عرس وعريسة ودارن جديدة..! ولاتنشد عن العريس لين مايحيل..؟

[الشيعوف]

مدخل
ياوليدي جعل من حطة يعجز,,,
وجعل أمريكا الخفسة(qq15),,,
وجعلة مايربح,,
أبجي و أكسرة بالمرزمبة(qq15),,

سلا عليكوا عااملييييييييين أييييية يابهواات وياصبايا؟

اليوم العصر جاالسن أتقهوى مع أميمتي وخذ سالفة وهاات سالفة

وطبينا بسوالف العرس(wtg) وشلون كاانت زوجاات من أول وكيف الله مبااركن فيهم

وأحرجها بذيك الاسئلة اللي تنهدت أميمتي تنهيدتن بغيت اصيح منها

طيب يامي أنتي يومنه ياخذتس أبوي كم كاان عمرتس؟

والله ياوليدي كنت بزر ما اعرف شي يومنه ياخذني كنت أم 12 سنة؟؟

وهو أبو 30 سنة(q30).. وخذني ولا شاافني بعدها1

الله يامي تسبير عليييييتس؟؟

وراه جدي يوافق يزوجتس ؟

والله ياوليدي من أول البنت بالعمر هذا على سن زواج

وهمااهـ بس الرجال أهم شي يكون مصلي ومهوب رااعي بلاوي ولايتتن..!

طيب يامي وخذتس ع طووول يعني ملك عليتس طوول؟

أية ياوليدي ملك علي بس جلست عند أهلي سنتين ونصف؟

ليه يا أمي وشولة؟ هوو أروح وأنا ما أعرف أطبخ؟ وش بيقولون أهلك؟؟ وبعد توني بزر؟

ماخذني أبوك لبيت أهلة الا وانا عارفة أقرص وأزين الجريش والمرقوق والفريتز..

طيب يا مي كل هالسنتين ونصف يجيتس أبوي؟؟

أية يجي لمي مشي الله يسكنة الجنة من أول ديرتنا وديرة أبيّك يجيلها نصف يوم عشاان

يوصل لمنا؟... ويجلس عندنا يومين أو ثلاث أياام؟

الله ياأمي يجيتس مشي والله منتب سهلة يام الزين كلة(qq15) الحين هااك الحين

مافية تلفوناات ولا فيد النت ويجيتس مشتااقلتس(q41) أجل لو صارر فية

فيد هالنت وجوالات مهوب فاكتس أبد(qq15)
أية شفتا هذااك من أول ينحبون الرجال أم الحين تغير الحال ياوليدي؟؟

أشوف قلبتي علينا يا امي حنا وش زينا وش ملحنا(wtg)
أقول يالله صلاح العطا والله يوفتزنا وعييلنا وبنينا يارب.. أميين

طيب يا أمي يوم خذتي أبيي وعشتي معه متى عرفتية مرهـ؟؟

ياوليدي تعرف وش يقول المثل؟؟ لا يامي وش هو؟؟

عرس وعريسة ودارن جديدة..!

ولاتنشد عن العريس لين ما يحيل..؟


ياوليدي الا الواحد تزوج لاتسأله عن الزواج الا بعد سنة..!! كيف عاايش حيااتة؟

السنة كاافية يعرفون وش عند الثااني..!!

البنية تعرف أطبااع رجلها وش يحب وش يكرهـ..!

وحتى الرجال يعرف تفكير زوجتة وش تحب وش تكرهـ

ياوليدي كثير من الرجال والبني يتسرعون بالحكم على زواجهم بالفشل ومهوب مرتااحين؟

في أول شهور زواجهم؟

وكل وااحد يعيب في الثاني..!! وعقبها تصير بينهم مشااكل قومة وقعدة..!!

وكل واحد لازم يثبت للثاني انا اللي أبمشي كلمتي علية؟؟ الصبر زين وإن شاء الله بتنفرج

إذا كاان بينكم مشااكل بس قليل اللي يصبر ؟؟

ياوليدي الزواج شراكة تسمع من حرمتك وحرمتك تسمع منك

والحيااة بينكم لازم تصيرون متفقين بكل شي..؟ وكل واحد معطي حق الثاني كامل؟

ياوليدي اليا أعرستا خلك حكيم وهاادي بحل المشااكل..!

لاتصير معصب وتعااند..!

أجل سمعتا بحمااة فلانة طلقها رجالها عشاان قالتلة عطني خمسة الاف أعااوون أختي؟

وقالها ماعندي دراهم..! وتهااوشوا وطلقها..!

طيب ياامي يمكن الحرمة غلطاانة؟ يمكن هو صاادز ماعندهـ شي ؟

اذ ماعندهـ تسكت وتنطم(qq15) والرجال بعد ماقدرها ولاحااسب أنة عنده بنت بينهم؟

كلهم غلطاانين؟

صاار الطلاق الحين سهل يحسبون الامر هييييييين هالرجاجيل(ekaj)

ولاا بعد حرمة أخوهـ تدوره مرهـ؟؟(ekaj) الحين يوم انك تقول ماعندي دراهم تقوم وتعرس(ekaj)

والله ياوليدي مالكم أماان يالرجاجيل(ekaj).. تحسبون الزواج هييييين وعلى الهوى

يالله صلاح العطا ويالله إنك تهدينا وتسخرلنا ملائكة السمااء وجنود الارض

أمييين يامي أيييييييه الله يعنينا بس ويسهلها علييييينا

هو أذن المغرب ياوليدي؟ لالا مابعد أذن باقي شوي

يلا قم أغسل وصل عس الله يفتح على قلبك ويرزقك بالبنت الصالحة يارب

يلا يا امي انا ابطلع جعلتس بالجنة ووالدي والديتس يارب

مخرج
هذي سواليفي مع أميمتي. توسع الصدر
هي ونصايحها الله يطول عميرها على طااعتة
كاان فيها نصاايح أستفدت منها ودروس تعلمتها
عااشت وااقع أول وواقعنا..
أستسهل بعض الرجال الطلاق وصاار مثل شرب المااء
لم يفكرو بولد ولابنت أين يذهبون ومن المسؤل عنهم؟؟
كثير من الرجال يطلق لاسباب تافهة؟
كثير من الزوجاات تطلب الطلاق لعدم تفكيرها لعواقب الامور
همها الاول والاخير تنفيذ مطالبها..؟
تبدلت المفااهيم حول معنى الحقيق للزواج
أعتبره بعض الازواج أشبااع لغرائزهم الجنسية فقط؟
ولم يفكروا بمعني الزواج الحقيقي..؟
وهو أن تكون الأب والأم والأخ والأخت لشريك حيااتك..
أسعى جااهدن لارضااء الله عز وجل وإرضااء والديك..
وسوف ترى مايسرك ويسر نااظريك..
أعتذر عن الاطالة وتشتت الافكاار
وسوء التنسيق وغثاثة جل كلامي..
لكن كاانت بمثاابة متنفس لي في بيتي الثاني
لكم أجمل الحب وأرق التحاايا
كاان معكم الشيعوف من على بلاكااش سريرة(qq15)
سموا وشموا(j)(j)

[الوادي]

نديم ياحليل أمك وسواليفه >>ماتلاحظ انك صايرن مقراط..
المهم ياخي وش هالمثل القديم الاسبوع الماضي كنت انا ووحده نتناقش على هالمثل لاتنشد عن العريس لين مايحيل ..ياخي عقب سنه خلاص يبي يجيبون اعيال العريس يبين عليه الاسبوع الاول من عرسه يبين على شكله طاير والا لا اما عن التفاهم وحل المشاكل اكيد ماراح يبين بسرعه يبيله سنه وسنتين ويمكن أكثر ..والواحد مايستعجل باتخاذ القرار المفروض يفكر بعقل وخاصه اذا فيه اطفال ..
الله يرزقك بنت الحلال الي تسعدك وتحشم أميمتك ...
أشوف السواليف ماتطلع الا باخر اليل ...

[彡я ş ∂ ∂ Ļ彡]

هههههههههههههههههههههههههههه
يالشيعوف اللي على بلكاش سريره
الله يخلي لك اميمتك ويحفظها لك ويرزقك ببنت الحلال اللي تسعدك
والله ان امك صادزه ان الحين صار الطلاق على اشياء تافهه إلا من رحم ربي ..
انت تذكر موضوعي اللي فيه هاك البنت اللي تطلقت بسبة دراسه
وعندها ولدين شتتهم هذي عينه على ان المجتمع يعاني من هالظاهره
والله ان امك صدقت بمعرفة الرجال عاد تصدق انا اخذت فوق السنتين ماعرفت طبعه
حيث مايعرفون بعضهم يعرفون يتعاملون مع بعض وتخف مشاكلهم اللي كانوا
ببداية الزواج يعانون منها ...
وشيء ثاني البنات الحين اغلبهم ماتتحمل شيء حيث ماتزعل تدق على امها او اختها
طيب امتس او اختس بيبتلون يعطونتس حلول
والله اني اضحك على نفسي قبل مااعرف اتصرف بس دققتني بقعاء لين تعلمت
وكل ماهذا امسك الجوال وادق على اختي >>يمال الشين ماعندي حلول
عواااااااافي الشيعوف وعساك سالم على هالحوار الظريف
كثر لنا من هالحوارات وبر بأمك وطعها عسى ربي يجمعكم بجنات النعيم
تشكرااااااااااااااااات

[همس الانوثه]

جزاك الله خير

[ارمااااانيوووو®]

ربي لايحرمك منها ويطول بعمرها ...وبر فيها لأنها جنتك ونارك,,
وربي سامحنا ان اخطينا لو بكلمة بسيطه على امهاتنا وتطول بأعمارهم
يارب... ولايشوفون مننا الا العمل الصالح اللي نرضي الله عزوجل فيه اولآ وابائنا
وامهاتنا ثانيآ...

[الشاآآآمخه]

عجاج الجن
موضوعك اكثر من رائع لاحرمك ربي من والدتك ورزقك ربي برها وزوجك زوجه صالحه

[سنى البدر]

كلام أمك حكم يالشيعوف

فعلاً كل ما زادت العشرة بين الزوجين زاد التفاهم

والطلاق الحين جاهز عند اي سبب يحصل

الله يطول بعمر أمك بس

ويعطيك العافية على النصائح

[حسن خليل]

نصائح رائعة من والدتك أخي الشعيوف عن الحياة الزوجية.

وربي يحفظها من كل سوء.

وربي يرزقك الزوجة الصالحة التي تسعدك وتسعدها.

شاكر ومقدر جهودك المبذولة.

[صدى الحنين]

صادقه أمك يالشيعوف صار الطلاق عند البعض على أشياء تافهه إلا من رحم ربي أشكرك على هالطرح الله يخلي لك اميمتك ويحفظها لك ويرزقك ببنت الحلال اللي تسعدك ...

أختك
صدى الحنين

[الشيعوف]

الوادي
نديم ياحليل أمك وسواليفه >>ماتلاحظ انك صايرن مقراط..


مقراط الله يستر علينا وعلية
بس وش فيني أنا ماقلت شي أبدن أبدن وش ملحي(wtg)



..ياخي عقب سنه خلاص يبي يجيبون اعيال العريس يبين عليه الاسبوع الاول من عرسه يبين على شكله طاير والا لا اما عن التفاهم وحل المشاكل اكيد ماراح يبين بسرعه يبيله سنه وسنتين ويمكن أكثر

ممكن أختلف معك بكلامك
ماراح تبين شخصية الزوج أو الزوجة الا
بعد مرور فترة من زواجهم وأقصد شخصيتهم
لان بعض الرجال يبين لزوجتة أثنااء الملكة
أو أول أياام زواجة أنة هو أحسن واحد
وبعد فترة يباان الخافي والمستور؟؟
حتى لو ماكاان عندهم عيال
فاسبوع قليلة يعرفون بعض
ممكن فية بعض المواقف تبين معدنهم
بس صعبة الحكم عليهم..

..
الله يرزقك بنت الحلال الي تسعدك وتحشم أميمتك

ياجعلك سالمة وربي يخليلك عييلك
ويسخرلك زوجك وعييلك ويجمع بينكم ع خير
جزاك الله غير

...


أشوف السواليف ماتطلع الا باخر اليل ...


مدري يمكن أنا عزاابي وفااضي بالليل(q30)

تشكراتي جزيلا وكثيرا
دوتس شمي(j)

[الشيعوف]

صمت الكون



الله يخلي لك اميمتك ويحفظها لك ويرزقك ببنت الحلال اللي تسعدك
والله ان امك صادزه ان الحين صار الطلاق على اشياء تافهه إلا من رحم ربي ..

ويخليك لعينن ترجيك يارب فعلن كثير الطلاق صاار على أتفة الاسباب
لاأزواج مقدرين المسؤلية ولاحسبوا بعد الطلاق كيف بيكون
حيااة ألابنااء إن كان بينهم أبنااء..


انت تذكر موضوعي اللي فيه هاك البنت اللي تطلقت بسبة دراسه
وعندها ولدين شتتهم هذي عينه على ان المجتمع يعاني من هالظاهره

ياكثر الاعذاار ياصمت فعلن صاارت ظااهرة منتشرة في مجتمعنا
أول من يطلق واذا طلق لية وش فيهم ماطلق الا بينهم شي تساايد
والحين على شين مايسوى والله المستعان

وشيء ثاني البنات الحين اغلبهم ماتتحمل شيء حيث ماتزعل تدق على امها او اختها

يووووهـ ياكثرهن لازم الام تدري والاخت والاخوا والابوا وحتى الشغالة؟
ماعندنا ثقافة التكتيم على المشااكل الخااصة صاار الاهل يتدخلون
وهذا اللي مسبب المشااكل أكثر وأكثر


