المساعد الشخصي الرقمي

مشاهدة النسخة كاملة : يوم المزارع عندنا في الرياض غيررررررر


مشرقه
30-05-09, 10:49 PM
http://www.moudir.com/vb/images/smilies/salam.gif


عندنا هنا في اسواق الشمال ..يوم يسمونه يوم المزارع

تعالو شوفو وش يصير فيه... كلام فاضي وينضحك علينا فيه بعد

أنا اول مررره اروح له مع زوجي ...وتعالو شوفو كيف الحراج على الخضار

المهم والزبده سيارات جايه من القصيم تحارب سيارات جايه من الخرج واللي من الافلاج

تحارب اللي من العيينه

والمسكين اللي بيشتري مثل حالاتنا

طيب... اممممممممم...مين نصدق قلت لزوجي ماعليك منهم اقل واحد في السعر بنشتري منهم

السؤال هنا ...ليش التسوق عندنا كذا الكل يبي يبع على حساب الاخرين

مين يحمينا من بشع يوم المزارع

تخيلو كرتون طماطم في سياره اربعه ريال وسياره ثانيه خمسه عشر ريال

والسبب يقول البياع حنا مزارعنا غير طيب وش يعرفنا فيهم

المشكله شريت بالهبل وتورطت في الثلاجه قلت ياليتنا من يوم المزارع سالمين

ماريكم حيال ذلك

دمتم بود

فيلسوف البدو
30-05-09, 10:58 PM
وعليكم السلام ورحمة الله وبركاته
شوفي حنا عندنا حماية يسمونها حماية المستهلك مالها من حماية المستهلك الا اسمها
والوكاد حنا الوحيدين اللي عندنا قاعدة تجارية مسكتة والمصيبة داخلين فيها منافسة عالمية
وهي قاعدة تبي والا ورنا عرض مقفاك والوكاد الله يستر من تواليها

دانه السبيعي
30-05-09, 11:02 PM
تصدقين ياحياتي
عمري ماشفت المكان اللي يبيعون فيه الخضار
بعدين يوم تختلف الاسعار زي كذا مافيه تسعيره واضحه يعني ولافيه احد يتابعهم.؟؟
فوضى فوضى بكل مكان

عبادي نت
30-05-09, 11:03 PM
بالتأكيد مافيه مثل مزارع القصيم (q81)

وخضرتها وطماطها


والجح عليكم بجح ساجر تراه جحن طيبن ممتازن مرةً مره


والتمر عليكم بتمر الخرج والمدينة والقصيم برضو



الأحساء ترى تمرة في سنينة الأخيرة يقولون الشيعة يبولون فيه <<الله يكرمكم

الا اذا كان الواحد يعرف مزرعة سني يشتري منه

الميسم
30-05-09, 11:12 PM
وعليكم السلام

بالنسبه للمزارع صدقتي كيف نفرق بينهم ..ولكن أمامنا طريقه واحده نعمل بها ونتوكل على الله

والبايع هو وذمته ..ماعلينا أن نفعله هو أن نتأكد من أي طريق جآءت هذه السياره ...

وعليه أقرر وعليه أيضا اشتري ..مثلا ..في مثالك هذا ..
7
7

تخيلو كرتون طماطم في سياره اربعه ريال وسياره ثانيه خمسه عشر ريال

أكيد ان السياره التي كرتون الطماطم فيها بأربعة ريال جآءت من الخرج ويا خوفي ما تكون الخرج لاتكون بس من الحاير ...يعني مسقيه أعزكم الله بمياه الصرف الصحي ..

اما السياره التي كرتون الطماطم فيها بخمسة عشر يال ..فهذه اكيد انها قادمه من العيينه ...
أشتري منها وتوكلي على الله ..الخضره التي تباع من مزارع العيينه ماتفوت ..

وأي شيء جاي من الجنوب أحذروه ...أحيانا والله الخيار اذا فتحناه تنبعث منه رائحه لاتحتمل ..فكيف نأكله ...وللمعلوميه تكون الخضره مصدرها الجنوب ...


وبالنسبه لمشترياتك الي شريتيها بالهبل .. نقطه تحسب عليك ..فلماذا الإسراف ...

مشرقه
31-05-09, 06:27 AM
وعليكم السلام ورحمة الله وبركاته
شوفي حنا عندنا حماية يسمونها حماية المستهلك مالها من حماية المستهلك الا اسمها
والوكاد حنا الوحيدين اللي عندنا قاعدة تجارية مسكتة والمصيبة داخلين فيها منافسة عالمية
وهي قاعدة تبي والا ورنا عرض مقفاك والوكاد الله يستر من تواليها

فعلآ أخي الله يستر من تواليها....بس نبيهم ينظفون هذا اليوم من مزارع الصرف الصحي

فيلسوف البدو
31-05-09, 06:41 AM
أكيد ان السياره التي كرتون الطماطم فيها بأربعة ريال جآءت من الخرج ويا خوفي ما تكون الخرج لاتكون بس من الحاير ...يعني مسقيه أعزكم الله بمياه الصرف الصحي ..





وين العلم اللي درستوه بعلم الاحياء والا راح هدر مافيه شيء اسمه دورة حياة وبعدين وش دور النبات ماهو ينظف لكم الارض من وصاختها والوكاد ماظنتي
هالحتسي صحيح ولاتنسين اكثر السماد يعتمد على مايخرجه الانسان والحيوان
ويكفي ان البترول مخلفات مخلوقات (q81)

مشرقه
31-05-09, 12:50 PM
تصدقين ياحياتي
عمري ماشفت المكان اللي يبيعون فيه الخضار
بعدين يوم تختلف الاسعار زي كذا مافيه تسعيره واضحه يعني ولافيه احد يتابعهم.؟؟
فوضى فوضى بكل مكان

لا مايصير حبيبتي دانه لازم وحتمآ تروحين

والله تشوفين العجب ....روحتي بيني وبينك لقافه باصرار من زوجي

ولا عندك احد يقول وين رايح...فوضى مابعدها فوضه

مستغرب
31-05-09, 01:20 PM
ترى ماهي مشكله الواحد اذا اشترى وكثر يوزع علي الفقراء والمساكين ماهو يقول ابتلشت فيهم


والشئ الثاني ما احد ضربكم علي ايديكم وقال لكم اشترو

عقولكم بروسكم

الموضوع احس انه بس تبي تعلمينا انكم مشترين خضره

ترى كل الناس تشتري خضره

مشرقه
31-05-09, 08:15 PM
بالتأكيد مافيه مثل مزارع القصيم (q81)

وخضرتها وطماطها


والجح عليكم بجح ساجر تراه جحن طيبن ممتازن مرةً مره


والتمر عليكم بتمر الخرج والمدينة والقصيم برضو



الأحساء ترى تمرة في سنينة الأخيرة يقولون الشيعة يبولون فيه <<الله يكرمكم

الا اذا كان الواحد يعرف مزرعة سني يشتري منه






كلامك صحيح ...وهبينا في بساتين القصيم..وبعدها بفتره قالو عنها بعد فيها وفيها

والله ماندري مين الصادق فيهم ....بوركت أخي عبادي

مشرقه
31-05-09, 08:18 PM
وبالنسبه لمشترياتك الي شريتيها بالهبل .. نقطه تحسب عليك ..فلماذا الإسراف ...

صادقه حبيبتي الميسم ...بس لاتخافين فرزنت اللي اقدر عليه

وشي مغري لك الكرتون ينباع بخمسه الحمد لله حريصه على استغلالها

دمتي بود ...شاكره مرورك الطيب

مشرقه
31-05-09, 08:20 PM
ترى ماهي مشكله الواحد اذا اشترى وكثر يوزع علي الفقراء والمساكين ماهو يقول ابتلشت فيهم


والشئ الثاني ما احد ضربكم علي ايديكم وقال لكم اشترو

عقولكم بروسكم

الموضوع احس انه بس تبي تعلمينا انكم مشترين خضره

ترى كل الناس تشتري خضره

انت مادريت شريت بعد فووووووووواكه ...لاتفوتك هذه الخبريه ولاتعلم احد

ولد ضلمى
31-05-09, 08:58 PM
اختلاف الاسعار شيء طبيعي مثل سوق الغنم (اشياء محليه من المواطن)
والانسان يختار ويبحث بين البضائع من ناحية الجوده والسعر ,,,,بس المشكله
الكيماويات اللي تنثر على الخضار بشكل مبالغ فيه جدا على حساب صحة المواطن
وهناك الادويه اللي ترش على الخضار لها فترت تحريم تصل الى 15 يوم في بعضها
تقطف لنا من ثاني يوم , كذلك المزروعات اللي تزرع باماكن متلوثه بالمجاري ..

مشرقه
01-06-09, 12:55 PM
اختلاف الاسعار شيء طبيعي مثل سوق الغنم (اشياء محليه من المواطن)
والانسان يختار ويبحث بين البضائع من ناحية الجوده والسعر ,,,,بس المشكله
الكيماويات اللي تنثر على الخضار بشكل مبالغ فيه جدا على حساب صحة المواطن
وهناك الادويه اللي ترش على الخضار لها فترت تحريم تصل الى 15 يوم في بعضها
تقطف لنا من ثاني يوم , كذلك المزروعات اللي تزرع باماكن متلوثه بالمجاري ..


وهذا اللي اقصده .....نحن المستهلكين كيف نعرف

يعطيك العافيه

إعتدال
01-06-09, 01:53 PM
كلامك صحيح ...وهبينا في بساتين القصيم..وبعدها بفتره قالو عنها بعد فيها وفيها


والله ماندري مين الصادق فيهم ....بوركت أخي عبادي



أفى ..وشبها بساتين القصيم بعد ... (q85)
والله أن مصادرها موثوقه .. أن شاالله
أشتري منها وعلى مسؤلتي ...(q84)
وبالهنا والعافبه