المساعد الشخصي الرقمي

مشاهدة النسخة كاملة : بسدح الي عندي وانتو اسدحو الي عندكم


خفايا الروووح
30-05-09, 01:12 AM
السلام عليكو ياجماااااااااااااااااعه

حبايبي ابي اسدح بذا موضوع للنقاش اشغل كثير من البنات والشباب المقبلين ع زواج

طبعاالناس بين مؤيد وبين رافض

قالت
(مابي خطيبي يربطني لو مارد عليه سوها سالفه(qq100))
وقال
(اكلمه ان كان به بلا يطلع قبل مادخل عليه:544453:)
وقالو
(لا ضد المكالمات لان لو ماكتب الله وتم الزواج تتعود البنت ان شاب يكلمه )<<انواع الوس وسه:rofl951:
وايضا قالو
(اذا كلمها بيمل منه لانه قال كل الي عنده وهي بعد<<فضو التانكي :rofl951:)
وقيل وقال
لكن انا بشوف وجهة نظركم حبايبي
وش رايكم بمكالمة المخطوبين لبعض ؟(qq92)



تنبيه(ekaj)
عاااااااااااااااااااااااااااد لا تطلع اشاعة وتقولون مزمز اكيد مخطوبه همن تقطعون رزقي
ياويلكم اذبحكم

:gm741:<<يالله اسدحو هن

الوادي
30-05-09, 01:32 AM
انا رائيي انه يكلمه بس مايصير يدبل التسبد يعني بالاسبوع او كل اسبوعين مره ..
وهي ماتنهبل وتهذر كل الي عنده ..
اما الزيارات افضل تكون مره او مرتين فقط فترة ماقبل الزواج كثرة الزياره ماتنفع ..
ترى بعدين مايلقون لهم سالفه ..

عبادي نت
30-05-09, 01:41 AM
مايجوز تتحدث معه حتى يرتبطون بعقد نكاح


الخطبة كلام فاضي


لازم شيخ وشهود

يتملك عليها

ويكلم على كيفه بس بحدود الأدب :secret25:


ومتى ماجاء العرس وإشهار الزواج هاك الحين يطلعون الأولي والتالي (ghqv)

الميسم
30-05-09, 05:38 AM
للأسف الموضوع لايمكن الاخذ والعطى فيه ..

لأن الأمر يتعلق بالخطيب وخطيبته ,,وهذا لايجوز لانه ما زال أجنبي بالنسبة لها ..

يعني كل الإحتمالات التي ذكرتيها لاتكون الا بعد الملكه فقط ...

ღڛـۈآهـآإ قلــبــيےღ
30-05-09, 05:41 AM
بعـد آلمـلكهـ يصير آللي يصير بكيفهم دآمهمـ كتبوٍ

آمـآ آنهـ خطبهـ وكـلآإم لآ ..

ذاتَ ثقافة
30-05-09, 05:48 AM
.

لا إذا كثرت بتتعلم ولا إذا كلمها كثير بيمل

كاني وخطيبي نكلم بعض " بس مو كل يوم " على حسب جدولنا !
ربنا يخلينا لبعض (wtg)

.

عقبالتس مزمز (q62)

pilot11
30-05-09, 06:25 AM
مايجوز تتحدث معه حتى يرتبطون بعقد نكاح


الخطبة كلام فاضي


لازم شيخ وشهود

يتملك عليها

ويكلم على كيفه بس بحدود الأدب :secret25:


ومتى ماجاء العرس وإشهار الزواج هاك الحين يطلعون الأولي والتالي (ghqv)


أنا من رأي الاخ عبادي

pilot11
30-05-09, 06:31 AM
.


لا إذا كثرت بتتعلم ولا إذا كلمها كثير بيمل

كاني وخطيبي نكلم بعض " بس مو كل يوم " على حسب جدولنا !
ربنا يخلينا لبعض (wtg)

.

عقبالتس مزمز (q62)









كاني انا وخطيبي نكلم بعض

مايصير يبه وش حقه تكلمينه مابعد صار زوجتش يمكن تهاوشون ويبطل عاد شكلتش كل علوم الحاره ساردتها

حمود الثامن عشر
30-05-09, 08:45 AM
اعتقد في مجتمعنا يجب ان البنت تحرص اكثر من الشاب على المحادثه التلفونيه:)

كيف تعرف مثلا عقليته..كيف اذا طلع مثل عبادي مثلا!!!

الرجل هنا اذا ما اعجبته زوجته يروح يتزوج لكن البنت وش تسوي؟

نصيحتي لأي بنت انها تكلم خطيبها وتحاول قدر الامكان التعرف على شخصيته بدون النظر للغراميات والرومانسيات..يعني تكلمه وهي مركزه على الفاظه وعلى ثقافته وعلى آراءه في المظاهر الاجتماعيه مثلا علشان تعرف انه مو بخيل او جبان او ,,,,الخ

من ناحية حلال وحرام اعتقد مافيها شئ لأن جلوس المخطوبه مع خطيبها او رؤيته لها مافيه شئ كيف عاد كلامها في التلفون والله اعلم

نجمة المنتدى
30-05-09, 08:55 AM
هم اذا متملكين مافيها شي..
والافضل يكون بحدود..
والي يقول لتعرف طبعه مستحيل يبين طبعه الردي بهالفتره..ويبي يتجمل قد مايقدر..
بصراحه هي وناسه مهب اكثر..
والاغلب تطلقو بسبب هالمكالمات...تقول ماهجان!!بالله بالتلفون تحكمين؟؟بعضهم بالتلفون شي وبالواقع شي ثاني..
العمدة على التوفيق..
انا طلعت معه..وكلمته..وماخليت شي وسويته قبل العرس..والحين يجين وقت اتوووه..اعجز احل مشكله تافه انسى وما افهم وش يبي بالضبط..او وشي طبيعته الي يفرضه علي..
الله يوفق الجميع..

