زيارتي للقصيم ..

[زائرة القصيم]

قررت انا وابو العيال بان تكون اجازة الربيع بالقصيم

طلعنا من بيتنا الساعه وحده الظهر (qq115)

وتغدينا (q33)في الطريق وصلنا الزلفي قبل المغرب

بساعه تقريبا(( ادري بتقولون ,, ما زلتي بالرياض ):D

قال ابو العيال خلونا ندور شقه ونريح وبعدها نروح للمهرجان اللي بالسبله :ro258es:

ما لقينا اي شقه ولا شاليه ولا حتى غرفه بفندق

تعوذنا من الشيطان ,,وقلنا ندور مسجد على الاقل نصلي ونرتاح شوي من السياره (qq50)

ويا حياتي يالمسجد جميع المساجد مؤصدة بيبانها,,, ترجينا احد المؤذنين وقلنا

افتح باب مصلى النساء ( والله ما قصر دق اللطمه وجاب المفتاح ,, وفتح المصلى وعزم ابو العيال

القهوه والمه والضو شابه حياكم الله ) حي ذا العين احد عبرنا(qq115)


تعذرنا منه وابو محمد مبسوط وهو يردد هذولا العرب الحيه وهبت الريح:ham020:

كملنا تدوير شقق ما لقينا (qq136)كلها مليانه

وتليناه للقصيم ,,, ولسان حالنا يقول السعه لابارك الله في الضيق السعه

وطلعنا مع طريق زراعي ذكره لنا احد الاخوان ,,

وياليل ما اطولك كنا خفنا ظلام وطريق رايح جاي:ro258es:

ونتخيل المزارع والبيوت القديمه ,,, :6655:


وبعد مده وصلنا خط القصيم ,,,,,,, وبقى علينا 60 كيلو

الساعه ذا الحين تسع ,, والحاله في السياره لاتطمئن(vv)


وصلنا عنيزه ,,,,,, وعلى بال ما دخلناها وشفنا المباني (asj)احولت اعيونا !!

وابتداء المشوار البحث عن شقه :544453:,,,,,,,,, قلبناها وما لقينا كل الشقق,, فل,,

لما صارت الساعه عشر و نصف قلت له ارحمنا ,, خلاص تعبنا ,,!!


,,,وقف بنا عند مطعم حلو ,, وفندق فوقه

قلنا ان شاء الله ظمنا العشاء والمبيت(qq168) وابو العيال يقول الظاهر مالكم الا الرياض :khmas258:

دخلت انا والشله اقصد الابناء الاعزاء وعلى الحمام اللي يغسل,, واللي ,,,,,,,,,,

شلت العبايه واللي معها ,,, واخذت راحتي ,, ودخلت وحده علينا وارتاعت من اشكالنا (q77)

قالت فيه حمام فاضي قلت معليش ,,, انا مسيرين عليكم يا اهل عنيزه اليوم ,, فعذرا

وعلى طول سالتها

انت من اهل عنيزه والا زائره ؟؟؟,,, قالت من اهل عنيزه وهي عند الباب :D

قلت لو سمحتي احنا من الظهر وانا في السياره ,, ما صدقنا على الله نلقى مكان نتنظف

,,, ونغسل اعيالنا ,,,

فاياليت تدلينا على استراحه والا شاليه ننام فيه اليوم وبكره يحلها الله

والله البنت ما قصرت قالت خلوا الرجال يكلم الرجال (a21)

اشوي الا صوت ابونا ,,يلعلع ..مشكور ..وما قصرت ..عسى الله يسلمك

ابشروا لقينا شاليه بخمس ميه ,,, بنكلم راعيه ونروح بعد ما نتعشى ,,!!

وبعد العشاء ,,, جاه اتصال معليش الشليه محجوز ,,,, بس فيه شقق في البدايع (qq18) وين ذا البدايع قال قريبه تبعد عشرين كيلوا ,,, ونركب وعلى :ham020:البدايع

ولفينا شقه رايقه وحلوه ونظيفه ,,,,,,,,,,(ghqv)



واستمتعنا في رحلتنا سواء بالمناظر الرائعه في عنيزه او الابداع في البدايع زادكم الله من فضله وحفظنا واياكم

ومن بكره شفنا مهرجان الغضا,,,,,,,, وفعاليات افتتاح عنيزه مول

وجلسنا يومين حلوين ,,,,,, وقلنا بنروح نكشت على قولتكم في روضه السبله ونرجع مع طريقنا الاول

اللي كنا نتخيل المزارع ,,,,,,,, صار طعوس ورمال تروع :D

ويوم السبله عج وكل محل ,,,غبار ,,,,(qq18) ما قدرنا نسوي غدانا ,,, كله مبعلينه اهل الزلفي

بس الصراحه ليتنا كملنا عندكم ياهل عنيزه ,, يمدحون العوشزيه (a21)















0

[~ . شـغـب . ~]

رحلهـ حلوه
وحلاتها بشقآهـآ
اهم شي استانستوـآ

عوافي خيتي :)

.

[ليه كبريائي يذلك]

هههههه
حلوه رحلتكم تخيلت نفسي معكي ههه
تشكراتي زائرة القصيم

[MISS 3NIZA]

اهم شي شفتوا باريس نجد ..


حياك اختي ..

[عساس الحيا]

حياك في القصيم
لو درينا كان فرشنا الارض ورد

أن شاء الله أنكم استانستو

حياك مرهـ ثانيه

[آح ـٺَـأآجِـڪْ]

اهم شي استانستو خيتو

[مـــ < خ ـــالد > ـــوفيتش]

والله وهذي الساعة المبآآركة . الي شفتو فيهآآ عنيزة ..



<<-- عآدالي محآتسيتس مآعمرة طلع من عنيزة ..لو دآقين علي طلعت لكم شقة لو من تحت الارض (a24) .


وانشآآء تخلفوون جيتكم وانتم بألف صحة وعآفية . (qq115)




..

[رحمالوف]

حياك في القصيم
لو درينا كان فرشنا الارض ورد

أن شاء الله أنكم استانستو

حياك مرهـ ثانيه



وإن نسى عساس يفرش لكم ورد ولا مآحصل ورد ..

أنا مستعد أفرش لكم ولد بريدة وتوطوهـ وخووذوآ رآحتكم عالآخر أبد مآعندكم إلا حلالكم ..خخخخخخخ

وإن مآكفآكم اجيب لكم مرجوج تمشون عليهـ .. ترآهـ أصلييييي .. احسن من الورد (a24)

وحيآكم بالقصيم .. شرفتوآ ولا كلفتوآ .. (a24)

وعلي الطلآق من حرمتي اللي للحين مدري منهي إن جيتوآ مرهـ ثأنيهـ غدآكم وعشآكم عندنآ (a24)

[زائرة القصيم]

بصراحه ابسط ,,,,,,,,, لما جيت عنيزه

واليوم استانست بمروركم الكريم

وترحيبكم اللي اخجلني
لاعدمناكم ,,,,,,,,,, قول وفعل

[زائرة القصيم]

اهلين ,, ومراحب كبار ,,, لكم يا اهل عنيزه خاصه (qq115)

ولكم يا اهل القصيم عامه(qq22)


بنسبه لشيشان ,,, ما قصرتوا للي بيرض صاحبه ولا اللي بيطلق مدامته(q69)

لو ادري اني بلقى الترحيب :danc854:الرايق كان جايتكم ولو بصيف(q47)


على العموم كفو ,,,,,,,,,, وافين وغالين ,, لاعدمناكم

[څــفــ ألــشــۆڨ ـــۆڨ]

..ههههههههههههههههههههههههههه

اكيد اي سفرة لازم يكوون به كذا..

بس اهم شي الوناسه

مشكووورة اختي على الرحله الممتعه

[زائرة القصيم]

وناسه ,,,,,,,,,, بقوه

وترحيبكم اكبر وناسه

مشكور خفوق الشوق

[ع ـيۉنگ دنيتـے } ~,]

نورتي والله

بس ياشين الطريق اذا كان طويل <<معاناه

بالتوفيق

[زائرة القصيم]

مشكورين يالغالين