اجبتني

[هكذا]

توديع الأحباب مثل الموت له سكره
ادمى جروحي وشق الصدر منيـّا

والقلب طير ضلوع الآدمي وكـره
لا شاقـه الطلـع لاسلـم ولاحيـّا

مصير الأحزان تنسانـي وتفتكـره
ماكل الأيام بيض وسمحـة محيـّا

قل غيرها ماأنت لامجبر ولامكـره
لاصار ماهي غلا ماأبي لك حميّا

لو في يدي شي ماقلت الوعد بكره
حزمت حدب الضلوع وقلت لك هـيّا

لو كل غالي يجي دايم على ذكـره
ماصرت اشوفك هناك وحبك هنيـّا

ياليتني لابغيت اكره قـدرت اكـره
ماكان قلبي ليا جيت اكرهـك عيـّا

مادامك معيف رح لكن على فكـره
ماقلت لي ليه دمعـك سـال منيـّا

[النجديه]

مشكور على هالمشاركه

يعطيك العافيه يارب

[عاشق نجد]

صح لسانك اخوي ولا هنت
وبإنتظار جديدك

[عبْث]

ياليتني لابغيت اكره قـدرت اكـره
ماكان قلبي ليا جيت اكرهـك عيـّا


من اجمل القصائد التي اقراها دائما

ماتنمل

ومن النوعيه الي تاخذ طريقها للقلب


صح لسان الشاعر اذا مو غلطان انه

متعب التركي



وصح ذائقتك المميزة