كاميليا01
30-05-09, 09:17 AM
ماني معاكم كيف أكلمه وش أقول الحمد لله القصر مافيه طقاقه زينه ولاترى ناقص وزايد الحمد لله
وبعد وش الونك وكيف علومك لالالالا ماكلمه الين أعرس عليه غير كذا بنسبه للى كلام فاضي
اليش بسبب أنه يمكن مايعجبني أوماعجبه
ماله دخل بثقه بنفس الكن كل ماكان الواحد أوالوحده غامض أو غامضه يجعل فيه شئ أسمه أكتشاف الشخيصه ويكون فيه مجال اللمجاملات والكلام الحلو لانه ممكن يكون فيه ممل أو فيه شئ من الميانه بحكم أنه يعرفها أو تعرفه طبعا الوحدأوالحده مراح تتزوج واحد من شارع اليش لان والي أمره عارفه وسائل عنه ومتأكد منه غيركذاماعندي

قمورة الخليج
30-05-09, 11:30 AM
شرعأ اذاهو حلال
اكيد بيكون افضل ابي
اكلمه بس بحدود

مستغرب
30-05-09, 11:55 AM
انا ما كلمته ولا كلمتن مستغربه
شرهن عليه ما قد ارسلت لي لو راسله

وهذانا الحمد لله عايشين زي العسل ونوم وسبات ومخلفين صبيان وبنات

ادعي الله بس التوفيق وخلو عنكم خرط التغريب من الكفار

عفريت الشات
30-05-09, 12:05 PM
لايصلح ان يكلم الشاب خطيبتهو او الفتاة تكلم خطيبها لان الكلام قد يسبب انحراف من كلا الشخصين ويتم فسخ الخطوبة انا كوني خاطب عمري ماكلمت خطيبتي ولي اكثر من سنتين حتى ما اشوفها لانا العادات والتقاليد تجربني على عدم رؤايتها او الاتصال بها

موضوعك شدني وجذبني لقراته
تقبلي خالص تحياتي
عفريت الشات

هيو2
30-05-09, 01:03 PM
من ناحية حلال وحرام اعتقد مافيها شئ لأن جلوس المخطوبه مع خطيبها او رؤيته لها مافيه شئ كيف عاد كلامها في التلفون والله اعلم
وأفتى فضيلته جرياً على عادته الكريمة، وبعدها ودع الحفل "الراقص" بمثل ما استقبل به من حفاوة وتكريم

ويروي الرواة "المرتفعين" أن فضيلته وبعد أن رقص "المكارينا" من باب مؤانسة الحاضرين والتبسط معهم، أفتى بحرمة المكارينا بعد الساعة 12 ليلاً لما تسببه من قلق :SmileyBunny:

ومن الجدير بالذكر أن فضيلته كان يرتدي "البشت" في تلك السهرة، ولم يكن يضع "عقالاً" لشدة الورع والزهد، وكمية "مهولة" من دهن العود

حفظه الله في حله وترحاله وجعله ذخراً للأمم العربية (لحالها) والإسلامية (لحالها) والعربية والإسلامية (خليطي) والبشرية جمعاء (دعثة):c010:

* Jun1n
30-05-09, 01:20 PM
مكالمة المخطوبين مهمة جدا

انا اشوف انها تطيح الميانه شوي قبل الزواج

وتولد التالف بينهم

وقد تظهر سلبياتهم بدري وكل واحد يروح في حاله قبل

توقع الفاس بالراس

** عابر سبيل **
30-05-09, 01:43 PM
بسم الله الرحمن الرحيم
من وجهة نظري اذا كانوا مملكين على بعض ما يمنع انه يكون بينهم (( الووو )) لمعرفة البعض عن قرب
ولكسر الحواجز التي ربما تعترضهم ليلة الدخلة .

دانه السبيعي
30-05-09, 02:14 PM
اذا انخطبت وملكت
لازم اكلمه وافهمه واعرف عقليته واكييد بفهم شخصيته
اذا يعجبني او لا
بس مأيد كثرة المكالمات في هذي الفتره(qq115)

خفايا الروووح
30-05-09, 05:41 PM
انا رائيي انه يكلمه بس مايصير يدبل التسبد يعني بالاسبوع او كل اسبوعين مره ..
وهي ماتنهبل وتهذر كل الي عنده ..
اما الزيارات افضل تكون مره او مرتين فقط فترة ماقبل الزواج كثرة الزياره ماتنفع ..

ترى بعدين مايلقون لهم سالفه ..

ايولله احسه دبلة سبد :SmileyBunny:بقووووووووووووه

اوافقك الراي...:c010:
تحياتي لمن اضاء متصفحي ....

خفايا الروووح
30-05-09, 05:49 PM
مايجوز تتحدث معه حتى يرتبطون بعقد نكاح


الخطبة كلام فاضي


لازم شيخ وشهود

يتملك عليها

ويكلم على كيفه بس بحدود الأدب :secret25:


ومتى ماجاء العرس وإشهار الزواج هاك الحين يطلعون الأولي والتالي (ghqv)
عباااااااااااااااااااادي والله انك شديد بقوووووووووووووووووه
وش فيها يعني تطلع معه اذا خطبها مطعم ولا تكشت مثلا <<:SmileyBunny:امزح عليك
اكيد ياخوي بعد الملكه الكلام ذا ولا قبل معصي (qq168)وين حنا عيشينن بوووووه !
ويكلم على كيفه بس بحدود الأدب :secret25: <<<<طيب والي مايعرف يضبط نفسه وش يسوي ؟؟؟
اخي عبادي شكرا لمرورك العطر ....

خفايا الروووح
30-05-09, 05:51 PM
للأسف الموضوع لايمكن الاخذ والعطى فيه ..

لأن الأمر يتعلق بالخطيب وخطيبته ,,وهذا لايجوز لانه ما زال أجنبي بالنسبة لها ..

يعني كل الإحتمالات التي ذكرتيها لاتكون الا بعد الملكه فقط ...

الميسم وكان القدر
اكيد بعد الملكه اجل حنا وين عيشينن بووووووووووووووووووووه :SmileyBunny:


تحياتي لكم
لكم مني ...(rose)....

كبرياء سعوديه
30-05-09, 05:55 PM
اعتقد في مجتمعنا يجب ان البنت تحرص اكثر من الشاب على المحادثه التلفونيه:)

كيف تعرف مثلا عقليته..كيف اذا طلع مثل عبادي مثلا!!!

الرجل هنا اذا ما اعجبته زوجته يروح يتزوج لكن البنت وش تسوي؟

نصيحتي لأي بنت انها تكلم خطيبها وتحاول قدر الامكان التعرف على شخصيته بدون النظر للغراميات والرومانسيات..يعني تكلمه وهي مركزه على الفاظه وعلى ثقافته وعلى آراءه في المظاهر الاجتماعيه مثلا علشان تعرف انه مو بخيل او جبان او ,,,,الخ

من ناحية حلال وحرام اعتقد مافيها شئ لأن جلوس المخطوبه مع خطيبها او رؤيته لها مافيه شئ كيف عاد كلامها في التلفون والله اعلم

مو شرط طال عمرك
فيه ناس تلبس أقنعة وتبين لك انه واااااو
وبعد فترة يطلع شخص همجي وإلا من حثالة مجتمع
أشوف أن الشخص يعرف من مجالس الرجال (q81)
احترامي
كبرياء سعوديه

خفايا الروووح
30-05-09, 06:08 PM
.


لا إذا كثرت بتتعلم ولا إذا كلمها كثير بيمل

كاني وخطيبي نكلم بعض " بس مو كل يوم " على حسب جدولنا !
ربنا يخلينا لبعض (wtg)

.

عقبالتس مزمز (q62)


امين يارب ويوفقكم ويسعدكم....


ذي بلحاااااله احسن شي واحسن رد<<<عقبالتس مزمز (q62) <<<<<<اميييييييييييييييييييييين يارب ;star1;
نورتي يالغاليه ,,,,,

خفايا الروووح
30-05-09, 06:21 PM
اعتقد في مجتمعنا يجب ان البنت تحرص اكثر من الشاب على المحادثه التلفونيه:)

كيف تعرف مثلا عقليته..كيف اذا طلع مثل عبادي مثلا!!!

الرجل هنا اذا ما اعجبته زوجته يروح يتزوج لكن البنت وش تسوي؟

نصيحتي لأي بنت انها تكلم خطيبها وتحاول قدر الامكان التعرف على شخصيته بدون النظر للغراميات والرومانسيات..يعني تكلمه وهي مركزه على الفاظه وعلى ثقافته وعلى آراءه في المظاهر الاجتماعيه مثلا علشان تعرف انه مو بخيل او جبان او ,,,,الخ

من ناحية حلال وحرام اعتقد مافيها شئ لأن جلوس المخطوبه مع خطيبها او رؤيته لها مافيه شئ كيف عاد كلامها في التلفون والله اعلم
وجهة نظر احترمها لكن لا يمنع ان اناقشها (zm)
اخي الكثير من الشباب والشابات يتقنون فن لبس الاقنعه فلا نستطيع معرفتهم من خلال مكالمه هاتف لبضع دقائق <<<بالقصيمي يكونون ربطين فرامل كلهم الكلمه تقعد ساعه توزن عشان تنقال ومايزرا عليك الطرف الثاني (qq166)
اما من ناحية الحلال والحرم هنا اقف وقفه صارمه
ايه الاسلام حلل النظره الشرعيه و من خلاله تكلمه مثلا تسأله بعض الاسئله السطحيه لمعرفة طريقة نطقه واسلوبه وبس!
اما يطلع منه ويرقمه وما تملك عليه خير ان شاء الله وين حنا عيشينن بوووووه:SmileyBunny:
اكيد رجل اجنبي ومايجوز تكلمه ...
اخي الكريم اسعدني تواجدك بمتصفحي ....

خفايا الروووح
30-05-09, 06:26 PM
هم اذا متملكين مافيها شي..
والافضل يكون بحدود..
والي يقول لتعرف طبعه مستحيل يبين طبعه الردي بهالفتره..ويبي يتجمل قد مايقدر..
بصراحه هي وناسه مهب اكثر..
والاغلب تطلقو بسبب هالمكالمات...تقول ماهجان!!بالله بالتلفون تحكمين؟؟بعضهم بالتلفون شي وبالواقع شي ثاني..
العمدة على التوفيق..
انا طلعت معه..وكلمته..وماخليت شي وسويته قبل العرس..والحين يجين وقت اتوووه..اعجز احل مشكله تافه انسى وما افهم وش يبي بالضبط..او وشي طبيعته الي يفرضه علي..
الله يوفق الجميع..

