سأتزوج الثانية ؟؟بصراحة نساء الجيل الحالي 4 عن وحدة

[~سليل المجد~]

بسم الله الرحمن الرحيم
اتاني جاري العزيز وعلامات الحزن مخيمة على وجهه والله قلت يمكن يبي سلف قلت ابشر يبو خالد طلبك موجود وامنا اخوان لايهمك على خلفية سابقة ان ولدة خالد صدم بالسيارة يوم الثلاثاء فقال ربي يسلمك يابو صالخ والله ماجيتك بهالخصوص

انا جيتك بامر اكبر
عدلت جلستي وقلت يارب تستر لايكون الراجل ذبح لة واحد بس خبري بة ماهو من اهل المشاكل

قلت يالبية يابو خالد ترى رقبتي سدادة

قال ابي اتزوج وابيك تزوجني
قلت ياولد فزعتني الله لايفزعنا الا بطاعتة

قال العلم جاك والله من بعد ماتوفت ام خالد ماعرفت للحياة طعم

قلت ياولد توك متزوج ماكملت اربع سنين

قال وانا اخوك الله يعلم بالحال اقول لك الله يرحم ام خالد والله ماحسيت اني متزوج من يوم ماتت

قلت طيب البلا منك نفسيا او من المرة

قال لا والله البلا ماهو بمني البلا في المرة وانا اخوك

ماحس انها مرة

ابي مرة مرة هذي اشغلتني الله لايشغلني الا بطاعتة

مرتن ابيك تنزلني اتسوق اشتري فستان مثل فساتان فلانة

ومرتن تجي من عند اهلها وهي لاويتن بوزها وشبك قالت بيتنا نبي نغير ديكورة

حتى الوجبات اللي كنت متعودن عليها قلبتها هرفي

لخبطت عيشتي يابو صالح

قلت طيب وراك ماخذت وحدة من الجيل الاول وريحت عمرك

قال غلطت وانا اخوك غلطت

بنات اليومين مايصلحن للزواج هذويلي منظر وديكور

والحين ابيك توافق تزوجني بكريمتك الله يحفظك

قلت اشوف رايها وارد لك خبر

والله ياجماعة تلفت حولي وناديت ام صالح قلت السالفة كذا وكذا قالت يستاهل وراة ماخذ وحدة بعمرة يبي يمشي بنات الناس على جيلة وايامة هذي بنت صغيرة وتبي تعيش حياتها مثل غيرها والله تراني يابو صالح ناوية اغير بحياتنا شوي

قلت اصه اصه لاحد يسمعك

الحين ابي استشيرك تسمعيني هالكلام ترين لو سمعتة لاتزوج عليك

والحين وش السوات يالربع

هل فعلا بنات اليومين هذي مو حق زواج وحقات ديكور وخرجات فعلا

ام زمانهم غي زماننا

ام ماذا

[بياض الثلج]

الله يعينا عليكم

[الحب خالد]

والله مشكلتكم مشكله يارجاجيل الوقت هذا
كل العلل بالحريم الحين
وانتم اللي كاملين مكملين ماشاء الله
اجل قلبت الحياة هرفي .. طيب من اللي يروح يجيب الهرفي ولد الجيران
والله اذا صاروا رجاجيل الوقت هذا مثل رجاجيل زمان الزم ماعليه بيته
وزوجته وعياله يجي يحاسب
مهوب من ربع انتي اشتغلي والراتب لي ..والا عطيني اياه والا مالك روحة لاهلك والا مالها احترام قدام عيالها واذا بيناديها يناديها كأنه عدوه مهيب زوجه
والا ماعندي فلوس راحت فلوسكم قطة في الاستراحه
اقول ان كان رجاجيلنا اليوم من جيل الدخان والاستراحات والغزل وشارع التحليه
والسفر وكازبلانكا والدمار والخراب والتصوير والعبث باعراض المسلمين
لايجي يتفلسف ويبي مره سنعه الحرمة السنعه مهيب له ولا يسوى اظفرها
والله ثم والله ثم والله لو الرجل يقوم باللي عليه ماتصير ذا المشاكل
الف وحده مطلقه ومليون معلقه والسبب مافيه رجاجيل صاحين
الف مراهق مدمن وطفل متشرد والسبب رجاجيل باسماء اباء
الف طفله تتعذب وتنكوي من زوجة الاب والسبب ما فيه رجاجيل
ياليتها بس على وجبة هرفي والا تغير البيت كانت اهون
الحرمه اذا لقت لها رجال انضبطت واذا لقت لها ::::::::::::::
يستاهل ما يجيه
يا بسمة مسلم قل لابو خالد بنات الاجواد وااجد بس خذ اللي من عمرك
لاتاخذ ام 15 سنه وتبي عقلها ابو 30 سنه طال عمرك
يوم انك تبي تتشبب ..هي بعد تبي تعيش حياتها
سلمني على ام صالح وقلها تسلمين ويسلم منطوقك يا العاقله

