الدنياحلوه
04-04-09, 01:23 PM
صباح النور وطبق بنور.....اليوم جايبتلكم قصه سردتها لنا احدى البنات وانتظر رايكم فيها......هذي الله يسلمكم مره و زوجها مستانسين بعيالهم ولا عليهم خلاف يحبها و تحبه والكلام المعهود عاد سافرت معه احدى الدول العربيه لانهم بياثثون بيت العمر ....وبهالديره ارخصلهم...كانوا كل يوم ينزلون الصبح و يرجعون المغرب وعليها لثاني يوم....لانها حامل ما تتحمل السهر عاد المهم...لاحظت المره انها كل يوم لمن تنزل بنيه مثل البدر بجمالها تقعد باللوبي (مدخل الفندق) ولمن يرجعون تكون موجوده مع انها ما تشتغل فيه وطبعا الزوج لمحها و صد عنها الله يجزاه خير (q30) ويوم الزوجه شافته يصدد عنها ارتاحت ...المهم في ليله دق عليه صديق وقاله انا في هالديره انت وينك اجيك واتفقوا يتقابلون تحتها1وبكذا بدت الحكايه طبعا قعدت وراه وطلعت كل اسلحتها الانثويه لين استمالت الزوج و توالت اللقاءات بحجة ان خويه عازمه وبحجة بعرفه على اخوياه وبوريه الاثار بيركبون الخيل وهي تنام ولا هي حوله واثقه فيه ....ومن يوم رجعوا الديره وهو متبدل ..قالت يمكن حملي مسمني فمالا نفس فيني ...طلع جوال جديد ولا اسالت ليه....بس يوم بدا ياجل نقل الاثاث ...قالت:لالالالا في شي كايد !!!!تكلمت معه طبعا طلعها الغلطانه وانه ما في شي بس خلي النقل بعد الولاده اريحلس الحين روحي اشرفي عالحمامات شوفي السراميك مضبوطه وخشب غرف النوم ...استغربت ما كان يخليها تروح بروحها بين العمال ابد مستحيييل....هنا بدت حملة التفتيش... وكل ما شافت رقم خارج الديره سجلته ويوم قام من النوم لبس وطلع لانه ما عاد يجلس بالبيت المهم قامت تدق رقم رقم وقليبها يبرق و يرعد لين جاها صوت ناعم يقول:آآلوو وهنا انربكت وسكرت وقعدت تفكر وشلون اسحب منها الكلام لين جابتها و قالت ان كان هي بتتجاوب وان لا ما سار شي ودقت الو ....مرحبا شلونس الحمدلله مين بيتكلم..انا بعرفس على نفسي انا اخت فلان ودايما يحكيلنا عنس وناوي يخطبس..هدوء غريب بعدين ردت يخطبني؟؟؟؟بس هو خطبني ابل ما يرجع السعوديه واحنا وافقنا وكتبنا الكتاب هو ما قالكوش ولا ايه؟؟؟دارت الدنيا بالزوجه على طول ملك وانا وين كنت وش هالغباء ....دموع ورا دموع وش العمل ...ليش احبه مابي اكرهه....الو الو....انتي ما تعرفين ان زوجته كانت معاه؟ اه عارفه...وانتي شكلك مش اخته..انا زوجته شلون سمحتي لنفسك ما تدرين ان عنده عيال واني حامل و مرتاحين وانتي هديتي حياتنا؟؟؟؟هدي نفسك ده الشرع محللو اربعه وانا مش حخدو منكم حيقسم الوقت بينا ده بيحبك وبيحب ولاده عموما لازم تعرفين انه ماخذس نزوه لا اكثر ولا اقل وانتي حبيتي فلوسه ولا وش تبين فيه مستحيل حبيتيه!!!انتي اللي كنتي تقعدين باللوبي تحت ؟؟؟ايوه الحلوه الي كنتي بتشوفيها كل يوم...وحده بجمالك تاخذ واحد بسنها ما وراه عيال (حست انها قاعده تترجاها تخليه)عموما اذا انهد بيتنا انتي السبب والله لا يسامحس دنيا ةاخره وسكرت...انهبلت وش ذا الجراه اللي فيني واكيد بتروح تقوله طيب والعمل؟؟؟؟؟ودها تصيح و تصارخ بس مافي وقت للانهيار...لازم تجيب اسمها لازم ...رجع الزوج دخل عليها وهو يغلي..... انتي من متى تدرين؟ من يوم اهملتني وطلعت جوال ثاني....وليش تكلمينها...((ااااااه يتكلم عنها بوجودي يا ريته انكر و تعذر ياريت بس بصبر لين اجيب اسمها))))انت صحيح ملكت عليها؟ ايه صحيح...بس تظلين انتي الغاليه ...والله مانيب مقصر بشي....طيب اثبتلي انك تزوجتها ورني الاثبات ...طلع ورقه وما خلاني امسكها ورغم الالم الي ينتفض في قلبي وجسمي قريت وحفظت الاسم صما...ناظرته وانسحبت بهدوء...وهو يناديني تعالي ...ما خلصت كلامي...دخلت غرفتي سكيت الباب وقعدت افكر مين بيساعدني اهلي ؟مستحيل بس لقيتها اخوي الصغير بيفهمني ناديته يوم طلع زوجي...وقلتله كل السالفه انجن الحين يطلقس قلت لا مين قالك اني ابي الطلاق لا انا برجعه لي و لعيالي وانت بتساعدني و لا تقول لاحد..اذا تبي مصلحتي و مصلحة عيالي وانا اختك .....تحط يدك بيدي ....وش قلت؟ تم ...الحمدالله كانت اجازة اخوي من الجامعه ومثل ما خططنا اعطيته الرقم...وكلم اهلها على اساس بيخطبها ...والاب المصون قاله تعال و نتفاهم(بيشوف مين فلوسه اكثر)راح اخوي وطبعا وصيته ما يشرب شي من عندهم وهو ماشالله ذيب ما عليه ...طبعا ما دخل مزاجهم قالهم انا طالب في ديرتكم وحالتي عاديه طبعا شحوتوه...وهنا اول الخيط يعني ما قالوله انها مملكه في السالفه ان....بدا اخوي يراقبها في الدخله والطلعه....لين صادها داخله الفندق مع احد الهوامير من دوله خليجيه اخرى وطلعت معاه فوق...يوم قالي اخوي مت من الوناسه الخيط الثاني ....طيب وش بتسوي؟؟؟قالي لا تشيلين هم خليها علي....بذاك الاسبوع جاتني الولاده بس زوجي حبيبي الي دايم يوديني ما يرد رحت مع اختي ...وامي شوي الا دخل علي غرفة الطلق....ورغم قهري منه مسكت يده وانا ادمع والالم مقطعني...منتظره اسمع منه احلى الكلام..قالي فلانه سامحيني بس انا مضطر اسافر (a28)وين بعدني ما ولدت بتروح لها؟؟؟؟ماتقدر تصبر؟؟؟؟الله لا يسامحك حرام عليك هملني وطلع وانا اتقلب من الالم والقهر .......ولدت وسافر ...ويوم طلعتي من المستشفى ...رجع اخوي حبيبي ....المهم دخل وحب راسي وعطاني مظروف ...فتحته وشفت الي برد قلبي صورها كل صورة مع واحد شكل ....وهي ماسكه يد واحد وبالثانيه حاضنه الثاني و صور جريئه و فاضحه...وموب بس كذا طلعت عايلتها عيلة نصب واحتيال على الهطوف...الحمدالله الحين انام مرتاحه خليه يروح لها ويقعد معاها موب مهم ...مرده بيرجع لبيته....استجمعت قوتي وبعد كم اسبوع قلت اروح اشوف البيت الجديد...يوم رحت البوابه مغلقه! !!!! وعليها بواب قلت لبوي الي طبعا عرف السالفه بس محد درى انا و خوي وش سوينا....قلتله:خايف عالبيت يسرق وحاط بواب ...قله انا زوجته....راحله ابوي وفجاه وجه ابوي تغير يناظرني ما وده يجي واقف ....اشرتله تعال لا توقف بالشمس ...يوبا تعال....دخل السياره وقال: يا بنتي معد لك قعده معاه ....انهبلت وقلت لبوي:لا لا لاتقول انه باع البيت يوبا لا تقول طبعا سكوته كان اكبر تاكيد ولاول مره بعد كتماني لدموعي كل هالوقت انفجرت ونسيت اني بالسياره وانهرت وداني ابوي المستشفى وقعدت ليله ....ويوم رجعت لهلي قعدت افكر ليش اناضل ؟؟ليش انا الي قاعده احاول ما اهد البيت؟ بيت؟ بيتنا اللي خطتناه...وبنيناه...3 سنين من حياتنا لهالبيت ...طارت انتهت...هل يستاهل اصلا اني احارب عشانه ...دخلت على عيالي اتمقل فيهم وذول طيب ....يحبون ابوهم و موب صغار ...متعلقين فيه واولاد ما يمسكهم الا ابوهم...طيب وانا؟؟؟ حطمني ونسا كل شي عشان وحده....يمكن يكررها....واستخرت ونمت....(طبعا يوم نمت بالمستشفى بعد الانهيار ...كان العريس توه جاي من السفر..وشرى لها شقه و ذهب بفلوس بيتي ...ما تحمل اخوي راح وعطاه الصور وقاله هذي الي بعت زوجتك وعيالك عشانها)....؟؟؟؟ابوي يسلم عليك ويقولك تعال بكره وطلق البنت ....يوم قمت من النوم قالي ابوي انه ناداه اليوم بعد المغرب وبيطلقس واذا يبي عياله ياخذهم انتي بتموتين من الحسره ..وهو في العسل...سكت خلاص طلع الامر من يدي و يوم جا زوجي...طلب يسمعني اقوله طلقني ...اول ما دخلت رمى نفسه على رجلي يصيح و يتعذر و يطلب فرصه ثانيه....وقالي بطلقها خربت بيتي و حياتي ورقتها بتجيس عند رجلس....وبشتريلس بيت ثاني موب طالعه من عند اهلس الا على بيت جديد...سامحيني تكفون سامحوني.....ما تحملوا اخواني وطلعوا ...وابوي قال القرار لس يا بنتي.... يوم التفت القى عيالي يناظرون مع الباب....يا رب وش اسوي انا في هاللحظه عاجزه نفذت الي ابيه وجاني يحب رجلي اسامحه ...بس مني سعيده ولا مرتاحه بس لعيون عيالي تهون الدنيا كلها.....شرالنا بيت جديد قاعد يسبح في المسبح مع عياله....وفجاه ناداني::حبيبي عيوني ...ناظرته ببرود وقلبي ابرد ما عاد ينتفض قلبي لا ناداني وما عاد افز لطلته...كل شي بقلبي بااااارد....اشتقت اني احبه اشتقت لحرارة اللفاءات بينا....بس ما اشتقت له .....بس لعيون عيالي لعيون عيالي..........(((بصراحه تاثرت كثير يوم سمعت القصه والله سنعه هالمره...احس لو وحده ثانيه مكانها كان ما حاربت للنهايه ...الله يرجع المحبه الي بينهم عشانها مسكينه....)))انتوا وش رايكم الي سوته صح؟؟؟؟؟؟؟؟؟؟؟؟؟؟؟