المساعد الشخصي الرقمي

مشاهدة النسخة كاملة : الى ارواح الدشير القدامى ..... الى كل دباب طاح بحفرية :)


المحــــارب **
26-05-09, 01:25 AM
السلام عليكم
ايها الحلوين والحلوات ...
معاشر السرابيت القدامى ...
الدشير الامــــــــاجد ..


"صورة حفرة عميقة .. "
"دباب مسرع "
بعد شوي صورة
"ناس متجمهرة "

(صح عليك ... (gfp))
____________________________



لحظات من هنا سنقلع بها ... عبر أروقة الجنون ...
لامكان للعقلاء .. ولا لعيال امهاتهم اللي يلبسون نظارات :c010:
ولا للحليلين .. ولا لأي وحده تشبه خالتها ... :SmileyBunny:

هنا فقط .. لحظات افتحوا أيديكم للريح ..
تحدثوا كما انتم .. بدون تكلف ..
سيبوا منكم هالهذرلوجيا .. والتشدقات اللي مالها اول من تالي
ومن أراد الاستزادة منها فليرجع
الى صالون الادب فسيجد هناك الكثير من التلوي ..
حتى لكان الواحد لابس من لسانه كرافته :)

مشكلتنا الكترونيا ... نحب ان نظهر كجنتلمانات..
وانتيكا .. والحريم هنا يحبن ان يظهرن كاناقة .. وكل وحدة تبدأ بالهرطقة .. والحديث بكل شفافية عن الاسرة والاحتواء والتواصل .. واللازم منه

السؤال ..
وين العرابجة .. وين هاللي يرد وعاملي فيها وهو سربوت تتان :danc854:
وعجولة* زقارته ماليه الغرفة ويتحدث عن
"المثـــــــــــــالية والرمزية في الأبوة "(q31)

وعمتي افندي .. مرتزة بقسم الحريم وتحدثهن عن الحياة
الزوجية واحتواء الاسرة والعش الصغير وهي مهسترة بزوجها وامه وابوه معه :rofl951:

والادهي والامر ان هناك من يصدق .. وهؤلاء هم معشر الحليلين اللي ودنا نتحدث عنهم في هالعجالة

عالمنا الانترنتي مليء بالمهسترين والدشير الحمران والسمران وعد واغلط ... قبل ايام اكتشفت احدهم ... من فئة الدشير نمرة واستمارة ...و كانت لحظات بالمسنجر مع سموه كافيه بقلب ام الطاولة ..
حقا ان البعض بايعها بكلب سرق اهله
(مدري عن نوع المسروقات بالضبط ) :)
س~ الكلب له اهل حتى يسرقهم :SmileyBunny:

عموما فعلا .. الامور مدحدرة ..
افكار تتقافز كخراف النوم الغبية اللي قالوا لنا عنها .. سنين ياما
تبتل تقفز .. كانك نايم العصر والله لو يقفز القطيع كله مانمت :)
وكانت مبقق من النوم .. لو تنقز الخرفان كلها ببطنك رقدت غصب :c010:

سواليف شيبانا البعض منها دشرة شيبان :
يمجدون الفلاني .. وهو كل بطولاته ان يبصبص للحريم
ويمجدون فلان عشانه حنشولي .. حرامي GLX
وللشيبان مع تحياتي نحن نعلم انكم لم تكونوا ملائكة ..
ولو سقتوا لنا قصصكم الملائكية .. وافلامكم التي تنافي الفطرة
وتنسون بعدها ان ترددوا قصائد الغزل .. قابلني كان صدقتكم (q39)

العرابجة الجدد :
شعوره طوال يسحبها تحت كتوفة ..ومميل العقال .. وشكله بايعها من جد .. ونظراته لامبالية .. وثوبه تقل مفصل علية من الضيق .. ولا كلمته لقيته حليل قوة :SmileyBunny:
والله ماتجي .. انت اختار ياعربجي واحفظ امجاد العرابجة ولا كن حليلا ...

العجــــــــــــز :
لاشفنا العجوز .. نرحمها ونتعاطف معها .. وياحليلها ...
وهي بعد تكثر من الدعوات واخر حلاوة ..
وقبل 30 سنة .. كانت عوباء لوباء ماتنقرب ومهبلة بام زوجها وعمايلها سوداء.. ومتهاوشة هي وكل جيرانها عشان ورعانها .. والان صايره حليله ..
اما ان هذه الصورة .. او ان العوب ينقرضن عند سن الخمسين :)

الحريم الجـــــــــــدد حقات الاسواق :
هذي الوحدة منهن لو تزوجها ودك تحطها بقزازة وتفرج عليها ..
والله ياطالع جيل فشق من جد
واللي يقهر كانها محترمه ومحبة لزوجها
-يابن الايه يازوجها .. جامع الوناسة كلها -



هجولة فكرية .. من هنا وهناك ..
فتعالوا ... وياويل اللي يقول شكرا .. ولا زدنا زدنا :c010:
ولا يتكلف ويسوي رد عشان يقول طرح رائع :SmileyBunny:



:::::::::::::::::::::::::::::

كتبه واملاه ونسقه ابولجين



عجولة : تصاعد الدخان بعشوائية يقال عجول الدخان اي تصاعد
عوباء : كل حرمة عصبية وتهز رجلها ويدها بحركة مع عقارب الساعة لازعلت تقل هزاز
لوباء : مرحلة مابعد العوابة وهذي لازعلت .. تهز يدها ورجلها ويتحرك لسانها في جميع الاتجاهات ودائما اسمها مسحوب .. فطيــ مه او حصيـ صه ..

الهلالي
26-05-09, 01:39 AM
وعليكم السلام ورحمة الله وبركاته

تدري وش المفروض يا ابو لجين؟؟ المفروض دامنا بعالم افتراضي الواحد يصير على طبعه، طبعك اللي خلقك الله عليه، طبعا مع وجود الاحترام، موب يجي واحد ويقول انا الله خلقني ملسون وكلامي شين وبأصير بالمنتدى بعد كذا


بالنسبه للدشير الجدد ودك والله انهم يبعدون عن هالطريق، موب لانهم غلط وانه وانه، لانه بالعربي ما عرفوا يضبطون العربجه خخخخ، يجيك واحد مثل ما وصفت، مربي شعره الى نص ظهره ويبي يسوي مايع بالغصب وهو استغفر الله خشته تقل ركبة عنز


اما حريم هالوقت، فهن ،، ولا تدري، خلني ساكت احسن لي

المحــــارب **
26-05-09, 01:51 AM
اما حريم هالوقت، فهن ،، ولا تدري، خلني ساكت احسن لي

أيها الجبان الحليوة


لا عاد تسوق الدبابات
:ham020:

الهلالي
26-05-09, 01:52 AM
أيها الجبان الحليوة


لا عاد تسوق الدبابات
:ham020:


تركت الرد كله واعجبتك هالجمله http://www.qassimy.com/vb/images/icons/icon7.gif

المحــــارب **
26-05-09, 01:57 AM
تركت الرد كله واعجبتك هالجمله http://www.qassimy.com/vb/images/icons/icon7.gif
ابيك تحمس
(q31)

الهلالي
26-05-09, 01:59 AM
ابيك تحمس



(q31)

ما عندي غير اللي قلته طال عمركhttp://www.qassimy.com/vb/images/icons/icon7.gif

وراك كتبت الرد ثم عدلته ثم عودت عالاول؟http://www.qassimy.com/vb/images/icons/icon7.gif


آسف، شكلي اشغلتك في موضوعك

المحــــارب **
26-05-09, 02:02 AM
لا بس احاول اجمع
صورة شيخ
وزعيم الرابطه ..........
ماتجي
:)





لااله الا الله

خفايا الروووح
26-05-09, 02:07 AM
:gm741:{{{يحليلكم ويحليل موضيعكم <<(q33)

الهلالي
26-05-09, 02:07 AM
لا بس احاول اجمع
صورة شيخ
وزعيم الرابطه ..........
ماتجي
:)








لااله الا الله

وش اللي يمنع طال عمرك :)

المحــــارب **
26-05-09, 02:14 AM
وش اللي يمنع طال عمرك :)

مامن مانع شرعي صريح
ولكن ... احس انها ماتجي ...
وبصراحه الكورة هذي .. احس انها مالها داعي كلها -وهذا رأي -
ولو كنت مكانك لمنعني حب المشايخ -حد وضع صور رمزية لهم -
من الانسياق وراء الكورة ... والرابطه حقتهم .. والعب يالازرق
والهبال هذا
هذي عقل وهذي هبال ... هذا اللي خلاني استغرب جمعتهم
هذي وجهة نظر ياصديقي من واحد مايحب الكورة ابد
ولك مودتي واحترامي

الهلالي
26-05-09, 02:25 AM
مامن مانع شرعي صريح


ولكن ... احس انها ماتجي ...
وبصراحه الكورة هذي .. احس انها مالها داعي كلها -وهذا رأي -
ولو كنت مكانك لمنعني حب المشايخ -حد وضع صور رمزية لهم -
من الانسياق وراء الكورة ... والرابطه حقتهم .. والعب يالازرق
والهبال هذا
هذي عقل وهذي هبال ... هذا اللي خلاني استغرب جمعتهم
هذي وجهة نظر ياصديقي من واحد مايحب الكورة ابد

ولك مودتي واحترامي


احب الصالحين ولست منهم
لعلي ان نال بهم شفاعه

واكره من تجارته المعاصي
ولو كنا سويا في البضاعه


رايك واقدره واحترمه وعلى راسي، وان كنت تشوف ان فيها تعارض فأخوك بحاجه لدعوة في ظهر الغيب

كل الشكر لك وجزاك الله خير

وآسف مرة ثانيه خرجنا عن صلب موضوعك

مستغرب
26-05-09, 07:41 PM
السؤال ..
وين العرابجة .. وين هاللي يرد وعاملي فيها وهو سربوت تتان :danc854:
وعجولة* زقارته ماليه الغرفة ويتحدث عن
"المثـــــــــــــالية والرمزية في الأبوة "(q31)

..




وتحصله يكتب عن الاتكيت ويده بخشمه يحفر ويدفن

عالم يا رجل مصايب خلف الشاشه تحسه يشبه رامي عياش

واذا قابلته تحصل معه ددسن خمس كفرات خط

وتجيك الثانية تكتب عن قناديل العشق القديمه وشرفات الحب تتدودل في صفحاته

وهي تكتب الموضوع تحصل امه معه عرجد تقول له قومي سبع قامت طحلتس والعقارب تبطح لتس
كل عمره تلعب مراجيح بغصون الاثل وتتكلم عن العشق الرومنسي


والثالث يحارب امريكا ومحموله دل ونظامه وندوز ومشروبه بيبسي


وهذا هو

شرحي موافق موضوعك او انا حمق وحطيت حرتي بهم

قلم بلا قيود
26-05-09, 07:55 PM
ياهلا بابو لجين


المثالين والجنتل مان وومن يابعد حي اندثرو وابطال السربتة والعرابجة انقرضو ذكرنوي بالعصر الطبشيري خخخخخخخ


الحين في مزيج مترنح بين الاثنين مرة يصيع ويعطيك افكار مالها اساس
ومرة مشخص وراز نفسه

ذكرتني بجار لي مسوي استراحة فجاء بمرة وعزمنا وطلعنا الله يقويه
مزبط بها شغلات من نفسه وحد قوله لو محشش ما عملها يعني افكار عجيبة مزبط بيده


:126:

مستغرب
26-05-09, 07:59 PM
حي الله قلم بلا قيود

اشتقنا لك يا غالي

وعودا حميدا

الوافي3
26-05-09, 08:12 PM
ماشاء الله تبارك الله
والله أني فرحت بعودة هذه الأقلام أبو جابر وأبولجين ومستغرب
ثلاث أقلام أجتمعت في موضوع الأخ المحارب ولايهون الباقين ومنهم الأخ الفارس
شف يابعدي على لهجتكم
التنظير شئ والواقع شئ آخر وهذا لاينفي أن هناك ثلة يتطابق فعلها مع قولها
خذ مثلاً واحد مثلي :(
على النت كل عصرية ويتكلم عن تربية الأولاد مايصير :)
بس أبشرك أن مافيه إلا واحد يدرس منهم ولا أجلس على الكومبيوتر إلا وهو بجانبي يذاكر(vv)
جملةً قولك لاينافي الحقيقة لكن!
لكن ايضاً التعميم على كل كتاب النت أيضاً قاسٍ
شكرا لك

جنيفر
26-05-09, 09:46 PM
بوه أحد ينادي
(q33)
الله حيوه موحارب


بالعكس


في عرابجه بالنت لهم شعبيه (qq168)



حقين المسطره دبلوا كبد الناس



بس المشكلة هنا الكل يصنع له مكتب

تلقاه يتكلم على الجهاد وهو طول يومه مقابل النت


يعني بتحارب بالماوس



قم فز أثابك الله واحجز على القدس << اصلا بوه حجز


المهم




نحكي في ايش بالضبط أو أنت فكرتك ننشر غسيلنا ولا وشو (hjh)



على طاري الدشره





مره بنت خالتي طلعت تبي تنادي خالي << ايام الناس قلوبها بيضه


وتلقى خالي عند الباب يدخن


وترجع عيونها كلها دموع


قلت بس واحد داعسه والبنت جتها صدمه (hjh)


وش فيك


قالت خالي


قلت وش فيه


قالت طلع داشر


عاد أنا قلت كله من جيران جدتي


المهم

مع مين داشر

قالت لقيته يدخن (q31)


الله يازمن




كان

الي يتتن داشر


بس الموضوع حاولت اعربه تعبت



ارواح الدشير << يعني خلاص ماتوا




دبا ب طاح بحفرية << عشان الطرق كلها محفورة يدورون البترول في السكك (qq168)






ايه

في شئ

مهم

وش يعني املاه

عبادي نت
26-05-09, 09:53 PM
إذا قسناها على كذا



بيصيرون العرابجة الي هنا في المنتدى



جناتل في الواقع (q31)




وياحي العرابجة القدامى والله حتى الدخان ماشربناه

وإذا خربناها وطلعنا برا البيت حضرنا مباراة ورجعنا

والمقاهي على خفيف (hjh)

اما العرابجة التالين الله لايوريك الحشيش مايعوق معهم

وسفريات خميس وجمعة للبحرين وماجاورها وسكار ونكار

الله لايبلانا


الوكاد الواحد يحمد ربه على العافية انه تجاوز فترة المراهقة

بدون مضاعفات

فالبعض اخذتهم فترة المراهقة إلى ان اودت بهم إلى مستشفيات الأمل

ومنهم من جرفه التيار إلى الجحيم

نسأل الله السلامة






وتصدق يالمحارب كل ماقرأت مواضيعك


تذكرت حسين عبدالرضا ومسرحية


مراهق في الخمسين :D

فيلسوف البدو
26-05-09, 10:22 PM
ايام عز حارة العزيزية قبل سنة الغرقه اللي طيحت اكثر بيوت الطين بجنب مسجد الحوطي
كان بيت جيراننا على شارعين غربي وجنوبي وكانت الزاوية للي بينهن محطوطن عليها سمنت
على شكل صخرة ملساء وجاء هاك العربجي ابوه رئيس رقباء والظاهر انها كانت اعلى رتبة
وقتها بحائل مجرمن بهالخلق اجرام عربجي صح وخوين لاخوي الكبير ابوسعد وجاين هاك اليوم
عند ابوسعد بله دباب وصغير هاك الايام والله ويحشرني بالزاوية بدبابه مسوي نفسه يبي يدعسني ورغم ان الزاوية ملساء بس والله من الخرعه رقيتها شلون ماادري الوكاد عقبها كرهت كل من يقول انا عربجي بسبته الله لايسامحه على هاك التخريع
الوكاد يالمحارب العرابجه اول مجرمين مافي قلوبهم رحمة من تالي عرابجه بس في قلوبهم حنيه
على اخوانهم والوكاد هالعرابجه اول وتالي سقط متاع ماله فائده

ناوي ابعاد
26-05-09, 11:57 PM
ابو لجين والجميع اسعد الله مساكم
اخص بالتحية ايضا الوااااااااااااافي 3 حبيب قصيمي

(مشكلتنا الكترونيا ... نحب ان نظهر كجنتلمانات)
الانترنت انقذ عالم كثيره اشكال ما كانت تقبل نفسها بالواقع
يجي يشخص بكلمتين ناسخهن من السيد قوقل ويسوي فيها عالم ذره
والمضحك فيه ناس اخذه مقلب بناس

(العرابجة الجدد )
اشبه ان يكونو ثيران لهم ديود بس فيهن كوكتيل مو حليب

(لاشفنا العجوز .. نرحمها ونتعاطف معها .. وياحليلها ... وقبل 30 سنة .. كانت عوباء )
هذي بعض الحريم 30 سنة يجمعن سيئات و30 سنة يكفرن عنها
وصورة مع التحية لام اسليمان الحليله اللي فرقت زوجة ابنها قبل 30 سنه

(الحريم الجدد حقات الاسواق هذي الوحدة منهن لو تزوجها ودك تحطها بقزازة وتفرج عليها )
اول شهر بس ؟؟؟ الحريم الجدد وما ادراك ما الجدد
الموديلات الجديده جايه ايرباقات اماميه وخلفيه وفوق وتحت بدون حساسات
بس انتبه ابعد عن الصدامات تراه سريعة الانفجار تتفاعل بـ mms او بلوتوث

(والله ياطالع جيل فشق من جد يازوجها .. جامع الوناسة كلها )
فيه حكمه ضايع قائلها يقولك : المراة المزيونه دايم مع الدلخ <<< بين قوسين الرخمه
موضوع رايق زدنا زدنا <<< نوع من الردود البايخه عضو جديد ومستحي
الموضوع جامع صور واشكال من الجنتله على بعض وغلبهم مقالب لكن ربك يلطف

اهداء لمستغرب يقول ابولجين خلنا نتذكر يوم كنا بالمانيا <<< جنتله مبطنه
واهداء للوافي تصدق يا ابو اسامه حبيت الجنوب عشانك <<< يتجنتل
واهداء للمحارب والله موضوعك نكبة يا تقول الصدق ولا بلاش نتجنتل على بعض
(وتظل اغلب الردود جنتله لم يصلو لما هم عليه)
تحية خااصه لصاحب الدباب(qq166)

قلم بلا قيود
27-05-09, 01:15 AM
هلا فيك بو فيصل وحياك الله ونعم فيك
والشوق واصل والمحبة عامرة يارب يالغالي


تسلم والله بو اسامه مانسينا ايام وشوق للموقع بمحفل يجمعكم
اكيد من عاشركم ماينسى العشرة ولو تمر سنين

وياهلا باخونا ناوي ابعاد وجميع من حظر

المحــــارب **
27-05-09, 01:19 PM
:gm741:{{{يحليلكم ويحليل موضيعكم <<(q33)
واضح انك مزاجية :)
لا صحصحتي تعالي

المحــــارب **
27-05-09, 01:28 PM
وتجيك الثانية تكتب عن قناديل العشق القديمه وشرفات الحب تتدودل في صفحاته


كل عمره تلعب مراجيح بغصون الاثل وتتكلم عن العشق الرومنسي


والثالث يحارب امريكا ومحموله دل ونظامه وندوز ومشروبه بيبسي


وهذا هو

شرحي موافق موضوعك او انا حمق وحطيت حرتي بهم

كلك حلا (تـــ)ال عومرك
واعجبتني فعلا قناديل العشق ويقابلها مرجيحه الاثل (qq15)
تشبيه عجيب ...
بس لاتكون قاسي وخل البنات يعبرن عن انفسهن ..
ماهو ذنبها .. ان واقعها كذا ..
والجميل في الموضوع قدرتها على خلق البدائل .. والتطوير الذاتي

اما عمي افندي وحقين التنظير ذولي ..
فاللي يقهرك ان بعضهم وصل الى حد اعتناق التكفير
-وهو جالس ببيته ولا هو حتى منظر فكري -
-يعني طب بنص المتاهات العقائدية وهو بس حماس-

واعود فاقول اني اتضامن مع النساء
ولو كان الرجل انيقا في تعامله صدقني
-غالبا سيجد المراة ايجابية ومتفهمه -
-مشكلتنا ماعرفنا كيف نفهم المراة -

صديقي مستغرب انت اكثر من قابلت متوافق مع ذاته
وانت هو انت بالانترنت وغيرها
تحياتي لقناصيعك المتناثرة .. (qq15)


-سنة من السنين يقالنا تطورنا وبدينا نسمع لماجدة الرومي -
واذا سمعت اغانيها هالحين احس انا كنا دشير رسمي .. (q39)
اجل ماجدة الرومي ياحوش(gfp)

شموخ بدوية
27-05-09, 01:52 PM
ياالله الموضوع هذا جمع العرابحة القدامى


أو الشيبان القدامى (q84)


من أي دار عجزة طالعين (q84)

تحفة صراااحة


رحلة مع مخضرمين المنتدى :gg4mpup:

المحــــارب **
28-05-09, 01:58 AM
ياهلا بابو لجين


المثالين والجنتل مان وومن يابعد حي اندثرو وابطال السربتة والعرابجة انقرضو ذكرنوي بالعصر الطبشيري خخخخخخخ


الحين في مزيج مترنح بين الاثنين مرة يصيع ويعطيك افكار مالها اساس
ومرة مشخص وراز نفسه

قلم بلا قيود
حياك الله ..
يعني بتقول انهم يعيشون مسألة ضياع الهوية
مع اني لم افهم اذا هذولي اندثروا وهذولي انقرضوا من باقي ؟

عموما تحياتي لك

المحــــارب **
28-05-09, 02:06 AM
ماشاء الله تبارك الله
والله أني فرحت بعودة هذه الأقلام أبو جابر وأبولجين ومستغرب
ثلاث أقلام أجتمعت في موضوع الأخ المحارب ولايهون الباقين ومنهم الأخ الفارس
شف يابعدي على لهجتكم
التنظير شئ والواقع شئ آخر وهذا لاينفي أن هناك ثلة يتطابق فعلها مع قولها
خذ مثلاً واحد مثلي :(
على النت كل عصرية ويتكلم عن تربية الأولاد مايصير :)
بس أبشرك أن مافيه إلا واحد يدرس منهم ولا أجلس على الكومبيوتر إلا وهو بجانبي يذاكر(vv)
جملةً قولك لاينافي الحقيقة لكن!
لكن ايضاً التعميم على كل كتاب النت أيضاً قاسٍ
شكرا لك
الوافي وافي ...
حشيت فيك انا وناوي ليلة ما بكوفي شوب ما ... :)
ومجمل الحديث ان هناك كما تفضلت من يعيش حالات السلام الداخلي .. كمثال شخصك الكريم والاخ الرفيق المناضل مستغرب
وهذه قمة الانسجام .. ولكنكم قلة

الكثير من الناس -فيما أعلم - يمارسون رسم صور اخرى لما هو عليه واقعهم ...
نقاط كثيرة احببت ان تعلق عليها ..
جدليات كثيرة معلقة
لا تعجبني قضية القوالب الجاهزة لانماط التفكير تجاة الاشياء
ولكن هاهي الايام ياصاحبي ...

اصلح لك الله النية والذرية وتحياتي للي يحل الواجب
___________

المحــــارب **
28-05-09, 02:17 AM
بوه أحد ينادي
(q33)
الله حيوه موحارب
بالعكس
في عرابجه بالنت لهم شعبيه (qq168)

حقين المسطره دبلوا كبد الناس

بس المشكلة هنا الكل يصنع له مكتب
تلقاه يتكلم على الجهاد وهو طول يومه مقابل النت
يعني بتحارب بالماوس

قم فز أثابك الله واحجز على القدس << اصلا بوه حجز
المهم
نحكي في ايش بالضبط أو أنت فكرتك ننشر غسيلنا ولا وشو (hjh)




بس الموضوع حاولت اعربه تعبت



ارواح الدشير << يعني خلاص ماتوا




دبا ب طاح بحفرية << عشان الطرق كلها محفورة يدورون البترول في السكك (qq168)

ايه
في شئ

مهم

وش يعني املاه

لااله الا الله ... سبحان الله وبحمده عدد خلقه ورضا نفسه وزنه عرشه ومداد كلماته
.________________________________
هوليه .. هوووليه .. جنيفر .. ..جنيفر وتصفيييق
وتدخلين الحفل باضواء .. وصخب الجماهير
وانتي معك زقارة ولابسه كعب طويل...>>>>>تحمس الاخ(qq168)
عموما طال عمرك .. الموضوع مفتوح تكلمي باللي تبين
وتراي مااحب الناس الفاهمة (qq6)

ومو الفكرة نشر غسيل بقدر ماهي تعرية للواقع ...
ملينا من زدنا زدنا وطرح رائع بنغير جو ...
بنستفيد .. ببنظر للغرفة من زاوية مختلفة

بس ماش الربع طافين قوة ..
واملاه =قام بإملائه
صورة مع التحية لمدرستك القواعد بالرابعه ب (qq166)

تلاحظين البدوية شموخ صايرة عاقلة ..
اصلا ماتطير شوشتها لين تجي سيمار هانم
غريبين البدو ذولا شوي ينقزون وشوي يطفون

فيهم من البعارين كثير ولا لا يالحجازية :ola854:

تحياتي للوافين

كتبه واملاه ابولجين من بريدة
ذات مساء ما من مجلس ما .. على أريكة ما تحت لمبة ما
:ham020:

المحــــارب **
28-05-09, 02:26 AM
إذا قسناها على كذا



بيصيرون العرابجة الي هنا في المنتدى



جناتل في الواقع (q31)




وياحي العرابجة القدامى والله حتى الدخان ماشربناه

وإذا خربناها وطلعنا برا البيت حضرنا مباراة ورجعنا

والمقاهي على خفيف (hjh)

اما العرابجة التالين الله لايوريك الحشيش مايعوق معهم

وسفريات خميس وجمعة للبحرين وماجاورها وسكار ونكار

الله لايبلانا


الوكاد الواحد يحمد ربه على العافية انه تجاوز فترة المراهقة

بدون مضاعفات

فالبعض اخذتهم فترة المراهقة إلى ان اودت بهم إلى مستشفيات الأمل

ومنهم من جرفه التيار إلى الجحيم

نسأل الله السلامة






وتصدق يالمحارب كل ماقرأت مواضيعك


تذكرت حسين عبدالرضا ومسرحية


مراهق في الخمسين :D




ياحيالله ياحيالله
هالمتنوع ...
نوب يرقص ونوب مطوع :)
طلعوا العرابجة القدامى ... انت اللي شكلك في الخمسين
والله حركات وتعرف الحشيش والسكار ..(qq15)
قاضين مشاكل .. بعيد يالحنشل
لاصرت مادخنت ... مانت عربجي قديم



شكلك انت اللي بالخمسين .. مراهقتكم وحشه
اجل سكار والامل ...
نسال الله السلامة ..

تماكن عمرك .. بس ودور لك مسيار وفل الشغلة خل المطامر عنك ... طع شوري ...

عبادي معك سلف عشرة ابشري تتن(a14)

الوافي3
28-05-09, 02:40 AM
ابو لجين والجميع اسعد الله مساكم

اخص بالتحية ايضا الوااااااااااااافي 3 حبيب قصيمي

(مشكلتنا الكترونيا ... نحب ان نظهر كجنتلمانات)
الانترنت انقذ عالم كثيره اشكال ما كانت تقبل نفسها بالواقع
يجي يشخص بكلمتين ناسخهن من السيد قوقل ويسوي فيها عالم ذره
والمضحك فيه ناس اخذه مقلب بناس

(العرابجة الجدد )
اشبه ان يكونو ثيران لهم ديود بس فيهن كوكتيل مو حليب

(لاشفنا العجوز .. نرحمها ونتعاطف معها .. وياحليلها ... وقبل 30 سنة .. كانت عوباء )
هذي بعض الحريم 30 سنة يجمعن سيئات و30 سنة يكفرن عنها
وصورة مع التحية لام اسليمان الحليله اللي فرقت زوجة ابنها قبل 30 سنه

(الحريم الجدد حقات الاسواق هذي الوحدة منهن لو تزوجها ودك تحطها بقزازة وتفرج عليها )
اول شهر بس ؟؟؟ الحريم الجدد وما ادراك ما الجدد
الموديلات الجديده جايه ايرباقات اماميه وخلفيه وفوق وتحت بدون حساسات
بس انتبه ابعد عن الصدامات تراه سريعة الانفجار تتفاعل بـ mms او بلوتوث

(والله ياطالع جيل فشق من جد يازوجها .. جامع الوناسة كلها )
فيه حكمه ضايع قائلها يقولك : المراة المزيونه دايم مع الدلخ <<< بين قوسين الرخمه
موضوع رايق زدنا زدنا <<< نوع من الردود البايخه عضو جديد ومستحي
الموضوع جامع صور واشكال من الجنتله على بعض وغلبهم مقالب لكن ربك يلطف

اهداء لمستغرب يقول ابولجين خلنا نتذكر يوم كنا بالمانيا <<< جنتله مبطنه
واهداء للوافي تصدق يا ابو اسامه حبيت الجنوب عشانك <<< يتجنتل
واهداء للمحارب والله موضوعك نكبة يا تقول الصدق ولا بلاش نتجنتل على بعض
(وتظل اغلب الردود جنتله لم يصلو لما هم عليه)
تحية خااصه لصاحب الدباب(qq166)








يا ألله معقوله
ناوي أبعاد هنا
أدري عن كثر مشاغلك
وترى أبو صالح قالي عن كل شئ الله يجزاه خير
بس مايخالف تسير علينا بين كل فتره
ياهلا فيك يابعدي ولاتطول الغيبة(q77)

الوافي3
28-05-09, 02:42 AM
الوافي وافي ...

حشيت فيك انا وناوي ليلة ما بكوفي شوب ما ... :)
ومجمل الحديث ان هناك كما تفضلت من يعيش حالات السلام الداخلي .. كمثال شخصك الكريم والاخ الرفيق المناضل مستغرب
وهذه قمة الانسجام .. ولكنكم قلة

الكثير من الناس -فيما أعلم - يمارسون رسم صور اخرى لما هو عليه واقعهم ...
نقاط كثيرة احببت ان تعلق عليها ..
جدليات كثيرة معلقة
لا تعجبني قضية القوالب الجاهزة لانماط التفكير تجاة الاشياء
ولكن هاهي الايام ياصاحبي ...

اصلح لك الله النية والذرية وتحياتي للي يحل الواجب
___________




عندكم كوفي شوب
ياحظكم (q78)
ماعندنا غير هذيك الجبال ونتمتع برؤية القرود(ask)
مسموحين يالغلا والله يخللكم
ترى لكم جميع في القلب منزال
بس لاتطولون الغيبة مرة ثانية(q78)