[فيلسوف البدو]

شف يابعدحي لكل زمان دولة وهالدولة لها رجالها وحريمها والوكاد راحت
علينا او رحنا عليهن بنات اليوم وكلن يقول عن نفسه انا الافضل وتبقى مسالة
الافضلية نسبية بين الجيلين والوكاد وش لنا بوجع الراس من بنات الجيل وبعد
وش لبنات هالجيل بوجع الراس معنا والله يرزقنا من العوانس ويرزق بنات اليوم
اللي يسعدهن ويكون لهن عون على الطاعة

[خفايا الروووح]

ماتشوف شر انت و موضوعك

[ولد ضلمى]

قبل فتره قراءة عن دراسه عالميه اجرتها مجله عالميه ,,
اوضحت ان النساء الخليجيات اكثر نساء العالم استهلاك
لادوات التجميل النسائيه , وفي استهلاك الملابس والاحذيه
ووو وبارقام مخيفه ...................
ماهو السبب طيب !!!!!!!!!!؟؟
هل نساء الدول الاخرى وثقات من جمالهن عكس الخليجيه ؟

[سمــو الاحســاس]

تتكلم عن (نساء الجيل الحالي) على قولتك وكن رجال هالوقت ملائكه منزلين من السماء
ولعلمك يا سيد المرأه من حقها تشري و تلبس مثلها مثل أي مرأه أخرى والا انت
ماخذ بنت الناس شغاله عندك (تطبخ لك وتنفخ لك )وتفرغ شهوك بس يا الحبيب ..

[فارس العجمي]

والله يخوي جارك معه حق يجوز عشر لو مسموح
بنات اليوم عصاقيل وما عندك احد اهم شي تجلس
قدام المرايه وهات يا مكياج من برا حلوه مره ومن داخل
يعلم الله

[مذهله]

البعض منكم يفقد عقله مرتين الى اربع

[~سليل المجد~]

تبقى وجهات نظر

واللهيابنات اليومين هذا مثل سيارات هونداي ديكور وحركات وبس شهرين تلاقيها بلا صدام

حركات

نفسي اعرف وحدة تروح عرس بدون مكياج او كوفيرة

اقسم بالله البعض منهم لو ماتسوي مكياج وتشوفها ان غير تفز من نومك تقول شفت فلم مرعب ياكافي

ومش كلهم عشان مايزعل البعض من النسوة فية حريمات جمالهن رباني

بس القصة مو هنا

القصة اكثرهن ماتعرف غير تطبخ اندومي

جيبها لقرصان والمطازيز والحنيني قسم بالله تشوف العجب

والا تعال تبي حرمتن تركد معك تسولف ماغير ناطتن قبال لمراية

والاولاد تربيتهم على الشغالة

امحق من جيل

[سمــو الاحســاس]

تبقى وجهات نظر

واللهيابنات اليومين هذا مثل سيارات هونداي ديكور وحركات وبس شهرين تلاقيها بلا صدام

حركات

نفسي اعرف وحدة تروح عرس بدون مكياج او كوفيرة

اقسم بالله البعض منهم لو ماتسوي مكياج وتشوفها ان غير تفز من نومك تقول شفت فلم مرعب ياكافي

ومش كلهم عشان مايزعل البعض من النسوة فية حريمات جمالهن رباني

بس القصة مو هنا

القصة اكثرهن ماتعرف غير تطبخ اندومي

جيبها لقرصان والمطازيز والحنيني قسم بالله تشوف العجب

والا تعال تبي حرمتن تركد معك تسولف ماغير ناطتن قبال لمراية

والاولاد تربيتهم على الشغالة

امحق من جيل

اللي يسمعك الحين يقول شباب سعوديا اربيا كلهم (بجمال) ليوناردو دي كابرو <<رجاء لا أحد ينبرش ويقول تشبهنا بكفار انا اتكلم عن الجمال
الحين اغلب اللي (يتزوجن) موظفات فشي طبيعي انه ما تكون متفرغه لطبخ القرصان والحنيني لسعادك ..
(أخوي اللي أحب اقوله لك مثل مال للنساء عيوب فالرجال لهم نصيب من ذلك)

[الحب خالد]

تتكلم عن (نساء الجيل الحالي) على قولتك وكن رجال هالوقت ملائكه منزلين من السماء
ولعلمك يا سيد المرأه من حقها تشري و تلبس مثلها مثل أي مرأه أخرى والا انت
ماخذ بنت الناس شغاله عندك (تطبخ لك وتنفخ لك )وتفرغ شهوك بس يا الحبيب ..

