قصيده مهداهإلى(السامر) الأمير : عبدالعزيز بن سعود آل سعود

[نواف القلادي]

من غير ياشربي وزادي مزاجي=كم له مسكر باب فتح الشهيه
الحلو مر الماء قراحه هماجي=النوم حلم بين هاذي وذيه
جيب خلا جرح جفاه العلاجي=قفر سكن به فقر نفس غنيه
كسر الخواطر مثل كسر الزجاجي=ليت الحنايا مثل جيبي خليه
أضحك وأزيف بالكلام أندماجي=باسلوب ضحكه من صحيحي بريه
وشبيت ضوي في دجى ليل داجي=ليل نجومه من ظلامه غبيه
وتسامرن بنات فكري وهاجي=بحر الجواهر وأجهزت جوهريه
قلت التوجه وين؟ دون أنحراجي=قالت: زبون السامر السامريه
بيت كبير وبه ذراء كل لاجي=ياما عطا الدخيل ياس أدوميه
وسار القلم يكتب بيوت على : أجي=الخط واضح والحروف أبجديه
تنصاء سموك سبق فرخ الزراجي=بيت على بيتك يسابق خويه
فيها السلام وحاجتي وأحتياجي=مني لك أولها سلام وتحيه
وفزعتك معروفه وفيها انفراجي=جيت له مثله يوم سما سميه
شبيت بوجيه الضيوف السراجي=وحييتهم بالعود والشاذليه
ولسان شعر أهل المدن والفجاجي=يخاطب اللي له عزوم قويه
شيخ الشعر شعره تعلى وراجي=تحت السماء ومن تحته الجاذبيه
من خادم البيتين توج بتاجي=من منجمه تاج الذهب له هديه
ماهي على ماقيل سلعة حراجي=هاذي خصال سعود طبع وسجيه
كلمه منك مفتاح باب السياجي=مهما تعنتها نسى العاطفيه
الحب وضعي وفيه أرتجاجي=خاف الخفوق وخفت العاقليه
ماهو على منهاج فيه المناجي=على كتاب الله وسنة نبيه
أسمع منك مبروك لي في زواجي=وأهديه مبرك عليك وعليه
ثلج الصدور وللقلوب أبتهاجي=اليا عطا الله منك غير العطيه
والا نزف جرحه ويكبر خلاجي=نيس وزيدي يالجروح الخفيه
الك العنوسه ياكحيل الحجاجي=وأنا فراشي ماله الا يديه
************************
للشاعر : مشاري الرشيدي