نفخت وجهها وتوهقت عند ابو العيال

[غيـــدا]

مراحب للجميع
اليوم بطرح موضوع يهم الازواج والزوجات بالعموم
طبعا كلكم يعرف ان العمليات التجميليه ونفخ الشفايف والوجه ورفع الحواجب انتشرت وصارت على قفا من يشيل في كل المستوصفات ،
واتوقع بعد كم سنه بيصير التنفيخ والحقن شغالة في المشاغل حتى مشغل ام مسلم الداج اللي في راس حارتنا بينفخ >> محومين كبدها (vv)


امس كنت عند وحده من زميلاتي , ما ابطيت عنها قبل اسبوعين شايفتها
يوم دخلت عندها وشفتها بديت اتلفت قلت يمكني غلطانه بالبيت
بصراحه كني قدام وحده ثانيه لولا الصوت وبقايا اشباه كان قلت مهي خويتي
الوجه وارم والعيون مفتوحة على الاخر والحواجب طايرة

قلت عسى ماشر يختي وشفيه وجهك
قالت ابد مسويه بوتكس بس شكلي توهقت ماتوقعت انو بيغير اشباهي كذا (qq136)
بيني وبينكم انصدمت لان شكل الدكتور حاقنها بدرزن ابر بوتكس بيقهر صاحب المستشفى :876564:
قلت اهم حاجه ابو الشباب زوجك وش قال
قالت قلت له اني مستخدمه كريم لتنفيخ الخدود والضعيف صدق

وهي متوهقه لان مفعول الحقن يبقى بين 4 الى 6 شهور يالله يخف تدريجيا
قلت مالك الا تسوين عملية شفط ..قالت اسكتي يختي انتي فاضية تنكتين (qq6)
وبجد كانت الدنيا مسكره بوجهها
وبصراحه انا عمليات الشد والنفخ مادخلت مزاجي ولاقد شفت وحده سوتها وطلع شكلها ناتشرال لووك .. واضح على الكل ان اشكالهم مو طبيعيه

فانتي ياعزيزتي الزوجه لو كنتي مكان البنت وش بتسوين وقتها
وانت عزيزي الزوج لو كنت مكان ابو الشباب المنكوب وش بتسوي وقتها :876564:

بانتظار اراءكم

[彡я ş ∂ ∂ Ļ彡]

بصراحه الطبيعه ازين من هالحقن
الله يشفي صاحبتس
بصراحه دمرت نفسها بنفسها
الله يعين زوجها

[نور القصمان]

الحمدلله ماله داعي اتغير الخلقة مافي احسن من خلقت ربي

[احساس راقي]

مشكوووووور والله يعطيك الف عافيه

والله على الطبيعةأفضل بكثير للمرأة ولرجل

[سنى البدر]

الشغلة صارت موضة وتنافس
خاصة عند الممثلات الكويتيات
الحمدلله على كل حال

إذا كنت مكانها لا سمح الله
بتحمل وأصبر على ما بليت نفسي فيه
ويكون درس ما يتكرر

[أنان منان]

انا ماحب الحرمه المنفخه

[الدنياحلوه]

الله يعين زوجها لا حول ولا قوة الا بالله من جد وهقه وش فيها الماسكات و الكريمات طبيعيه و لها مفعول رائع عوافي غيودة

[اليتيمه المجروحه]

بالعكس النفخ يعطي الوجه شكل حلو
بس شكل صديقتي طاحت بواحد مايعرف
عموما
اذا اهي بالرياض
قوليلها تروح ديرما
اخصائي تجميل برازيلي
اسمه ريكالدو
يسويلها شفط
ممتاااااااز

[بدووون عنوان]

فرصة على الاقل الواحد ياخذ اجااااازة لمدة ستة اشهر

حتى يروح الوريم

;star1;

مشكلة بعض الحريم يتبعون التقليعات بجدون دراسة بس لمجرد التقليد

فعلا بعض التنفيخ للوجة وبعض التعديلات تعطي للشكل جاذبية اكثر

بس موب لكل جسم وليس لكل شكل

ها1

يعني موب تجيني واحدة عصلاء وتروح تنفخ الخدود والشفايف الا طالعة زي بوباي

(qq15)

والله التزيين كويس ومطلوب والجاذبية كلن ينشدها ويبيها بس لازم كل مين يعرف امكانيات جسمة واللي يركب علية وبلاش تقليد حتى لاتحصل الكوارث وتكثر الاجازات الاجبارية

(qq15)(qq15)

[غيـــدا]

بصراحه الطبيعه ازين من هالحقن
الله يشفي صاحبتس
بصراحه دمرت نفسها بنفسها
الله يعين زوجها

هلا بصمت الكون
فعلا مافي احلى من الطبيعه
صح التجميل والزينه فطرة في المرأة لكن كل حاجه لها حد
وان شاء الله زوجها يتعود على النيو لوك تبعها الين يحلها ربك(qq15)
مشكورة على المرور المميز

[غيـــدا]

الحمدلله ماله داعي اتغير الخلقة مافي احسن من خلقت ربي

وش تسوي تحب الزين وانا اختك ض9
مشكورة على هالطله الحلوة

[غيـــدا]

مشكوووووور والله يعطيك الف عافيه

والله على الطبيعةأفضل بكثير للمرأة ولرجل
فعلا الطبيعة حلوة بس كلن يبي الزود محد راضي باللي عنده
حياك الله احساس راقي

[غيـــدا]

الشغلة صارت موضة وتنافس
خاصة عند الممثلات الكويتيات
الحمدلله على كل حال

إذا كنت مكانها لا سمح الله
بتحمل وأصبر على ما بليت نفسي فيه
ويكون درس ما يتكرر


هي من ناحية موضه زز فعلا موضه وداخله بقوة بعد
بس اللي اشوفه انها انتشرت في مجتمعنا بشكل مو طبيعي
قبل فترة كنت معزومة في زواج والا ذيك البنت اللي تقبل علي وتسلم بقوة وتتحفى
انا اول مرة شكيت انها مشبهه علي الين قالت اسمي
بديت اتمقل بالملامح والا هي مهي بغريبه عني
واللا هي وحده من صديقات الجامعه ... وربي اني ماعرفتها
نافخة وجهها من قلب .. صح انها زانت كثير .. بس ولو احس شكلها مو طبيعي
يعني الدعوة ماوقفت على الممثلات بس

مشكورة على المرور الحلو مشرفتنا القديرة

[غيـــدا]

انا ماحب الحرمه المنفخه

وانا بعد طال عمرك (qq122)

[غيـــدا]

الله يعين زوجها لا حول ولا قوة الا بالله من جد وهقه وش فيها الماسكات و الكريمات طبيعيه و لها مفعول رائع عوافي غيودة

ايه والله ،،، الله يعين الضعيف ويعينه على ما بلاه
مشكلة الماسكات يبي لها صبر ووقت طويل يالله تبان النتايج
والناس في عصر السرعة ماعندهم وقت
يبون الشي حار بحار (qq15)
غزي ..وامشي
قالوها من قبل الصبر طيب

[غيـــدا]

بالعكس النفخ يعطي الوجه شكل حلو
بس شكل صديقتي طاحت بواحد مايعرف
عموما
اذا اهي بالرياض
قوليلها تروح ديرما
اخصائي تجميل برازيلي
اسمه ريكالدو
يسويلها شفط
ممتاااااااز


هلا باليتيمة
النفخ حلو على قله قليله .. والا الباقين واضح جدا ان وجههم مو طبيعي
وصديقتي مسويتها في عيادات ايما في الرياض عند الدكتور فادي
والدكتور هذا معروف وشغله روعه خصوصا في التقشير وتجميل البشره
بس اتوقع هي ماناسب وجهها
بس انها ترجع تسوي شفط قوية شوي
بيصير وجهها مطاااط على كذا

مشكورة على الطله الحلوة

[* Jun1n]

في نفخ تحسيه مصطنع مثل بعض الممثلات مثل شيماء علي وغيرها

واااااااضح انه نفخ وحواجب مرفوعه وكانهم بكربون منسوخين

استغفر الله

وفي نفخ تعبئة كولاجين اعتقد احيان الوجه من ضعف او كبر في السن

يحتاج

ويكون شي بسيط مايبان مثلا هيفاء وهبي احس وجهها طبيعي

لكن انا مانصح الوحده تلعب بوجهها قبل سن الاربعين سنه الا اذا شي مره واضح

مثل ترهل بسبب نحف طبعا البشرات تختلف في وجيه للخمسين ماتحتاج شي

تقبلي مروري

[الوادي]

الله لايحطن في مكانه الحمدلله والشكر...
قوليله تصبر وتتحمل هذا شغله هي الي مسويته ..

[بياض الثلج]

حراااااااااااااااااااااااام النفخ
تغيير خلقة الله
لاحول ولاقوة الا بالله
شو مو عاجبها خلقة ربي لها يعني الي يصنعه الانسان بيكون افضل من الله

[ليان]

الله المستعان

في الآونه الاخيرة انتشرت عمليات الخشوم ونفخ الخدود

تغيير خلقة الله محرم ..قال تعالى : وَلأُضِلَّنَّهُمْ وَلأُمَنِّيَنَّهُمْ وَلآمُرَنَّهُمْ فَلَيُبَتِّكُنَّ آذَانَ الأَنْعَامِ وَلآمُرَنَّهُمْ فَلَيُغَيِّرُنَّ خَلْقَ اللّهِ
وَمَن يَتَّخِذِ الشَّيْطَانَ وَلِيًّا مِّن دُونِ اللّهِ فَقَدْ خَسِرَ خُسْرَانًا مُّبِينًا
119 سورة النساء


شفتوا مايكل وش صار في وجهه بعد العمليات الدود صار ياكل وجهه

سوو بحث وتشوفون شكله كيف !!!

[&دلع انثى&]

الله يعينها تستنا سته شهور الين يروح:( ...
ويمكن بعد شهرين ثلاثه يفش وجهها شويه ويصير حلوو:gg4mpup:

[المراد]

للاسف في وقتنا هذا كثر اللي يسون مثل هذه الخرابيط ويغيرون في خلقة ربنا

الله سبحانه وتعالى يقول لقد خلقنا الانسان في احسن تقويم

اتمني ان يتقوا الله في انفسهم ولا يسمعون كلام الدعايات

احسنتي في موضوعك يعطيك العافية

[مشرقه]

الحمد لله على خلقه ربي

مافيه احسن منها

[ساري بليل]

حقه وما جاه

وهي شرط نفخت شدوقه تقلد هالمتبرجات :)

[المهاجر]

تنفخ والا ما تنفخ

اذا المكينه هي هي نفسها ما تغير شي

[حسن خليل]

موقف لا تحسد عليه.

أنا لا أؤيد مثل هذه العمليات بتاتاً. ولا يمكن زوجتي أن تقوم بمثل هذه الأشياء.

شاكر ومقدر للأخت غيدا جهودها المبذولة ونرحب بها في قسم العلاقة الزوجية.

[ابوطيف وريف]

الحين من زينه النفخ يوم انه تحطه وع

كأنه معطيها بقس على وجهه

[اديب نجد]

مراحب للجميع
اليوم بطرح موضوع يهم الازواج والزوجات بالعموم
طبعا كلكم يعرف ان العمليات التجميليه ونفخ الشفايف والوجه ورفع الحواجب انتشرت وصارت على قفا من يشيل في كل المستوصفات ،
واتوقع بعد كم سنه بيصير التنفيخ والحقن شغالة في المشاغل حتى مشغل ام مسلم الداج اللي في راس حارتنا بينفخ >> محومين كبدها (vv)


امس كنت عند وحده من زميلاتي , ما ابطيت عنها قبل اسبوعين شايفتها
يوم دخلت عندها وشفتها بديت اتلفت قلت يمكني غلطانه بالبيت
بصراحه كني قدام وحده ثانيه لولا الصوت وبقايا اشباه كان قلت مهي خويتي
الوجه وارم والعيون مفتوحة على الاخر والحواجب طايرة

قلت عسى ماشر يختي وشفيه وجهك
قالت ابد مسويه بوتكس بس شكلي توهقت ماتوقعت انو بيغير اشباهي كذا (qq136)
بيني وبينكم انصدمت لان شكل الدكتور حاقنها بدرزن ابر بوتكس بيقهر صاحب المستشفى :876564:
قلت اهم حاجه ابو الشباب زوجك وش قال
قالت قلت له اني مستخدمه كريم لتنفيخ الخدود والضعيف صدق

وهي متوهقه لان مفعول الحقن يبقى بين 4 الى 6 شهور يالله يخف تدريجيا
قلت مالك الا تسوين عملية شفط ..قالت اسكتي يختي انتي فاضية تنكتين (qq6)
وبجد كانت الدنيا مسكره بوجهها
وبصراحه انا عمليات الشد والنفخ مادخلت مزاجي ولاقد شفت وحده سوتها وطلع شكلها ناتشرال لووك .. واضح على الكل ان اشكالهم مو طبيعيه

فانتي ياعزيزتي الزوجه لو كنتي مكان البنت وش بتسوين وقتها
وانت عزيزي الزوج لو كنت مكان ابو الشباب المنكوب وش بتسوي وقتها :876564:

بانتظار اراءكم





مشكلة كبيرة أن تغير المرأة من شكلها ومظهرها


بدون علم الزوج

وهذا تأثم عليه



وكذلك تغيير لما أعطاها الله من الجمال الطبيعي


الله يهديها


شاكر لك موضوعك

[彡я ş ∂ ∂ Ļ彡]

جنت على نفسها براقش