يا سمو والله انك عقلاني جدا .. بعد الكلام هذا
مشكلة رجاجيلنا ناكشخنا قالو ليه
وان ما كشخنا قالو ليه
يبون الزله

[نور القصمان]

وش فيك على الحريم الله يزوجك وحدة اتوريك انجوم القايلةابي وابي ووووووو

[الحب خالد]

تبقى وجهات نظر

واللهيابنات اليومين هذا مثل سيارات هونداي ديكور وحركات وبس شهرين تلاقيها بلا صدام

حركات

نفسي اعرف وحدة تروح عرس بدون مكياج او كوفيرة

اقسم بالله البعض منهم لو ماتسوي مكياج وتشوفها ان غير تفز من نومك تقول شفت فلم مرعب ياكافي

ومش كلهم عشان مايزعل البعض من النسوة فية حريمات جمالهن رباني

بس القصة مو هنا

القصة اكثرهن ماتعرف غير تطبخ اندومي

جيبها لقرصان والمطازيز والحنيني قسم بالله تشوف العجب

والا تعال تبي حرمتن تركد معك تسولف ماغير ناطتن قبال لمراية

والاولاد تربيتهم على الشغالة

امحق من جيل

بسمة مسلم الله يرحم والديك انا ابنشدك تقدر تروح لعرس بدون شماغ او بدون ثوب نظيف ؟؟؟؟
يا اخي المرأة جُبلت على حب الزينه ... واذا تزينت ما اعجبت وان ما تزينت ما اعجبت
وبعديم يا بسمه من قال ان بنات الوقت هذا ما يعرفون الا الندومي ؟؟
يا اخي لاتشتري الاندومي
الله واكبر ياشباب اليومين هذي اللي لمبة ما يعرف يركبها ..
ترانا كلنا في الهواء سواء
وبالنسبه للشغاله لاتقنعني ان الرجال اذا كان عنده سواق هو اللي يودي عياله ويجيبهم من المدارس او يوديهم لامورهم ..
تلقاه متكي بالاسترااحات
والله من البلا في ذا الاستراحات

[... بنت الجنوب ...]

عسى كريمتكم تعدل نظرة ابو خالد من ناحية بنات هاليومين.(qq22)
وصل سلامي لام صالح تراها ماقالت الا الحق.:whwhwh:

[~سليل المجد~]

المثل يقول الرجال مايعيبة الا جيبة والمرة تعيبها كشتها وبراطمها المنفخة ووجها اللي تقول سبيس تون قبل مايفتح
خلن عنكم الهرج الرجل سبحان الله ينفع لجميع الازمان ويتكيف مع كل الوقات والازمنة مثل الضب
بس انتم قسم بالله الواحدة تعدي الثلاثين ماتدري هي رايحة او جاية تقول برميل

خلن عنكم بس قالت شماغ ادري بروح بشماغ وماقلنا لاتلبسن بس امحق زينة عند المشغل من 2 الظهر الين تسعة بالليل سبع ساعت زينة وش ذا والله يمديني اروح مكة واعتمر وارجع او يمدي مهندس يركب مكينة جمسفيها

[مذهله]

المثل يقول الرجال مايعيبة الا جيبة والمرة تعيبها كشتها وبراطمها المنفخة ووجها اللي تقول سبيس تون قبل مايفتح
خلن عنكم الهرج الرجل سبحان الله ينفع لجميع الازمان ويتكيف مع كل الوقات والازمنة مثل الضب
بس انتم قسم بالله الواحدة تعدي الثلاثين ماتدري هي رايحة او جاية تقول برميل

خلن عنكم بس قالت شماغ ادري بروح بشماغ وماقلنا لاتلبسن بس امحق زينة عند المشغل من 2 الظهر الين تسعة بالليل سبع ساعت زينة وش ذا والله يمديني اروح مكة واعتمر وارجع او يمدي مهندس يركب مكينة جمسفيها




ههههههههههههههههههه

وش عندك الله يصلحك

اخاف يخربونك اخويانك مرة عبد الرحمن ومرة هذا اللى يبي يعدد

كلها زواجه واحده وانت تكره تخش هالمنتدي

هذا وجهي ان ما ندمت(q69)

[الحب خالد]

المثل يقول الرجال مايعيبة الا جيبة والمرة تعيبها كشتها وبراطمها المنفخة ووجها اللي تقول سبيس تون قبل مايفتح
خلن عنكم الهرج الرجل سبحان الله ينفع لجميع الازمان ويتكيف مع كل الوقات والازمنة مثل الضب
بس انتم قسم بالله الواحدة تعدي الثلاثين ماتدري هي رايحة او جاية تقول برميل

