بعض البشر

[عبدالرحمن المحارب]

السلام عليكم ورحمة الله وبركاته
اسعد الله اوقاتكم بكل خير هذي قصيده تعبر عن نفسها وامل ان تحوز على شي من ذائقتكم
((بــعــض الـبــشــر))

بعض البشر ياسعود يذبح غيابـه
.................لوهي دقيقه كنهـا غـاب عاميـن
وبعض البشر لو غاب محدن درابه
..................موجود واللى غايب(ن) وش يدرين
وبعض البشر بالخير كل(ن) حكابه
..................يشهد له القاصي ويشهد به ادنين
وبعض البشر طاريه تلقـا سبابـه
.................في كل مجلس ينطرى فعله الشيـن
وبعض البشر غرك بلبست ثيابـه
.................ولامن هرج ودك تلوحه حصاتيـن
هرجه مثل بوم(ن) يصيح بخرابـه
.................لامن رطن يفتح سـدود المغيبيـن
بعراض كل الناس ينهش بنابـه
.................مستسعر(ن) بلحومها والدماميـن
على النمامه يالربـع هـج بابـه
.................في مجلسه دلـة نمايـم يقهويـن
وبعض البشر ذيب(ن) ربا مع ذيابه
.................منزالهم روس المراقيـب عاويـن
في خوتـه تلقـا طبوعـه ذرابـه
.................منطوق هرجه مختلف فيه اثنيـن
في عشرته تلقا الوفـا والحبابـه
.................وقت الشدايد عزوته رمح وسيفين
في مجلسه تلقا السوالـف دعابـه
.................وفي طاعة الله دوم حنـا مبديـن
نخشا من الله وخايفين(ن) عذابـه
.................دنيا الفنا يـوم الخلايـق مقفيـن
وصلاة ربي عـد بـرق السحابـه
......على النبي اللي على الناس هادين

قصيدة عبدالرحمن المحارب

[@ترايستار@]

اهلين بالشاعر ويامرحبا به = قصيدتك جزله وما تكتبه زين
شاعر وكلن حب يقرا كبابه = سجل معك فياض ضمن المحبين

[مطرف شمـــال]

شاعر مشاعــــر بين في الكتابه=قصيدتك فكت الارقاب والدين
شعرك احب اقراه وانا من عجابه=انا وابن فياض ضمن المحبين

كل على شفه مورن له= وانا على شف نياتك مباريها
مشكووووووور عبد الرحمن على القصيدة الجزلة

[عبدالرحمن المحارب]

حي الله الشعار نسل الذيابه
................فياض ومطرف نوركم زاد نورين
ماهي غـريبه ردكم والكتابه
...............حـيث انكـم شعـار والقـول جـزلين

صح الله ابدانكم ولسانكم اسعدني مروركم تقبلو تقديري واحترامي