المساعد الشخصي الرقمي

مشاهدة النسخة كاملة : شموخ بدويه ونجمة القصيعه تحت المجهر !!! (مهم جدا للجميع)


عذب السجــايا
19-05-09, 02:41 PM
أكيد كلكم تعرفون قصة ذلك الصحابي الذي سأله الصحابه رضوان الله عليهم
بم استحققت دخول الجنة, فقد أخبرنا عليه الصلاة والسلام أنك من أهل الجنة؟ ..
. قال والله ما نمت ليلة من الليالي وفي صدري غل لأحد أو غش على أحد أو حسد لأحد ....

***
أعزائي وعزيزاتي أعضاء وعضوات منتدانا الجميل
السلام عليكم ورحمة الله وبركاته
هاليومين العلاقات الدبلوماسيه متوترة
بين كلا من
العضوه شموخ بدويه
والعضوه نجمة القصيعه
الخلافات بصراحه كبيره ...يعني مابينهم الا خشم البندق
والسبب ان نجمه حشّت في المدرسات وذبت عليهن
جات شموخ وتبنت الرد عن جميع المدرسات في المملكة العربية السعوديه
من جيزان الى تبوك...ومن الاحساء الى ينبع...ورجعت الصواريخ الى قواعدها سليمه...:c010:
وكان شموخ عندها تحفظ على لهجة القصيعه العاميه الغير مفهومه ...الي متمسكه
فيها نجمة القصيعه...وعيّت تكتب بغيرها تقول المنتدى للقصمان فقط
(ياشينك يانجمه..ذكرتيني باخوي ماكان يعطيني سيكله لو اموت عنده):c010:
وهددت شموخ بكتابة موضوع باللهجة البدويه ...وتقول اتحدى احد يترجمها سنه كامله
والله يوم قريت تهديدها اني امسك بطني من الضحك:SmileyBunny:
---
المهم
الي مايعرف شموخ ونجمه ...فليعرفهم هلحين على حقيقتهم
كل وحده منهم تسوى وزنها ذهب ...ووجودهم في المنتدى له مذاق وطعم خاص
ومسألة خصومتهم انا عارف انها سحابه وتعدي...لكن نبيها تعدي بسرعه
فالي اطلب من الجميع سرعة التدخل والطلب من العضوتين "الشقيتين" الصلح
والتعوذ من ابليس...لأن المستفيد الوحيد من هالخصومات هو الشيطان اللعين
---
شموخ ونجمه
هذا عقالي عندكم
(qq6)
دمتم بود

~ . شـغـب . ~
19-05-09, 02:48 PM
على قلة ردودي هنا
الا اني ملاحظ وجوك الفعآل والرآئع دوماا
وكثير ما تعجبني ردودك عذب السجآيـآ
والحين وبموضوعك اثبت معدنك الطيب .. :)



يالبدويه ويالقصيميه كل وحده تحب خشم الثآنيه وفكونا < يمون الولد (vv)


عوافي .. :)

.

* Jun1n
19-05-09, 02:49 PM
الله ياعذب

وانا اجي احل مشاكلهم وانا من يحللي مشكلتي

يمكن بكره القى موضوع فيه اسمي (qq60)

اصلا الهوشات ملح الحياه بالعكس وناسه

خليهم خليهم

garoralward
19-05-09, 02:54 PM
الله يصلح ما بينهم والله الدنيا ماتسوى
ان الواحد يزعل على احد
وان شاء الله يتم الصلح
مشكور اخوي على اهتمامك بالوضع
وهذا يدل على حرصك بالعلاقات الاجتماعيه
لك تحيتي

سـايق السفينة
19-05-09, 02:54 PM
والله القصيعه
اجوديه لان القلب مثل المغرف
ماتجمع


اما الخبله الثانيه
فهذي كلن يعرف انه عليه حركات بزران وما ينشره عليه
اجل ترا بكتب بلهجه قبيلتي :SmileyBunny:


الحمد لله عل نعمه العقل

@ترايستار@
19-05-09, 02:55 PM
انت عسل ياعذب السجايا ..
وربي طالعه من قلب ..
موضوعك حيل جميل .. والاخوات بعد جدعة العقال .. ما عاد بيصير في نفوسهم شيء
يعني طاح الحطب ..
المفروض اي واحد يدخل النت تكون اعصابه هاديه ..
حتى لو دخل واعصابه هادية .. وبدأت تتوتر .. لأي سبب
المفروض نسجل خروج .. لأن ردوده ومشاركاته في حالة التعصيب بتكون مو قد كذا
واكيد لما يروح ويرجع مره ثانيه .. بتصير الامور افضل ..