خلن عنكم بس قالت شماغ ادري بروح بشماغ وماقلنا لاتلبسن بس امحق زينة عند المشغل من 2 الظهر الين تسعة بالليل سبع ساعت زينة وش ذا والله يمديني اروح مكة واعتمر وارجع او يمدي مهندس يركب مكينة جمسفيها


اقول خل عنا الامثال
اجل بعد المثل يقول ظل راجل ولا ظل حيطه
يعني انتم والحيطه مثل بعض ..
اما عاااد يتكيف مع كل الاوقات والازمان
فأنا اشهد والدليل شباب اليومين هذي اللي مانفرقه عن خواته من الشعر
لا وينسق لون ربطة الشعر مع التي شيرت
ويروح يسوي حماما مغربي وتنظرف للوجه وخرابيط الحريم
اما المشغل من الساعه 2 هذي مبالغ فيها يامسلم وش دعوه عاد
وعلى فكره حتى لو راحت 2 احيانا يكون المشغل زحمع تتوقع المشغل بس لوحده
شف لازم نتفق ان مثل ما فيه بنات ما حولك احد فيه رجال تسحب عليهم
انت ماجاك ايميل الرجال اللي راح مع زوجته لماليزيا ورجع وخلاها عشان ماتروح عليه قيمة التذكره
هذا وش نصنفه والله بزر كبيره عليه

[مذهله]

يالله ان تزوج اخونا بسمة مسلم وتفكنا منه وتنكد عليه حريمه

ااااااااامين

[شمس موون]

صلوا على النبي ياجماعة الخير .
يمكن الاجواء الربيعيه هالايام عامله ضغوطات نفسيه ماثره على الجميع..
الرجاله مش عاجبهم حال نسوانهم ..
والنسوان تغيرت علومهن بعد الافلام التركيه..

[روعة ملاكـ]

بصراحة اصابع يدينكم مو مثل بعض
الحين الي بتزوج علي زوجتة حكم علي البنات من هالبنت ..
لا البنات مو سواء الحين انا مثل ماعرف اطبخ الي بعمري طباخات .
الرجال الشاطر مايتزوج علي حرمتة علشانها تعشية من هرفي بالعكس ممكن يغيرها كثير وكثير .
علي حسب ماهو يبغي يجيبها بالطيب والسياسة .
مو اذا قالت لة غير الديكور يقول ابي اعرس . التفاهم بين الزوجين شي مهم جداً .
وعادي لو كانت هي صغيرةوهو كبير ممكن يخليها خاتم باصبعة وكذا لك الزوجة تخلي زوجها خاتم باصبعة .
بالتفاهم والفكر والتضحية ممكن الرجال يتنازل عن شي زوجتة تبغاة ويضحي لها ويجيب لها الي هي تبغاة حتي لو هو مايبغي هالشي .
والعكس الزوجة تضحي لزوجها حتي لو هي ماودها بالشي .
يعني الحين امهاتكم وابائكم ماصبروا علي بعض اكيد بحياتهم مشاكل وكل شي بس كل واحد يضحي للثاني كان ماستمرت حياتهم للحين .
ويعني الرجال هذا ممكن يساعد زوجتة بالمطبخ اذا ماعرفت تطبخ بطريقة حلوة مو يحسسها انة يبغي يعلمها . يجيب لها كتب طبخ ويطبخ معها الي هو مشتهية . الين تتعلم الزوجة .
عادي يقول لها ابطبخ اليوم معك وتكون معة تساعدة وبكذا تتعلم .
مو بس توة متزوج ولا عجبتة زوجتة بيتزوج عليها لا يتحملون بعض الحياة كذا لازم الواحد يتحمل الثاني .
وشكرا


وكل واحد راية محترم ماحد يفرض راية علي الثاني .
وكل الاراء في محلها ...
وهذا رايي ماقصد بة احد هذا يناقش الموضوع نفسة .
وشكرا

[الفارس الهلالي]

اشوف في مواضيعك يا اخي تعميم ظالم جدا على الحريم

انا اقول لك العلم وخذها مني

لو ما في رجال يضبط حريمه ويصير كفو لكلمة رجال لا تلوم الحريم بعدين

لا تشوف المسألة من فروعها، لا لا ، شوف الجذور

[الشاآآآمخه]

انا اقول نعم فيه نساء موقد المسؤليه
لكن والله لايقات على ازواجهن
فمثلما البنت لاتعرف طبخ القرصان
نجد زوجها بالمقابل لايعرف يذبح الذبيحه بل بعضهم اذا شافها تنذبح داااااخ
بالله عليكم هذولا رجال

[~سليل المجد~]

يالله ان تزوج اخونا بسمة مسلم وتفكنا منه وتنكد عليه حريمه

ااااااااامين

يامذهلة وربي متزوج بوحدة تسوى الف من بنات اليوم

ام صالح ربي يخليها لي ولن ابدلها

بعدين اسالك بالله تسمين بنات اليوم نسوان((قمة التحطيم))

[SAUDI LORD]

انا ما اشوف مشكلة ابد

طبيعي واحد شايب ما يتأقلم مع وحده صغيرة والعكس

اين المشكلة يا اخي الكريم ؟؟

[أخت القمر]

شي طبيعي وبديهي انهم ماراح يتفقون

بعدين وش فيهم الاهالي يزوجون بنت صغيرة تبي تلبس وتروح وتجي بواحد كبير يبي مرة تخدمه وتونسه وتكون شايفه من الدنيا مثل مشاف وبعدين تبتدي الشكاوي ماتصلح لي وماتناسبن

انا تقدم لي واحد عمره48 بصراحة حسيته كبير علي يعني ماراح يكون نشاطه مثل نشاط ابو 30 مع ان اهلي يقولون مو مهم مسألة العمر فالرفض احسن لي وله .

[~سليل المجد~]

حسيته كبير علي يعني ماراح يكون نشاطه مثل نشاط ابو 30 .


(wtg)(wtg)(wtg)

[الفارس الهلالي]

(wtg)(wtg)(wtg)
مع احترامي لك

اقتباسك لهالجزئية فقط من كلامها مال امه داعي

[~سليل المجد~]

انا ما اشوف مشكلة ابد

طبيعي واحد شايب ما يتأقلم مع وحده صغيرة والعكس

اين المشكلة يا اخي الكريم ؟؟




الرجال مافيهم كبير وصغير:ham020:

ولكم في رسول الله اسوة حسنة

الحرمة بس لها تاريخ انتهاء (q47)

مدة صلاحيتها 45 سنة بعدين اكسباير

[~سليل المجد~]

مع احترامي لك

اقتباسك لهالجزئية فقط من كلامها مال امه داعي

عشان ابين للجميع ان بوة بناتن اجرأ من الرجال ياسيدي الفارس

[SAUDI LORD]

الرجال مافيهم كبير وصغير:ham020:

ولكم في رسول الله اسوة حسنة

الحرمة بس لها تاريخ انتهاء (q47)

مدة صلاحيتها 45 سنة بعدين اكسباير







اعذرني اخي الكريم كلامك غير منطقي وغير مرتب

ركز شوي وناقش

[~سليل المجد~]

اعذرني اخي الكريم كلامك غير منطقي وغير مرتب


ركز شوي وناقش


ماشفت احد يناقش

الحريمات يدافعون باستماتة ومش راضيا يعترفون باللي فيهم

والرجال ماشفت احد الا قليل

صار الموضوع حزبي اكثر من نقاش

وتراني ماجبت شيء جديد فان سن اليأس للمرأة 45 حسب قوانين العلماء والطب والتشريع

[همس الانوثه]

الله يصلحك يابسمة مسلم وراك مشتب علينا اليوم والله ماهقيناه منك والحريم مختلفات فيه زين وفيه شين 00

[مستغرب]

يجلس علي ذكرى ام خالد ابرك له

[بياض الثلج]

هذا نموذج من جيلكم

http://www.qassimy.com/vb/showthread.php?t=263723

[سيمار]

عشان ابين للجميع ان بوة بناتن اجرأ من الرجال ياسيدي الفارس



ايه بالحيل
هذا وانت عندك مركز صيفي وكله محاضرات
وشخليت للمراهقين يابو صالح

وعز الله ان الحب خالد وفت وكفت
رجال هالوقت يجيبون العله
لامظهر ولا مخبر

[بياض الثلج]

ام صالح ربي يخليها لي ولن ابدلها


بعدين اسالك بالله تسمين بنات اليوم نسوان((قمة التحطيم))



(q79)
ولي يقول لأبو عدي ابغى اتزوج مييييييييييييينها1

[رجل من عالم آخر]

يالغالي حالة جارك تبقى حاله خاصه
وقد توجد حالات مثل هالنوع لكن تظل نادره
كل المجتمع اللي عايش فيه انا من أصدقاء وأقارب مبسوطين بزواجهم
روحات وجيات ووناسه وفله وسفر . وفوق هذا تربي الاطفال
ومحافظه على بيتها وزوجها .
ما أقول الإ الله لايغير علينا

[سيمار]

(q79)
ولي يقول لأبو عدي ابغى اتزوج مييييييييييييينها1

ياشيخه عديهااااااااااااااا
استغفر الله بس
<<تكتب وتمسح

[بياض الثلج]

ياشيخه عديهااااااااااااااا
استغفر الله بس
<<تكتب وتمسح

هههههههههههه
باركِ لي نمت من الساعة 11,30 الى 2 توني صحيت تعبت من سويت رز بالبن (a24)

[مشرقه]

يجلس علي ذكرى ام خالد ابرك له


والله أنك صادق ...آجل يتزوج بنت في سن بناته ويقول ماينفعون


أكيد ماينفعون ....آآآآآآآآيه الظلم ده يأخوانا ....رقاله ماتختشيش

[زرقاءاليمامه]

بالخير وش ماكل ابو صالح اليوم (a24)




ما تلاحظون انكم كسرتو خشش بنات الناس(qq122)




اقول الحين حنا صدق جيل نبي نكشخ ونبي الزين ياملحنا بس



لكن انتم طال خشمك ما ادري عمرك ما تقولي ليش الشباب



باديين يطولون شوشهم ويحطون ميكب ؟(qq122)(a24)القرد قرد لو كان فوق الشجره ههههههههه



وبالنسبه لطبخ ما كل بنت ما تعرف تطبخ وتفشل بزوااااااااااااااجها انت وكمان خويك ابو خالد ما عندك احد(q104)


ليش ما دور على بنت سنعه مو بنت على قولك ما تاكل إلى من هرفي :gm741:<<يقالها متطوره هع ترا




ماينفع الكلام لأننا واثقاااااااااات من انفسنا ولا تنسون ان التربيه لها دور كبيييييييير في المجتمع




وترا الي يحش ببنات الخليج هذا انسان ما عنده ثقه بنفسه أو انو (غير خليجي ):hgfyhg14k


فان تبهوا لكلمك العذب ^_^



دومتو بخير

[~سليل المجد~]

يوجد في موقع مودة نت للزواج 13 الف رجل سعودي متزوج ولدية اطفال ويبي يتزوج الثانية ليه؟؟

صدقوني بحكم اشرافي على هذا الموقع لفترة فقد وجدت كثير من الشباب هاجين من زوجاتهم ليه مدري؟؟

طيب واحد اثنين عشرة مية الف نقول يمكن يبون يغيرون موديل جديد لكن 13 الف شاب يبون يتزجون على زوجاتهم الوكاد العلة في الزوجات

والا انا غلطان يارجالة؟؟

اما قصة شباب اليومين فانا معكم

بعضهم وربي وا اقدر احطه راعي على ثلاث من المعزى؟؟ لانو بنظري ليس رجال

ولو عندي بنت مازوجتة لو تعنس لين تموت

[نور القصمان]

احس كلامك من سج خيييييااااااااااااااااااااااااااااااالك راجع نفسك

[زوجه رائعه]

الحب الخالد كفت ووفت ماشاء الله عليها
والله راي من رايها

[~سليل المجد~]

ليه زعلو بعض الحريم هنا

ماقلنا شي غلط

بس والله انكم من جد ناقصات عقل ودين

[MISS 3NIZA]

البلا من رفيقك ليه مااخذ له وحده تتماشى مع عقليته
بعدين فيه مثل يقول الفرس من خيالها والمره من رجالها

يعني اذا لقت المره رجال كفو ويعتمد عليه صارت حرمه سنعه واذا لقت رجال الله بالخير صارت زيه

اما سالفة انها بالاسواق والمكياج والتسريحات اظن هذا الموضوع مبالغ فيه بزياده

لان فيه بنات يستغنون عن المشاغل بالزواجات والفساتين عادي تكرر الفستان مره ومرتين

واتمنى ان الي بيتكلم عن عيوب البنات يشوف نفسه قبل مو يتكلم عن عيب وهو ممتلي عيوب
زي ماانت تتمنى مره تعتمد عليها هي بعد تبي رجال يعتمد عليه ويغنيها عن اعتمادها على الغير..

[سمــو الاحســاس]

أبو صالح والله ما فهمنا لك أنت تبي تدور لخويك مره والا تبي تنقص من قدرات (بنات الوطن) (qq115)

أنا أنصحك أنك تخطب لخويك أخت زوجك وبكذا تصيرون اعدلاء ولا تنسانا بالعزيمه هذا طبعا اذا صار بوفيه مفتوح بموفنبيك خابركم يالقصمان ما عندكم الا هو :c010:





يا سمو والله انك عقلاني جدا .. بعد الكلام هذا
مشكلة رجاجيلنا ناكشخنا قالو ليه
وان ما كشخنا قالو ليه
يبون الزله

يعني قبل هالكلام انا اوب عاقل <<شلون يفهم ذا (vv)
ما تلاحظين اننا سحبنا على الرياضي وطقينا مسمار بالحوار (asl)

[MISS 3NIZA]

بس والله انكم من جد ناقصات عقل ودين

اظن العباره هذي تفسيرها ان شهادتها لاتقبل الا اذا كان فيه حرمه ثانيه هذا نقص العقل يعني النسيان ومعنى الآيه الي جت فيه ان تظل احدهما فتذكر الاخرى يعني اذا نست وحده الثانيه تذكرها

ونقص الدين اظن عارفينه ما يحتاج نوضح

يعني مثلك مو في مكانه

[~سليل المجد~]

المشكلة لمن ياتيك فئة من الناس وقد تأبطو شرا

لالهم بالحوار ولا بالنقاش

اخذتهم العزة وكأنهم ينافحون عن قضية فلسطين

هدووووووووووووء

قلنا بعض البنان مو كلهن

وشكل بعض البنات اللي ردن هنا تجدها مقروصة واللي ببطنة ريح مايستريح

والاخوان بعضهم مسوي حمية ومو داري ايش السالفة

بس باقولها لكم بصراحة واللي بتزعل بكيفها

والله ان اكثر بنات هالجيل غثاااء كغثاء السيل

[MISS 3NIZA]

والله ان اكثر بنات هالجيل غثاااء كغثاء السيل

زي الرجال بالضبط

واذا بنات الوقت هذا ما عجبوك فيه بدار العجزه الي يليقون بذوقك

ام ثمانين وخمس وثمانين تسوي مرقوق ومطازيز وجريش <<هذا همكم بطونكم

[سمــو الاحســاس]

وأقول وبالله التوفيق يا من (تأبطت خيرا) (qq115)

مع احترامي لك طرحك للموضوع ماله هدف .. يعني قلنا نتيجه وحده طلعنا به من موضوعك ؟؟ ولا شي
غير كذا ممكن توضح شلون به ريح ومقروصات ؟؟ :ro258es:

[~سليل المجد~]

زي الرجال بالضبط

واذا بنات الوقت هذا ما عجبوك فيه بدار العجزه الي يليقون بذوقك

ام ثمانين وخمس وثمانين تسوي مرقوق ومطازيز وجريش <<هذا همكم بطونكم
ايه يابنتي والله مايهمني غير بطني بالمقام الاول

اجل تبيني افطر بيض واتغدى اندومي واتعشى نواشف

وليه دار العجزة الحمد لله عندي ام صالح تسوى طوايفكم كلكم

بس تبينها بصراحة

بنات اليومين هذا مو كلهم فاشلات فية بنات نشميات وصقرات ويعرفون يطبخون وينفخون والخادمة مايعرفوها

ولكن نسبة قلييييييييييييييييلة مرة والباقيات دبش ودبيش

ولاتتهوري على مهلك يابنتي اشوفك متحمسة للدفاع المستميت

[فيلسوف البدو]

الوكاد هالموضوع صار فيه تميلح من بعض الشباب يعني اني ادافع عن الحريم
والوكاد بعيدن عن الظلم المتبادل بين الطرفين تبقى وجهات نظر بس ماادري ليه
كل واحد يحب انه يسب الجنس الاخر ويبين عواره
واللي متوكدن منه اكثر ان اصابع يدك ماهي سوا وفينا يارجال اول زين وفينا شين
وفي رجال الجيل الحالي ناس زينه ومن اشهرهم احسبه كذلك والله حسيبه ولا ازكي
على الله من احد الفارس الهلالي وفيه من الجيل الحالي شين وياكثرهم بس ماني قايل
بس لو قريتوا الردود تبون تعرفونه وفيه من حريم اول الزينه وفيه بعد الشينه وفيه من
حريم الوقت الحالي الزينه وفيه الشينه يعني المسالة نسبية واللي يبي يعرس يعرس
بس ماهو يطلع عيوب حريمه لكل احد لان هالامر من مخارم المروه والله يرحم خالي اخذ
حرمته ماتعرف تطبخ ومعه صارت احسن طباخه والوكاد الزواج ماهو بس اكل وشرب
الزواج مودة ورحمه وسكن بين الرجل وحرمته ومثل ماقلت وحدتن بمداخلتها الفرس من
خيالها والحرمه من رجالها والله يخلينا يارجال اول ويخلي رجال تالي ويخلي حريم اول
ويخلي حريم تالي وكلبوهم اول وتالي اهل خير يكفي انهم فخرنا وعزنا حتى وان اخطاو
نسيت اقول الانتقاص ماهو طيب لانه يخشى على راعيه انه يكون يحتسي عن نفسه

[MISS 3NIZA]

وليه دار العجزة الحمد لله عندي ام صالح تسوى طوايفكم كلكم

بس تبينها بصراحة

بنات اليومين هذا مو كلهم فاشلات فية بنات نشميات وصقرات ويعرفون يطبخون وينفخون والخادمة مايعرفوها

ولكن نسبة قلييييييييييييييييلة مرة والباقيات دبش ودبيش

ولاتتهوري على مهلك يابنتي اشوفك متحمسة للدفاع المستميت


الله يخلي لك ام صالح وتملي لي بطنك

والله موكل البنات يعتمدون على الشغالات ولا على المطاعم الا اذا كانت النسبه الي تتكلم عنها موجوده عندك هذا شي راجع للتربيه الي تلقتها البنت الي تقول عنها دبشه <<والمصطلح هذا ما يطلق الا على البهائم

[~سليل المجد~]

وأقول وبالله التوفيق يا من (تأبطت خيرا) (qq115)

مع احترامي لك طرحك للموضوع ماله هدف .. يعني قلنا نتيجه وحده طلعنا به من موضوعك ؟؟ ولا شي

يمكن من وجهه نظرك انت لانه لايعني لك شيء

فلا تستعجل فغيرك يراه قضية عظمى

[سمــو الاحســاس]

واللي متوكدن منه اكثر ان اصابع يدك ماهي سوا وفينا يارجال اول زين وفينا شين
وفي رجال الجيل الحالي ناس زينه

كلام رائع يا فليسوف البدو (qq115)

(اقتبست رده لأنه يبدو كبير بالسن ..على كلامه)

[~سليل المجد~]

مادام الموضوع وصل الى هذا الحد وصار احزاب ومافيه احد يبي يعترف بعيوبة فلا فائدة من المواصله فية

الرجاء اغلاقه لكي لانخسر بعض بسبب الحماس والدفاع المستميت

واعتذر للجميع ان اسئت لهم بقصد او بغير قصد

ولكم علي حق الاعتذار

وارجو من الجميع قبول عذري

واستودعكم الله

قفلو الموضوع يامشرفين

[~سليل المجد~]

مادام الموضوع وصل الى هذا الحد وصار احزاب ومافيه احد يبي يعترف بعيوبة فلا فائدة من المواصله فية

الرجاء اغلاقه لكي لانخسر بعض بسبب الحماس والدفاع المستميت

واعتذر للجميع ان اسئت لهم بقصد او بغير قصد

ولكم علي حق الاعتذار

وارجو من الجميع قبول عذري

واستودعكم الله

قفلو الموضوع يامشرفين

[ماهـينور]

أوو فاتني موضوع دسم زي هذا ياحسافه مالحقت الا على الاخر(q78)
معليش مالك حظ في مشاركتي (q33)

[شموخ بدوية]

وتراني ماجبت شيء جديد فان سن اليأس للمرأة 45 حسب قوانين العلماء والطب والتشريع

يعني بكرة ام عيالك على قولتك ام صالح اذا وصلت 45 سنة

راح تحطها على الرف (asj)

يمحق حياة زوجية يمحق عشرة :ro258es:

[ولد ضلمى]

يوجد في موقع مودة نت للزواج 13 الف رجل سعودي متزوج ولدية اطفال ويبي يتزوج الثانية ليه؟؟

صدقوني بحكم اشرافي على هذا الموقع لفترة فقد وجدت كثير من الشباب هاجين من زوجاتهم ليه مدري؟؟

طيب واحد اثنين عشرة مية الف نقول يمكن يبون يغيرون موديل جديد لكن 13 الف شاب يبون يتزجون على زوجاتهم الوكاد العلة في الزوجات

والا انا غلطان يارجالة؟؟

اما قصة شباب اليومين فانا معكم

بعضهم وربي وا اقدر احطه راعي على ثلاث من المعزى؟؟ لانو بنظري ليس رجال

ولو عندي بنت مازوجتة لو تعنس لين تموت
وانت هالحين مصدق هاللي يسجلون بالمواقع , الف موقع !!..
ههههه بعض الرجال وعممت على كل النساء ! ,,,, التعميم جهل
لانه (لكل قاعدة شواذ) وهي قاعده ,,,

[ولد ضلمى]

يمكن من وجهه نظرك انت لانه لايعني لك شيء

فلا تستعجل فغيرك يراه قضية عظمى
قضيه عظمى !!!!!

[... بنت الجنوب ...]

طيب بقفله ..بس لو سمحت ..مره ثانيه حاول انك تصغر الخط شويه عشان نعرف نقرا.(q79)

في انتظار موضوع اخر يفور الدم.:gm741: