الزاحف
06-02-05, 08:02 AM
رتب الكلمات واحصلك على جمله مفيده=(والله- انك- إبوريده- المفارق- صرتي- الدم)
المفارق والله انك صرتي الدم ابوريده=ومن بغى يقرب قليل من هوى قلبك بيندم
يالمعاني يالخيال الصدق يا أعذب قصيده=جيت ابردع خافقي عن حبكم قلت إله اقدم
وكل ماقلت إلخفوقي اكتب ابياتن جديده=قال تبغى من قصيد العام والا اقدم اقدم
قلت كل اللي مضى لي ياخفوقي لاتعيده=قال مابه شئ جديد الحب واحد يا افندم
استحيت من القصيد وقلت زيد القلب زيده=زيدني تعذيب دامي ان بنيت اتقال اهدم
وارتعش في وسط صدري واشعل النار الوقيده=وانّقض حرجن قديمٍ بعد فرقاها تدمدم
جيت ابمسح اسمها من خافقي عوّدت اعيده=باينت لي واهمست لي كل قلب ومايقدم
والله اني تهت مابين المدوّر والفقيده=احفر الحفره بيميني واليسار تعود تردم
آتكايد عن قريب الدرب واتطاول بعيده=والعناء يامكثره والفايده تكاد تعدم
غصب وادري ان المفآرق مايجيه اللي يريده=وغصب ياقمة طموحي انتي بجسمي كما الدم
الشاعر / بدر غازي المطيري ( المفارق )
المفارق والله انك صرتي الدم ابوريده=ومن بغى يقرب قليل من هوى قلبك بيندم
يالمعاني يالخيال الصدق يا أعذب قصيده=جيت ابردع خافقي عن حبكم قلت إله اقدم
وكل ماقلت إلخفوقي اكتب ابياتن جديده=قال تبغى من قصيد العام والا اقدم اقدم
قلت كل اللي مضى لي ياخفوقي لاتعيده=قال مابه شئ جديد الحب واحد يا افندم
استحيت من القصيد وقلت زيد القلب زيده=زيدني تعذيب دامي ان بنيت اتقال اهدم
وارتعش في وسط صدري واشعل النار الوقيده=وانّقض حرجن قديمٍ بعد فرقاها تدمدم
جيت ابمسح اسمها من خافقي عوّدت اعيده=باينت لي واهمست لي كل قلب ومايقدم
والله اني تهت مابين المدوّر والفقيده=احفر الحفره بيميني واليسار تعود تردم
آتكايد عن قريب الدرب واتطاول بعيده=والعناء يامكثره والفايده تكاد تعدم
غصب وادري ان المفآرق مايجيه اللي يريده=وغصب ياقمة طموحي انتي بجسمي كما الدم
الشاعر / بدر غازي المطيري ( المفارق )