اوفقك الرئي :c010:فعلا المكالمات غير والعشره غيررررررررر (qq89)
لكن لا اوفقك ان الخطيبه تطلع مع خطيبه حتى لو متملكه نص الطلاق من الطلعات خاصه اذا كان الشاب من النوع المو س وس ولله يخليهم اعيالنا اغلبهم موس وسين <<<مجلوده (q62)
غاليتي ويوفقك ان شاء الله
تحياتي لك

خفايا الروووح
30-05-09, 06:32 PM
ماني معاكم كيف أكلمه وش أقول الحمد لله القصر مافيه طقاقه زينه ولاترى ناقص وزايد الحمد لله
وبعد وش الونك وكيف علومك لالالالا ماكلمه الين أعرس عليه غير كذا بنسبه للى كلام فاضي
اليش بسبب أنه يمكن مايعجبني أوماعجبه
ماله دخل بثقه بنفس الكن كل ماكان الواحد أوالوحده غامض أو غامضه يجعل فيه شئ أسمه أكتشاف الشخيصه ويكون فيه مجال اللمجاملات والكلام الحلو لانه ممكن يكون فيه ممل أو فيه شئ من الميانه بحكم أنه يعرفها أو تعرفه طبعا الوحدأوالحده مراح تتزوج واحد من شارع اليش لان والي أمره عارفه وسائل عنه ومتأكد منه غيركذاماعندي
وجهة نظر احترمها جدا(q103)
شرفني تواجدك غاليتي...

فيلسوف البدو
30-05-09, 06:33 PM
أشوف أن الشخص يعرف من مجالس الرجال (q81)


يابنت رغم انتس تغثين وتعلين القلب في كثير من ردودتس بس بهالرد ارفع لتس كل ماعلي راسي احترامن وتقديرن لشخصكم الكريم تصدقين بديت اميل الى انه الكثير من المعرفات تحاول تخالف حقيقتها من باب لفت النظر (a26)

فيلسوف البدو
30-05-09, 06:37 PM
من ناحية حلال وحرام اعتقد مافيها شئ لأن جلوس المخطوبه مع خطيبها او رؤيته لها مافيه شئ كيف عاد كلامها في التلفون والله اعلم





انا اشهد انك رخمتن من نسل اجاويد ويالثامن عشر اتحداك تطبق هالشيء على بناتك و قريباتك لان هالاخلاق ماهي لعيال وايل والوكاد النار ماتخلف غير الرماد وبعدين من انت علشان تعتقد والا ماتعتقد حتة رخمتن لا رحت ولا جيت في الاحكام

فيلسوف البدو
30-05-09, 06:41 PM
سالفة هالشوفه وهالمكالمه ماهي لنا الشوفه الشرعية اللي مسموحن فيها
لانها امرن مستحب مالنا فيه ومانبي اجر هالشوفة اللي يبي بناتنا لطيبنا حياه الله
واللي مايبي عيال الاجاويد ياكثرهم اللي يدورن على طيب اهل بناتنا
الشوفه الشرعيه في وقتنا الحاضر ماننصح فيها لان القلوب المريضة ياكثرها شلون المكالمة واللي يسمحون بالمكالمه مافيهم خير و اللي تكلم واحد لو هو خطيبها تكلم الف غيره والله يستر على بنات المسلمين من هالسالفة الخايسة اللي يسمونها الاتصال وقت الخطبة مابقى الا بكره على الكورنيش تئزئزون لب وانتم تتمشون
هذا اللي باقي علينا والله يستر من تواليها ومن هالافكار اللي تبي تضيع عيالنا

خفايا الروووح
30-05-09, 06:42 PM
شرعأ اذاهو حلال
اكيد بيكون افضل ابي
اكلمه بس بحدود

نورتينا ياقمرنا :)اسعدني مرورك ...

خفايا الروووح
30-05-09, 06:45 PM
انا ما كلمته ولا كلمتن مستغربه
شرهن عليه ما قد ارسلت لي لو راسله

وهذانا الحمد لله عايشين زي العسل ونوم وسبات ومخلفين صبيان وبنات

ادعي الله بس التوفيق وخلو عنكم خرط التغريب من الكفار

هههههههههههههايييييييييييييييي ليش استغرب ماضر ابوي وامي :gm741:اهم شي التوفيق ع قولتك ...

تحياتي لك ...

خفايا الروووح
30-05-09, 06:47 PM
لايصلح ان يكلم الشاب خطيبتهو او الفتاة تكلم خطيبها لان الكلام قد يسبب انحراف من كلا الشخصين ويتم فسخ الخطوبة انا كوني خاطب عمري ماكلمت خطيبتي ولي اكثر من سنتين حتى ما اشوفها لانا العادات والتقاليد تجربني على عدم رؤايتها او الاتصال بها

موضوعك شدني وجذبني لقراته
تقبلي خالص تحياتي
عفريت الشات

وجهة نظر احترمها (qq1)...
الله يوفقك يارب

MISS 3NIZA
30-05-09, 06:52 PM
هلا والله مزاجيه..

انتي قلتي اسدحوا اراءكم>>ماقلتي ردوا على الاعضاء>>تلمح للناس الي اخذوا الموضوع


المهم بسدح رأيي وبالله التوفيق..

انا ضد ان الملكه تكون قبل شهر من العرس

يعني عشان مو كل يوم يكلمها وتكلمه وبعدين يملون من بعض تلاقينهم بشهر العسل متخانقين..

يعني تكون الملكه قبل اسبوع او اسبوعين من العرس

ويكون فيها مكالمات خفيفه..

