عين وصابتني!!

[مني خذوك]

ياربي ياربي>> أهيئ أهيئ "قهر" قهر" قهر" نفسي أبتسي لين بكرة! اللي صاكني بعين يقول ماشاء الله؟ كل واحد يدخل يعطيني غسالة>>يعني يتوضأ ويجمع الماي اللي غسل جسمه ويعطيني أياه عشان تروح العين ،واللي يرفض تراه أهب في وجهه،، أهيئ أهيئ ياناس وش أسوي بحالي انتحر ولا انفجر ولاأبتسي>>تراني بكيت "ياربيه" ياربيه" وش صار فيني؟ وين ماأطقها عوجه أهيئ... والله تعبت! أرحموني" تعرفون سر غيابي اللي هوعذابي>>طسي بس طبعا بعد ماأنقطعت فترة عن المنتدى قبل ماكنت أدخل في اليوم عشرين مرة، حصلت لي ظروف قطعتني عن المنتدى أو بالأحرى صابتني عين>>فيس معصب حاولت أني أرجع بكل ماأوتيت من قوة>>متعوب عليها،،، ورجعت لكم عن طريق الجوال اللي صكيت روسكم به،، بس للأسف ما عندي رصيد في البنك وقل دخولي للنت!! حاولت مرة تانية وتالتة وسبعطعشر مرة،، ومرة من المراريت أمي قالت لي: وش رايك نروح السوق، قلت لها: ياليت حزنت علي أمي وقالت: شكل البنت نفسها تشتري ملابس، وعطتني ثلاث مية ريال، كل ريال ينطح الثاني، ورحنا السوق وكل مادخلنا محل قالت لي أمي: ماعجبكي شي، قلت لها: لااااااع،، وأنا مقرطة على الفلوس ،بارمتها برم وقابضة عليها بيدي لين خليت الريالات يتناطحون صح>> وبعدين حاولت الأم الحنونة بالزور وبالقوة وبالمحايل أني أشتري جلابية بثلاثين! ونقص من فلوسي! وصارت ميتين وسبعين يوم رجعنا البيت رحت خبيت الفلوس بصندوق وسط صندوق وسط صندوق وقفلت عليها بالقفل، وبعد يومين وبعد ماجمعت ريال على ريال لين صاروا عشرة، وأصبح لدي مبلغ وقدره ميتين وثمانين وأنا أبيها تآصل ثلاث مية مثل ماكانت!! الله يقلع الجلابية أم ثلاثين اللي كل ماشفتها تفلت بوجهها>> أكيد تسألوني وش عندك تجمعين الفلوس؟ رحت لأمي وقلت لها:يماا واللي يرحم والديك بشتري بفلوسي كونكت مبايلي>>مثل الدي أس أل هو جهاز صغير مثل الفلاش ميموري أشحنه وأدخل النت،، وحاولت فيها قالت لي أمي: انتي حرة فلوسك عندك قلت لها خلاص يوم السبت، قالت لي: بس بشرط أخوانك لايدرون!! قلت: عز الطلب ويوم السبت بعد أذان العصر وفي عز الحر سحبت أمي ورحنا ركبنا تاكسي>>يالتاكسي خذني لها يالتاكسي.......... ورحنا مكتبة جرير، دخلت وأنا طايرة من الفرحة ومن فرحتي رحت للمحاسب وسألته: عندك كونكت ناظرني وقال: هناك داخل وأدخل بسرعة وأفحط ذيك التفحطية يحسبوني أخت أبو زقم!! وسألت راعي المحل: عندك كونكت موبايلي؟ قال: لا،،،، أنصدمت قلت له: هاه، قال: مافي كونكت موبايلي في كونكت" زد تي أي "قلت وش تقول: عادها مرة ثانية، قلت: هاه! زعل علي وراح جابه و وراني أياه قلت: بكم قال بثلاث مية وخمسين!! وقفت مكاني بدون ماأتحرك،. قالت أمي أشتريه وخلصينا بزيدك من عندي وأشتريته، جيت اليوم ركبته ماأشتغل معي وش هالحظ وش هالحظ وش هالعين اللي طاقتني أهيئ أهيئ >> الله يستر بكرة بروح أرجعه أوأصلحه ياويل حالي على فلوسي أدعوا لي أني أتوفق بكرة وان مارجعوا الجهاز بتهاوش معهم وأكسر المحل فوق روسهم الحرامية التسلاب بس أدعوالي وحياكم بموضوعي، صب القهوة ياولد>>وبغسل فناجين القهوة وآخذ غسالها يمكن تروح العين وأقدر أرجع مثل قبل شوفوا الحالة اللي وصلت لهاا أهيئ أهيئ أدعوااا لي لأنها آخر محاولة>>فيس ميت بكي

[فهودي 1]

هههههههههههههههه والله الصراحة اني تعاطفت معك هههههههههههههههه ايه يالحظ كلنا كذا المهم انشاء ترجعين زي اول واكثر يسلموووووووووووووووووووووووووووووو طيب عندي لك حل القطي من جيرانكم شوفي ماعندهم الد اس ال يمكن وتنحل المشكلة ياما ويام سوينها حنا خوذي شوري ههههههههههههههههههه يسلمووووووووووووووووووووو وننتظر جديدك وعلمينا عن الكونكت

[مني خذوك]

غيرك كان أشطر يافهودي للاسف جيراننا مقاريد كل واحد حاط رقم سري جعل سرتهم المصع ومشكور على تعاطفك والله يستر من بكرة اللي هو اليوم العصر>>فيس ناوي شر

[ام علاوووي]

هلا القطه

يعني العين هي اللي صكتك :D

كل ماصار للواحد شي قال عين :D

الحين الشيفه وهي شيفه تلقينها تقول صكوني بعين يوم شافون :D

وهي لو شافها الجني هج :D


مير العين حق


ان كان بك عين مالك الا قرايت سورة البقرة كامله

وقرايت المعوذات وايه الكرسي


بس ماعتقد ان احد بيصكك عين عشان نت خخخخخخخخخخخخخ

تراي مصدقه وقاعدتن اعطيك من هالسوالف:D

يحليل اميمتك وزادت لك خمسين

دايم الام قليبها رهيف :gcr852:


الله يجعل العين تكت بوادي وانت بوادي:D

ان ماعرفتي كلمه تكت ارجع افسرها لك مير هي باينه من المعنى :D

[خفايا الروووح]

<<<<<جايه ماغطه معه زيت مقري فيه وماء
تعالي ياوخيتي اقرى علي واتفل عليتس غدي الي بتس يطلع ..وان شاء الله ماتشوفين شر

*-^

[مني خذوك]

أم علاوي صاحبة الكلاوي هين يالدبية أقول لاتضيعين الموضوع هاتي غسالك مير أنه خايس بس الشكوى لله>>على فكرة أمي زادتني سبعين هع الا على فكرة ثانية وش التكت انتى ووجهك

[مني خذوك]

هههه مزاجيه موتيني ضحك كفاية خلاص كفاية >>طسي ياحوليك لاتتفلين على ماأظن العين منتس

[ام علاوووي]

أم علاوي صاحبة الكلاوي هين يالدبية أقول لاتضيعين الموضوع هاتي غسالك مير أنه خايس بس الشكوى لله>>على فكرة أمي زادتني سبعين هع الا على فكرة ثانية وش التكت انتى ووجهك


وراك تهاوشيني كذا :gcr852:

انا اتكلم عن العين بشكل عام :gcr852:

وترى والله مب نضول ولاعيني حارة ولااني من اللي يصككون بعيون :gcr852:


وبعدين ان استمريتي تقولين لي ام علاوي صاحبه بزعل منك :gcr852:



وتكت معناها تذهب

اي عسى العين تذهب عنك:rofl951:

وبعطيك ماء تغسلين بوة عشان تشوفين ان العين مب مني وتروحين تدورينه عند غيري



الله يخلي لك الوالدة قولي امين

















:gcr852:زعلانه منك

[ام علاوووي]

احتريتك تردين قلت بسوي بك مقلب

وين رحتي


ترى مب زعلانه منك

امزح معك



(ghqv)

[مني خذوك]

لااااا كلش ولا زعلش ياأم علاوي ماعاش من يزعلش دام راسي يشم الماي>>منتهية

[مني خذوك]

مدزلب أنا محب المدزالب>>يأم كلاوي

[رحمالوف]

ووووووووووورب البيت
لو إني قريب من عندكم لأرسل لك البآندلوكس اللي عندي طآشة بالدرج ولا استخدمهـ..

قسم رحمتك من جد..http://www.rhmalov.com/blog/wp-includes/images/smilies/sad1.gif

بس حرآم عليك والله حالتك مستعصية .. لاتعلقين نفسك بأي شي تحسبآ للفرآق خوذيهآ قآعدة ..
يعني لمتى والنت عندك والظروف معك ؟
لابد مآيجي يوم وتفقدين أشياء لذلك حآولي قد مآتقدرين إنك توآفقين بعلاقآتك بالنت ومع النت بكبرة ..


القطة الله يعينك مو على ظروفك لأن ظروفك إن شاءالله إنهآ حلوة .. لكن الله يعينك على تعلقك بالنت ..http://www.rhmalov.com/blog/wp-includes/images/smilies/sad1.gif

[:: ĤάiŁy ::]

آلبـسه آلله يعينتس

ميـر لو آلود ودي تسـآن عطيتك آلبآسورد حق آلدي آس آل حقنـآ <<برآآ

يآلله معـوضه خيـر آن شـآء آلله ..!~ْ

[ياسر666]

ههههههههههههههههههههههههه



ساده


وشوله تبلشين أمك


مولا زم تدخلين النت

هههههههههههههههههههههههه


تصدقين ضيقتي صدري


ياقطوطه

باي

[مني خذوك]

رحمالوف>> من ناحية متعلقة بالنت فأنا غرقانه لشوشتي وخصوصا قصيمي نت مدري وش سر التعلق الزايد وكلامك على عيني وراسي وفعلا كل شي وله نهاية بس الواحد ماييأس

[مني خذوك]

شمتاقوه شفت شاللي جرى لي أدري فيك كريم >>عندك سلف عشرين >>تبي تحشره ياسر>>لازم أدخل النت ولايضيق صدرك >>طسي

[الفارس الهلالي]

انا اتوقع يا اختي ان الكونكت اللي عندك موب خربان ولا شي

وديه عند محل كمبيوتر يبرمجه لك مضبوط ويشتغل ان شاء الله

[** ريـــــــــم **]

والله اني جديده وماعرفك وماصكتك باي عين من العيون (qq89)


ولا يغرك عدد المشاركات


والله مو انا <<< مصدقه



وربي يوفقك وعليك بهم بتهاوش معهم وأكسر المحل فوق روسهم الحرامية التسلاب

[بحور الغلا]

عندي حل
اسكني جنبنا انا ماحطيت رقم سري
وشلحيني حلالتس
وبشغلة لتس اربع وعشرين ساعة
بس لااشوف دموعتس
ههههههههههههههه
والله انك نكتة وامك ياحبي لها تستر عليك
ماتبي خوانك يدرون اصبري وانا اختك هونيها وتهون

[مني خذوك]

الفارس الهلالي>> ان شاء يضبط أتمنى هالشي من كل قلبي مشكور على التنبيه ريم>>خلاص صدقتك مايحتاج تحلفين هههه بحور الغلا>>هلا يالغلا وش رايك أنتم تجون تسكنون عندنا

[الموج القادم]

قطقوطه الكونكت مو خربان بس اول ماشريتيه كان موجود مع س ي دي لازم تثبتين برنامج

وبعدين بيشتغل ؟


سلام عليكم(vv)

[مني خذوك]

هلا موج وعليكم السلام أنا رجعت الكونكت>> وأنا أكتب وانا في السيارة هع مستعجلة البنت حتى ما صبرت لين توصل البيت<< رحت للمحل وداخلة عليهم بعضلاتي أستقبلني واحد قلت له خذ هذا رجعه ياحرامية ياخرابين بيوت>>خربتها قال لي نجربه وجربه ماصبط

[تفووق الوصف]

ياربي يالقهرررر (asj)

خوذي من آثري .. أهم شي ارجعيلناااا (qq122)

[مني خذوك]

ان شاء حبيبتي تفوق يانظر عيني انتي>>ويلوموني ليش متعلقة بالنت برجع ان شاء الله ياحياتي مسألة وقت وكل شي يرجع مثل ماكان واسمعي لاتغيرين اسمك واذا غيرتيه خبريني

[the lonely girl]

قطقط ..

ياخيتي احيان البعد عن النت راحه ..
ولا تتعلقين بشيء واجد ..

ودمتي بخير هههههههههههههه

[مني خذوك]

هلا لونلي >>توها ترد تسلم لي هالدحكة يارب لونلي وينك ماعاد أشوفتس>>طسي قسم الغياب