المساعد الشخصي الرقمي

مشاهدة النسخة كاملة : اجي لك بالغطو عاني.....؟؟؟؟ حله كاتم الونة والفياض


ابو ماجد 2
15-07-09, 06:57 AM
السلام عليكم ورحمة الله وبركاته

اجي لك بالغطو عاني=ابي اسمين يافلاني
وكلٍ عكس للثاني=وين اللي بالغطو فنه

الاول له بنات كوم=بهن ساع النزال حسوم
ماقول ظالم ولا مظلوم=ظروف الحال حدنه

الاخرى اعيالها واجد=تشابه بينهم تاجد
يقل مافيهم الساجد=ونار الله والجنه




تحيتي وتقديري للجميع

ذيب الفلا
15-07-09, 10:50 AM
صح لسانك

المطلوب الاول مذكر والمطلوب الثاني مؤنث..

مسوي فاهم هههههه جاري التفكير

ذيب الفلا
15-07-09, 10:52 AM
رمعه تجريبيه ههههه

الصدق والكذب

ابو ماجد 2
15-07-09, 10:55 AM
صح لسانك

المطلوب الاول مذكر والمطلوب الثاني مؤنث..

مسوي فاهم هههههه جاري التفكير
هلا بك
صح بدنك وانت ابو المفهوميه لاعدمناك
تحيتي لك

ابو ماجد 2
15-07-09, 10:57 AM
رمعه تجريبيه ههههه

الصدق والكذب

حياك الله
المقصود بالعكس عكس الحروف
على طريقة برقع عقرب

الشاآآآمخه
15-07-09, 11:08 AM
صح اللسان مبدعنا وقائدنا ابو ماجد

احتمال
نجم الثرياء
هذا الي جاء بالمخيخ الايمن وارسله للمخيخ الايسر

ذيب الفلا
15-07-09, 11:09 AM
اثرني مبعد :)

طيب وش رايك بهالرمعه .. رف =رفوف .. فر =فرار

ابو ماجد 2
15-07-09, 11:31 AM
صح اللسان مبدعنا وقائدنا ابو ماجد

احتمال
نجم الثرياء
هذا الي جاء بالمخيخ الايمن وارسله للمخيخ الايسر
هلا بك وتشرفت بمرورك
والمخيخ الايسر ماصدق هالمره ونبي من الايمن مباشرة هههههههههه
تحيتي لك وتقديري

ابو ماجد 2
15-07-09, 11:33 AM
اثرني مبعد :)

طيب وش رايك بهالرمعه .. رف =رفوف .. فر =فرار
هلا بك يالغالي
والرمعتين مالك لوى يالطيب
تحيتي لك

ذيب الفلا
15-07-09, 12:20 PM
ابو ماجد ..

الحق تراني تحطمت (:

وانا فيني حاله اذا تحطمت ما اقدر احل شي ياخي ..المفروض تقدرون وضعي وتساعدوني

إقلها فسرو لي الابيات

المخ تعطل عندي

لأكن خذ هالرمعه .. ماهو الشعر ..رعش

الا صح رعش له معنى . لو ماله بركب له يعني رعشه هههههه

ولد القصيم
15-07-09, 12:35 PM
مشكور

ابو ماجد 2
15-07-09, 01:18 PM
ابو ماجد ..

الحق تراني تحطمت (:

وانا فيني حاله اذا تحطمت ما اقدر احل شي ياخي ..المفروض تقدرون وضعي وتساعدوني

إقلها فسرو لي الابيات

المخ تعطل عندي

لأكن خذ هالرمعه .. ماهو الشعر ..رعش

الا صح رعش له معنى . لو ماله بركب له يعني رعشه هههههه

لا يالغالي ان شاء الله ماتحطم
المسأله اسمين متعاكسين كقولك شعر ورعش
ولكن هالاسمين كل واحد عطيتك وصف عنه على ضوءه تاتي رمعته

ابو ماجد 2
15-07-09, 01:18 PM
مشكور

مرحبا فيك

ذيب الفلا
15-07-09, 02:26 PM
رمعة ماشي

حرب ..برح

المشكله ان برح مالها معنا الا اذا زدت الهاء ..> برحه

سيف.. فيس..< فيس اتوقع وجه

المهم ابو ماجد اعذرنا ع القصور .. ابي اسافر ويمكن ما القا نت ..

ولاكن نتقابل بلغز ثاني اذا الله كتب

لك خالص الشكر..

كاتم الونة
15-07-09, 02:37 PM
السلام عليكم ورحمة الله وبركاته






اجي لك بالغطو عاني=ابي اسمين يافلاني
وكلٍ عكس للثاني=وين اللي بالغطو فنه

الاول له بنات كوم=بهن ساع النزال حسوم
ماقول ظالم ولا مظلوم=ظروف الحال حدنه

الاخرى اعيالها واجد=تشابه بينهم تاجد
يقل مافيهم الساجد=ونار الله والجنه





تحيتي وتقديري للجميع



الله الله الله الله

صح قلبك يالامير . ابداع متجدد وتألق ـ تبارك الله

استلم لاعدمتك


هلابك والغلا باني=وهلا باللغز ملياني
بناه المبدع الباني=هلا من كاتم الونة
الاول له بناتٍ قوم=ينقلهن كذا ملزوم
يحدن من نوى للصوم=سلاحه يالغلا منّه
والاخرى شرها هاجد=وتالي لا يابوماجد
اهلنا مالهم ناجد=غواها ابليس ابوزنة



المحــ (q47)ــب

رهفتووو
15-07-09, 05:34 PM
جاري التفكير
والظاهر جابها كااااتم(q78)

ابو ماجد 2
15-07-09, 06:18 PM
رمعة ماشي

حرب ..برح

المشكله ان برح مالها معنا الا اذا زدت الهاء ..> برحه

سيف.. فيس..< فيس اتوقع وجه

المهم ابو ماجد اعذرنا ع القصور .. ابي اسافر ويمكن ما القا نت ..

ولاكن نتقابل بلغز ثاني اذا الله كتب

لك خالص الشكر..
حياك يالغالي
والرمعات مالك لوى
وتروح وترجع بالسلامه

ابو ماجد 2
15-07-09, 06:25 PM
الله الله الله الله

صح قلبك يالامير . ابداع متجدد وتألق ـ تبارك الله

استلم لاعدمتك


هلابك والغلا باني=وهلا باللغز ملياني
بناه المبدع الباني=هلا من كاتم الونة
الاول له بناتٍ قوم=ينقلهن كذا ملزوم
يحدن من نوى للصوم=سلاحه يالغلا منّه
والاخرى شرها هاجد=وتالي لا يابوماجد
اهلنا مالهم ناجد=غواها ابليس ابوزنة



المحــ (q47)ــب

يازين الرد لاجاني =سريع ماهو متواني
يصوغه صوغ فناني=يجيب الحل ويكنّه
الا ياقرم ابن قروم=ترى هذا الرجل معلوم
له ادوار ولا هي اتدوم=مع اللي بالطرب فنه
مادام شرواك متواجد=ترى كل العسر هاجد
سلام من ابو ماجد=عليك ياكاتم الونه

ابو ماجد 2
15-07-09, 06:27 PM
جاري التفكير
والظاهر جابها كااااتم(q78)
هلا بك
وكاتم جابها تلميح ونبغاها منكم تصريح
تحيتي لك

كاتم الونة
16-07-09, 02:02 AM
يازين الرد لاجاني =سريع ماهو متواني
يصوغه صوغ فناني=يجيب الحل ويكنّه
الا ياقرم ابن قروم=ترى هذا الرجل معلوم
له ادوار ولا هي اتدوم=مع اللي بالطرب فنه
مادام شرواك متواجد=ترى كل العسر هاجد
سلام من ابو ماجد=عليك ياكاتم الونه



الله يسلمك من كل شر يالامير

وصح قلبك ولاهنت . رد كايف ولغز ممتع ـ متعك الله في الدارين

محبي وتقديري

:)

اللغز مازال قائم حتى تأتي الرمعة بالتصريح . :g8546:

@ترايستار@
16-07-09, 05:11 AM
بإذن الله .. انا اللي بيصير اسمي جنب اسم القبطان بالعنوان <<< كم في ذلك نان ههههههه << يقلد كاتم
توني ما بعد فكرت ..
بس جيت اتحدى هع هع هع
صح لسانك ابو ماجد .. صح لسانك كاتم
سأقوم بفحص اللغز والرمعه .. والله كريم
:÷أ؛&لأ×[{‘إألأ}[أ،لآ :)

@ترايستار@
16-07-09, 05:19 AM
اشتهيت احلل .. اللغز والرمعه

احس اني .. يوم افكر بالكتابه ع الكيبود .. تترتب افكاري

اذا فكرت وانا مو ع الكيبود .. اغدي ههههههههههه
واقوم اغني .. وينلحس مخي ..

شوي بسوي تحليل للغز ورمعة كاتم
مع اني اشوفها لغز ثاني ههههههههههههههههه

@ترايستار@
16-07-09, 05:34 AM
اجي لك بالغطو عاني
عاداتك تجي .. وتجيب السمين يالدب

ابي اسميـن يافلانـي
مطلوب اسمين ..
للحين ما ندري وش السالفه .. هل مذكرين .. او مؤنثين .. او مذكر ومؤنث .. الزبده : مدري مدري


وكلٍ عكـس للثانـي
اها .. بدأ الدب يسترسل .. وأنا فاتح فمي هههههههههههههههه
هنا قال الاسمين .. كل واحد منهم عكس الثاني

مثل .. بر .. و .. رب ..
كل اسم له معنى ومواصفات تختلف عن الثاني ..
بالعربي الرجال جايب لغزين ههههههههههه
بس بطريقة احترافيه
والجميل في مثل هالنوعيه من الالغاز
ان التعاكس .. يسهل الرمعه
اول شي تبحث عن اسم وتكسه ويطلع لك اسم صحيح
وبعدين تطبق المواصفات ..
تصير الدائره محصوره في المعاكسات ذات الدلالات الصحيحه
يعني مثل .. فياض .. لا يمكن نجربها
لأن عكسها .. ضيفلا .. بدون معنا ..



وين اللي بالغطو فنـه
كالعادة .. تحفيز ..
انا يابو ماجد .. بس احيانا ما تضبط معي هع هع هع




الاول له بنـات كـوم
حلو .. هذا الاول .. مذكر .. وله بنات
يعني من مواصفات هالمذكر .. انه عنده حاجات مؤنثه
واستخدامهم بالشطر اللي بعده

بهن ساع النزال حسوم
كمان حلو ..
هالبنات .. يستخدمهم في الحرب هههههههههههه
خلونا ندوري في شغلات لها علاقه بالحرب
لحظه : مو شرط حرب بمعنى الحرب
يمكن عندما يترض لمشكله ..
الوكاد .. كلمة نزال .. تدل على انه يستخدمهم في صمخ الاعداء هع هع هع


ماقول ظالم ولا مظلوم
الله يحوس العدو ..
كيف .. يعني نبعد عن الحرب ههههههههههه
بس انت تقول ماقول ..
إلا باقي فيه مجال للحرب والدفاع عن النفس
لكن ابو ماجد يقول .. ما يدري .. هل هو ظالم او مظلوم



ظروف الحـال حدنـه
يعني مظلوم هههههههههههههه
مدري مدري


الاخرى اعيالها واجـد
ايوه .. عكس الاسم المذكر .. يطلع بنت .. حلو حلو
علشان نستبعد اي .. اسم مذكر وعكسه شيء مذكر ..
بدت الدائرة تضيق عليك يابو ماجد هع هع هع
هذي بنت ولها عيالك كثير ..
عكس المطلوب الاول .. رجل وله بنات


تشابـه بينهـم تاجـد
عيالها .. يتشابهون ..


يقل مافيهـم الساجـد
هنا اشاره .. إلى انهم مو بشر
بس والله البشر فيه كفار وما يصلون
اجل شيء هالبنت لو كانوا عيالها بشر مو من ربعنا
واذا جماد .. في الغالب صناعة كفار .. او هالمصنوعات محرمه


ونـار الله والجـنـه
احسها تقفيله .. مافيها معنى
مدري مدري

للحين ما جاء في بالي ولا شيء هع هع هع
الشكوى لله :أ؛لأ؛‘&لأ×÷لأ‘إ‘إأ’{لأ لآأ :)

@ترايستار@
16-07-09, 05:45 AM
هلابك والغلا بانـي
مت من الغيره ..
يقوله يالغلا .. وانا دايم يقولي يالمصري

وهلا باللغز مليانـي
زيادة غلا ..
صح اللغز فعلا مليان .. لكن هو مايقصد شهادة لأبو ماجد .. ابو ماجد الغازه الكل يشهد لها
بس يبي يقهرني .. يقول .. لغز ابو ماجد مليان ويمدحه علشان يقهرني هالدب لأنه هو اللي حله


بناه المبـدع البانـي
روعه بابو منصور .. فعلا مبدع وباني وقدوه لنا ..
كش منكم ..
والله كش جلدي .. حسيت بوناسه وأنا اشوف شغلكم مع بعض


هلا من كاتـم الونـة
لبى قلبك .. كلام يدخل القلب
وين الرمعه ..



الاول له بناتٍ قـوم
وربي نفس كلام ابو ماجد هههههههههه
اقصد ما وضح شيء نفس الوصف



ينقلهن كـذا ملـزوم
فيه زيادة توضيح
هالبنات يشيلهن ..
يعني بناته منه وفيه او يحملهن
مو بنات بس بالاسم .. ولاهم في جسمه

يحدن من نوى للصوم
ما فهمت
كيف .. يحدن اللي يبي يصوم ..



سلاحه يالغـلا منّـه
تأكيد على بهن وقت النزال حسوم
هنا تأكدت سالفة السلاح والحرب والدفاع عن النفس



والاخرى شرها هاجد
ما بان شيء .. بنت ما فيها شر

وتالـي لا يابوماجـد
حاليا هالبنت فيها شر او خطر


اهلنـا مالهـم ناجـد
ما فهمت .. يقول اهلنا ما حد ينجدهم .. ويساعدهم
مدري مدري


غواها ابليس ابوزنة
هالبنت طاعت ابليس

ياويلي منك ياكاتم
من جد رمعتك ضيعتني وخربطت تفكيري ..
عاد انا على بالي مصحصح ههههههههههههههه

مالي حيله إلا اجيب اسماء واعكسها لين الله يفرجها ..

ابو ماجد 2
16-07-09, 07:00 AM
اجي لك بالغطو عاني
عاداتك تجي .. وتجيب السمين يالدب

ابي اسميـن يافلانـي
مطلوب اسمين ..
للحين ما ندري وش السالفه .. هل مذكرين .. او مؤنثين .. او مذكر ومؤنث .. الزبده : مدري مدري


وكلٍ عكـس للثانـي
اها .. بدأ الدب يسترسل .. وأنا فاتح فمي هههههههههههههههه
هنا قال الاسمين .. كل واحد منهم عكس الثاني

مثل .. بر .. و .. رب ..
كل اسم له معنى ومواصفات تختلف عن الثاني ..
بالعربي الرجال جايب لغزين ههههههههههه
بس بطريقة احترافيه
والجميل في مثل هالنوعيه من الالغاز
ان التعاكس .. يسهل الرمعه
اول شي تبحث عن اسم وتكسه ويطلع لك اسم صحيح
وبعدين تطبق المواصفات ..
تصير الدائره محصوره في المعاكسات ذات الدلالات الصحيحه
يعني مثل .. فياض .. لا يمكن نجربها
لأن عكسها .. ضيفلا .. بدون معنا ..



وين اللي بالغطو فنـه
كالعادة .. تحفيز ..
انا يابو ماجد .. بس احيانا ما تضبط معي هع هع هع




الاول له بنـات كـوم
حلو .. هذا الاول .. مذكر .. وله بنات
يعني من مواصفات هالمذكر .. انه عنده حاجات مؤنثه
واستخدامهم بالشطر اللي بعده

بهن ساع النزال حسوم
كمان حلو ..
هالبنات .. يستخدمهم في الحرب هههههههههههه
خلونا ندوري في شغلات لها علاقه بالحرب
لحظه : مو شرط حرب بمعنى الحرب
يمكن عندما يترض لمشكله ..
الوكاد .. كلمة نزال .. تدل على انه يستخدمهم في صمخ الاعداء هع هع هع


ماقول ظالم ولا مظلوم
الله يحوس العدو ..
كيف .. يعني نبعد عن الحرب ههههههههههه
بس انت تقول ماقول ..
إلا باقي فيه مجال للحرب والدفاع عن النفس
لكن ابو ماجد يقول .. ما يدري .. هل هو ظالم او مظلوم



ظروف الحـال حدنـه
يعني مظلوم هههههههههههههه
مدري مدري


الاخرى اعيالها واجـد
ايوه .. عكس الاسم المذكر .. يطلع بنت .. حلو حلو
علشان نستبعد اي .. اسم مذكر وعكسه شيء مذكر ..
بدت الدائرة تضيق عليك يابو ماجد هع هع هع
هذي بنت ولها عيالك كثير ..
عكس المطلوب الاول .. رجل وله بنات


تشابـه بينهـم تاجـد
عيالها .. يتشابهون ..


يقل مافيهـم الساجـد
هنا اشاره .. إلى انهم مو بشر
بس والله البشر فيه كفار وما يصلون
اجل شيء هالبنت لو كانوا عيالها بشر مو من ربعنا
واذا جماد .. في الغالب صناعة كفار .. او هالمصنوعات محرمه


ونـار الله والجـنـه
احسها تقفيله .. مافيها معنى
مدري مدري

للحين ما جاء في بالي ولا شيء هع هع هع
الشكوى لله :أ؛لأ؛‘&لأ×÷لأ‘إ‘إأ’{لأ لآأ :)
تحليل رائع بس الدب دب مافيه فايده اسمك ومانت عارف عكسه وشلون تبي تحل اللغز
فياض عكسها ضايف يالدب
راجع مابينته بالاحمر

كاتم الونة
16-07-09, 12:10 PM
تحليل رائع بس الدب دب مافيه فايده اسمك ومانت عارف عكسه وشلون تبي تحل اللغز

فياض عكسها ضايف يالدب

راجع مابينته بالاحمر


ههههههههههههههههههههههههه

اصبر اصبر يابوماجد . شكله ضارب فول وجاي يترنح :rofl951:

كاتم الونة
16-07-09, 12:20 PM
هلابك والغلا بانـي
مت من الغيره ..
يقوله يالغلا .. وانا دايم يقولي يالمصري

هههههههههههههههههههههههههههههه

لا والله مت من الفول والمعصوب في هالصبح والقيض :rofl951:


وهلا باللغز مليانـي
زيادة غلا ..
صح اللغز فعلا مليان .. لكن هو مايقصد شهادة لأبو ماجد .. ابو ماجد الغازه الكل يشهد لها
بس يبي يقهرني .. يقول .. لغز ابو ماجد مليان ويمدحه علشان يقهرني هالدب لأنه هو اللي حله

خخخخخخخخخخخخخخخخخخخ

كل هذا عشان اقهرك؟ ههههههههههه:rofl951:


بناه المبـدع البانـي
روعه بابو منصور .. فعلا مبدع وباني وقدوه لنا ..
كش منكم ..
والله كش جلدي .. حسيت بوناسه وأنا اشوف شغلكم مع بعض

ههههههههههههههههههه

لا والله كش جلدك من اللي في بطنك :rofl951:


هلا من كاتـم الونـة
لبى قلبك .. كلام يدخل القلب
وين الرمعه ..

لبيت حاج ياقلبي :secret25:



الاول له بناتٍ قـوم
وربي نفس كلام ابو ماجد هههههههههه
اقصد ما وضح شيء نفس الوصف

اصبر لاتستعجل :secret25:

ينقلهن كـذا ملـزوم
فيه زيادة توضيح
هالبنات يشيلهن ..
يعني بناته منه وفيه او يحملهن
مو بنات بس بالاسم .. ولاهم في جسمه

كمان لاتستعجل عهههههه:secret25:

يحدن من نوى للصوم
ما فهمت
كيف .. يحدن اللي يبي يصوم ..

صحيح ملك الحوبطة (qq168)

يالله يالمحوبطاتي/ يحدن من نواه ان يصوم عنه :secret25:



سلاحه يالغـلا منّـه
تأكيد على بهن وقت النزال حسوم
هنا تأكدت سالفة السلاح والحرب والدفاع عن النفس

نعم نعم صحيح :secret25:



والاخرى شرها هاجد
ما بان شيء .. بنت ما فيها شر

صحيح فيها شر وكان هاجد :secret25:

وتالـي لا يابوماجـد
حاليا هالبنت فيها شر او خطر

نعم نعم نعم فنان يالدب ههههههه:secret25:


اهلنـا مالهـم ناجـد
ما فهمت .. يقول اهلنا ما حد ينجدهم .. ويساعدهم
مدري مدري

نعم نعم ممتاز :secret25:


غواها ابليس ابوزنة
هالبنت طاعت ابليس

طاعت ابليس وتسلطت على اهلنا هذه الايام :secret25:

ياويلي منك ياكاتم
من جد رمعتك ضيعتني وخربطت تفكيري ..
عاد انا على بالي مصحصح ههههههههههههههه

مالي حيله إلا اجيب اسماء واعكسها لين الله يفرجها ..

والله ماباقي الا الرمعة (vv)

انظر للاحمر داخل الاقتباس يادب مصري :rofl951:

@ترايستار@
16-07-09, 03:10 PM
انا مسكين .. انا حرام ..

كاتم ليه تتريقون علي ..
واحد يقول دب والثاني يقول مصري ..

والله انا حبوب
تدري ليه .. لأني كل ما فكرت بأسماء وعكسها ..
كل فتره لازم .. تطلع معي سالفة حفر ورفح ههههههههه


واحتاس من جديد .. اقول يمكن ذولي كلهم مذكرين .. على اساس حفر .. اسمه ظاهريا مابه تأنيث
ورفح .. مركز
ومره اقول كلهم مؤنث ..
الحفر ديره .. ورفح ديره

ومره اقول الحفر ديره .. ورفح مركز هع هع هع

انا عارف مالهم علاقه باللغز ..
لكن من كثر ما حاسني لغزك الماضي ..
كل فترة تفكير آخذ لي قسط من الراحه مع حفر ورفح .. واتناشب معهم هع هع هع
جازت لي ذاك اليوم سوات بعض الناس .. يوم حط شغله وبعدين راغ عنها هههههههه
اما لو تحصل لي اليوم ..
مو مشان شيء .. بس مشان نقضي من هاللغز .. ونتفرغ لغيره
اشوف بعض الناس يطبطب على بطنه وكاشخه هع هع هع كنه جاي من عرس ومتعشي لحم حاشي و رز زايد دهنه .. وشارب علبة ببسي ومنتفخ ..
ومنزل لغز ..
على طاري منتفخ .. اليوم سيكون الارسال مقطوع عندي من بعد العصر هع هع هع
لين مدري متى
بحضر زواج بالرياض
عاد حنا ياهل الخرج .. نعتبر روحتنا للرياض سياحه
اذا انعزمنا بالرياض نمشي بدري ههههههههههههه
غير نمر كم مكان نتمشى قبل المناسبة

الزبده اني سأتعرض لممارسة الاكل ..
سواء في التمشيه او في الزواج .. ونفسي اتعشى وانا مرتاح
خايف تجي معي سالفة رفح .. حفر .. وانا ع الصحن وتنغص علي عيشتي

من تلوينات الاخ صديق ابو ماجد
فهمت سالفة نواه يصوم
هذا ممكن يوكل ههههههههههههههههه يعني جرجير .. وعكسها رجريييييج .. الله يرج مخ العدو
اما لو يطلع يوكل هههههههههه .. بس التفاح ما يدافع عن نفسه
ياخوفي يكون كائن حي
البرشومي هع هع هع
يدافع عن نفسه ولا يخلي احد يقربه .. ويبط بط ..

خلونا نعكس برشومي .. يموشرب هههههههه هذي مثل فياض وضيفلا .. مالها سنع

بروح .. اشرب قهوة تركي .. واصحصح واجي بإذن الله

قهوة تركي = يكرت هوهق ههههههههه حرام عليكم لحستو مخي بتعكيس هالكلمات

مخي = يخم

ايو الله مخي صار يخم العلم ويخطيه
ابو ماجد انت وصديقك القبطان نامق
بعد شوي صلاة العصر
ياشينين خافوا من الله ..
اخوكم المسلم الفياض يبي يخشع في صلاته
يخشع = عشخي
صلاته = هتالص
مدري مدري ...

وين غالي وسلا قلبي اللي ناشبين لي في الغازي
ما يجون يفكونا من هاللغز
:/أ×؛أ*؛:×أـ<:×أـ÷<ـ‘ :)

@ترايستار@
16-07-09, 04:11 PM
نيص ابو شوك
عكسها صين هههههههههههههههه

تعال ياكاتم قلي صح يمكن ابو ماجد رايح يشتري اغراض للبيت

كاتم الونة
16-07-09, 04:44 PM
هههههههههههههههههههههههههههههههههههههههه

هههههههههههههههههههههههههههههههههههههه

هههههههههههههههههههههههههههههههههههه

مدري مدري = يردم يردم = لحست مخي معك يالدب خخخخخخخخخخخخ

:)

السيف 2
16-07-09, 04:57 PM
نيص ابو شوك
عكسها صين هههههههههههههههه

تعال ياكاتم قلي صح يمكن ابو ماجد رايح يشتري اغراض للبيت




ههههههههههههههههههههههههههههههههههههه


الفياض


دوختني بتحليلك (ghqv)

لكن تحليلك يمين والحل يسار


لكن الرمعه انا اقول لك صح اللسااااااااااااااااااااااانك :c010:

ابو ماجد 2
16-07-09, 05:55 PM
هههههههههههههههههههههههههههههههههههههههه

هههههههههههههههههههههههههههههههههههههه

هههههههههههههههههههههههههههههههههههه

مدري مدري = يردم يردم = لحست مخي معك يالدب خخخخخخخخخخخخ

:)

http://animaldiversity.ummz.umich.edu/site/resources/Grzimek_mammals/Hystricidae/Hystrix_cristata.jpg/medium.jpg

يالدب صحححححححححححححححح لسسسسسسسسسسسااااااااااااااااانك
وبيض الله وجهك
رمعة معلم تخب عليك يالدب هههههه
كفو يابو علي

@ترايستار@
16-07-09, 05:55 PM
هههههههههههههههههههههههههههههههههههههههه

هههههههههههههههههههههههههههههههههههههه

هههههههههههههههههههههههههههههههههههه

مدري مدري = يردم يردم = لحست مخي معك يالدب خخخخخخخخخخخخ

:)

يردم مين جعل عدوك يردمونه شيول
يعني مو صح .. ياحراااااااااام
لا تخليني ارجع .. اعكس كلمات
خلنا نجرب شيول ..
لويش ههههههههههههههه
لويش تقول مدري مدري ياكاتم .. تشنها رمعتي ما جازت لك
حتى انا مدري مدري
تراك اخرتني عن المشوار يادب

كاتم الونة
16-07-09, 09:46 PM
http://animaldiversity.ummz.umich.edu/site/resources/Grzimek_mammals/Hystricidae/Hystrix_cristata.jpg/medium.jpg


يالدب صحححححححححححححححح لسسسسسسسسسسسااااااااااااااااانك
وبيض الله وجهك
رمعة معلم تخب عليك يالدب هههههه
كفو يابو علي


هههههههههههههههههههههههههههههههههههههههه

حرام عليك يابوماجد تجيب صورة بعض الناس (q69)

صح قلبك لغز يكيف الخاطر

:)

كاتم الونة
16-07-09, 09:47 PM
يردم مين جعل عدوك يردمونه شيول
يعني مو صح .. ياحراااااااااام
لا تخليني ارجع .. اعكس كلمات
خلنا نجرب شيول ..
لويش ههههههههههههههه
لويش تقول مدري مدري ياكاتم .. تشنها رمعتي ما جازت لك
حتى انا مدري مدري
تراك اخرتني عن المشوار يادب

ههههههههههههههههههههههه

ياواد سيب اللكاعة ابوماجد اعطاك الرمعة :g8546: