ياحلاتهن ضراير زمــــــان [الأرشيف]

محبة الورود

13-05-09, 01:52 AM

ياحليل الناس اول كل شي عندهم بسيط

حتى الزواج بسيط

وضراير اول وش حلاتهن يجتمعن مع بعض ويسولفن وكل يوم الطبخ على وحده وكل وحده تسكت طفل الثانيه وترضعها من صدرها

وكان الاحترام سائد بينهم كل وحده تحلف على الثانيه ماتشرب الفنجال قبلها بنات رجال صدق مهوب بنات عصرنا هذا

اما ضراير الحين اللهم ياكافي لا اشوفها ولا تشوفني وعيالهم كلا مع امه ولاشافوا بعض مايعرفون انهم اخوان

ياحليلهن وياحليل منافستهن على الزوج اول مايجي من المزرعه يتسابقن عليه

وهو يمسكهن ويقول مدري من الاغلى فيكم

اما هالايام انتشر الجور والظلم وصاروا الرجال يميلون لوحده ضد الثانيه الله المستعان

علشان كذا انا اقول والله اعلم ان التعدد في هالزمن مايصلح ابد ابد

أنان منان

13-05-09, 01:59 AM

ياسلاااااااااااااااام عليهن ياليتني عشت في عصر القديمين اتمتع باربع نسوان كلهن يدورون رضاي وانا اتدلع عليهن آآخ بس

محبة الورود سلميلي على زمان اول

حكيمة زمانها

13-05-09, 02:03 AM

وش درك ان حريم اول مرتاحات ويحبن بعض

تلاقينهن يكرهن بعض كره العمى

اما كل وحده ترضع طفل الثانيه شي غرررريب لو بمكانهم والله ماعطيه صدري لو اشوفه بيموت قدامي ولد الضره عدو

ليان

13-05-09, 02:04 AM

علشان كذا انا اقول والله اعلم ان التعدد في هالزمن مايصلح ابد ابد

أفضل جملة قيلت في الموضوع :)

اللي زمان معطين الرجال وجه اكثر من اللازم ويحسبنه قدر محتوم لازم مواجهته بالصبر ماعندهن بروح

لأهلي بدون رجعه

شموع رومنسية

13-05-09, 02:04 AM

زمان اول احلى من هالزمان ماهو بس بضراير بكل شي تذكرينه تقولين بنفسك ياليت يرجع زمن اول من صفاء النفوس وطيبها
انتي هالحين اذا شفتي عجوز ماتمنين تجلسين معها؟؟ تدرين ليش لانها من الأولين القديمين
اما الي يميل مع زوجه ويترك الثانيه يجي يوم القيامه شقه مائل اسأل الله العافيه

محبة الورود

13-05-09, 02:22 AM

ياسلاااااااااااااااام عليهن ياليتني عشت في عصر القديمين اتمتع باربع نسوان كلهن يدورون رضاي وانا اتدلع عليهن آآخ بس

محبة الورود سلميلي على زمان اول

وانت مااهمك الا الاربع ؟

على العموم مشكوووووور اخوي انان منان ماقصرت

ليان

13-05-09, 02:29 AM

اتمتع باربع نسوان كلهن يدورون رضاي وانا اتدلع عليهن آآخ بس

في هذه الجملة تتضح انانية الرجال

محبة الورود

13-05-09, 02:32 AM

وش درك ان حريم اول مرتاحات ويحبن بعض

تلاقينهن يكرهن بعض كره العمى

اما كل وحده ترضع طفل الثانيه شي غرررريب لو بمكانهم والله ماعطيه صدري لو اشوفه بيموت قدامي ولد الضره عدو

اكيد ان حريم زمان احسن من حريم هذا العصر

وبعدين ياحكيمة زمانها ليش ولد الضرة عدو من قال انه عدو ولد الضرة اخو عيال الوحدة

ومافيها شي اذا تعطيه صدرها اول شيئ تحتسب الأجر ثاني شيئ هذا عضد ولدها

ومشكورة على المرور .

أحب مـحمد

13-05-09, 02:38 AM

زمان اول تحول ومافي عصر الا يكون اردى من العصر اللي قبله

أنان منان

13-05-09, 02:40 AM

وانت مااهمك الا الاربع ؟

على العموم مشكوووووور اخوي انان منان ماقصرت

الحريم زينة الحياة الدنيا ;star1;

محبة الورود

13-05-09, 02:40 AM

أفضل جملة قيلت في الموضوع :)

اللي زمان معطين الرجال وجه اكثر من اللازم ويحسبنه قدر محتوم لازم مواجهته بالصبر ماعندهن بروح

لأهلي بدون رجعه

وليش مايعطن الرجال وجه الرجال هو اللي ينفق عليها ابو عيالها وفي ما معنى الحديث ايما امرأة ماتت وزوجها راضي عنها دخلت الجنة

والا بتعترضين على هذا ؟؟

وعلى العموم مشكورة عزيزتي حياتي تساهيل

أنان منان

13-05-09, 02:41 AM

في هذه الجملة تتضح انانية الرجال

ايه عادي انا اعترف اني اناني ابي اربع يخدموني ويدلعوني وانا اميرهم

ليان

13-05-09, 02:47 AM

ايه عادي انا اعترف اني اناني ابي اربع يخدموني ويدلعوني وانا اميرهم

عجبي منك طبعك على اسمك :hgfyhg14k

محبة الورود

13-05-09, 02:49 AM

زمان اول احلى من هالزمان ماهو بس بضراير بكل شي تذكرينه تقولين بنفسك ياليت يرجع زمن اول من صفاء النفوس وطيبها
انتي هالحين اذا شفتي عجوز ماتمنين تجلسين معها؟؟ تدرين ليش لانها من الأولين القديمين
اما الي يميل مع زوجه ويترك الثانيه يجي يوم القيامه شقه مائل اسأل الله العافيه

شفتو ا شموخ الله يسلمها تقول ان القديمين احسن من اهل هذا العصر وصدقت

جزاكِ الله خير اختي شموخ

ليان

13-05-09, 02:50 AM

وليش مايعطن الرجال وجه الرجال هو اللي ينفق عليها ابو عيالها وفي ما معنى الحديث ايما امرأة ماتت وزوجها راضي عنها دخلت الجنة

والا بتعترضين على هذا ؟؟

وعلى العموم مشكورة عزيزتي حياتي تساهيل

لا مستحيل اعترض بس بنعطيهم حقوقهم مع قوة وعدم ضعف
(gfp)

أحب مـحمد

13-05-09, 02:51 AM

ايه عادي انا اعترف اني اناني ابي اربع يخدموني ويدلعوني وانا اميرهم

خلك في احلامك
نايم في العسل (q84)

أنان منان

13-05-09, 02:53 AM

عجبي منك طبعك على اسمك :hgfyhg14k

:ham020:والنعم

أنان منان

13-05-09, 02:54 AM

خلك في احلامك
نايم في العسل (q84)

الحلم ان شالله بيصير حقيقه

&دلع انثى&

13-05-09, 03:01 AM

تعرفي ليش؟؟
لانه زي ماقلتي في المزرعه ..
طول النهار في المزرعه وطول الليل نايم
مو موجود عشان يغارو عليه
وهي طول الوقت بوجه ضرتها لوحدهم الين ماحبتها (qq15)
وكمان زمان مايتشيكو زي دحين يعني لابسين الطرحه
والجلابيه وبسس .. يعني مافي اشياء تولع الغيره ..
يعطيك العافيه ياعسسل

محبة الورود

13-05-09, 03:16 AM

زمان اول تحول ومافي عصر الا يكون اردى من العصر اللي قبله

شكراً عزيزتي دمتِ بود

محبة الورود

13-05-09, 03:25 AM

لا مستحيل اعترض بس بنعطيهم حقوقهم مع قوة وعدم ضعف

(gfp)

انا متأكدة ان الحديث ما تقدرين تعترضين عليه

ليان

13-05-09, 03:30 AM

انا متأكدة ان الحديث ما تقدرين تعترضين عليه

ياحبي لك يا محبة الورود (q83)

احبك في الله

حكيمة زمانها

13-05-09, 03:41 AM

اكيد ان حريم زمان احسن من حريم هذا العصر

وبعدين ياحكيمة زمانها ليش ولد الضرة عدو من قال انه عدو ولد الضرة اخو عيال الوحدة

ومافيها شي اذا تعطيه صدرها اول شيئ تحتسب الأجر ثاني شيئ هذا عضد ولدها

ومشكورة على المرور .

تدرين ليش قلت عن ولد الضره عدو لانه فعلا عدو يكره زوجة ابوه كره العمى ومن تجارب

اعرف وحده ولد زوجها كان يغار على ابوه منها ويحرضه عليها

مـظـلـوم

13-05-09, 04:03 AM

رجال اول اسوود

ورجال هالوقت دجاج

اموت على تراب رجليه

13-05-09, 04:44 AM

الضره مره لو كانت جره

الشريكه تحر لو كانت في القبر

ليان

13-05-09, 05:14 AM

الدولة : خدي له حذاء

اذا كان تقصدين احدغير الوالد فأعتبرها إهانه

محبة الورود

13-05-09, 05:14 AM

[QUOTE=&دلع انثى&;5047042]تعرفي ليش؟؟

لانه زي ماقلتي في المزرعه ..
طول النهار في المزرعه وطول الليل نايم
مو موجود عشان يغارو عليه
يمكن الغيرة موجودة بس انهن يستحن يبينونها
وبعدين الجمال موجودمن عصرالصحابيات
رضي الله عنهن والجدايل الطوال كان يفتخرون فيها كل عصر وله جماله الخاص فيه
لا هذا من طيبهن
وهي طول الوقت بوجه ضرتها لوحدهم الين ماحبتها (qq15)
وكمان زمان مايتشيكو زي دحين يعني لابسين الطرحه والجلابيه وبسس .. يعني مافي اشياء تولع الغيره

يعطيك العافيه ياعسسل واياكِ ياغالية
[/QUOTE

الشامخ وبس

13-05-09, 05:14 AM

رجال أول موزي الحين مأدبينهن والحين يدف العربيه ويمشي وراه الرخمه هاذا الفرق

ليان

13-05-09, 05:32 AM

رجال أول موزي الحين مأدبينهن والحين يدف العربيه ويمشي وراه الرخمه هاذا الفرق

لا لاتقول رخمه نبينا عليه السلام كان يساعد أهله

محبة الورود

13-05-09, 05:35 AM

ياحبي لك يا محبة الورود (q83)

احبك في الله

احبكِ الله الذي احببتيني فيه

محبة الورود

13-05-09, 06:05 AM

رجال اول اسود
اماهذه انا معك

ورجال هالوقت دجاج

لا هذه ما نرضاها على الرجاجيل

محبة الورود

13-05-09, 06:08 AM

رجال اول اسوود

ورجال هالوقت دجاج
اشوف هالكلمة اعجبتكم لا تفاولون على الرجال الله لا يخلينا منهم ويطول ا عمارهم

محبة الورود

13-05-09, 06:16 AM

رجال أول موزي الحين مأدبينهن والحين يدف العربيه ويمشي وراه الرخمه هاذا الفرق

شكراً اخوي ولكن لا نرضى تقول انهم رخوم لا هم باِذن الله صقوووورر

المراد

13-05-09, 08:57 AM

والله انك صادقة فيهن الجور والظلم بعد لاولاد التانيه حسبي الله عليهم

الدنياحلوه

13-05-09, 11:46 AM

تدرين ليش قلت عن ولد الضره عدو لانه فعلا عدو يكره زوجة ابوه كره العمى ومن تجارب

اعرف وحده ولد زوجها كان يغار على ابوه منها ويحرضه عليها
عزيزتي حكيمه موب كلهم .....اخوي الكبير غير شقيق من اب وامي من يوم كان 10 سنين جابته لبيتنا يعني يوم تزوجت امه وربته احسن تربيه و يموت في امي و بار فيها والحمد الله مع انه اول ما جانا كان عدائي وما يبيها بس هي قعدت وراه بالطيب لين تعلق فيها ....لانه بالنهايه طفل ....يعني اصابعس موب سوى تقبلي وجهة نظري يا عسل:whwhwh:

الدنياحلوه

13-05-09, 11:50 AM

محبة الورود فعلا زمان اول كانت الطيبه والتواضع وحسن النيه اكثر من الحين يمكن لبساطة المعيشه و عدم الاختلاط الخارجي بس ما يمنع ان الدنيا لسه بخير ....عوااافي يالغلا

ربشه

13-05-09, 12:16 PM

لان رجال اول فيهم الطيبه والعدل قلوب نظيفه الله المستعان مو مثل هالحين جن ومايخافون الله ويشبون الغيره

بين زوجاتهم بتصرفاتهم ومايعدلون بينهن

ياحلو موضوعك ياحلوه ذكرتيني بعمة ابوي عندها ضره << من الاولييين

تقول دايما اذا جاء لمي قالي تسلم عليك فلانه وتمدح طبخك ذاك اليوم وتثني على طيبتك قلتلها اكيد مثل ام

عبدالله لوتلف الدنيا ماتلقى مثل قليبه الله يخليتس لي

واذا حضرن زواج ورجع لام عبدالله قالها فلانه واهلها اللي هي ضرتها تقول اهلي انهبلوا على ام عبدالله يقولون

احلى وحده بالعرس وربي خفت عليتس من العين لاتنسين تقرين وردتس

وكل الكلام اللي يقوله لي يروح يقوله لضرتي شفتي ام عبدالله تسلم تسلم عليتس وتمدح طبختس هي واهلها

يقولون احلى وحده انتي بالعرس ومن هالقبيل

يعني يكذب عليهن حتى يقرب بين قلوبهن

تقول عمتي صرت احبه وهي تحبني ونتزاور وياسلام سلم

عااد الطيب يمووووت مو مثل الخبيث يعمر سافر للصين وتوفاه الله وحريمه وعياله الحين ببيت واحد اسره وحده

ماشاء الله الله لايغير عليهم

طولت عليك يالغاليه مشكووووووره

حكيمة زمانها

13-05-09, 05:51 PM

عزيزتي حكيمه موب كلهم .....اخوي الكبير غير شقيق من اب وامي من يوم كان 10 سنين جابته لبيتنا يعني يوم تزوجت امه وربته احسن تربيه و يموت في امي و بار فيها والحمد الله مع انه اول ما جانا كان عدائي وما يبيها بس هي قعدت وراه بالطيب لين تعلق فيها ....لانه بالنهايه طفل ....يعني اصابعس موب سوى تقبلي وجهة نظري يا عسل:whwhwh:

مراحب ياحلوه
والله انا عارفه مو كلهم زي بعض بس اغلبية الاخوان من الابو يصيرون كذا يكرهو ن اخوانهم ومرة ابوهم

الشاآآآمخه

13-05-09, 06:29 PM

اما هالايام انتشر الجور والظلم وصاروا الرجال يميلون لوحده ضد الثانيه الله المستعان

علشان كذا انا اقول والله اعلم ان التعدد في هالزمن مايصلح ابد ابد

محبة الورد , رزفك الله كل يوم باقة ورد من زوجك على هذا الموضوع فهو موضوع يحتاج لمناقشه فعلا

اختي احب اوضح الاسباب التي جعلت من نسائنا سابقا لايبالين بالضرات
لائنهن اصلا مومهتمات ولا فاضيات لازواجهن اهم ماعليهم توفير اللقمه لها ولاابنائها لانهم كانو يعيشون بفقر
ايضا كانو متربيات على ان المره مطيعه لزوجها وبس
والاهم من هذا كله هذه الفقره الاخيره التي اقتبستها من موضوعك فهذا والله هو من اكبر المعوقات لقبول الضره
مثلا انا اذا احد يضمن لي زوجي يكون عادلا سمحا معنا جميعا فاني اوافقه بلا تردد
وايضا نريد ضره فاهمه واعيه تخاف من ربها ولاتحاول ان تمس بكرامة ام العيال
وفي الختام
اللهم حولينا ولاعلينا اللهم على السوريات وعلى اللبنانيات هههههههههاه

مشرقه

13-05-09, 06:42 PM

علشان كذا انا اقول والله اعلم ان التعدد في هالزمن مايصلح ابد ابد

ومن قال أنه يصلح

مابعد التعدد الا الدمار والتشتت

يعطيك العافيه

彡я ş ∂ ∂ Ļ彡

13-05-09, 07:01 PM

زمان اول القلوب صافيه
زمان اول الضره محتده لضرتها يعني وجيهن بوجيه بعض
زمان اول حياتهم بساطه مافيه جاب لها هديه وانا ماجاب لي
زمان اول مافيه اثث لها بيتها وانا لآ
يعني باختصار ماهنا مقارنه
والزوج مايلقى وقت حتى يعطي ذي وجه وذي لآ
دمتي بود

شموع رومنسية

13-05-09, 10:48 PM

شفتو ا شموخ الله يسلمها تقول ان القديمين احسن من اهل هذا العصر وصدقت

جزاكِ الله خير اختي شموخ

انا يامحبة الورود (qq167)(asj) فهمتي انا زعلانه منك تدرين ليش
لانك ماشكرتيني شاكره شموخ بردي :gcr852:

حسن خليل

13-05-09, 11:29 PM

ياحليل الناس اول كل شي عندهم بسيط

حتى الزواج بسيط

وضراير اول وش حلاتهن يجتمعن مع بعض ويسولفن وكل يوم الطبخ على وحده وكل وحده تسكت طفل الثانيه وترضعها من صدرها

وكان الاحترام سائد بينهم كل وحده تحلف على الثانيه ماتشرب الفنجال قبلها بنات رجال صدق مهوب بنات عصرنا هذا

اما ضراير الحين اللهم ياكافي لا اشوفها ولا تشوفني وعيالهم كلا مع امه ولاشافوا بعض مايعرفون انهم اخوان

ياحليلهن وياحليل منافستهن على الزوج اول مايجي من المزرعه يتسابقن عليه

وهو يمسكهن ويقول مدري من الاغلى فيكم

اما هالايام انتشر الجور والظلم وصاروا الرجال يميلون لوحده ضد الثانيه الله المستعان

علشان كذا انا اقول والله اعلم ان التعدد في هالزمن مايصلح ابد ابد

بالفعل ضراير زمان كان بينهم ألفة وود واحترام في أغلب الأحيان.

لكن التعدد في هذا الزمان ما نقدر نقول أنه لا يصلح. لأن هدي رسول الله صلى الله عليه وسلم صالح لكل زمان ومكان.

لكن نقدر نقول أن القليل من يلتزم بضوابط التعدد.

شاكر ومقدر لكِ جهودكِ المبذولة.

محبة الورود

14-05-09, 01:39 AM

والله انك صادقة فيهن الجور والظلم بعد لاولاد التانيه حسبي الله عليهم

في مامعنى الحديث الظلم ظلمات يوم القيامة واتقو الله واعدلو بين ابنائكم

سؤال اختي ايش معنى اولاد الثانية ؟؟؟

وفي حريم ثانيات يشتكون من ظلم اولاد الأولى

وشكراً لمرورك

محبة الورود

14-05-09, 01:43 AM

عزيزتي حكيمه موب كلهم .....اخوي الكبير غير شقيق من اب وامي من يوم كان 10 سنين جابته لبيتنا يعني يوم تزوجت امه وربته احسن تربيه و يموت في امي و بار فيها والحمد الله مع انه اول ما جانا كان عدائي وما يبيها بس هي قعدت وراه بالطيب لين تعلق فيها ....لانه بالنهايه طفل ....يعني اصابعس موب سوى تقبلي وجهة نظري يا عسل:whwhwh:

صدقتي عزيزتي وشكراً لمرورك

محبة الورود

14-05-09, 01:46 AM

لان رجال اول فيهم الطيبه والعدل قلوب نظيفه الله المستعان مو مثل هالحين جن ومايخافون الله ويشبون الغيره

بين زوجاتهم بتصرفاتهم ومايعدلون بينهن

ياحلو موضوعك ياحلوه ذكرتيني بعمة ابوي عندها ضره << من الاولييين

تقول دايما اذا جاء لمي قالي تسلم عليك فلانه وتمدح طبخك ذاك اليوم وتثني على طيبتك قلتلها اكيد مثل ام

عبدالله لوتلف الدنيا ماتلقى مثل قليبه الله يخليتس لي

واذا حضرن زواج ورجع لام عبدالله قالها فلانه واهلها اللي هي ضرتها تقول اهلي انهبلوا على ام عبدالله يقولون

احلى وحده بالعرس وربي خفت عليتس من العين لاتنسين تقرين وردتس

وكل الكلام اللي يقوله لي يروح يقوله لضرتي شفتي ام عبدالله تسلم تسلم عليتس وتمدح طبختس هي واهلها

يقولون احلى وحده انتي بالعرس ومن هالقبيل

يعني يكذب عليهن حتى يقرب بين قلوبهن

تقول عمتي صرت احبه وهي تحبني ونتزاور وياسلام سلم

عااد الطيب يمووووت مو مثل الخبيث يعمر سافر للصين وتوفاه الله وحريمه وعياله الحين ببيت واحد اسره وحده

ماشاء الله الله لايغير عليهم

طولت عليك يالغاليه مشكووووووره

ماشاء الله عليهن هذا من طيب قلوبهن ومن طيب تربيتهن

العفو ياغالية

محبة الورود

14-05-09, 01:52 AM

[quote=حكيمة زمانها;5049563]مراحب ياحلوه
والله انا عارفه مو كلهم زي بعض بس اغلبية الاخوان من الابو يصيرون كذا يكرهو ن اخوانهم ومرة ابوهم
[/quote

مراااااااااحب حكيمة

وانا اعرف أخوان من النوعين من النوع اللي يحبون اخانهم ومن النوع الثاني

محبة الورود

14-05-09, 02:07 AM

محبة الورد , رزفك الله كل يوم باقة ورد من زوجك على هذا الموضوع فهو موضوع يحتاج لمناقشه فعلا

اختي احب اوضح الاسباب التي جعلت من نسائنا سابقا لايبالين بالضرات
لائنهن اصلا مومهتمات ولا فاضيات لازواجهن اهم ماعليهم توفير اللقمه لها ولاابنائها لانهم كانو يعيشون بفقر
ايضا كانو متربيات على ان المره مطيعه لزوجها وبس
والاهم من هذا كله هذه الفقره الاخيره التي اقتبستها من موضوعك فهذا والله هو من اكبر المعوقات لقبول الضره
مثلا انا اذا احد يضمن لي زوجي يكون عادلا سمحا معنا جميعا فاني اوافقه بلا تردد
وايضا نريد ضره فاهمه واعيه تخاف من ربها ولاتحاول ان تمس بكرامة ام العيال
وفي الختام
اللهم حولينا ولاعلينا اللهم على السوريات وعلى اللبنانيات هههههههههاه

لا السوريات و اللبنانيات رجالهم مايتزوجون عليهن هذا عندنا بس

يالبيه يا امرأةمن حديد جلك اقوى من الحديد

وشكراً ياغالية

محبة الورود

14-05-09, 02:10 AM

علشان كذا انا اقول والله اعلم ان التعدد في هالزمن مايصلح ابد ابد

ومن قال أنه يصلح

مابعد التعدد الا الدمار والتشتت

يعطيك العافيه

الله يعفيكِ ياحياتي

محبة الورود

14-05-09, 02:20 AM

زمان اول القلوب صافيه
زمان اول الضره محتده لضرتها يعني وجيهن بوجيه بعض
زمان اول حياتهم بساطه مافيه جاب لها هديه وانا ماجاب لي
زمان اول مافيه اثث لها بيتها وانا لآ
يعني باختصار ماهنا مقارنه
والزوج مايلقى وقت حتى يعطي ذي وجه وذي لآ
دمتي بود

صدقتي ياغالية صمت الكون وشكراً على مرورك

محبة الورود

14-05-09, 02:29 AM

انا يامحبة الورود (qq167)(asj) فهمتي انا زعلانه منك تدرين ليش
لانك ماشكرتيني شاكره شموخ بردي :gcr852:

لا لاتزعلين انا ما انتبهت للأسم وحقك علينا سيري علي و ا نتقهوى انا وانتِ ونجيب الحلى والذبيحة ولا تطلعين منعندي الا وانتِ راضية ياشموع الرمنسية هاه وايش بعد تبين ؟

محبة الورود

14-05-09, 02:38 AM

بالفعل ضراير زمان كان بينهم ألفة وود واحترام في أغلب الأحيان.

لكن التعدد في هذا الزمان ما نقدر نقول أنه لا يصلح. لأن هدي رسول الله صلى الله عليه وسلم صالح لكل زمان ومكان

لكن نقدر نقول أن القليل من يلتزم بضوابط التعدد.

شاكر ومقدر لكِ جهودكِ المبذولة.

العفو أخوي

شموع رومنسية

14-05-09, 04:02 AM

لا لاتزعلين انا ما انتبهت للأسم وحقك علينا سيري علي و ا نتقهوى انا وانتِ ونجيب الحلى والذبيحة ولا تطلعين منعندي الا وانتِ راضية ياشموع الرمنسية هاه وايش بعد تبين ؟
http://www.qassimy.com/vb/images/misc/quotes/quot-bot-left.gifhttp://www.qassimy.com/vb/images/misc/quotes/quot-bot-right.gif[/color]

ابي منك توصفين لي بيتكم وانا لساعه 5عصرا وانا عندكم
بس ابي استقبال غير ابغاه كذا(xx)
(a11) (a98) (qq38)

طلب اخر اذا عندكم عجوز سوى قربيه لك اوحتى من جيرانكم تعزمينها انا اموت بحاجه اسمها عجوز(qq146)

لا باقي طلب تمشيني بديرتكم ودخليني بمنتزهاتكم
وتوديني اسواقكم :cgggg14d:

وطلعيني بركم :leno524vi
اذا عندكم فنادق طبعن تستاجريلي عشان انام بعد الّف والدوران(qq26) :Sugarwa04

يمكن بعد كذا اسمح مأدري؟؟؟؟؟

سنى البدر

14-05-09, 10:42 AM

الناس زمان مو فاضين للغيرة وهالكلام الفاضي

أكبر هم عندهم لقمة العيش كيف يحصلونها

أم زوجي الله يرحمها تقول :

كنا نطلع الفجر للمزرعة واولادنا في البيت لحالهم ما نهتم فيهم ولا في تربيتهم

وكنا ننام مع بعض والاهل كلهم

واللي له رغبة يعطي اشارة

يعني مو زي الحين ليلتي ولياتها وهاالكلام

طرح رائع محبة الورد

محبة الورود

15-05-09, 12:22 AM

الناس زمان مو فاضين للغيرة وهالكلام الفاضي

أكبر هم عندهم لقمة العيش كيف يحصلونها

أم زوجي الله يرحمها تقول :

كنا نطلع الفجر للمزرعة واولادنا في البيت لحالهم ما نهتم فيهم ولا في تربيتهم

وكنا ننام مع بعض والاهل كلهم

واللي له رغبة يعطي اشارة

يعني مو زي الحين ليلتي ولياتها وهاالكلام

طرح رائع محبة الورد

الله يرحمهم ويسكنهم الجنة

شكراً عزيزتي سنى البدر

عواطف الليل

30-07-09, 06:25 AM

وش درك ان حريم اول مرتاحات ويحبن بعض

تلاقينهن يكرهن بعض كره العمى

اما كل وحده ترضع طفل الثانيه شي غرررريب لو بمكانهم والله ماعطيه صدري لو اشوفه بيموت قدامي ولد الضره عدو

رد غريب جدا
لهدرجه منزوعه الرحمه من قلبك (q104)

نسال الله العافيه والسلامه

عواطف الليل

30-07-09, 06:33 AM

ياقلبي مووضوع جدا رائع
بس المشكله في التعدد من الرجال صار عندهم ضعف في الوازع الديني
يععني ظلم على كيف كيفك
سواء مع الاول او الثانيه

وبعدين ياعمري
الدين صالح لكل مكان وزمان
يعني لاتقوولي التعدد مايصلح في زمنى هذا

العيب مو في الدين العيب في الرجال

نسال الله لهم الهدايه والصلاح
ياااربي

@ترايستار@

30-07-09, 06:37 AM

ذكرتيني .. بسالفة واحد من جماعتنا ..
متزوج اثنين ..
سبحان الله .. صاروا يحبون بعض .. حب مو عادي ..
والسبب .. ان وحده منهم انمرضت ..
اللي طاحت مريضه الصغيره .. عاد هي اللي كانت ما تحب الكبيره رغم ان الكبيره تحبها
بس يوم طاحت مريضه .. وبعدما طلعت من المستشفى ..
وبحكم ان اهلها بعيد .. ..
جابها زوجها لبيت زوجته القديمه .. وهي توها ما كملت سنه زواج ..
في هالوقت اللي جابها لبيت زوجته .. كانت باقي تعبانه .. من توالي المرض .. ولاهي صوب المشاكل
اللي صار .. ان القديمه صارت تهتم فيها .. وتداريها وتراعيها وتعالجها ..
حتى انتكس عليها المرض ورجعوها للمستشفى ..
قامت القديمه تنومت معها ..
( ياحبي للقديمه هههههههههههه .. اغليت بنت الاجواد من سيرتها وسالفتها المشهوره )
المهم .. طلعت الجديده مره ثانيه ..
هالمره طيبه ولا تحتاج عنايه .. ما طلعوها المستشفى إلا بعد ما تأكدوا انها طابت تماما ..

راحت لبيتها .. والقديمه ببيتها ..
يقولون المسولفه <<<< ما يبي يقول امي تسولف لي ههههههه

يقولون : انها يوم جاء الليل .. وعشانها مبطيه عن بيتها ..
ما قدرت تنام .. لين طلع الصبح ..
ومن بكره طلبت من زوجها .. يوديها مسيره يم القديمه ..
الهم سيرت عليها .. وقالت لها البارح ما جاني نوم .. احس البيت موحش
( هي مو داريه .. انها لقت حنان وامومه عند القديمه ههههههههههههههه .. مو متخيله ان ضرتها ممكن تصير مثل امها )

قالت لها الكبيره : الليله نامي عندي ..

هذيك طارت من الفرحه .. ونامت فعلا عندها .. وبغرفتها ..
تقول انها علمها بمثل هالنومه الزينه من ايام كانت تنام مع امها بغرفه وحده

سبحان الله ..
قام حضك يازوجهم هههههههههه

المسولفه يقولون .. لو على كيفهم .. كان سكنوا ببيت واحد
بس الرجال ( زوجهم كان رافض )
ما ينلام يبي ياخذ راحته .. ويطارد اللي يبي من الغزلان على انفراد هع هع هع

من كثر .. السواليف عن حب هالضرات لبعض ..
سمعت انهم احيانا .. يتفقون على الرجال .. ويعاقبونه بعدم السماح له بمطاردت الغزلان

إلى درجة انه كان متضايق من صداقتهم ..
وفيه ناس يشورون عليه .. يقولن طق لك وحده ثالثه ههههههههه
عشان ينشغلون فيها .. ويبطلون مخططاتهم ضدك ..

بس الرجل ذكي .. وعرف ان هالكلام كلام ناس حاسدينه
هو عارف ان هالحاله اللي عنده حاله نادره ..
طاح بوحده فرخ صغير وفاقد حنان ههههههههههه .. وصارت تنظر للقديمه على انها امها ..

وهذي نادر ما تحدث ..
اكيد هالرجل مسوي شيء زين بحياته .. عشان كذا ربي .. رزقه .. على نياته ..

شباب وشبابات
تكفون .. اذكروا الله على الرجال وغزلانه ..

محبة الورود .. صدقيني فيه حالات .. بس نادره ههههههههه
ترا رفيقنا هذا .. باقي موجود .. عسى الله يطول بعمره
الكبيره توها مزوجه بكريتها بهالصيف الماضي ..
والفرخ .. ولدها توه دارس العام الماضي ..

شباب ... اعرسوا .. ترا التعدد مو اقشر حيل زي ما قالت محبة الورود ..
يمكن تطيحون بمثل زوجات بناخي الفياض ..
الدينا باقي بخير ..

محبة الورد .. شكرا ع الموضوع ..
واعذريني ع الاطاله ..

:/أ<×أ<×أ<أ<أ<ـأـ÷؛" :)

همس الانوثه

30-07-09, 10:20 AM

والله التعدد مافيه الا وجع الراس لجميع الاطراف الزوج والضراير والوناسه قليله جدا وخاصه في هالزمن الي كثرت فيه المشاكل 00مشكوره

المراد

30-07-09, 10:23 AM

ياحليل الناس اول كل شي عندهم بسيط

حتى الزواج بسيط

وضراير اول وش حلاتهن يجتمعن مع بعض ويسولفن وكل يوم الطبخ على وحده وكل وحده تسكت طفل الثانيه وترضعها من صدرها

وكان الاحترام سائد بينهم كل وحده تحلف على الثانيه ماتشرب الفنجال قبلها بنات رجال صدق مهوب بنات عصرنا هذا

اما ضراير الحين اللهم ياكافي لا اشوفها ولا تشوفني وعيالهم كلا مع امه ولاشافوا بعض مايعرفون انهم اخوان

ياحليلهن وياحليل منافستهن على الزوج اول مايجي من المزرعه يتسابقن عليه

وهو يمسكهن ويقول مدري من الاغلى فيكم

اما هالايام انتشر الجور والظلم وصاروا الرجال يميلون لوحده ضد الثانيه الله المستعان

علشان كذا انا اقول والله اعلم ان التعدد في هالزمن مايصلح ابد ابد

فعلا راحوا حريم اول كانت قلوبهم لله وعندهم مخافة الله فوق كل شي

لذالك انا اقول
شعاري في الحياة
((( زوجة واحدة تكفي )))

حبيتك من قلبي

30-07-09, 10:39 AM

الله يجزاك خير مو كل الحريم كذا
بعضهم فيهم من عادات الاول

كله ع تربيه الاهل

اشكرك

نور القصمان

30-07-09, 02:44 PM

زمان اول االعلاقة الزوجية قويه احسن من الحين والمرة اتجاور ثلاث ولا تخسر زوجها وعيال زوجه احب عليها من عيل بنته شيء عايشته الله مستعان بس

مشرقه

30-07-09, 05:10 PM

فعلا راحوا حريم اول كانت قلوبهم لله وعندهم مخافة الله فوق كل شي

لذالك انا اقول
شعاري في الحياة
((( زوجة واحدة تكفي )))

ياليت زوجتك يالمراد تشوف ردك ...الله لايضركم

مشرقه

30-07-09, 05:12 PM

رجال اول اسوود

ورجال هالوقت دجاج

هههههههههههههه

لاحول ولاقوه الابالله ..مررررره وحده دجاج

يعني مافيه آآآمل يصيرون ديكه