خفايا الروووح
30-05-09, 06:54 PM
وأفتى فضيلته جرياً على عادته الكريمة، وبعدها ودع الحفل "الراقص" بمثل ما استقبل به من حفاوة وتكريم


ويروي الرواة "المرتفعين" أن فضيلته وبعد أن رقص "المكارينا" من باب مؤانسة الحاضرين والتبسط معهم، أفتى بحرمة المكارينا بعد الساعة 12 ليلاً لما تسببه من قلق :smileybunny:

ومن الجدير بالذكر أن فضيلته كان يرتدي "البشت" في تلك السهرة، ولم يكن يضع "عقالاً" لشدة الورع والزهد، وكمية "مهولة" من دهن العود

حفظه الله في حله وترحاله وجعله ذخراً للأمم العربية (لحالها) والإسلامية (لحالها) والعربية والإسلامية (خليطي) والبشرية جمعاء (دعثة):c010:

اخي الكريم كم تمنيت بموضوعي ان لا ارى المهاترات والاستهزاء برئي الاخرين ...
لكل منا وجهة نظر علينا احترمها ليس دليل اذا احترمتها ان اوفقها لكن اذا احترمتها احترمة ذاتي
وكم اتمنى مرورك بمتصفحي دوما بذوقك وحترمك لذاتك واسلوبك الراقي
لك ودي وخالص شكري ....

كبرياء سعوديه
30-05-09, 07:48 PM
يابنت رغم انتس تغثين وتعلين القلب في كثير من ردودتس
ردودي أجزم أنهاا لاتقارن بأحد إطلاقاا (q81)
بس بهالرد ارفع لتس كل ماعلي راسي احترامن وتقديرن لشخصكم الكريم
ماقلت شيء جديد :c010:
تصدقين بديت اميل الى انه الكثير من المعرفات تحاول تخالف حقيقتها من باب لفت النظر (a26)
لاذكي بسمله عليك (qq15)
وبعدين ماأحتاج للفت الأنظار لن العارف لايعرف (a26)


أحترامي
كبرياء سعوديه

@ جوري @
30-05-09, 07:52 PM
مايجوز تتحدث معه حتى يرتبطون بعقد نكاح


الخطبة كلام فاضي


لازم شيخ وشهود

يتملك عليها

ثانيا ان كان بعد العقد فهذه العادة تافهه الاجدر ان تترك

@ جوري @
30-05-09, 08:08 PM
من ناحية حلال وحرام اعتقد مافيها شئ لأن جلوس المخطوبه مع خطيبها او رؤيته لها مافيه شئ كيف عاد كلامها في التلفون والله اعلم




السؤال: هل يجوز الانفراد بالخطيبة علما يقول بأنناملتزمين والحمد لله وقول الرسول صلى الله عليه وسلم (ما خلا رجل بامرأة ألا وكانالشيطان ثالثهما) لكن الحمد لله عندما نجلس مع بعضنا البعض معنا الأسرة سواء منأسرتي أو أسرتها ولم نفكر في شيء بل في جلستنا وحديثنا معها أفيدونابذلك؟

الجواب
الشيخ: المرأة المخطوبة كغير المخطوبة في النظر إليها والتحدث إليها والجلوس معها أي أن ذلك حرام على الإنسان إلا النظر بلا خلوة إذا أراد خطبتها وإذا كان الرجل يريد أن يستمتع بالجلوس إلى مخطوبته والتحدث إليها فليعقد النكاح فإنه إذا عقد على امرأة حل له أن يتكلم معها وان يخلو بها وان يتمتع بالنظرإليها وحل له كل شيء يحل للزوج من زوجته فأما أن ينفرد بالمخطوبة ويقول أنا ملتزم وهي ملتزمة فإن هذا من غرور الشيطان وخداعه لأن الإنسان مهما بلغ في العفة لا يخلومن مصاحبة الشيطان إذا خلا بالمرأة لا سيما وأنها مخطوبته وأنه يعتقد أنها بعد أيامقلائل تحل له فإن الشيطان يجري من ابن آدم مجرى الدم وخلاصة القول أنه يحرم على الخاطب أن يتحدث مع مخطوبته في الهاتف أو يخلو بها في مكان أو يحملها في سيارته وحده أو تجلس معه ومع أهله وهي كاشفة الوجه.

من فتاوى نور على الدرب ( الشيخ بن عثيمينرحمه الله تعالى(

خفايا الروووح
30-05-09, 09:25 PM
مشاء الله عليكم حبايبي الله يعطيكم العافيه على هذا التفاعل بس حبذا مايكون فيه تعليقات خارجه عن الموضوع
قلت اسدحو وجهة نظركم ماقلت اسدحو اشباكم وشبك يامشبك<<<(a26)

<<<تقول يارب اوصلت

يالله الحين اقوووول عدنااااااااااااااااا لردووووووود ....:danc854:

محبة المجاهدين
30-05-09, 09:28 PM
الحين أطلع من هم النسبه المتعبه بعدين يصير خير

<< كأني شآده حيلي عآد ^^

أنآ رأيي ألآ يتحدثآ كثيرآ حتى " مايطلع المستخبي "

طبعآ كل هذا بعد الملكه

واذا على الكلآم اذا عقدوا النكآح واُشهر الزوآج
يتكلمون ليين يتهآوشون ^^


أوآفق الأخ عبآدي في رأيه






خالص إحترآمي

خفايا الروووح
30-05-09, 09:32 PM
مكالمة المخطوبين مهمة جدا


انا اشوف انها تطيح الميانه شوي قبل الزواج

وتولد التالف بينهم

وقد تظهر سلبياتهم بدري وكل واحد يروح في حاله قبل


توقع الفاس بالراس


وجهة نظر اعجبتني بصراحه (q81)
برعتي يابارعة اسكنكي ربي بجنات قطوفها دانيه ....