وزي ما قلت .. لا يصير للشيطان مدخل ..

ولا فيه مانع من التفاهم .. والافضل ع الخاص

لما انا ألاقي رد لعذب السجايا ولا يعجبني
المفروض ما اتعرض له على المواضيع ..
وأروح اسأله ع الخاص ..
يمكن الرجل ما يقصد شيء .. ويشرح لي وجهة نظره
وأنا اشرح له وجهة نظري .. وننتهي بالخاص بدون ما يدري احد
ونصير بكذا عرفنا وش عندنا .. بدون ظنون .. وبدون ما يدخل الشيطان ويكبر المسائل ..

عذب السجايا .. شكرا لك حيل :÷أ؛÷لأ×[لإ}÷إلأأ÷ـ :)

الوادي
19-05-09, 03:01 PM
السلام عليكم ...
والله ياعذب منتب سهل موضوع طويل عريض عشان هالسالفه ..
ترى دايم الحريم يتهاوشن ويرجعن عادي مثل البزران ماكان شي حصل ..
والحمدلله ماصار شي يسوى يستدعي الزعل ...
بس عندي نقطه نفسي اقوله لكل وحده موظفه اتمنى من الموظفات يشيلن من روسهن كلمة حاقد او تغار لاني عانيت كثير من بعض العضوات وهم يعرفون انفسهم اذا جاء طاري وظيفه وابدينا رأينا قالو حاقده غيرانه ليش هالكلمه تنقال وانتي وحده متعلمه والا منين جتك الوظيفه ...يعني مالقت الوحده شي تقوله تقوم وتلط هالكلمه بالردود اذا مالقيتي رد لاتردين من اصله ..
ولاتقول شكلك متعقده تراي متعلمه ومتخرجه ومعاي شهاده جامعيه واقدر اتوظف باي وقت سوى حكومي او غيره لان عندي فيتامين واو بس انا رافضه لاتفرغ لاولادي وبيتي والحمدلله هذي بحد ذاته اكبر نعمه عطانياه رب العالمين والله نشري ونلبس وناكل احسن من الي عندهن وظايف بالعكس الي موظفه دائما تقعط على نفسه وشفناهم بعيوننا همهن يجمعن فلوس الحمدلله ...والله يعينكن على التعب وغيره ....
وياليت شموخ ونجمه يتعوذن من ابليس لانه ماعودنا انه ينفع احد ...
الله يجزاك ياعذب كل خير وانا والله شفت ردودهن بموضوع نجمه بس ماحبيت القافه وتخريب الموضوع ....

~ . شـغـب . ~
19-05-09, 03:11 PM
^

وش بهم العـآلم يشطحون عن اصل الموضوع (vv)

الوادي
19-05-09, 03:22 PM
^

وش بهم العـآلم يشطحون عن اصل الموضوع (vv)





ياخوي مافيه شطحه ولا سطحه الي قلته له دخل بالموضوع ونص ا لا هو اساس الموضوع بس انت منتب مع الناس وعندك ضعف بالذاكره (ghqv)

ولد حمده
19-05-09, 03:41 PM
الحريم = حقد +غيره + مكر وكيد

الله يعينكن على انفسكن

مقراط
19-05-09, 04:00 PM
القريب الى قلبي عدب

السلام عليكم ورحمه الله وبركاته

الله يسلمك بصراحه وجودهما بالمنتدى

غلط ووجود جميع النسوان بالمنتديات غلط والف غلط

والمراءه مالها الا بيته وعيالها وبرها بوالديها وزوجها

ومضه

للاسف اغلب النسوان يبرون بالبعيد

اللي مالها اجر

ويتركون القريب اللي يدخل الجنه

ياربي يوفقك

~ . شـغـب . ~
19-05-09, 04:22 PM
ياخوي مافيه شطحه ولا سطحه الي قلته له دخل بالموضوع ونص ا لا هو اساس الموضوع بس انت منتب مع الناس وعندك ضعف بالذاكره (ghqv)



لا وانتي الصآدزه الا قولي انت خآشن عرض وانت ما تدري وين الله حاطك (vv)

.

الهلالي
19-05-09, 05:07 PM
بارك الله فيك يا عدب على قولة اخوي مقراط

شوف يالغالي، واتمنى الكل يقرأ ردي، الاختلاف شي جميل، لولا الاختلاف لما وجد هذا المنتدى ولام وجد قسم العلاقة ولما وجدت مواضيع قسم العلاقة، نتفق اذا ان الاختلاف وارد وجميل لانه يفتح افاق للحوار والنقاش


لكن الغير جميل والغير جيد ان يتطور الخلاف الى استقصاد الطرف الاخر ومحاولة اثبات اني دائما صح وانت الغلط، ومحاولة تغيير فكرة الاختلاف من اختلاف في وجهات النظر الى خلافات شخصيه


شخصيا تعجبني صراحة القصيعه، واستفيد من آراء شموخ بدوية، واطلب منهن الثنتين طلب وان شاء الله ما يردونه، انهن يتصالحن، ويخلون النفوس صافيه، ومو مشكله يختلفون، لكن لا توصل ابدا للتجريح وزي كذا


بارك الله فيك اخوي عدب

الشاآآآمخه
19-05-09, 05:12 PM
اخي عذب لافض فوك ولا شلت يمينك على هذا الطرح القيم لعضوتين هن من اعمدة المنتدي عامه وقسم الحياة الزوجيه خاصه
ان شهادتي مجروحه في هاتين العملاقتين فالكل يعرفهما وهما عزيزات على قلبي
ومايدور بينهما مجرد اختلاف بالآرى والاختلاف لايفسد للود قضيه وكثيرا مانشاهد مثل هذه الاختلافات ولا يعني كرهما لبعض
اني من اشد المعجبين بهما فاطلالتهم بالمواضيع لها رونق خااااااااااااص
الوادي عذر انا ضد مفولتك
ترى دايم الحريم يتهاوشن ويرجعن عادي مثل البزران ماكان شي حصل ..

ليش الحريم مثل البزران لاوالله الحريم واعيات فاهمات لكن العاطفه وحسن الضن تغلب على طبائعهن
الله يهديك بس تبين تداوينها واعميتيها هالحين مقراط يبي يفرح ولاعاااااد ولد حمده
وانت ياولد حمده

وش هالكلام ياخوي

الحريم = حقد +غيره + مكر وكيد

الله يعينكن على انفسكن

من وين جبت هالمعادله تراه خاطئه واليك المعادله الصحيحه

الحريم = متعة الحياه + رقه +حنان

ماعلينا نرجع لصلب الموضوع
يااخواتي تري المنتدي كالكتاب الانيس نقضي وقتا ممتعا معه بل اصبح افضل من الكتاب لاننا ناخذمنه المفيد ونرمي همومنا فيه فرجاء حافظوعليه لكي لانخسره وتخسرونه انتم ولنقف وقفة واحده لرقي منتدانا
وخالص مودتي لكن ولصاحب الموضوع

عساس الحيا
19-05-09, 05:34 PM
http://www.rbsha.org/upload/wh_13059770.jpg

يابنـت انـا للشمـس فـي جلـدي iiحــروق
وعلـى سمـوم القـيـظ تـزهـر iiحيـاتـي
أطـرد سـراب الـلال فـي مرتـع iiالـنـوق
ومـن الظـمـا يـجـرح لسـانـي iiلهـاتـي

هيضني التوقيع هذا وسدحته هو والكلمات(qq115)


0000000000000000000000000000000000

أهلا وسهلا بعذب السجايا

مشكور على الصلح بين شموخ بدويه ونجمة القصيعه

وطلب منهم ارجاع المياهـ الى مجاريها (q81)

والمنتدى ماهو للقصمان المنتدى عام لكل الجنسيات (q39)

يسلموا عذب السجايا

غلا آل خالد
19-05-09, 05:40 PM
http://www.rbsha.org/upload/wh_13059770.jpg


صاحب التوقيع قال معــــــــــادلهـ عن حياهـ النساء ,,


طيـــــــب ليش مترزز قداااااااااام اللي بالتوقيع ـ !!!!!!


عذرا طلعت عن برى الموضوع ,,

الله يصلــــــح بينهن اللهم أميــــــــــن ..

كبرياء سعوديه
19-05-09, 05:43 PM
شكلي غلطانة أنه قسم حوار فكري (q104)
يعني هالموضوع ترونه مناسب هون (z)
والله تحطيم لأهل الحوار (g)
وينك ياقطر (qq1)

شموخ بدوية
19-05-09, 05:50 PM
مع احترامي لك ياعذب تقديري وتقديري لكل عضو أثنى علي

لكن موضوعك ماله داعي مايحتاج لكل التضخيم والحجم

اختلفت أنا وعضوة عادي يصير كثيررر

معناها كل واحد بيكتب موضوع صلح ماخلصنا اجل ياكثر الخلافات اللي تصير في المنتدى

كل الشكر لك

لكن ياليت تطلب من الآدراة اغلاق الموضوع

حنا أكبر من كذا

مع ألف شكر


ملاحظة

انا ماقلت بكتب باللهجة البدوية..أنا قلت لو بكتب باللهجة البدوية القح ماراح احد يفهمها


نفس الشئ اطلب الكتابة بلهجة بيضاء مفهووومة للكل فقط لاغير

والكل فيهم الخير والبركة

الهلالي
19-05-09, 05:51 PM
شكلي غلطانة أنه قسم حوار فكري (q104)

يعني هالموضوع ترونه مناسب هون (z)
والله تحطيم لأهل الحوار (g)
وينك ياقطر (qq1)



اظن الموضوع كان بقسم العلاقة الزوجيه وتم نقله الى هنا

فالمسؤل اذا من نقله لا من كتبه(qq115)

شموخ بدوية
19-05-09, 05:57 PM
الموضوع سوف يؤدي للنزعة القبلية

ياليت الآدراة تسكره

@ملكة الورود@
19-05-09, 06:02 PM
وعليكم السلام والرحمه


تسلم عذب على معدنك الاصيل

بس ليه ماخليت الصلح بينهم على الخاص اكثر اجر (qq115)


اجل الدعوه فيها من تفهم الثانيه بدويه والا قصيميه(a26) عاد ياكبر السعوديه مشاءالله كلن يرطن على كيفه والثاني مفهي(a14)

اهم شي احنا عرب(zm)

شموخه تبين الفزعه < بدويه متحضره(a14)

امزح(q39)

شذا الدبه
19-05-09, 06:02 PM
يؤ يؤ يؤ
شموخ ونجمه متخامين!
لا لا ما اظن هما اكبر من هيك
يمكن بس اختلاف اراء وسوء تفاهم
بالنسبه لهالعضوتين هما اكتر من خواتي وبحبهم كتير
واتمنى يتصالحو
مش معقوله عشان اختلف معاي عضو برايي اخاصمه
لو ع هيك كان انا عن نفسي خاصمت نص اعضاء المنتدى
بس زي ماقالو الي قبلي الاختلاف لايفسد للود قضيه
وشموخ ونجمه بنات اجواد وان شاءالله ترجع المياه الى مجاريها
شموخ ونجمه :sh652:

ثانكيو عذب

عبادي نت
19-05-09, 06:40 PM
يعني انت الحين جاي تصلح ذات البين بين حريم :ro258es:

خلهم يتهاوشون ترى حنا المستفيدين <<< والمشتري يتفرج (zm)

وماادري يفوز فلان والا فلانة :544453:

غالي1234
19-05-09, 06:56 PM
اناشد الدولتين العظمى شموخ ونجمة ظبط النفس والرجوع الى حدود الثامن عشر من مايو
وانا عندي احساس ان مافيه حرب

نجمة المنتدى
20-05-09, 06:30 AM
أخي الكريم..عذب...
أشكر لك حرصك واهتمامك وانا اشهد ان معدنك طيب....
الله يخليك ويجزاك خير..
وان شاء الله مايصير خاطرك الا طيب.......
لكل من رد علي.. هنا وفي اي موضوع..الف شكر لمشاعركم.......

سيمار
20-05-09, 07:43 AM
ههههههههههههههه
الصراحة موضوع مدري اشيبي
يعني انا شخصانيا على قولة الخال الاملح توني ادري ان فيه بينهم شي
والبنتين كلهم حبوبات وفعلا القصيعة كلامها مو مفهوم ونطالب وقد نشجب ونسنتكر هذه اللهجة هههه
وشموخ لبى خشتها تقبس وتجيب اللي عندها والقلب ورقه
شموخ قربي اشووووف
<<قامت بعمل بوسه ذات ملامح لحجيه

عذب السجــايا
20-05-09, 09:06 AM
ياجماعه ياجماعه
هدّوا اللعب شوي وافهموني

اولا انا طرحت الموضوع في منتدى العلاقات الزوجيه
لأن اكثر مشاركاتي فيه ...وكذلك نجمة القصيعه ..وبعض المرات البدويه شموخ...وحصل بينهم مداقشه بسيطه هناك لاتكاد تذكر..والي يدري عنها هم الي في منتدى العلاقات الزوجيه
فطرحت الموضوع من باب الفرفشه لأننا كلنا في ذاك القسم تقريبا نمون على بعض ونمزح على بعض عادي جدا...
ولكن تفاجأت بنقل الموضوع هنا..الله يهدي من نقله

وشموخ الله يهديها لازالت معصبه وكانت ردة فعلها سلبيه

اما نجمه فكانت ايجابيه وهادئه جدا

الهدف كان ودي نصالح بينهم بطريقه فرفوشيه ونعطيهم كم من ذبّه عشان نهجّدهم ...
لكن الي ابيه ماصار

عموما اشكركم من الاعماق على ردودكم ومشاعركم الطيبه
وبعض الأعضاء والله مايكفيهم الشكر...يبي لهم حبّة على الخشم

وأطلب من الادارة اغلاق الموضوع أو حذفه
اللي اسهل منها
(vv)

الهلالي
20-05-09, 10:37 AM
وبعض الأعضاء والله مايكفيهم الشكر...يبي لهم حبّة على الخشم

لا والله ما يحتاج يا عذب >>> وااااااااثق (vv)

قمورة الخليج
20-05-09, 11:35 AM
تعوذو
من
الشيطان

* Jun1n
20-05-09, 01:03 PM
وبعض الأعضاء والله مايكفيهم الشكر...يبي لهم حبّة على الخشم

شكرا ياعذب لاداعي بس انا ماسويت الا الواجب(qq22)

والله انا وحده من الاعضاء فاهمه قصدك ونيتك الصافيه

وانت في الدرجه الاولى قصدت الفرفشه لكن في ناس

الله يهديهم مايقدرو

مشرقه
20-05-09, 01:07 PM
والله أنك أسم على مسمى


أنا من بكره أسمي نفسي عذبه السجايا


تستاهل الطيب وأنا أختك


بيض الله وجهك


بوركت

م/حديجان
20-05-09, 02:15 PM
يا عذب يالخبل فييه هوش وعلمتني احضر واستانس اه بس

بعدين ليه اللقافه وليه تحرمنا متعة المطاق بينهم ياخي خلنا ننبسط كل وحدة بيتها يعني من يعرفن بعض خلهن يتقاضبن شوش

اه ياقهر ما لحقت على الهووشة كان اضبط الوضع وعلى حسابي كل شي والحين بقولكم اي هوشة اول واحدة يقراها يراسلني حتى احضر واستانس


يانت ملقووف يا عذب تبي والله من يمصع اذانك

أسرني الأمل
20-05-09, 04:23 PM
جزاك الله الف خير اخوي
عذب السجايا
على المبادره بعمل الخير والصلح
بين الاخوات وهذا كله من وساس الشيطان بينهن
والله يهديهن يارب