المساعد الشخصي الرقمي

مشاهدة النسخة كاملة : مجرد فضفضه


حامض محلا
31-05-09, 12:38 PM
واجد اللي مثلي إذا شافوا محل عليه لوحة تنزيلات ولاّ تخفيضات
يضرب فرامل حتى لو كان مش في حاجة شي يتمشى بين الرفوف
لقى شي يشتريه خذه معه مالقى شي قضب الباب والوجه من الوجه فصفوري
الوالد الله يطول بعمره وعمر من يقرا من عشاق التنزيلات مابعد ال50% يعني 25%ماتنفع معه بتاتا البته لما يروح المحل المخفض عليه خلاااص ادري انه فيه اشياء كثيره راح تضيّق علينا في البيت
هو يدري ان المحل اللي هو داخله عشان التخفيضات كلها تعظيم للبضاعه وتسويق لها لما اقولّه تراها كلها خرافات وانت الأدرى يقول من حقهم يسوقون لبضاعتهم بأي اسلوب هم يبونه انت يالزبون مااعجبك اطلع ويمروح علي كذا باسلوبه زي مروحة دينلسون على خالد عزيز ويقنعني..ماعلينــــا
اذكر مره دخلت تخفيضات وكانت اللوحه ملفته للنظر من جد اللوحه الظاهر اكبر من المحل وفيها دعايات لايفوتك والحق ومدري ايش
قعدت ابترم بالمحل لقيت الاسعار نفس المحل اللي بجنبه ماتغير شي ابد واذا سألت الموظف ماتغيرت الأسعار هيّا هيّا يأشر على قسم الخضار يقول هنا التخفيضات ويهاجمك يقول ماتعرف تقرا انت..
حقران استغفال كل المفردات تنطبق عليهم


والسلام ختام

مستغرب
31-05-09, 01:05 PM
يا سدي العزيز في دولتنا وزماننا وزارة التجارة نائمة فوق وساده قطنية ومطلقة لتجار العنان

لذلك يا حبيبي لن تشاهد الا التلاعب

كثير اشوف تخفيضات تصل الى سبعين بالميه وفعلا تخفيضات فوق السبعين بالمية اذا دخلت

طيب وين حماية المستهلك عنهم قبل يوم هم مدبلين الاسعار علينا

لذلك دام هالوقت وقت الجح حط في بطنك بطيخ صيفي ولا تغث رويحك في تتبع زلات وطني

لانك وين ما تطقه عوجا في انظمتهم

سيمار
31-05-09, 01:09 PM
اساسا التخفيضات والعروض اكبر لعبه واستنزاف لفلوسك
وشي ما ابيه ليه اركض وراه عشان مخفضينه؟؟؟
معناها صرفت مبلغ مو في محله حتى لو مخفض على المنتج 50%

حامض محلا
01-06-09, 11:00 AM
مستغرب :
حماية المستهلك تغط في سبات عميق
يعني لمّا افتح علبة مربى والقى قعسي ولا خنفساء وش ذنبي ..هذي اللي مالها حل
لاكن مثل التخفيضات واللعب هذا ماتمشي امورك الا بالوعي مو باللًّي الاحمر!
ههههه بعدين حلوه البطيخ الصيفي ليه هو عندك م بالقصيم بطيخ شتوي!(qq166)
.
..
شاكر لك اضافتك سيدي

حامض محلا
01-06-09, 11:09 AM
سيمار :
هي لعبه بس مو لازم نعمم
لأن بعض الأسواق التجاريه قول وفعل تخفيضات يعني تخفيضات مافيه منا منا
يعني اسواق العثيم على بنده كلها ممتازه اذا حصل فيها تخفيض
بعدين فيه اشياء يشتريها الواحد يعرف انه بيحتاجها بعد فتره يطمع على المخفض عليه مثلا الشمبوّات على الصوابين على الأشياء هذي اللي ماراح تخرب
.
...
شكرا لمرورك العطر

نجمة المنتدى
01-06-09, 04:07 PM
ياعمري يا الشايب ابوك..يبي يفرج لهم بضاعتهم؟
هم كسبانين كسبانين..بالتخفيض وغيره..
بس المروض اننا نتسويهم ولا نعتب تخفيضاتهم الي تحوم التبسد..
الا تسانهم يبي يوزعون ببلاش!!!!<<خل الشيبان يلحقون..
بعدين فعلا استهتار..تخفيض على كوسه وطماط؟؟اكيد ذاويات مايقعدن ساعه الا مخمجات..

