولا لأ
&&&&&&&&&&&&&&&&&&&&&&&&&&&&&&&&&&&

رائد اليوم كله كان مع احمد وداه المسجد وصلى وجلس اليوم كله وهو ينصح فيه إلين مارده للبيت
رائد: ها لاتنسى اللي قلتلك عليه
احمد: من عيوني
رائد: روح اللحين فاهم
احمد: طيب بس فكنا منك وروح
رائد: طيب هذي آخرتها ياحمود
احمد: خلاص ياشيخ بلحق عليها قبل ماتنام
رائد: طيب يلا باااااااااي
احمد: باي
دخل البيت بهدوء تام مثل عادته لقى باب غرفة سحر مفتوح وكان يراقبها بهدوء قبل مايدخل
سحر: شنو ذا والله صح كلامه بدير متنت وش أسوي ؟عادي عادي مع الدراسة راح انحف
احمد: ليش تبين تنحفين ؟ ترى كذا جسمك احسن من اول ماكان فيه غير العظام
سحر مصدومه:....
احمد: وش فيكي بسم الله كأنك شايفة جني قدامك
سحر: أ ح م د
احمد: انا عارف إنك مصدومه كيف اني طلعت من الحاله اللي كنت فيها
سحر:.....
احمد: بس بفضل أخوي رائد خرجني من اللي انا فيه مع انه بقى جزء من اللي
سحر قاطعته: لا تخاف ياخوي انا بجانبك واي شي تبيه انا تحت امرك ولو تبي عيوني تفداك
احمد راح سلم على جبهة أخته : والله بدونكم مادري وش كنت راح أسوي
سحر: لا ياحبيبي لاتظن إنه هالخدمات ببلاش
احمد: هاو وش تقصدين؟
سحر: يعني ياحبيبي أبغى بعد كذا خدمات جزات التعب اللي تعبته
احمد: هههههههه
سحر: والله فديت هالضحكة انا
احمد: هههه طيب ممكن اطلب منك خدمة؟
سحر: اطلب بس على حسب القدرة
احمد: امممم طيب ابي نسكافه
سحر: يلا ايدك
احمد: على ايش؟
سحر: يعني على التعب اللي راح اتعبه
احمد اخذ المخده وضربها بخفه : خلاص مابي شي
سحر: هههههههههه خلاص اللحين ون منت ويكون جاهز
احمد في خاطره: اللي يسعدك ويفرج همك مثل مافرجتو همي انتي ورائد
**************************************
بعد مرور شهر على الدراسة والكل في جد وتعب .. كان ايوم عيد ميلاد هديل والكل كان معزوم في الاستراحه
نوف: يما الله يخليكي ابغى اروح هذا عيد ميلاده الثاني اللي تعزمي عليه
ام نوف: انتي روحي كلمي ابوكي انا مالي دخل
نوف: يما حتى انتي معزومة
ام نوف: ملبي اروح خلاص
نوف: وش ذا ياامي انتو دايم تحرجوني
ابو سليمان: وش فيكي يانوف
نوف: ها لاولاشي
ام سليمان: يلا اتكلمي ولا بس فالحه تزني على راسي
ابو سليمان كان مرررة رايق: تعالي حبيبتي وش تبين
نوف: اليوم عيد ميلاد صحبتي
ابو سليمان: طيب والمطلوب
نوف: عازمتنا كلنا على الاستراحة
ابو سليمان: وانتي تبين تروحينها صح
نوف: إي
ابو سليمان :طيب جهزي نفسك بعد نص ساعة واشوفك جاهزة
نوف كانت طايرة من الفرح : اللحين اجهز
ابو سليمان: إلا اقول وين سليمان
ام سليمان : مدري خرج
ابو سليمان: لاحول ولاقوة إلا بالله
**********************************
الكل راح الاستراحة واتجمعت الشله
روان: والله حماس اليوم كلنا متجمعين
ريم: هه قديمة
روان: ماقول غير مالت عليكي
هديل: اقول هذا عيد ميلادي لاتخربونه بهواشكم
سحر: والله اخاف شويه مالاقي غير الشعر تتطاير
روان وريم قربو من بعض يبون يقهرونهم : اصلا احنا مانستغنى عن بعض ابد
هديل: إي باين
روان: والله بكيفكم عاجبكم ولا لأ بالطقاق
ريم: إحنا مستغنين عنكم
نوف: سبحان من غير الاحوال
الكل:ههههههههههههه
سحر: يلا بنات نبي نرقص على هذي
الكل قام ورقص على أغنية "إركب الحنطور"
بعد الرقص كانت اللمات مطفيه والشموع والعة والموسيقى جدا هاديه
اهدي سلامي لأعز البشر
اهديكي حياتي ياحياتي
انتي ياللي من بين البشر
لقيتك رفيقه وحبيبة
انتي هدية من السما ..
اهداه ربي لي ولكل البشر
اهديكي سلامي في احلى يوم لك
اهديكي تحياتي ياهدولة
روان : مين هذي اللي غنت
هديل : والله مدري
ريم: صوتها مررة روعه
سحر:وااااااااااااااااااو
هديل: وش فيكي بسن الله فجعتينا
سحر: هذي نوفو اللي معنا
ريم: كذابه احلفي
سحر: والله هي شوفها نازلة من وين
روان: امشي نروح عندها بسرعة
هيل: نوووووووووووووف
نوف: بسم الله وش فيكم؟
روان: مين اللي غنى؟
نوف: ها
سحر: اوا قولي بسرعة مين؟
نوف: هذي..
ريم: كملي
نوف: انا
سحر: شفتوا قلتلكم
هديل: احلفي
نوف: والله العظيم انا
روان: يالنذلة كل هالسنين انتي معانا وماندري غير اللحين
نوف: ..........
سحر: حتى انا اقرب وحدة لكي واللحين اعرف إنه معانا فنانه
نوف: خلاص بنات والله بالقوة اتشجعت وغنيت
ريم: وانشالله ليه ماقلتيلنا من اول
سحر حزنت على شكل نوف اللي شوي وبتسيح من الحيا: خلاص يابنات ماتعرفوا انه نوف جدا خجولة
روان: خلاص هذي المرة سماح
هديل: إي بس من اللحين ورايح في كل مناسبه راح تغني
نوف: تكفين
ريم: لالا تغنيلنا احنا صحباتها وبس
نوف: يعني خلصت من الاستجواب؟
الكل:ههههههههههههههه
سحر: عشان ياحلوة ماتخبي علينا
دق جوال نوف " جبتها عالجرح وكنك مادريت وانت قاصدنا يعليه يصدفك"
نوف اتبكت وحطته على السايلنت ..
سحر: ردي وش فيكي
نوف: لا بس هذا الرقم له شهر يدق علي
سحر: اووف شهر مره وحدة
نوف: شفتي كيف
سحر: طيب عرفتي بنت ولا ولد
نوف: إي طلع ولد رديت بالغلط لمن كنت أستنى روان
سحر: طيب وش قال؟
نوف: يعني منتي عارفه سوالف الشباب
سحر: عارفه بس ابي اعرفها منك بالتفصيل
نوف: ياثقل دمك ياسحر
سحر: وش اسوي ربنا بلاكي برفيه مثلي
نوف: خلاص بعدين وأصلا مو فاكرة بالتفصيل وش قال
سحر: خلاص وعد اكيد
نوف: أكيدين بعد
******************************
ام احمد: هند هنادي يلا تعالوا
هند جات : يما ليش سحر تروح الاستراحة وحنا لأ
هنادي من بعيد: إي يما نبي نخرج اليوم احنا كمان
ام احمد: وش فيكم نطيتوا علي مره وحده
بدر:هههه ربنا بلشنا ببلهتين وش نسوي يايما
منى: لاعاد هم هنا صادقين نبي نخرج مثلها
ام احمد : كاهو بدر قدامكم كلموه
هند وهنادي: بدوري الله يخليك خرجنا
بدر: لالا انا مواعد الربع اليوم بخرج معاهم
منى: عادي وحنا معاك نروح
بدر: بس ياشيخة !
هند وهنادي صدقوا: إي عادي صح ماما
بدر: اقول تستهبلون انتو الثلاثة
منى: أقول إحترم نفسك هذولي البلهتين آنا مو معاهم
بدر:ههههههه إلا إنتي ام الهبال حقهم
هند وهنادي:ههههههههههههه
منى: مالت عليك دمك ثقيل
ام احمد: يلا انا استأذن ابي أنا أبي أنام
هند: طيب ماما إذا طلعنا نصحيكي تروحين معانا
بدر: ومين قالك إني بخرجكم
ام احمد: روحوا عند احمد خليه يخرجكم
هنادي: يووه ياماما احمد من زمان خرج مع ربعه
ام احمد: طيب يلا تصبحون على خير
هند وهنادي: الله يخليك بدر خرجنا
بدر: انتو ماتفهمون
هند: الله يخليك وإذا تبي أي شي نسويلك
هنادي: إي أي شي تبيه
بدر يفكر: امممم ابيكم تضربون منو
منى: نعم
بدر: نعم الله عليك هههههههه
هند وهنادي بشكل برئ : بدوري
بدر: خلاص بكره من الصباح أخرجكم لأني اليوم مره مرتبط مع الربع
منى تغمز لبدر: مع الربع ولا مع حبيبتك
بدر: اقول فكينا من شرك ترى ماخرجك معاهم
منى: إيوا اللحين تبي تتحكم فينا قال
بدر: نعم
هند وهنادي: سلامتك ماقالت شي
**********************************
صار الليل والكل رجع لبيته إلا الشلة المحترمه راح يقعدون للصبح
هديل: تعالوا بنات نشوف المسبح شكله مره مغري
سحر: يلا يلا بسرعة
سحر وهديل أول ناس وقفوا قبال المسبح تماما
ريم تهمس: وش رايكم نطيحهم بملابسهم
روان : يلا بس انتبهوا لايشوفوكم
مشيوا خفيف وطيحت ريم سحر وروان هديل
هديل وسحر:يممممممممممممممممممممما يانذلات
روان وريم: هههههههههههههههههههه
جات نوف بخفه من وراهم وطيحت روان وريم وبعدين في نفس اللحظة نوف اتزحلقت وطاحت
هديل وسحر: ههههههههه أحسن كما تدين تدان
نوف طاحت محل الغريق وهي ماتعرف تسبح
ريم: مررره يأم الحكم
سحر: وش يدريكي انتي بالحكم
ريم: وش يدريني! إلا أدريبها وأدري بأبو ابوها
روان: بنات وين نوف؟
هديل: شوفوا يديها هناك في الغريق
نوف كانت حاسه إنه الموت قريب منها استسلمت بعد كذا محاوله من إنها تلفت أنظار صحباتها
الكل: نووووووووووووووووف
سحر وهي تبكي:نوف حبيبتي وينك
ماكان احد يعرف يسبح راحت ريم بسرعة جابت عوامة الإنقاذ لعل وعسى إنه يساعدهم
ريم كذا مره قاعده تحاول كذا مره تمسك يدها ...
هديل: ريييييييييم إنتبهي لاتطيحي
روان: حاولي تمسكي يدها ثاني
سحر تبكي: انتو لاتشتتوا تفكيرها بصراخكم ولا راح نفقد نوف
ريم وهي تبكي: الله يخليكي يانوف ساعديني امسك إيدك
ريم قدرت بفضل ربي إنها تمسك إيد نوف وسحبتها لطرف المسبح..وبسرعة البنات طلعوا نوف من المسبح
هديل: شوفيها مغمى عليها ماتتنفس
سحر قربت من صدر نوف : دقات قلبها ضعيفه
روان خايفه واقفه من بعيد: أضغطي على بطنها عشان يطلع المويه إلي بلعتها
ريم: وش فيكي واقفه من بعيد تعالي ساعدينا
روان: لالالالا أخاف
ريم: مافي أحد من أهلك هنا؟
هديل: لالا كلهم راحوا عشان بابا تعبان
ريم: ياربي وش هالبلشه
سحر راحت وأخذت جوالها

&&&&&&&&&&&&&&&&&&&&&&&&&&&&&&&&&&&&&&&&

تتوقعن وش راح يصير؟؟

هل نوف راح تموت ويفقدونها صديقاتها؟؟
وسحر ليش أخذت الجوال وبمين راح تتصل؟؟

انتظر ردودكم دمتم بخيرعاســــــــــــــــــف المهره

[عاشق حسين عبد الغني]

روووعة يعطيك العافية