خفايا الروووح
30-05-09, 09:42 PM
بسم الله الرحمن الرحيم
من وجهة نظري اذا كانوا مملكين على بعض ما يمنع انه يكون بينهم (( الووو )) لمعرفة البعض عن قرب
ولكسر الحواجز التي ربما تعترضهم ليلة الدخلة .
وجهة نظرك رائعه بس لو تستبدل لفظ"الوووو" بـ"مكالمه"
<<<مدري احسه لفظ مـــ؟؟؟؟؟ ماحبه وبس !(a14)

اسعدني عبورك اخي عابر سبيل...

خفايا الروووح
30-05-09, 09:46 PM
اذا انخطبت وملكت
لازم اكلمه وافهمه واعرف عقليته واكييد بفهم شخصيته
اذا يعجبني او لا
بس مأيد كثرة المكالمات في هذي الفتره(qq115)

:whwhwh:<<<هذا وجهي ان فهمتيه زين هع هع هع
اسعدني توجدك اختي الدانه ...

خفايا الروووح
30-05-09, 09:53 PM
مو شرط طال عمرك

فيه ناس تلبس أقنعة وتبين لك انه واااااو
وبعد فترة يطلع شخص همجي وإلا من حثالة مجتمع
أشوف أن الشخص يعرف من مجالس الرجال (q81)
احترامي

كبرياء سعوديه

اكيد اختي كبرياء ماراح تتملكي الاانتي سأله عنه ومفصفصته زين بمجلس ومسجد وشغل :SmileyBunny:

اختي كبرياء كبرتي بعيون اخينا فيلسوف وهذا ماسعدني بموضوعي انه قرب بين الاعضاء
بس بتاكد موضوعي اطراءات بين الاعضاء ولا موضوع طرح للنقاش (a26)
عزيزتي دمتي بصحه وعافيه وشرفني توجدك العطر ...

أصيلةنجد
30-05-09, 09:56 PM
لا يكلمني ولا أكلمه ولا اشوف رقعت وجهه الا بالليلة الدخله وبس عشان مايشغلك عن التجهيز او تبدأ الاوامر والنواهي أثناء الخطبه خصوصآ لاتشترين كذا و و و و و صحيح من حقه يتحكم بلبس زوجته لكن اقصد حق المناسبات العائليه>>>>>>وجهة نظر لاأكثر ولاأقل


شكــــرآ لك غاليتي..

خفايا الروووح
30-05-09, 09:59 PM
انا اشهد انك رخمتن من نسل اجاويد ويالثامن عشر اتحداك تطبق هالشيء على بناتك و قريباتك لان هالاخلاق ماهي لعيال وايل والوكاد النار ماتخلف غير الرماد وبعدين من انت علشان تعتقد والا ماتعتقد حتة رخمتن لا رحت ولا جيت في الاحكام
اخي فيلسوف
كما ذكرت سابقا لا اريد بموضوعي مهاترات واسلوب الاستحقار وتقليل من شأن الاعضاء
كما تريد ان يحترمك الجميع فحترمهم وهذا لا يقلل من شئنك ....

خفايا الروووح
30-05-09, 10:01 PM
سالفة هالشوفه وهالمكالمه ماهي لنا الشوفه الشرعية اللي مسموحن فيها
لانها امرن مستحب مالنا فيه ومانبي اجر هالشوفة اللي يبي بناتنا لطيبنا حياه الله
واللي مايبي عيال الاجاويد ياكثرهم اللي يدورن على طيب اهل بناتنا
الشوفه الشرعيه في وقتنا الحاضر ماننصح فيها لان القلوب المريضة ياكثرها شلون المكالمة واللي يسمحون بالمكالمه مافيهم خير و اللي تكلم واحد لو هو خطيبها تكلم الف غيره والله يستر على بنات المسلمين من هالسالفة الخايسة اللي يسمونها الاتصال وقت الخطبة مابقى الا بكره على الكورنيش تئزئزون لب وانتم تتمشون
هذا اللي باقي علينا والله يستر من تواليها ومن هالافكار اللي تبي تضيع عيالنا


وجهة نظر!!!:whwhwh:

خفايا الروووح
30-05-09, 10:07 PM
هلا والله مزاجيه..

انتي قلتي اسدحوا اراءكم>>ماقلتي ردوا على الاعضاء>>تلمح للناس الي اخذوا الموضوع


المهم بسدح رأيي وبالله التوفيق..

انا ضد ان الملكه تكون قبل شهر من العرس

يعني عشان مو كل يوم يكلمها وتكلمه وبعدين يملون من بعض تلاقينهم بشهر العسل متخانقين..

يعني تكون الملكه قبل اسبوع او اسبوعين من العرس

ويكون فيها مكالمات خفيفه..

هلابتس يابعدي وه ياقلبي وه عنيزاويه نورتينا :g8546:
شفتي عاااااااااااااااااااد <<<يارب بس يفهمون :SmileyBunny:

انا اوفقك الرئي بالملكه احسن شي قبل الزواج بسبوعين ومايمديه يمون ابو الشباب الا وانتي بيته <<<تخطيط يهودي (qq172)

نورتي وعطرتي واسعدتي قلب مزمز بتواجدك يالغاليه ....

خفايا الروووح
30-05-09, 10:09 PM
السؤال: هل يجوز الانفراد بالخطيبة علما يقول بأنناملتزمين والحمد لله وقول الرسول صلى الله عليه وسلم (ما خلا رجل بامرأة ألا وكانالشيطان ثالثهما) لكن الحمد لله عندما نجلس مع بعضنا البعض معنا الأسرة سواء منأسرتي أو أسرتها ولم نفكر في شيء بل في جلستنا وحديثنا معها أفيدونابذلك؟

الجواب
الشيخ: المرأة المخطوبة كغير المخطوبة في النظر إليها والتحدث إليها والجلوس معها أي أن ذلك حرام على الإنسان إلا النظر بلا خلوة إذا أراد خطبتها وإذا كان الرجل يريد أن يستمتع بالجلوس إلى مخطوبته والتحدث إليها فليعقد النكاح فإنه إذا عقد على امرأة حل له أن يتكلم معها وان يخلو بها وان يتمتع بالنظرإليها وحل له كل شيء يحل للزوج من زوجته فأما أن ينفرد بالمخطوبة ويقول أنا ملتزم وهي ملتزمة فإن هذا من غرور الشيطان وخداعه لأن الإنسان مهما بلغ في العفة لا يخلومن مصاحبة الشيطان إذا خلا بالمرأة لا سيما وأنها مخطوبته وأنه يعتقد أنها بعد أيامقلائل تحل له فإن الشيطان يجري من ابن آدم مجرى الدم وخلاصة القول أنه يحرم على الخاطب أن يتحدث مع مخطوبته في الهاتف أو يخلو بها في مكان أو يحملها في سيارته وحده أو تجلس معه ومع أهله وهي كاشفة الوجه.

من فتاوى نور على الدرب ( الشيخ بن عثيمينرحمه الله تعالى(

الله يجزاك خير وجعله بموازين اعمالك الصالحه واسكنكي فسيح جناااااته
عطرتي متصفحي ياغاليتي ...

خفايا الروووح
30-05-09, 10:11 PM
الحين أطلع من هم النسبه المتعبه بعدين يصير خير


<< كأني شآده حيلي عآد ^^

أنآ رأيي ألآ يتحدثآ كثيرآ حتى " مايطلع المستخبي "

طبعآ كل هذا بعد الملكه

واذا على الكلآم اذا عقدوا النكآح واُشهر الزوآج
يتكلمون ليين يتهآوشون ^^


أوآفق الأخ عبآدي في رأيه






خالص إحترآمي
الله يوفقك يارب
اسعدني تواجدك ....

خفايا الروووح
30-05-09, 10:19 PM
لا يكلمني ولا أكلمه ولا اشوف رقعت وجهه الا بالليلة الدخله وبس عشان مايشغلك عن التجهيز او تبدأ الاوامر والنواهي أثناء الخطبه خصوصآ لاتشترين كذا و و و و و صحيح من حقه يتحكم بلبس زوجته لكن اقصد حق المناسبات العائليه>>>>>>وجهة نظر لاأكثر ولاأقل


شكــــرآ لك غاليتي..ههههههههههههههههههههههههههههههههههههههههاي ييييييييييييييييييييييييييي
وجهة نظر رهيبه:SmileyBunny:
العفو وشكرا على (qq22) مرورك عزيزتي ...

فيلسوف البدو
30-05-09, 10:51 PM
اخي فيلسوف
كما ذكرت سابقا لا اريد بموضوعي مهاترات واسلوب الاستحقار وتقليل من شأن الاعضاء
كما تريد ان يحترمك الجميع فحترمهم وهذا لا يقلل من شئنك ....


وجهة نظر الوكاد ردي علي الرخمة الثامن عشر يقطر احترام له والوكاد
بوووووووووووه مشرفين ومراقبين سمحوا فيها
والوكاد موضوعتس انتهت علاقتس بوووووووووووووه من كتبتيه وصار موضوعنا
نرد على اللي نبي ونهاوش اللي نبي واللي ماهو عاجبه يبلط البحر

الميسم
30-05-09, 11:30 PM
الميسم وكان القدر
اكيد بعد الملكه اجل حنا وين عيشينن بووووووووووووووووووووه :smileybunny:


تحياتي لكم
لكم مني ...(rose)....


أهاااا...كان وضحتي من البدايه..

بالنسبه للمكالمه ..أراها ضروريه جدا ..
صحيح أنها لن تكون هي الأساس في معرفته لا إطلاقا ..ولكن على الأقل تكشف لو بعض الجوانب ..

مثلا طريقته في التحدث ..أسلوبه ..فكره ..وأستطيع من خلال الأسئله التي ألقيها عليه أكتشف لو شيئا بسيطا من شخصيته ..والمفروض تكون أسئله فجائيه حتى لايجد مهرب ..

وتكون المكالمات بحدود ..يعني مو كل ساعه ..أو في أوقات متقاربه ...


بالمناسبه وبعيدا عن الموضوع ..كلمة بوووه ..تعقدني ...مدري كيف تنطقونها..؟؟

خفايا الروووح
31-05-09, 12:00 AM
وجهة نظر الوكاد ردي علي الرخمة الثامن عشر يقطر احترام له والوكاد
بوووووووووووه مشرفين ومراقبين سمحوا فيها
والوكاد موضوعتس انتهت علاقتس بوووووووووووووه من كتبتيه وصار موضوعنا
نرد على اللي نبي ونهاوش اللي نبي واللي ماهو عاجبه يبلط البحر

والوكاااااااد انك ماتشوف شر :SmileyBunny:

خفايا الروووح
31-05-09, 12:02 AM
بالمناسبه وبعيدا عن الموضوع ..كلمة بوووه ..تعقدني ...مدري كيف تنطقونها..؟؟
:SmileyBunny::SmileyBunny::SmileyBunny:
وش به مابه شي وش تحسين بووووووووووووووووووووووووووه <:g8546:

