المساعد الشخصي الرقمي

مشاهدة النسخة كاملة : اخاف اهمل اذا تزوجت

أحب مـحمد
15-05-09, 02:24 AM
انا متعوده على الشغالات

وحده رايحه

وحده جايه

الطبخ ماعرف ابد الا الشاهي والكابتشينو (qq18)

شغل البيت ابد ابد ماعرف

ملابسي ماعمري غسلتهم


مادري شسوي اذا تزوجت (asj)
彡я ş ∂ ∂ Ļ彡
15-05-09, 02:27 AM
الله يعينتس حآولي تتعلمين
حتى تصيرين ربة بيت نآجحه
أحب مـحمد
15-05-09, 02:29 AM
صمت الكون كيف اتعلم وعندنا شغاله ؟؟؟؟؟؟!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟
彡я ş ∂ ∂ Ļ彡
15-05-09, 02:40 AM
عادي تعلمي كيفية الغسل
وكيفية الطبخ .........الخ
تراها أمور سهله بس تبي منتس عزيمه
ولو تخلين الشغاله تعلمتس يكون احسن
لان عندها خبره
ميووس
15-05-09, 02:52 AM
الله يكون في عوونتس انتبهي وانا اختس ترى الحرمة ما تحنب وتقدر الا اذا صارت ذربه حتى يحس الرجال انه متزوج ولا ش فرقت عن ايام ما كان عند امه

وحتى كثيرمن حالات الطلاق حصلت بسبب هالشي مو اكيد ان زوجك راح يفور لك شغالة
الشاآآآمخه
15-05-09, 03:08 AM
انا متعوده على الشغالات



وحده رايحه

وحده جايه

الطبخ ماعرف ابد الا الشاهي والكابتشينو (qq18)

شغل البيت ابد ابد ماعرف

ملابسي ماعمري غسلتهم


مادري شسوي اذا تزوجت (asj)



يؤيؤيؤ هذه الطامه الكبرى ياربييييييييييييييييييه من هاشغالات الله يرحم الوالد كان مايجيب شغاله وفي بيته بنات بسن الزواج واذا قالت امي ابي شغاله قال مستحيل الى ات مايبقى من البنات احد تبين تخربين بناتك
وفعلا طلعنا سنعااااااااااااات :ola854:المهم لابد انك تتعلمين وتشتغلين في بيت اهلك بكثره ولاتراك تبين تتحطمين اذا تزوجتي لانك مومتعلمه على هذا النظام
وبعدين عادي تتعلمين وعندك شغاله
هذا عيبنا الوحيد مستحيل نشيل شئ من الاض وعندنا شغاله كأن الامر نقص في ذاتنا اذا فعلناه
وكأن الشغاله موادميه مثلنا تشعر بما نشعر فيه
رجاء اهتمي باموربيت اهلك للتتعلمي
وفقك الله يالغاليه
* Jun1n
15-05-09, 03:20 AM
انتي ماتزوجتي اجل انتي الي تجيبي الشغالات والا اهلك

وبعدين كلنا متعودين عالشغالات

لكن الوحده لمن تتزوج غير سواء كانت صغيره كبيره

الحياه راح تفرض عليها تتعلم

و تعتمد على نفسها يمكن اذا كانت عامله

ولديها اطفال في سن متقارب

او تعبانه من حمل ممكن تجيب شغاله تغسل تكوي

تنظف حمامات تكنس

اما تطبخ لا ماايد ممكن تقطع بس

ووقتها راح تتعلمي تدريجيا وفي رجال

اطمنك مايهتم للطبخ ابد

عاد انتي وحظك
ربشه
15-05-09, 03:25 AM
الله يكون في عوونتس انتبهي وانا اختس ترى الحرمة ما تحنب وتقدر الا اذا صارت ذربه حتى يحس الرجال انه متزوج ولا ش فرقت عن ايام ما كان عند امه

وحتى كثيرمن حالات الطلاق حصلت بسبب هالشي مو اكيد ان زوجك راح يفور لك شغالة


ميووس مومصدقه عيوني وينك يالقطووع مختفيه(q77)

عاش من شافك(qq115)
مشرقه
15-05-09, 03:33 AM
شوفي حبيبتي

كلنا كان عندنا شغالات قبل الزواج

بس مجرد ماتتزوجين تتعودين بالقوه

وتصيرين سنعه لاتخافين

الزوج يخليك هيك
اليتيمه المجروحه
15-05-09, 10:09 AM
اهو اكيد اغلب الرياييل يحبون المره السنعه
بس مثل ماقالو الاخوات انتي وحظك
انا مثلك ماكنت اعرف الا شاي
لكن الزوج لو حبك بيصبر ويتحمل لحد ماتتعلمين
نصيحتي تعلمي الحين
عشان ما تتحطمين بعد الزواج
حسن خليل
15-05-09, 10:29 AM
الأفضل لكِ أن تتعلمي من الوالدة كيفية الطبخ والغسيل وكل الأمور المتعلقة بربة البيت حتى تكوني في خير حال عندما تصبحين زوجة.

على الأمهات أن يعلمن بناتهن هذه الأمور إذا ما كبرن فتكون الفتاة على دراية وعلم ومطبقة لمعظم هذه الأشياء قبل أن تنهي الثانوية العامة.

وأتمنى لكِ التوفيق ونرحب بكِ في قسم العلاقة الزوجية أختي احب محمد.
سنى البدر
15-05-09, 11:45 AM
الزواج الحين ما يحتاج نفخ وطبخ

يحتاج رومنسة ورقة وكلام حلو

المطاعم ما قصرت

طبعاً هذا في بداية الحياة الزوجية

ومع مرور الأيام راح تتعلمين

لا تخافين اغلب البنات كذا

دلوعات في بيت أهلهم والزواج يسنعهم

الله يوفقك ويسعدك
سمو الطيب
15-05-09, 12:15 PM
والله بنات أخر زمن أنا
عزوبي وساكن بشقة
وأطبخ طبخ على كيفك كل يوم أسوي وجبة جديدة بعد مرة مرقوق مرة مكرونيه مرة كبسة تجنن
وكنس الشقة بعد وأغسل ملابسي بعد والله وش أقول بعد


أمي تقول ياحظ الي بتتزوجها والله ياهي بترتاح
بدون نك كلي لك
15-05-09, 12:31 PM
عاااااااااادي لو عندك عشر شغالات ومشتهيه تتعلمين بتتعلمين
حنا عندنا 2 وناجحه بالمطبخ واحسن طريقه علشان تتعلمين خلي ترتيب غرفتك وغسل ملابسك عليك بعده بتكون الشغله سهله مره
طبعآ هذي نصيحه الولده الله يحفظه
الدنياحلوه
15-05-09, 01:46 PM
عاااااادي مثل ما تفضلن معظم العضوات عند هلي ثلاث شغالات ما كنا نرفع القشه و المطبخ ما يندخل....وبعد الزواج تعلمت حبه حبه والحين حتى الذبيحه اطبخها والطبخ انواع اشكال والحمدالله و الشغل له طعم خاص لانه اكل حبيبس و عيالس و ملابسهم فتشتغلين من دون تعب و تافف .....لا تشيلين هم عواااافي
احلام الصبا
15-05-09, 01:47 PM
اختي احب محمد عاد فيه احد مايعرف الغسيل فيه اختراع اسمه الغساله يعني مايحتاج(q47)(q47)
ذكرتيني باختي معتمده مره على الشغالات وعلينا ماتعرف حتى القهوه وتزوجت وماتعلمت وبعد زواجة بيومين عاشت في الخارج وبدأت المعانات في التعلم اول كبسه سوتها صارت شوربة(q69)
والحين بعد شهور ماشاء الله مرة سنعه.. خلي عنك الرفاله وتعلمي...
عالي الذوق
15-05-09, 03:32 PM
المهتوي يقطع المستوي

والعطشان يكسر الحوض

واذا انتي منتب حريصه على الزواج وسعي الصدر يمكن تصيرين مهيأه لإدارة منزل بعد عشر سنوات ها1
اديب نجد
15-05-09, 08:16 PM
شوفي أختي والله يزوجك اللي ببالك إن كان فيه خير لك ولدينك

إحذري تدخلين الحياة الزوجية دون أن تعرفي شغل البيت


والله كبيرة إمرأة تتزوج ماتعرف شيء


وهذا غالبا هو اللي يجعل المرأة تسقط من عين الرجل في الأيام الأولى من الزواج وسبب من أسباب الطلاق لإن بعض الرجال يلقاه عذر

و بعدين تعلمي بالأجازة



عادي حتى لو وفرلك شغالة ماراح تخسرين شي وضروري تحتاجين لهن


نصيحة من قلبي

نصيحة صادقة تعلمي

الوقت معك ولاتعذرين

الله يوفقك
سفير شمر
15-05-09, 09:49 PM
تروحييييييييييييييييييييييييييييييييييييين وطى مالك قيمه ابددددددددددددددد
حتى لو زوجك جاملك يوم اليوم الثانى يعطيك كاش
تعلمى ياملا العافيه قبل لا تصيرين عاله على اهلك بسبب اهمال امك لك
&دلع انثى&
15-05-09, 10:25 PM
لاتخافي.. اذا تزوجتي بتتعلمي مع الوقت ..
دحين ارتاحي .. لاحقه على الشقا(qq115)
وبعد الزواج الايام حتعلمك وتصيري احسن وحده
المهاجر
15-05-09, 11:32 PM
دامك تعرفين تصلحين شاهي وكابتشينو زين بك رجا(q104)

تتوقعت بتقولين اعرف اسلق بيض اقلي بطاطا على الاقل نحس فيك شوي سناعه

الشاهي البزر يصلحه هالوقت

جد جيل النيدو الجديد منتهي

الله يرحم زمان اول كانت البنت قبل توصل عمر 15 سنة تعرف ترق وتطزز وتقرص وتسوي كل شي والبركة في امهات زمن أول والبيوت التي لم تدخلها خادمة