حامض محلا
02-06-09, 02:04 PM
نجمة القصيعه :
شاكر لك مرورك اللي مابعد فهمته ..

فيلسوف البدو
02-06-09, 02:19 PM
مكافحة التسول وحماية المستهلك اسم نسمعه ولا عمرنا شفناه على ارض الواقع
والوكاد دام فيه من يمشي سوقهم قبل التخفيض ويمشيها عقب التخفيض ماراح يتغير شي

حامض محلا
02-06-09, 02:37 PM
فيلسوف البدو :
لما تنوي على كسر عود لااتوقع انك ستجد صعوبه في ذلك
اما انك تطوّع ناس تأكل القرطاس قبل فتح الشاورما وتمنعهم من التبظع
بحجة _تراهم نصابين_.. .. صعبه
الناس شاريه شاريه الله لايعوق بشر
شاكر لك مرورك واضافتك

فيلسوف البدو
02-06-09, 04:21 PM
فيلسوف البدو :
لما تنوي على كسر عود لااتوقع انك ستجد صعوبه في ذلك
اما انك تطوّع ناس تأكل القرطاس قبل فتح الشاورما وتمنعهم من التبظع
بحجة _تراهم نصابين_.. .. صعبه
الناس شاريه شاريه الله لايعوق بشر
شاكر لك مرورك واضافتك


هي ماهي مسالة ترويض او كما اسميتها تطويع بل هي مقاطعة يوم جاوا الناس لاحد
سلف هذه الامه يشتكون له من ارتفاع سعر اللحم يبحثون عن حل عنده بكلمتن وحده قالها
لهم حلن لهم ولمشاكلهم ازهدوا باللحم واللي يبي يتبضع بغباء يتحمل ضريبة غباه

حامض محلا
02-06-09, 04:44 PM
فيلسوف :

كونك تقاطع لحم على خبز على زيتون هذا تقدر عليه وتمشي نفسك
لاكن تقاطع كل المنتجات ..!
مافيه محل تجاري ماحط تخفيضات
_حنا نقول لابد من رادع لإدعائات المحلات الزائفه
وهذا ماوضحتَه انت في مداخلتك السابقه
حي نباك يابوعدي(qq125)

فيلسوف البدو
02-06-09, 09:09 PM
فيلسوف :

كونك تقاطع لحم على خبز على زيتون هذا تقدر عليه وتمشي نفسك
لاكن تقاطع كل المنتجات ..!
مافيه محل تجاري ماحط تخفيضات
_حنا نقول لابد من رادع لإدعائات المحلات الزائفه
وهذا ماوضحتَه انت في مداخلتك السابقه
حي نباك يابوعدي(qq125)


الحين ماهو الناس مقاطعين شراء السيارات اللي نجح في مقاطعة السيارات يقدر
ينجح في غيرها لكن بلاك من الحريم اللي يدورن التخفيض وخاصتن هالعطلة قربت
وجالستن يعدن كم عرسن يبن يحضرنه ويش يلبسن ويش يهدن والله يعين على تعب
المتاعيس اللي دفعوا دم قلبهم علشان هالامور السخيفه

حامض محلا
03-06-09, 12:00 AM
ابوعدي :
حياك الله شرفت ونورت الموضوع بإطلالتك البهيه

فيلسوف البدو
03-06-09, 12:10 AM
(qq15)(qq15)ابوعدي :
حياك الله شرفت ونورت الموضوع بإطلالتك البهيه


منورن قصيمي نت قبل موضوعك الا غيره من الحتسي وش عندك وراك تصرفني بهالطريقة (qq15)

حامض محلا
03-06-09, 01:17 AM
(qq15)(qq15)


منورن قصيمي نت قبل موضوعك الا غيره من الحتسي وش عندك وراك تصرفني بهالطريقة (qq15)


ههههههه ...
والله يالفيلسوف اتضحلي إنك انسان لست بالهيّن
مُلم بسم الله ماشاء الله،وانا بقراطيسي على المنتدى ..ولا بعد دخلت في خضم النقاشات
والدليل انني كتبت مجرد فضفضه في قسم نقاش وحوار ولم يخطر ببالي نقاش ..لأني لااجيد النقاش كما تجيده انت
صدقني سُعدت لتواجدك هنا