هيو2
31-05-09, 01:47 AM
اخي الكريم كم تمنيت بموضوعي ان لا ارى المهاترات والاستهزاء برئي الاخرين ...
لكل منا وجهة نظر علينا احترمها ليس دليل اذا احترمتها ان اوفقها لكن اذا احترمتها احترمة ذاتي
وكم اتمنى مرورك بمتصفحي دوما بذوقك وحترمك لذاتك واسلوبك الراقي
لك ودي وخالص شكري ....
تمني على كيفك ما أحد منعك

ومن أسوء أنواع اللقافة الرد على ما لايعنيك لا من قريب ولا بعيد

وواضح أنك تسمعين بما يسمى الرأي :SmileyBunny:

وما ودي أعلق على الأخطاء الإملائية لأنه مالي مزاج بصراحة

وبعدين متصفحك هو إنترنت اكسبلورر أو فاير فوكس أو سواهما من متصفحات موجودة في "كمبيوترك" أما هذا فيسمى "موضوع عام"

يا صبر الأرض بس ... والله يااااهي تشكي (qq152)

سيمار
31-05-09, 02:05 AM
هههههههههههههههههههههههههههههههههه
<<ميته ضحك
احلىىىىىىى شي بالحوار ان بعض المعرفات الحلووووووووووة برغم غباءها وبداوتها وفلسفتها تجتمع بموضوع واحد
احس ان الحوار يستعز قسم بالله

وبالنسبه للموضوع
قد كتبت موضوع بلحظة غفله وهو قريب لموضوعك ههههه
والحقيقة اني كلمت زوجي خمس او ست شهور ومصايب سويناها بالملكة ومع كذا حياتنا عسل في عسل (مطلعه لسانها)

امزح لكن ترى المكالمات عمرها ماقيمت الشخص وكلها نصب في نصب

سيمار
31-05-09, 02:06 AM
هيو
خلك محترم تكفى هههههههههههههههههههههه
تشكي تشكي

pilot11
31-05-09, 05:23 AM
:whwhwh:<<<هذا وجهي ان فهمتيه زين هع هع هع
اسعدني توجدك اختي الدانه ...









اي والله في هذي عز الله صدقتي واذا فهمها هي بعد كلهم بيشلخون بعض بالمثاليه وبعدين يطلعون خرطي

فيلسوف البدو
31-05-09, 07:02 AM
احلىىىىىىى شي بالحوار ان بعض المعرفات الحلووووووووووة برغم غباءها وبداوتها وفلسفتها تجتمع بموضوع واحد
احس ان الحوار يستعز قسم بالله



شهادتن اعتز فيها يابنت بس ليتس ماوصفتيني من خلال نظرتس لنفستس يوم قلتي فيها غباء والوكاد الغباء من المتلقي في اكثر الاوقات تجي مثل هالشهادة اللي كلها زينه ماعدا الغباء اللي فيها :danc854:

عذب السجــايا
31-05-09, 08:11 AM
نصيحتي لأي بنت انها تكلم خطيبها وتحاول قدر الامكان التعرف على شخصيته بدون النظر للغراميات والرومانسيات..يعني تكلمه وهي مركزه على الفاظه وعلى ثقافته وعلى آراءه في المظاهر الاجتماعيه مثلا علشان تعرف انه مو بخيل او جبان او ,,,,الخ



أتفق في هذه الجزئية مع الأخ
حمود الثامن عشر
يعني مثلا تكون واحده فاهمه ومتعلمه ومؤدبه ويكون خطيبها طعس متخلف
هذي راح تعرفها من المكالمات وبالتالي لايوجد أي توافق بينهم
فتطلب الطلاق منه ولاتتردد ...
اعرف واحد كان عاقد على بنت عمه ...وهو من النوعيه الي ذكرت اعلاه
وأزعجها في كل مكالمه اهم شي امي وابوي ...اهم شي امي وابوي
فطفشت منه وطلبت الطلاق....ورزقها الله افضل منه
---
كثير من الشباب يبي لهم اعادة تأهيل
:whwhwh:

سيمار
31-05-09, 12:32 PM
شهادتن اعتز فيها يابنت بس ليتس ماوصفتيني من خلال نظرتس لنفستس يوم قلتي فيها غباء والوكاد الغباء من المتلقي في اكثر الاوقات تجي مثل هالشهادة اللي كلها زينه ماعدا الغباء اللي فيها :danc854:


هههههههههههههههههههههههه
فيلسوف ترى معك 2بهالموضوع
يعني لاتحتكر الصفات الحلوة لك لوحدك (vv)
واطالب قصيمي نت بوضع ايقونات على شكل ضب واشهبن الهبن داق لطمه ويتنكس عشان بعض العرب :876564:

أصيلةنجد
31-05-09, 05:08 PM
وش ذا وش اللي قاعد يحصل ؟؟؟ بطلنا زواجات وملكات ومكالمات خلاص رضيتوا

خفايا الروووح
31-05-09, 09:23 PM
كثير من الشباب يبي لهم اعادة تأهيل

:whwhwh:

هههههههههههههههههه تحته شخط احمر عريض
(q33)

خفايا الروووح
31-05-09, 09:27 PM
هههههههههههههههههههههههه
فيلسوف ترى معك 2بهالموضوع
يعني لاتحتكر الصفات الحلوة لك لوحدك (vv)
واطالب قصيمي نت بوضع ايقونات على شكل ضب واشهبن الهبن داق لطمه ويتنكس عشان بعض العرب :876564:



:SmileyBunny::SmileyBunny::SmileyBunny: