المساعد الشخصي الرقمي

مشاهدة النسخة كاملة : حصل في هذا اليوم


الشاآآآمخه88
12-05-09, 07:39 AM
بسم الله الرحمن الرحيم
السلام عليكم ورحمة الله وبركاته
كيفكم / واخباركم /
==============
اليوم صحيت من النوم عل صوت الوالده حفظها الله وهي تقول للوالد حفظه الله
قوم شوف العيال ماقدرت اصحيهم
ردعليها بسرعه اتركيهم هؤلا جيل هالوقت
ردت عليه لكن المفروض احنا مانكون امهات واباء هذا الوقت !
صراحه انا فكرت كثيرا بكلام الماما يالبا قلبها
وما ادري ابي نقاش بهالموضوع ايش رئيكم
وهذه اول مشاركه لي بهذا القسم
ماأدري عادي يشاركون العزاب ولا اضف وجهي
=====================

ياغريب كن اديب
12-05-09, 07:50 AM
اولا حياكي الله في هذا المنتدى المبارك
ثانيا العزاب لازم ورقه من اوليا امورهم بالموافقه على المشاركه
ثالثا موضوع يستحق النقاش اهلا وسهلا بك
رابعا الله يطيل اعمار والديك على الطاعه
خامسا اسأل الله ان يزوجك رجل يخاف الله في كل اموره هين لين عطوف
سادسا تقبلي مروري

الشاآآآمخه88
12-05-09, 07:53 AM
يالله صباحي اليوم منور على هالرد الجميل
طيب وين النقاش ؟

زهرة الوتس
12-05-09, 09:24 AM
الله يحيك ارحبي الشامخة انا جديدة زيك بس مراحبامليون وكلاكم احلى اختك زهرة الوتس

ياليل مااطولك
12-05-09, 10:00 AM
الله يطووول لك بعماااااااااارهم


والله انها اضحكتني الكلمه ,,,,,,


والله انآ اخوي مآيدآآآوم طفش الشيبآآآن عندي وآخرتهآ زهقووووو وتعبووو منه واتركووه

طبعا يوم اكون اجازه واروح عند الشيآآآن لووو هو يبي يموت يقوووم من رآآسه ولاعمره غآآب

حده ارجع للعملي خلآآآص يبدى يمآآآرس الهوآيه حقته الغيآآب

يعني الان الشيبآآن مآآهم مثل اووول يتعبوون وجيل هالوقت نشيط ولايستحي ولايقدر ولايعرف يحترم

شيبآآآنه ..... ولكن المفروووض اللي يستلم المهمه الاخوان الكبار والخوات ,,,, يمسطون الورع وانتهينا



لاهنتي على المووووووووووضوع اللي اضحكني بجد

الدنياحلوه
12-05-09, 11:48 AM
صباحك ورد يالشامخه والله كلامس صحيح انا اشوف اختي بالمتوسط و اخوي بالجامعه ....الغياب على كيف كيفهم وامي و ابوي معد هم مثل اول يحنون وراهم بلا فايده صحيح هم شطار يعني ينجحون بتفوق بس الدوام الله يخلف عليه اههههههه يرحم ايام اول بس حتى ايام المراجعات ما نغيب لو غاب الفصل كله ومن 6 كلنا في الصاله جاهزين نفطر و نطلع .....بس الذنب موب ذنب اهلنا كبروا معد هم بقوة اول وشباب هالوقت فيهم قوة ما كانت فينا و ما اظن تربية اول تنفع الحين لا بد من المساير وعوافيييييييي

الشاآآآمخه88
12-05-09, 02:36 PM
اشكر الجمبع على هذا التفاعل مع الموضوع

الوادي
12-05-09, 02:55 PM
الشامخه نورتينا...
امس ولدي الي بالابتدائي غايب ..
واليوم البنت غايبه ..
عجزت عنهم عذرهم ماشبعنا نوم مانقدر نروح.
بصراحه انا مليت مانب مثل اول الواحد لو مريض الا يروح مالي خلق اجاهد>>عاد هم الي يبي يسمعون كلامي ..
خليهم بس يغيبون وش عاد حصلنا الي درسنا وتخرجنا وماعمري غبت هذايجالسه لاشغل ولامشغله..حرام والله نرحمهم حر موت المفروض تبداء الاجازه من هالشهر والله اذا رجعو الظهر ارحمهم اقول عسى مادراسه اخاف عليهم من الشمس..
(ghqv)

الدنياحلوه
12-05-09, 05:21 PM
الشامخه نورتينا...
امس ولدي الي بالابتدائي غايب ..
واليوم البنت غايبه ..
عجزت عنهم عذرهم ماشبعنا نوم مانقدر نروح.
بصراحه انا مليت مانب مثل اول الواحد لو مريض الا يروح مالي خلق اجاهد>>عاد هم الي يبي يسمعون كلامي ..
خليهم بس يغيبون وش عاد حصلنا الي درسنا وتخرجنا وماعمري غبت هذايجالسه لاشغل ولامشغله..حرام والله نرحمهم حر موت المفروض تبداء الاجازه من هالشهر والله اذا رجعو الظهر ارحمهم اقول عسى مادراسه اخاف عليهم من الشمس..
(ghqv)

صااااادقه يالوادي حررررررررر مووووووووت وما ترجع الا 2 الظهر و ينامون كلهم الساعه سبع يعني اقعد معهم اربع ساعات بس والله اشتاقلهم الله يعين انا مثلس لا كبروا الله يحفظهم مانيب مدققه كثير عالغياب يعني مره بالشهرين زيييين (qq136)

قطر الندى
12-05-09, 06:31 PM
داخلة مستعجلة و ملهوفة أشوف شو اللي حصل في هذا اليوم:(
توقعت حصل زلزال في بلد ما أو انقلاب في حكومة ما (a21)
فاكتشفت أن الذي حصل هو أن أمك قالت لوالدك في صباح هذا اليوم ( المفروض احنا مانكون امهات واباء هذا الوقت !)!!
الله يحفظك لأمك و يحفظ أمك لك لكن لم أفهم بماذا تريدين أن تسمعي رأينا ؟!!
أهلاً بك عزيزتي في هذا القسم و القسم هذا لا يمنع مشاركة العزاب دون أولياء أمورهم لكن يشترط توافر الفكر و العقل السليمين فيمن يودّ المشاركة و كتابة مواضيع تستحقّ الحوارها1

جلال الشنبري(مدرس إنجليزي سابقا)
12-05-09, 10:56 PM
أولاً حياك الله في هذا المنتدى الأكثر من رائع وأتمنى لك السعاده

فيه

وبالنسبه لكلام أمك هو عين الصواب

لازم من الإنسان أن يأخذ من الجيل الجديد محاسنه ويترك مآسيه

وعلى كل إنسان أن يتأصل بكل شيء أصيل ولا يذوب في هترات

الجيل الجديد القبيحه

فمهما عشنا لابد أن تخلد معنا قيمنا وأخلاقنا

ونقلها للجيل الجديد

لكن إذا بنسمع للجيل الجديد وننصفه في ذنوبه ولانلقي بالاً لعيوبه فسوف يموت مع عصارات هذا الجيل كل شيء جميل تربينا عليه

طرح جميل

الله يهدي الجميع

غالي1234
12-05-09, 11:56 PM
هذا شيء طبيعي كل جيل يسب في الجيل الذي بعده
انظري الى الشاعر لبيد بن ربيعة وهو من الشعراء في العصر الجاهلي ماذا يقول:
قض اللبانةلاابالك واذهب=والحق باسرتك الكرام الغيب
ذهب الذين يعاش في اكنافهم=وبقيت في خلف كجلد الاجرب

هيو2
13-05-09, 01:33 AM
مع أنك ما قلتِ لنا وش طلع معك لما فكرتِ بكلام الوالدة

بس الواضح من تنسيق الموضوع إنك تعبتِ مرة من التفكير


والموضوع يهبل ويقطع القلب وشخصياً أرشح هالموضوع لجائزة "كيف الحال؟" العالمية

المهم لا تنسيننا إذا أخذتِ الجائزة

والعزاب ممنوعين فيذا إلا اللي معه واسطة، أما العوائل خليطي