وكل ماهذا امسك الجوال وادق على اختي >>يمال الشين ماعندي حلول

ممكن اذا ضااقت الارض بمارحبت وقفلت معها من كل الجوانب
تلجى للقريب اللي يفهمها ويعطيها الحل اللي يرضى الطرفين

عواااااااافي الشيعوف وعساك سالم على هالحوار الظريف
كثر لنا من هالحوارات وبر بأمك وطعها عسى ربي يجمعكم بجنات النعيم
تشكرااااااااااااااااات


الله يعافيك من كل شر والله يخليلك بنيتك ويسخرلك زوجك
ويجمع بينكم ع خير يارب
تشكراتي الكثيراات
دوتس سمي(j)

[الشيعوف]

جزاك الله خير


ويااك يارب
شكرا كثيرن كثيرن
(j)

[الشيعوف]

ارمااااانيوووو®;

ربي لايحرمك منها ويطول بعمرها ...وبر فيها لأنها جنتك ونارك,,

جزااك الله خير ويااك يارب يارب يقدرنا على برهم
ورضااهم علينا يسوى الدنيا ومافيها


وربي سامحنا ان اخطينا لو بكلمة بسيطه على امهاتنا وتطول بأعمارهم

أميييييييين يارب وجزاك الله خير
ورحم الله والديك عن الناار ويارب يخليلك
أيااهم ويطول أعماارهم على طااعتة
سمي(j)

[الشيعوف]

امراه من حديد;


عجاج الجن

هوو وراهـ عااد عجااجها1
مدري عنكم يالقصماان تسمونة عجااج الجن:(؟
حنا نسميةالشيعوف


موضوعك اكثر من رائع لاحرمك ربي من والدتك ورزقك ربي برها وزوجك زوجه صالحه



مرورر الرائع والله مهوب موضوعي
ها1 انا ماعندي الا الخربطة
جزاك الله خير على الدعااء
ربي لايحرمك الاجر وتشكراتي
كثير كثير كثير
سمي وشمي(j)

[الشيعوف]

كلام أمك حكم يالشيعوف

فعلاً كل ما زادت العشرة بين الزوجين زاد التفاهم

والطلاق الحين جاهز عند اي سبب يحصل

الله يطول بعمر أمك بس

ويعطيك العافية على النصائح



جزاك الله خير يالابلة ورحم الله والديك عن الناار يارب
يازين العشرة وكل وااحد راضي عن الثااني ومبسوط من الثاني
دوتس هالمره مرشوشة بعطر(j)(a24)

[الشيعوف]

نصائح رائعة من والدتك أخي الشعيوف عن الحياة الزوجية.

وربي يحفظها من كل سوء.

وربي يرزقك الزوجة الصالحة التي تسعدك وتسعدها.

شاكر ومقدر جهودك المبذولة.


منور يقصاصنا جعلك سالم من كل شر
وفعلن نصاايح ذهبية يارب نمشي عليها
ربي لايحرمك الاجر على هالدعاء ورحم الله والديك عن النار
سم ياطويل العمر(j)

[الشيعوف]

صادقه أمك يالشيعوف صار الطلاق عند البعض على أشياء تافهه إلا من رحم ربي أشكرك على هالطرح الله يخلي لك اميمتك ويحفظها لك ويرزقك ببنت الحلال اللي تسعدك ...


أختك
صدى الحنين



جزاك الله خير ياصدى وربي يخليلك والديك ولايحرمك شوفتهم
ويخليك لعيالك وزوجك ويسخرهم لك
سمي(j)

[عالي الذوق]

الشيعوف الحين كل يوم والثاني أمك اتطقق الدله معك على موال هالعروس والزواجات الله يخليه لك ويمتعه على عمل صالح
ياااااخي افهمه وش هالتتنيح عندك يعني لازم امك تجرك جر وتزوجك (vv)

بس عاد تدري يابعدي وش الي ضحكني سالفة عمري 12 من جد انا ملاحظن عليهن الكبار مالهن حيله يصغرن انفسهن الا بالعمر يوم يتزوجن انا كل ما جا طاري لوحده من محارمي الكبار قالت معرسه وعمري 15 والثانيه تقول 14 شكلنا بعد كم سنه بندخل بالأشهر :876564:

يازين وردك يالشيعوف مع سوايف أمك تحس انك بجبل رمَانه اتقهوى (qq115)

[نبض قلبه]

الشيعوف الله يخلي لك امك وتشوفك عريس
زمان اول الزواج كان امتن في الصله واوثق فى العرى
الان الطلاق اسهل في الاقدام عليه من الزواج نفسه
لو كل ام واب وعوا ابنائهم صحيح في كيفية استقامة حياتهم
وتكثير طرح الخبرات اللي عندهم لهم
اكييد بيكون له ابلغ الاثر للجميع