من اروع واجمل القصايد

[عبدالعزيزمشي]

يا معدي المرقاب خله لمشتاق***حدر وخل معذب القلب يرقا

ياليت ربي ماخلق حب وفراق***والا خلقن حبن علي غير فرقا

لسديري

امير الشعر

,,,,,,,
يا ناهـبٍ قلبـي فدلـك لهـوه .. ..ضمه على قلبٍ يحبـه ويغليـه
وإلعب وخرب مـا تريـده بقـوه .. ..ما دمت نبض القلب وشلون تذيه
قلبي فداك اللى تبي فيـه سـوه .. .. وأنا بموت بكـل شـيٍ تسويـه
>> .... <<
,,,,,,,,,
يوم الله احسن صورتك خصني فيك
فـيك الجـمال وصــادق الــود فيني

شعري يزين بوصف زينك وطاريك
والأرض مــن مـمشـاك فيها تزيني

اول غــناتي صوت الأشـواق يدعيك
واخــر غــناتي شـق صدري حنيني

خالـــــد الفيصل

,,,,,,,,



لاخان ساس البيت يطـرح علـوّه ..... والريح ماهـز الجبـال الرواسـي
بني رشيد اهـل الوفـا والحمـوّه ..... لاصار في دور الزمان انعكاسـي

لشاعر
شبيب جعيلان الدقباسي

,,,,,
ياعبيد انا خابرك ورع لهالحين = داوي بغبات الجهل وظلماته
لاشك علمي لك محبه وتفطين = تسمع الوالد وثبت وصاته
وصاة مخلوق يعرف القوانين = مافات عمره بالجهل والهياته

مرشد البذال


,,,,,,,


وشعاد باقـي مـن هذيـك النوايـف.. .. لا صرت في ريفٍ وانا عنك في ريف
عشنـا ولايـف وافترقنـا ولايــف.. .. ويلاه مـن بعـد القلـوب المواليـف
امـرٍ مقـدر ياحسيـن الوصـايـف.. .. عمر الليالي ما تهيـا علـى الكيـف

للشاعر محمد عبيد الميع العازمي



,,,,,,


البارحه ياحسين مركاي كوعي .. .. من العشا الين اذن الفجر ياحسين
وكل السبب طيري حسين الطبوعي .. .. النادر الي شوفته تطرب العين


مشعل الحبيني


,,,,,,


اشرب الفنجال واكب البياله .. .. تابع سلمي سلوم الاوليني

>>.....<<

,,,,,,
احدٍ رصيده فالبنوك مخزوني .. .. واحدٍ معاشرت النشاما رصيده


سالم بن تويم الدواي

,,,,,,

كيف انا المجني عليه وكيف صرت الجاني .. .. لعنبو حظك ضبطت الخلطه السريه

تركي الميزاني

,,,,,,


يالله ياللـي عالـم بكـل الاسـرار
ياخالـق الاكـوان والكـون كلـه

تغفر لمنهو دمـع عينـه كالانهـار
والصدر ضايق ياعرب فيـه علـه

حبيت انا واحد وسببلـي اضـرار
الله يكون بعـون مـن راح خلـه


<<.......<<

,,,,,,,,,,

يوم الزمان بطربته موجهلي ****كني مدور حاجتن وأذكروله

واليوم طاري الحب خله يولي****قلبي على المطراش ريح ذلوله

من يوم بان الشيب في عارضن لي****والكبر بانت في عظامي افعوله

اليوم جزت من الجهاله لعلي ****مثل الذي في توبته باركوله

أيامي اللي من قديم أضحكن لي **** أقفت كما نشرن بعيدن محوله


مرشد البذال ... رحمه الله ...
,,,,,,,


درستني لين جـبـت مـن النسـب مـيـه بـمـيــه
واكتشـف محبـوب قلبي فا الهوى نسبة ذكائي


اشهد اني قبل اعرفه كنت احــب العـنجـهـيـه
ما اتـقـيـد با الأوامـر فا الهـوى دايـم فـدائـي

<<....>>

,,,,,,


اضحك بوجهك والبلا بين الاضلاع.. .. اخاف يبلاني من الناس شمات
اداري بضحكي همومي والاوجاع.. .. اخذت انا من دنيتي علم واثبات


خالد بن حطاب


,,,,,

وافز لامن جابو النـاس طاريـك .. .. واسرح مع الهوجاس وارجع واكره
ياعاشق الهجران ربي يجازيـك .. .. ليتك تذوق الحب لـو بـس مـره

<<--->>

[خيال الذهبي]

مشكووووووووووووووووووووووووووووووووور والله يعطيك الف عافيه

[غزالة شمر]

المبدع عبدالعزيز مشي مساءك عبق بورد الجوري \\\\\

صح لســـان القائل ..وسلمت اناملك
ابياااااات قــمـــة في الروووووعة ..

أبيات عانقت قمم الإبــداااااع ..

أشكر لك هذا الجمال المنسكب هاهنا






روعه روعه روعه

اهنيك اخوي عبدالعزيز

على باذختك الراقيه

كل شطر احلى من اللي قبله

سلمت ياراقي على هالابداع

تقبل مكوثي ..

فأنا مازلت أرتشف من فيض بحرك





دمت بحفظ المولى
اختك \غزالة شمر

http://images.google.com.sa/url?source=imgres&ct=tbn&q=http://asas123.jeeran.com/%25D8%25B4%25D9%2583%25D8%25B1%25D8%25A7-%25D9%2584%25D9%2583.gif&usg=AFQjCNGlbS6QZvxDq5iZFbrWO5iXa9-IzQ

[أميرة الورد]

يعطيك العافية على الابيات الرائعه

[عبدالعزيزمشي]

اشكركم على المرور