ليه ليه ليه يالمتزوجين

[وافي المروه]

السلام عليكم ورحمه الله وبركاته



ماتدرون قد وش متحمس عشان اكتب الموضوع هذا وابرد قلبي شوي بالتنفيس بالكتابه


حتى من اول مافعلت عضويتي مارحت لقسم الترحيب

جيت هنا على طوووووووووول ماصدقت خبر


صحيح بدايتي مش ولابد بس وش نسوي الظروف خلتنا نكتب كذا





كل مافي الموضوع عندي علامه تعجب فوق راسي عنوانها ليه كذا يالمتزوجين < سؤال بريء بس بداخله براكين والله


اكيد لين الحين انتم ماعرفتو وش السالفه


بس ودي افضفض بطريقه تعبر عن القهر اللي فيني بشكل اكبر



حاولت حاولت مالقيت الاان اخش بالموضوع بدون لف ولادوران عشان ماحوسه




المهم فيه ثلاثه من اخوياي متزوجين الله يسعدهم ويتمم عليه بالخير ويهديهم




لهم قصه معي يعني انا عشتها مع كل واحد لوحده

وانا والله ماجيت اكتبها عشان افتري عليهم ولااتبلى عليهم

بس لاحظتها فيهم وحبيت اخذ رايكم فيها



هذولي الثلاثه تقريبن اوقات زواجهم حول بعض وان تفاوتت ماتتعدا او تنقص عن اربع الى ثلاث شهور



ببدا مع كل واحد بقصته يعني متفرقه

مره دق علي خويي وقال وينك قلت بالبيت قال بمرك قلت حياك البيت فاضي ومافيه الا انا قاعد اراقب هالجدران لاتطيح علي شوي مادريت الا اسمع صوت البوري فتحت الباب الا وخويي والله وصل عند البيت قلتله الله من العجله وش مطيرك قال طفشان الى راسي قلت افا حياك مالك الا الي يونسك وانا الي افتحله باب الملحق لان المجلس مافيه الا تفلزيون بس اما الملحق كل القراشيع فيه من نت وقنوات شوتايم الى غيره من ملهيات الدنيا ... جلسنا وسواليف وضحك حسيت ان مزاج خويي تعدل قلت الحمدالله هذا الي ابيه اجل وشوله الصديقت الا عشان بذي الاوقات اكون له ونيس جت الساعه 12 قلت بروح اجيب عشى وبجي وخذ راحتك بالبيت ترى مافيه احد قال خويي عجل لاتطول قلت لااجل بدور حول العالم اكيد بجيب عشى وبجي رحت مريت على مطعم ماما نورا واجيبله عشا اظاهر ماقد تعشا بحياته زييه مو منه كان وقت رواتب ولا لو هذا ماجاه الا صامولي بالجبن ومع شاهي بارد

تعشينا وتابعنا فلم وقال خويي يالله انا ابطلع ماقصرت اليوم استانست معك والحين انا ابروح تأخرت على المدام قلت اجل لاتتأخر على المعزبه ولا انا ماعندي الا تقشيم هالفصفص قلتله اجل الحق قبل لاتلقى فراشك برى عند باب الشارع وقام يضحك وطلع المهم راح خويي بسلامته حتى سمعت صوت تفحيطت السياره قلت امش كل هذا خوف وانا اضحك طبعن جلست على النت وفتحت ايميلي ورحت ابحذف بعض المحادثات المحفوظه عندي وشوله اجمعها وانا جالس ادور واحذف هالسوالف الي لو بلفلوس كان ماشفت ولا كلمه حتى يمكن نقلبها بلغه الاشاره


المهم وانا جالس احذف الا شفت محادثه مو لي انا استغربت قلت ياولد وشلون جت هالمحادثه والملحق مايدخله غيري قمت اتلفت يمين ويسار خفت جني جالس يطقطق بالكمبيوتر


قلت اقول تعوذ من ابليس لاتستهبل على روحك

واناظر تاريخ المحادثه الاحقت اليوم وتوقيتها على وقت طلوعي وانا اروح اجيب العشى قلت خلني اقرى عشان اتأكد لمين له المحادثه

اثره طلعت حقت خويي وانا جالس اقرا عيوني بغت تطلع من مكانها واعيد القرايه مره ثانيه خفت اني اقرى بالمقلوب الا والله الكلام نفسه ماتغير اثر خويي المتزوج اللي حتى ماكمل سنه او اقل اوكثر بشهر متعرف على وحده ويحاول انه يواعدها يعني علاقتهم شكلها قديمه اللي قاهرني الولد متزوج والحمدالله ماعنده عيال عشان تقول وراه غثى ولاالحرمه مهملته وانا على بالي يوم يفحط اثره متحمس بيوروح لزوجته الاشكله بيطلع للمقهى انترنت يكمل معها يمكن دخلتي عليه ماخلته يكمل يعني الله مغنيه بالحلال وتوه جديد على سن الزواج ليه يخووون مو قهر والله قهر ابيكم تعلقون على هالسالفه












والسالفه الثانيه هذي مع خويي الثاني مو الاول لاغيره

كنا طالعين بالسياره ورايحين عند واحد معزومين عنده يوم طلعنا من عنده انا وخيي بنروح لبيوتنا عاد اهو جاي معي وبوصله لبيته واحنى على الخط سواليف الا وينط على ويقطع سالفتي حتى خفت قلتله وش فيك بغيت تاكلني قال ماتخبر مسيار انا ناظرته نظرت استغراب يعني زي سالفه خويي توه متزوج وش فيه كذا تفكيرهم شاطح قلتله فيه وحده عجزو وتبي واحد يعطيها العلاج بوقته قال ماقلتلك ابي اشتغل ممرض قلتله اجل توك متزوج وشوله تدور قال ياخي بكره اذا تزوجت تعرف بصراحه انا اسكت قلت بنفسي ياخوفي يصيري موقفي مثل ماصار معك ومع خويي الاول والله اقول الله يستر بس






والسالفه الثالثه هذا واحد متعرف على متزوجه وهو عزوبي وصاير كأنه حرمته متى مابغا يروح لها تظبط له موعد ويتقابلون اهو وياها انا شكيت اقول لخويي لايكون حرمتك وانا مادري قال يارجال الرزق وصل لعند بابك ليه ترفسه برجولك قلت ونعم النعمه




يعني الموواقف هذي والله اني انا اعرف اصحابها وهم اخوياي طيب ليه كذا

يعني بدال الواحد ماتزوج ويحط زوجته بعيونه يقوم يلعب بذيله

ولاالي متزوجه عندها رجلها وتدور غيره حتى لو كان رجلها مقصر مو شرط تخونه

قصم بالله هذا الي صاير معهم وجيت من القهر اكتب يمكن ردودكم تبرد الي فيني شوي



حتى والله كرهت الزواج مدامه مايصون الواحد



انا اقول يمكن توهم مراهقين يعني كلهم لين الحين ماوصلو الثلاثين بس هذا مايمنع انه ماعيرف من الحلال من الحرام ماقول الا الله يهدينا ويهديهم


عاد تصدقون اخوياي العزوبيه ماشفت منهم كثر ماشفت من المتزوجين قلبو المعادله




والله ماكتبت الموضوع عشان ابي فتنه او اتبلى اخوياي بس حبيت استفسر واقول لكل متزوج حط زوجتك بعيونك والله ترى يمكن تدور غيرك صحيح بعدين بتعقل بس وش عقبه عقب ماتذوق من غيرك ولاعقب ماتنفضح الله لايقوله


راعوهم وعطوهم المحبه حتى لو كذب اهم شيء انه ماتحرمها من الحنان

حتى انتي يالمتزوجه لاتحسبين الزوج ملاك منزل من السماء اكيد فيه عيوب شوفي حسناته وخلي عيوبه على جنب ولاتنبشين فيها بتتعبين والله



وبس هذا كل الي صار معي وانا احلف بالله مو علشان تصدقوني وبس لاوالله عشان تاخذون الحيطه بعدولاتصيرون على نياتكم تقولون سويتو الي علينا لا اهتم بكل ماعندك عشان تلقى من يستقبل هالاتمام وبادلك فيه

[彡я ş ∂ ∂ Ļ彡]

أسمحلي أقول لك أخوياك فيهم ضعف بالدين وقلة خوف من الله
بعدين إذا عفيت نفسك أن شاء الله زوجتك بتعف نفسها
كما تدين تدان
أنا بودي أنك تقراء توقيع مقراط بصراحه فيه حكم
وأصدقاءك زيّن لهم الشيطان الحرام يمكن حريمهم احسن من هاللي تعرفوا عليهن

[عمـر المنسلح]

أسمحلي أقول لك أخوياك فيهم ضعف بالدين وقلة خوف من الله
بعدين إذا عفيت نفسك أن شاء الله زوجتك بتعف نفسها
كما تدين تدان
أنا بودي أنك تقراء توقيع مقراط بصراحه فيه حكم
وأصدقاءك زيّن لهم الشيطان الحرام يمكن حريمهم احسن من هاللي تعرفوا عليهن

[وافي المروه]

أسمحلي أقول لك أخوياك فيهم ضعف بالدين وقلة خوف من الله
بعدين إذا عفيت نفسك أن شاء الله زوجتك بتعف نفسها
كما تدين تدان
أنا بودي أنك تقراء توقيع مقراط بصراحه فيه حكم
وأصدقاءك زيّن لهم الشيطان الحرام يمكن حريمهم احسن من هاللي تعرفوا عليهن

كلامك سليم وماعليه غبار

بس لعلمك حتى بالغرب اللي دينهم خذني جيتك مايعترفون بالخيانه

يعني الاساس يكون هذا الشيء فطري اكثر من مانقول ديني

ابي تفسيرها من ناحيه شخصيه ذاتيه

مدام متوفر كل شيء من زوجه وبيت

ليه اروح للغير

[وافي المروه]

[size=4]أسمحلي أقول لك أخوياك فيهم ضعف بالدين وقلة خوف من الله
بعدين إذا عفيت نفسك أن شاء الله زوجتك بتعف نفسها
كما تدين تدان
أنا بودي أنك تقراء توقيع مقراط بصراحه فيه حكم
وأصدقاءك زيّن لهم الشيطان الحرام يمكن حريمهم احسن من هاللي تعرفوا عليهن



اخوي عمر نفس ماقلت للاخت صمت اهو الي بقوله لك مدامك متفق معها بنفس النقطه

الدين محرم هذا الشيء صحيح

حتى اللي ماعنده دين شء مـتأصل فيه فطري مايحب الخيانه

يعني لو ناخذها من غير ناحيه الدين

وش الي يخليه يسوي هالاشياء

والحريم مو ناقصهم لايد ولارجل

وحتى الرجال مو ناقصه يد ولا رجل
عشان يخونون بعض

[&دلع انثى&]

قريت القصص كلها بتمعن واستغربت
لان هذا الشي انا ملاحظته كمان ,,
اعرف كذا وحده متزوجه وتكلم رجال بالمسن
لكن للامانه طلعات ومواعيد لا
بس تعرف وجهة نظرهم ايش ::
انا اكلم رجال عاقل كبير مو مراهق وكل شويه قايلي
نبغى نتقابل ,, هو متزوج وشايف خير ومايبغى مني الا الفضفضه والكلام والنقاش وتبادل الخبره وبس ,,
وكمان اللي معاي بالمسن واحد ومن زمااان معايه مو كل يوم واحدجديد ,, وهو اخلاق ومايصير بيننا الا كلام ونقاش فقط لاصور ولاغيره ,, وانا استفدت منه كثير صراحه ومن خبرته واراءه كرجل واستفدت منها بحياتي مع زوجي استفاده ايجابيه << هذا رأي احدى المتزوجات ومعاها واحد ع المسن ,,
اما عن القصص اللي ذكرتهم ففيه كثثييير مثلهم بس المثاليه
تمنعهم من الاعتراف

[عشق السنين]

زي ماقالت اختي صمت هاي كله ضعف الوازع الديني وعدم الخوف من الله

بس بصراحه اصحابك على الدنيا السلام والله يعين زوجاتهم عنده زوجه بالحلال ليش يروح بالحرام انصح اصحابك

تكسب خير

اما حكايه حرمه تخون زوجها والله مومصدقه فيه حريم كدا على بالي الدنيا بخير الله يستر علينا ويبعد عنا الحرام

يارب استغفرالله العظيم

[عذب السجــايا]

كتبت رد وطار
لكن ابكتبه مره ثانيه

بعض الشباب بعد الزواج يجيه حاله
اسمها الشبق الجنسي

من اول مايعرف طعم الجنس الناعم
ولما عرفه جاه حالة من الهستيريا والطمع
فصار يدور هنا وهناك يبي يجدد
ويجرب أكثر من وحده

هذي حالة أخوياك

أنا أشوف الحل لهم
هو التعدد
حتى لو كان مسيار

[وافي المروه]

قريت القصص كلها بتمعن واستغربت
لان هذا الشي انا ملاحظته كمان ,,
اعرف كذا وحده متزوجه وتكلم رجال بالمسن
لكن للامانه طلعات ومواعيد لا
بس تعرف وجهة نظرهم ايش ::
انا اكلم رجال عاقل كبير مو مراهق وكل شويه قايلي
نبغى نتقابل ,, هو متزوج وشايف خير ومايبغى مني الا الفضفضه والكلام والنقاش وتبادل الخبره وبس ,,
وكمان اللي معاي بالمسن واحد ومن زمااان معايه مو كل يوم واحدجديد ,, وهو اخلاق ومايصير بيننا الا كلام ونقاش فقط لاصور ولاغيره ,, وانا استفدت منه كثير صراحه ومن خبرته واراءه كرجل واستفدت منها بحياتي مع زوجي استفاده ايجابيه << هذا رأي احدى المتزوجات ومعاها واحد ع المسن ,,
اما عن القصص اللي ذكرتهم ففيه كثثييير مثلهم بس المثاليه
تمنعهم من الاعتراف


هلافيك دلع انثى

والله ماخفي كان اعظم بس وش نسوي

عاد تصدقين مثل السالفه الي ذكرتيها وتقول فيها انها تعرف رجال على المسن ومابينهم مواعيد الشيطان شاطر ومايبدا من اول فرصه يمكن تتزاعل اهي وزوجه وتتصادف انها تكلم بنفس اليوم مع الرجال الي بالمسن وهذاك مسوي نفسه انا ابو الذوق وتغتر فيه ويصير الي ماكان بالحسبان

الامور هذي ماتجي على طول خطوه تزبط خطوه لين الواحد يقع بالمحظور بس والله اللي يقهرني وشوله يتزوجون لان كلمه زواج اشرف من يخونو بعض

وشاكر على المداخله

[عذب السجــايا]

نسيت أقول لك
ترى لاتاخذ فكره عن جميع الشباب انهم كذا

في حالات وحالات

وأحب أرحب فيك في قسم
العلاقة الزوجيه

[نبض قلبه]

شوف اخوي اصحابك عندهم نقص وازع ديني هذا كلام مفروغ منه والا الخيانه ماعمرها جات من انسان يخاف الله هذا شي
الشي الثاني خلينا نكون واقعييين مو نقول كلام للتنظير بس ترا الزواج حظ ونصيب زي البنت ممكن تطيح بواحد شين واخلاقه زفت نفس الشي الشاب ... هناك عدة اسباب لخيانة اصحابك
1_ممكن زوجته ماتثيره جنسيا ومو قادره على اشباعه مو شرط انه تزوج خلاص اي واحده تادي الغرض فيه تفاصيل في العلاقه يحس فيها المتزوج وعلى اساسه يعرف قدرتها على اشباعه
2_ممكن الشاب صار عنده ادمان على الحريم فما عاد يسد عينه شي
3_لذه المعصيه وهذي كاارثه ...ربي يخلي للذة المعصيه طعم غير استغفر الله العظيم
4_ممكن تكووون زوجته كشرررررريه صاحبة مشاكل طول اليوم تحاسبه لاتروح ولاتجي ولا تسهر هذي بيبيع نفسيتها ولا يهمه فيها
5_ممكن هو مطلع ومتطلب في اللبس والشكل والدلع والحركات وهي انسانه مو مفتحه بهالجانب ومتعوووده على نمط معين تقليدي ممايفقدها بريقها بعينه
الاسباب كثييييييييييييير بس ثق اخوي اللي يبي يعف نفسه بيقدر بمصارحة زوجته وتوجيها والوصول جميعا للغرض المنشود من الزواج في هذي الاجواء اللي مليانه بالفتن اعوذ بالله
توكل على الله وتزوج ولايكونون اصحابك عقبه او تجاربهم عائق امامك بالعكس تعلم من اخطاءهم عشان تعيش شبابك صح وبمتعه حلال مافي زي الحلال بدل العلاقات المتعدده المشبووه...سامحني على الاطاله

[وافي المروه]

زي ماقالت اختي صمت هاي كله ضعف الوازع الديني وعدم الخوف من الله

طيب لو قلنا ضعف ديني الشيء الفطري وين راح لان الخيانه يحس فيها حتى الكافر

بس بصراحه اصحابك على الدنيا السلام والله يعين زوجاتهم عنده زوجه بالحلال ليش يروح بالحرام انصح اصحابك

تكسب خير


خليها على ربك
اما حكايه حرمه تخون زوجها والله مومصدقه فيه حريم كدا على بالي الدنيا بخير الله يستر علينا ويبعد عنا الحرام

يارب استغفرالله العظيم

والله العظيم اني صادق بالسالفه و فيه اشياء يشيب الراس بس نقول الله يهدي الجميع

[وافي المروه]

كتبت رد وطار
لكن ابكتبه مره ثانيه

فديتك والله ياعذب ومقدر ردك

بعض الشباب بعد الزواج يجيه حاله
اسمها الشبق الجنسي



من اول مايعرف طعم الجنس الناعم
ولما عرفه جاه حالة من الهستيريا والطمع
فصار يدور هنا وهناك يبي يجدد
ويجرب أكثر من وحده
تصدق والله كلامك اتوقع صحيح لانه حس بطعمه ويبي يجرب كذا مره

انا والله يعجبني الرد المقنع وانت ياعذب ردك والله احسه قريب للحقيقه

تسلم على الرد يالغالي

هذي حالة أخوياك

أنا أشوف الحل لهم
هو التعدد
حتى لو كان مسيار

بس ياعذب مدام على وحده وماعرفو يوزنون انفسهم

ياخوفي يتزوجون مسيار وبعد فتره يطلقون

والبنات مالهم ذنب عشان ثوره لفتره معينه وتهدا

الا اذا كانو صاملين وبيطولون معهم لنهايه العمر هنا يختلف الوضع

ومشكور على الرد السليم ياعذب والله يسلم لنا يدينك

[وافي المروه]

شوف اخوي اصحابك عندهم نقص وازع ديني هذا كلام مفروغ منه والا الخيانه ماعمرها جات من انسان يخاف الله هذا شي
الشي الثاني خلينا نكون واقعييين مو نقول كلام للتنظير بس ترا الزواج حظ ونصيب زي البنت ممكن تطيح بواحد شين واخلاقه زفت نفس الشي الشاب ... هناك عدة اسباب لخيانة اصحابك
1_ممكن زوجته ماتثيره جنسيا ومو قادره على اشباعه مو شرط انه تزوج خلاص اي واحده تادي الغرض فيه تفاصيل في العلاقه يحس فيها المتزوج وعلى اساسه يعرف قدرتها على اشباعه
2_ممكن الشاب صار عنده ادمان على الحريم فما عاد يسد عينه شي
3_لذه المعصيه وهذي كاارثه ...ربي يخلي للذة المعصيه طعم غير استغفر الله العظيم
4_ممكن تكووون زوجته كشرررررريه صاحبة مشاكل طول اليوم تحاسبه لاتروح ولاتجي ولا تسهر هذي بيبيع نفسيتها ولا يهمه فيها
5_ممكن هو مطلع ومتطلب في اللبس والشكل والدلع والحركات وهي انسانه مو مفتحه بهالجانب ومتعوووده على نمط معين تقليدي ممايفقدها بريقها بعينه
الاسباب كثييييييييييييير بس ثق اخوي اللي يبي يعف نفسه بيقدر بمصارحة زوجته وتوجيها والوصول جميعا للغرض المنشود من الزواج في هذي الاجواء اللي مليانه بالفتن اعوذ بالله
توكل على الله وتزوج ولايكونون اصحابك عقبه او تجاربهم عائق امامك بالعكس تعلم من اخطاءهم عشان تعيش شبابك صح وبمتعه حلال مافي زي الحلال بدل العلاقات المتعدده المشبووه...سامحني على الاطاله


اول شيء الله يعطيك العافيه على الرد وذكر الاسباب

حتى ولو انها تعددت الاسباب الا ماننكر شناعه الموقف

مهما كانت في الزوجه عيب مايعطيني دافع اللتفت لغيرها ياعدل عيوبها ياسرحها باحسان اما اني اخليها والعب من وراها شينه والله

ونفس الشيء لزوجه حتى لو اهي مو راضيه بالزوج ليه بالاساس موافقه اكيد من اول لها الخيارات بالرفض وبالقبول وان كانت مغصوبه تقول لزوجها ترا انا مغصوبه لك صدقيني الرجل له كرامه ماراح ابد يخليها على ذمته مدامها مو مقتنعه فيه

يعني كل الاسباب نقدر ونحاول نعدل فيها عشان تتماشى مع رغباتنا مو نستغلها وناخذها حجه ونلعب فيها باسم مارتحتله او مارتاحلها

انا اقول الواحد يكذب على نفسه ويصدق كذبته




تشرفت والله بردك وبذكر الاسباب وماقول الا الله يكثر من امثالك

[وافي المروه]

نسيت أقول لك
ترى لاتاخذ فكره عن جميع الشباب انهم كذا

في حالات وحالات

وأحب أرحب فيك في قسم
العلاقة الزوجيه



هلاااا فيك عذب انا ادري فيه ناس بهم الخير والبركه



والله يخليك ويعافيك على الترحيب


وهذا من طيب اصلك يالغالي

[&دلع انثى&]

هلافيك دلع انثى

والله ماخفي كان اعظم بس وش نسوي

عاد تصدقين مثل السالفه الي ذكرتيها وتقول فيها انها تعرف رجال على المسن ومابينهم مواعيد الشيطان شاطر ومايبدا من اول فرصه يمكن تتزاعل اهي وزوجه وتتصادف انها تكلم بنفس اليوم مع الرجال الي بالمسن وهذاك مسوي نفسه انا ابو الذوق وتغتر فيه ويصير الي ماكان بالحسبان

الامور هذي ماتجي على طول خطوه تزبط خطوه لين الواحد يقع بالمحظور بس والله اللي يقهرني وشوله يتزوجون لان كلمه زواج اشرف من يخونو بعض

وشاكر على المداخله
اكيد الشيطان مامات ,, والغلط غلط ,,
واكيد هي ماترضى ان زوجها يعرف وحده بالمسن
حتى لو كانت بنفس شكل علاقتها مع اللي بالمسن ,,
وزي ماقلت وشوله يتزوجون ,, بس الرجال غالبا
يحبو التجديد وتجريب جميع الانواع من كل شي << حتى من الحلويات والأكلات (q69)
وشباب الايام هذي مسوين فيها انو حنا مو زي رجال زمان يضلمو الحريم ويتزوجو عليهم لا احنا حنيينين على الجنس الناعم ومانكسر قلوبهم ونتزوج عليهم لاننا رومنسيين وحساسين << لانكم خوافين (q69)
فيقوم يلعب فالظلمى << يلعب على الحبلين (q47)

[سيمار]

موضوعك مبين انه مكتوب من قلب

ترى الحال اللي اشوفه بمجتمعاتنا من بعضه وياكثر ما اشوف حريم ازواجهم خونه وصارت الحين الخيانه فن
يعني الحين صارت العين على صديقة الزوجة واختها وبنت عمها وبلاوي الله يحفظنا

نرجع لموضوعك
اول شي كما تدين تدان
كل شاب يقدر يخون ويتمتع لكن اللي يقدر ويتركه لله هو المتوفق بإذن الله
والحكاية ترى مو حكاية جنس واشباع عاطفي بالنسبة لحديثي الزواج اصحابك
الشاب لما يجي يتزوج مشكلته يكون راسم للزواج والزوجة صورة خياليه من مايشوف من الافلام ويسمع من القصص وحتى من ما يعيشه بعلاقاته المحرمه واكيد هالعلاقات بما انها وقت للمتعه فقط فلها نكهه خااااااااصه ولو هالشباب عاشو مع عشيقاتهم ببيت واحد ماتحملو بعض ولا ساعه
يتزوج ويبيها حنونه وطيبة ورومنسية وجنسية وعاقلة ومجنونه وهاديه وووو صفات كثيرة يتمناها بأوضاع مختلفه

الموضوع شوي مفتوح فاتوقع يكون لي عودة

[طالبة رحمة الله]

بصراحه يااخي..

موضوعك يحططططططططططططططم الواحد..

يعني الحين حتى المتزوجين يسوون كذا>>حتى في تفكير ناس يوصل لهدرجه...

أوكي دامه تزوج يحمد ربه ويعف نفسه ليه يدور على الحرام ...ليه يعني الحرام غير عن الحلال والا لان الحرام بيسويه بالخش وهو يهرب ويخاف >>أجل خله يروح لزوجته بالخش ويخاف يمكن تتغير وجهه نظرة..

أنا مااقول غير الله يهديهم..

يارب أستر علينا وارحمنا برحمتك يارب..وابعد عنا بنات الحرام وعيال الحرام..

[彡я ş ∂ ∂ Ļ彡]

لالالا ياعذب هذولي ماهم وجه فتح بيت واحد عاد تبيهم يأخذون مسيار
وأنا عندي السبب الأول ضعف الدين لاتقول غرب وماغرب حنا ماعلينا إلا من المسلمين أصلا الغرب حياتهم حياة بهائم
وفيه منهم اللي عادي عنده زوجته عندها صديق لانهم يعيشون حياتهم على كيفهم
والله يعين الزوجه اللي رجالها هذا تفكيره حريم في حريم

للأسف في هذا الزمن صار أغلب تفكير الرجال بهذه الأشياء
ياناس رقّوا أنفسكم عن هذه التفاهات واللي يقول وحده ماتكفيه الشرع حلل له أربع بشرط العدل
وتذكروا أن الشيطان يجري من بني آدم مجرى الدم ويزين له المعصيه

وهذا توقيع مقراط اللي عاجبني



قواعد ثابته 100 في 100

ماتبي زوجتك تخونك لاتخون نفسك ولا

تجي بنات الناس

ماتبين زوجك يخونك لاتخونين نفسك ولاتجين

عيال الناس

كبر الوساده ونوم مرتاح اذا ماجيت بنات الناس

الوساده تصبح كلها هم وغم اذا جيت بنات

الناس

اذا تبي حياتك تسير بشكل طبيعي وجميل وكلها حلى لاتأكل حرام


الله يوفق الجميع

[بنــ تكانه ــت]

ممممممممممممممممممممم

انا كنت اطالع فلم كوري

يناقش هاذي القضيه

يقولك انه الرجل يوم يخون ما قصده الخيانه لاكن قلبه تعلق بوحده ثانيه بالغصب

هذا ما يمنع انه يحب زوجته ويحب حبيبته

طبعا عندنا احنا المسلمين غير وضع الحبيبه انها مو فقط ما يتزوجها خوف على زوجته او انه زيادة مسؤليه

لا انها انسانه حثاله لايمكن اي رجل يفكر يرتبط بها فيأبى ان تكون الا حبيبه

ضروري ان الرجل يبعد عن النساء واماكن تواجدهن حتى لا يضطر للعصيان ولا ينجذب لأحداهن فيتحرك قلبه لها

ويلهث خلفها مهملا زوجته وعاصيا لربه........


اما عن الفطره تقدر تقول عقل اكثر من كونها فطره

في شباب ورجال عاقلين ما يحركهم الا العقل لاعاطفه ولا شهوه تقدر تسيطر على تصرفاتهم

فيه شباب تسافر وتلقا البنات من حوله و لرجاحة عقله لا يأبه لهن ويرجع طاهرا من الخبائث

وغالبا يوفقه الله في تعليمة ودراسته او عمله

اما الاخر فتجده من المطار تحركة غريزته وعاطفته فيرجع محمل بالاثام والزنى وقد يرجع ولم يفلح فيما اقدم عليه



الزبده هههههههه

العقل هو الفاصل في الموضوع سواء الرجل كافر او مسلم وحساب العواقب من التصرف قبل حدوثه

لذالك نجد الرجال الاوفياء كما يسميهم الكفار والرجل الطاهر العفيف من نظرة اسلاميه

كلهم بالعقل حافظو على مستقبلهم في الدنيا والمسلم في الدارين

[نـور]

الظاهرة منتشرة في المجتمع السعودي ..
وركز معي يا أخ على قولك بأن المتزوجين هم من يفكروا ..
وهذي حقيقة لا نغفل عنها..والعلاقات اكثر حتى من العزابية..
من يقول ان ضعف الوازع الديني هو السبب الأساسي يغالط نفسه
نعم يُفترض بالدين ان يحصننا لكن ايضا عدم التحصين ليس فقط ترجع
لضعف الوازع الديني من يخون هو مسلم في الاغب كل يوم يصلي الفرائض
صدقني يا اخي هناك بعض الشباب يخون وكل يوم يتمنى ان يموت ألف مره
ويؤنبه ضميره لأنه ينام بجانب إمرأة وقبله مع أخرى..
لكن ماذا يفعل هو وجد نفسه مع أخرى..

عادات وتقاليد فرضت على بعض الشباب ان يتزوج بطريقة ليس من اختياره
وهنا هو يقبل الزواج وفي مخيلته فتاة جميلة كما يرى على الشاشة
وتوافقه في طبائعة وميوله...فعند الزواج ينصدم بحياة لم يكن يحلم بها
هو يعتقد قبل الزواج ان الحياة الزوجية كلام معسول وحب ورومنسية
وبعدها يفاجئه الواقع ليكون مختلف واحيان العكس..
اسباب كثيرة تجعل من الزوج او الزوجة يلجأ لطريق آخر
واهمها عدم التمازج الروحي والإندماج العاطفي
وكأن الزواج فرض لابد من الجميع ان يقوم به
وهذا الخطأ بعينه والذي يجعل من الشاب يبحث عمن يشعر بأنها اقرب
لنفسه ولروحه من زوجته
الخطأ مركب على الطرفين وليس على الشاب فقط..
الحديث يطول واكتفي لهنا

[فتى حاكمة]

أخي الدين والأخلاق هي الميزان الذي يحكم هذه الأشياء فمهما كانت قوة الشخص من الناحية الجنسية فسوف يقف الدين حائلاً بينه وبين ما حرم الله من علاقات سواء مباشرة أو غير مباشرة تقبل تحياتي

[طالبة رحمة الله]

عندي سؤال محيرني

كيف قدرت تدخل محادثه صديقك اللي بالنت..وهو داخل بايميله يعني كيف قدرت تشوف المحادثه..

[وافي المروه]

اكيد الشيطان مامات ,, والغلط غلط ,,
واكيد هي ماترضى ان زوجها يعرف وحده بالمسن
حتى لو كانت بنفس شكل علاقتها مع اللي بالمسن ,,
وزي ماقلت وشوله يتزوجون ,, بس الرجال غالبا
يحبو التجديد وتجريب جميع الانواع من كل شي << حتى من الحلويات والأكلات (q69)
وشباب الايام هذي مسوين فيها انو حنا مو زي رجال زمان يضلمو الحريم ويتزوجو عليهم لا احنا حنيينين على الجنس الناعم ومانكسر قلوبهم ونتزوج عليهم لاننا رومنسيين وحساسين << لانكم خوافين (q69)
فيقوم يلعب فالظلمى << يلعب على الحبلين


هلا والله فيك اختي دلع

اذا الولد حنين ومايبي يظلم زوجته ويروح من وراها ويلعب صار حنين انا اهنيه على مراعته لشعور حرمته هههههه:c010:
بس اللي لقا غير زوجته وصار مستمر معها يعني حتى الطرف الثاني الي اهي الزوجه عندها مساحه انها ماتظلم زوجها يعني مو بس الزوج الي مايبي يظلم ويطلق حتى الزوجه صارت تلعب ورى الستاره يعني المسأله ماوقفت على مقولتك ان الزوج يراعي حرمته حتى الزوجه صارت تراعي والظاهر حياتهم صارت مراعات من نوع اخر (vv)

[طالبة رحمة الله]

اخوي سيف مارديت على سؤالي؟؟؟؟؟

[وافي المروه]

الشاب لما يجي يتزوج مشكلته يكون راسم للزواج والزوجة صورة خياليه من مايشوف من الافلام ويسمع من القصص وحتى من ما يعيشه بعلاقاته المحرمه واكيد هالعلاقات بما انها وقت للمتعه فقط فلها نكهه خااااااااصه ولو هالشباب عاشو مع عشيقاتهم ببيت واحد ماتحملو بعض ولا ساعه

اول شيء احب اهنيك اختي سيمار على ذكرك نقطه مهمه وحساسه
وهي ان الواحد يحط صوره في باله ويحتري متى يتزوج عشان يكمل الحلم الموجود بخياله ويتفاجأ بلحظتها انه كان يبني حلم وسط الرمال
وخصوصا الاشياء اللي تساعد كل واحد انه يبني تصورات فوق الخيال مثل المسلسلات يجيبون لقطات بين زوج وزوجه والمشهد يكون دايم محصور عن لقطه فيها ضحك وسعاده بينهم وطول فتره المسلسل حاطين هذا الزوجين على سيناريو ان مابينهم مشاكل
فالي يتابعهم ويشاهدهم يظن الحياه الزوجيه مثل كذا مايدور فيها خلافات ولاشيء والمشكله ان هذي الخلافات اهي الي تعطي المحفز من جديد ان الواحد يجدد المحبه والسعاده مره ثانيه يعني الي يحس دايم بطعم العسل يفقد لذته ومايرجع له هذا الاحساس الا لما يذوق المر عشان يحس بطعم الحلال
اقدر اقول مثل ماذكرتي ياسيمار المشاهد لها دور لتغير عقليه الواحد وتخليه يحط خطواته خارج مسار الواقع


بجد سعدت برايك اختي سيمار والله يوفقك ويسعدك


الموضوع شوي مفتوح فاتوقع يكون لي عودة


اتشرف بمرورك مره ثانيه

[وافي المروه]

بصراحه يااخي..

موضوعك يحططططططططططططططم الواحد..

يعني الحين حتى المتزوجين يسوون كذا>>حتى في تفكير ناس يوصل لهدرجه...

أوكي دامه تزوج يحمد ربه ويعف نفسه ليه يدور على الحرام ...ليه يعني الحرام غير عن الحلال والا لان الحرام بيسويه بالخش وهو يهرب ويخاف >>أجل خله يروح لزوجته بالخش ويخاف يمكن تتغير وجهه نظرة..

أنا مااقول غير الله يهديهم..

يارب أستر علينا وارحمنا برحمتك يارب..وابعد عنا بنات الحرام وعيال الحرام



الناس اشكال والاون واطباعهم متعدده

وهذا مايمنع مثل مافيه شر اكيد فيه خير



بس بما اني طرحت مشكله اخوياي اكيد بذكر جوانب سلبيتهم

ولا الناس فيهم خير

[وافي المروه]

الظاهرة منتشرة في المجتمع السعودي ..


وركز معي يا أخ على قولك بأن المتزوجين هم من يفكروا ..

وهذي حقيقة لا نغفل عنها..والعلاقات اكثر حتى من العزابية..

من يقول ان ضعف الوازع الديني هو السبب الأساسي يغالط نفسه
نعم يُفترض بالدين ان يحصننا لكن ايضا عدم التحصين ليس فقط ترجع
لضعف الوازع الديني من يخون هو مسلم في الاغب كل يوم يصلي الفرائض








بالفعل الوازع الديني ماهو الا اشاره تنبيه توجهنا عندما نكون على مسار الخطاء

ولاكن لابد لذواتنا لها محركات ودوافع تأنب ضميرنا اذا خالفنا الفطره السليمه علاوه على الدين


صدقني يا اخي هناك بعض الشباب يخون وكل يوم يتمنى ان يموت ألف مره






ويؤنبه ضميره لأنه ينام بجانب إمرأة وقبله مع أخرى..

لكن ماذا يفعل هو وجد نفسه مع أخرى..



اذا من البدايه ليه يتسرع ويوقع بنفسه بحب ليس له منفذ ولامخرج

حتى يستمر فيه طيله حياته
لماذا لم اعالج المشكله قبل وقوعها
عادات وتقاليد فرضت على بعض الشباب ان يتزوج بطريقة ليس من اختياره







وهنا هو يقبل الزواج وفي مخيلته فتاة جميلة كما يرى على الشاشة

وتوافقه في طبائعة وميوله...فعند الزواج ينصدم بحياة لم يكن يحلم بها

هو يعتقد قبل الزواج ان الحياة الزوجية كلام معسول وحب ورومنسية
وبعدها يفاجئه الواقع ليكون مختلف واحيان العكس..
اسباب كثيرة تجعل من الزوج او الزوجة يلجأ لطريق آخر
واهمها عدم التمازج الروحي والإندماج العاطفي
وكأن الزواج فرض لابد من الجميع ان يقوم به
وهذا الخطأ بعينه والذي يجعل من الشاب يبحث عمن يشعر بأنها اقرب
لنفسه ولروحه من زوجته
الخطأ مركب على الطرفين وليس على الشاب فقط..
الحديث يطول واكتفي لهنا








بالفعل علينا اذا اقبلنا على شيء مهم وهو مفترق طرق بحياتنا مثل الزواج او غيره يجب ان نترك لغه الخيال الشاسع وصور الاحلام وان ننزل لارض الواقع لاعيش ماهو المستقبل الذي بخطواته سيكلفني بالرضى فيه

اما مجرد الوقوف والتخيل الذي يبعد بالشخص للمريخ سيغالط نفسه اذا علم بحقيقه الامر لاتتعدا سوى مخيله وان الواقع هو فقط احترام القدر والواقع

وتقبله بعيوبه وايجابياته والمعايشه معه حسب التكيف الذي انا استطيع ان اكيف نفسي فيه






سعدت بمشاكرتك اختي نور والله ينور عليك ويوفقك

[وافي المروه]

ممممممممممممممممممممم

انا كنت اطالع فلم كوري

يناقش هاذي القضيه

يقولك انه الرجل يوم يخون ما قصده الخيانه لاكن قلبه تعلق بوحده ثانيه بالغصب

هذا ما يمنع انه يحب زوجته ويحب حبيبته

مع احترامي للكوريين اظاهر يسمعون بالمشاعر والحب النابعه باحساس صادق ولاالحب لايرضى بالخيانه مهما تعددت الاسباب

طبعا عندنا احنا المسلمين غير وضع الحبيبه انها مو فقط ما يتزوجها خوف على زوجته او انه زيادة مسؤليه

لا انها انسانه حثاله لايمكن اي رجل يفكر يرتبط بها فيأبى ان تكون الا حبيبه

معليش اختي اختلف معك بهذي الجزئيه واختلافي مو معارضه بقدر ماهي وجه نظر تخالف كلامك واللي اقصد فيه ان البنت جوهره ودره وشيء لايوصف بنظرنا ولاكن عندما يغيب العقل ينسى الشخص هذي الزهره فيغتال روعه جمالها

ضروري ان الرجل يبعد عن النساء واماكن تواجدهن حتى لا يضطر للعصيان ولا ينجذب لأحداهن فيتحرك قلبه لها

ويلهث خلفها مهملا زوجته وعاصيا لربه........


اوافقك وبشده اماكن تواجد النساء هي بوصله واسهم توجه الرجل لهم وحينها سيفعل مايملي عليه قلبه لالعقه وهم قليل

اما عن الفطره تقدر تقول عقل اكثر من كونها فطره

في شباب ورجال عاقلين ما يحركهم الا العقل لاعاطفه ولا شهوه تقدر تسيطر على تصرفاتهم

فيه شباب تسافر وتلقا البنات من حوله و لرجاحة عقله لا يأبه لهن ويرجع طاهرا من الخبائث

وغالبا يوفقه الله في تعليمة ودراسته او عمله

وهذا ماكنت ابي اوصله مع اخت الكون ان الدين مؤثر وبشكل كبير ولاكن هناك اشياء اخرى تضيف على هذي العوامل وهي محكمه ومصرفه لتوجهاتنا خصوصنا عندما تصادف الفطره السليمه

اما الاخر فتجده من المطار تحركة غريزته وعاطفته فيرجع محمل بالاثام والزنى وقد يرجع ولم يفلح فيما اقدم عليه




هنا المصيبه وماقلت سالفه اخوياي الا علشان الروابط بين راعي المطار وبين راعي المسن والي يبي يواعد اختلفت الطرق والغريزه واحده الكل فيه غريزه ولاكن افرغها بشكل سليم
الزبده هههههههه

العقل هو الفاصل في الموضوع سواء الرجل كافر او مسلم وحساب العواقب من التصرف قبل حدوثه

لذالك نجد الرجال الاوفياء كما يسميهم الكفار والرجل الطاهر العفيف من نظرة اسلاميه

كلهم بالعقل حافظو على مستقبلهم في الدنيا والمسلم في الدارين

اكيد العقل والدين والفطره والفعل الي بأقدم عليه اضع نفسي مكان التصرف اذا رضيت فيه لاغلى احبابي واهلي حينها سيكون المسببات والاشياء المحظوره محصوره


شاكر لك اختي على اثراءك لنا بردك الاكثر من رائع

واعتذر قدمت رد اخت نور على ردك بس الشوف شجر

[وافي المروه]

أخي الدين والأخلاق هي الميزان الذي يحكم هذه الأشياء فمهما كانت قوة الشخص من الناحية الجنسية فسوف يقف الدين حائلاً بينه وبين ما حرم الله من علاقات سواء مباشرة أو غير مباشرة تقبل تحياتي


صدقت اخوي الدين والاخلاق والفطره هي مسببات كثيره تحول عن الاقدام بالامور المخله بالاداب

وشاكر لك على ردك

[وافي المروه]

عندي سؤال محيرني

كيف قدرت تدخل محادثه صديقك اللي بالنت..وهو داخل بايميله يعني كيف قدرت تشوف المحادثه

وش الي محيرك قصدك الايميل حق خويي انا مادخلت على ايميله فيه شيء اسمه سجل محادثات يحفظك كل سواليفك الحقي عليه اذا فيه شيء ولاماشيات قبل لاحد يشوفه(q69)

[أميره نايمه]

ماشكروا نعمة ربهم رايحين يدورن الحرام
مشكور على الموضوع

[طالبة رحمة الله]

وش الي محيرك قصدك الايميل حق خويي انا مادخلت على ايميله فيه شيء اسمه سجل محادثات يحفظك كل سواليفك الحقي عليه اذا فيه شيء ولاماشيات قبل لاحد يشوفه(q69)


سجل المحادثات وينه موجود في اي مكان؟؟؟

أنا ولامرة دخلت ماسنجر وايميل وخرابيط>>بس أبغى اشوف وش فيه سجل المحادثات >>يعني أتجسس على غيري(q47)

[الوادي]

سجل المحادثات وينه موجود في اي مكان؟؟؟

أنا ولامرة دخلت ماسنجر وايميل وخرابيط>>بس أبغى اشوف وش فيه سجل المحادثات >>يعني أتجسس على غيري(q47)غريبه ياطالبه يفوتك هالشي تلاقينه بالمستندات سجل المحادثات والله حسبتك اذهن من كذا ....دائما أشيك على بنتي اشوف وش نوع السوالف هي وصديقاته ....ابرجع واردلك ياسيف العدل

[طالبة رحمة الله]

غريبه ياطالبه يفوتك هالشي تلاقينه بالمستندات سجل المحادثات والله حسبتك اذهن من كذا ....دائما أشيك على بنتي اشوف وش نوع السوالف هي وصديقاته ....ابرجع واردلك ياسيف العدل

مالغريب الاالشيطان..

بس انا مااعرف أدخل ماسنجر ومحادثات مااحب هالاشياء...أتجنبها أحسن..

وين والله مااعرف..>>يعني في جهاز الكمبيوتر..>>نااااااااااويه على أخوووووووووووها اليوم....(qq172)(qq172)

[ميووس]

والله ياخوي ابقولها باختصار وعلى بلاطة على قولتهم

مهما صار فيه من مبررات وووو وان الزوج ما شبع من زوجته ولا هي في مخيلته وانها ما قصرت معه ووووو

كل هالأشياء مو مبرر ان يفعل الحرام

يعني بالمختصر المفييد ضعف الدين وعدم الخوف من الله وإلا كام كل زوج وزوجة حصل تقصير من الكرف الاخر لجأ للحرام وببر فعلته بالتقصير


يعني هل يحق للرجال يتركون صلاة الفجر بحجة انها برد أو نايميين لالالالالا

كل هالأشياء سببها ضعف الدين وعدم الخوف من الله والي يخاف من الله مهما صار وحدث تصرفاته يكمها دينه

مثل ما قالت بنت تكانه بعض الشباب سواء متزوج او غيره يدرس برا ويكون بين الراقصات والعاهرات ولا يموت شهوة لكن خوفه من الله وقف الطريق وسده عن الحرام

[وافي المروه]

ماشكروا نعمة ربهم رايحين يدورن الحرام
مشكور على الموضوع


صدقتي اختي وبالشكر تزيد النعم....

كل التحايا على تعطيرك الصفحه

[وافي المروه]

سجل المحادثات وينه موجود في اي مكان؟؟؟

أنا ولامرة دخلت ماسنجر وايميل وخرابيط>>بس أبغى اشوف وش فيه سجل المحادثات >>يعني أتجسس على غيري


طالبه يعني ماتدرين ان التجسس حرام (qq15)

[وافي المروه]

غريبه ياطالبه يفوتك هالشي تلاقينه بالمستندات سجل المحادثات والله حسبتك اذهن من كذا ....دائما أشيك على بنتي اشوف وش نوع السوالف هي وصديقاته ....ابرجع واردلك ياسيف العدل

كان ماعلمتيها رنا عشان الي يطب عليها يعرف اهي وشهي عليه (q20) :danc854:


وننتظر طلتك مره ثانيه ومراحب فيك بأي وقت :whwhwh:

[وافي المروه]

والله ياخوي ابقولها باختصار وعلى بلاطة على قولتهم

مهما صار فيه من مبررات وووو وان الزوج ما شبع من زوجته ولا هي في مخيلته وانها ما قصرت معه ووووو

كل هالأشياء مو مبرر ان يفعل الحرام



صدقتي اختي ووهذا الي خلاني اكتب قصه اخوياي وابي اعرف السبب انهم يسوون كذا بالرغم نعمه الحلال اللي عندهم




يعني هل يحق للرجال يتركون صلاة الفجر بحجة انها برد أو نايميين لالالالالا

كل هالأشياء سببها ضعف الدين وعدم الخوف من الله والي يخاف من الله مهما صار وحدث تصرفاته يكمها دينه

مثل ما قالت بنت تكانه بعض الشباب سواء متزوج او غيره يدرس برا ويكون بين الراقصات والعاهرات ولا يموت شهوة لكن خوفه من الله وقف الطريق وسده عن الحرام


اعتز برايك واذا طبقنا كلامك على اللي اشوفه اجل معقوله كلهم مايخافون الله...

يمكن ماحطو الله امام عيونهم هذي اقرب من انهم مايخافون من الله

شاكر لك اختي رايك ومرحبا فيك

[محبوبة الكل]

أخوي سيف العدل

ردي بأختصار للرجل والمرآه


من ضعف دينه هانت عليه كل الأمور


أجل لقصر زوجي دورت حرااااام !!!!!!!!!!!

أو قصرت زوجته دور حرااام !!!!!!!!!!!!!


وين ديننا دين نصارى

[وافي المروه]

أخوي سيف العدل

ردي بأختصار للرجل والمرآه


من ضعف دينه هانت عليه كل الأمور


أجل لقصر زوجي دورت حرااااام !!!!!!!!!!!

أو قصرت زوجته دور حرااام !!!!!!!!!!!!!


وين ديننا دين نصارى


اغلب الاديان تنكر الخيانه وترفضها

ولاكن ماكان يدور بخاطري الي اي مدى اتقبلها وانا متزوج واخون شريكه حياتي اين الضمير واليقظه الرجوليه من هذي الناحيه اذا انعدم الدين فأين مقومات الفطره والتي تحول بين هذي الاشياء
لو انعدم الدين والفطره والضمير فلعل هناك مبدأ اخر مبدأ الحيوانيه

[الوادي]

اخوي سيف عجزت وانا اقلب سالفت اخوياك براسي ابحاول استنتج ليه هم يسوون كذا وهم متزوجين ...مالقيت الا على قولت الاعضاء ضغف الوازع الديني ...واكيد انهم يوم يتزوجون مغصوبين من قبل أمهاتهم قامن يتشرهن ويزنن ابشوف اعيالك ومادري ايش الين مل وقال شوركم وهداية الله ...وهم الله والعالم انه صديقك حق النت امبشك مع هالصديقه وكان بينهم شي واشويات قبل الزواج بس المشكله ايش مايقدر يخطبه وهي طاقته علاقه معه ويمكن مع غيره وعشان كذا ماقدر يترك العلاقه بالمسن ...اما الثاني يمكن كد جرب المسيار وهو شاب ومبسوط فايوم تزوج حن لذيك الايام ...معليش طولت بس والله انهم قاهرينن وانا ماعرفهم ..الله يهديهم ويبين النور لهم ويفتح على قلوبهم ..

[الشيخـــــه شجـــــون]

خوياك ذيلا كانوا اصحاب هوى من قبل الزواج ولا فيهم ذرة خوف ولاحيا لا من الله ولا من خلقه
ويوم شبعوا بالحلال ولان بناتنا يغلب عليهم الخجل احيانا بالامور الجنسيه حنوا للوصخ اللي كانوا عليه
وبعضهم كانه لاول مره يكتشف هالعالم وكان الزواج باب بدا يفتح له مسار الحريه واللهث ورى هالملذات بصرف النظر عن منبعها

مع ان فيه رجال كثير عاديين لاملتزمين ولاشئ مايقربون الحرام عن قناعه ومن مبدأ انه تصرف
لا اخلاقي وانه يرفع نفسه عن هالمستنقعات وماتجلبه من شبهات وامراض وانه باب ان فتح ماراح ينسد
يعني من قناعات داخليه فيهم ان مالها داعي والواحد يستر نفسه حتى يستر على بيته ويفضل انه يتفاهم مع زوجته اريح له واسلم

و البنات احتارت بالزواج وازواجهم هالايام ان جاته متعلمه ووسائل التعليم ياكثرها هالايام تعجب لتصرفاتها وجرءتها مثل مايسميها وبدا يتحسب لتصرفاتها وردات فعلها واشلون جاته متعلمه ومستوعبه هالشئ
وان جت حياويه استثقل دمها وقال انا اش ورطني بوحده مثل ذي وبدا يتمرغ بالوحول متجاهل بنت الناس اللي المفروض انها اولى باهتمامه واحتواءه لها والتقرب لها ويتفاهم معها حتى يرتاح بقية عمره والا هو ناوي يعيش طول عمره بالغلط

انا اصبحت مالوم اللي تقول اتزوج كبير افضل لي من واحد حده شهر العسل
او اني احمل ويرميني ويرجع يحن لحياته الاوليه

[وافي المروه]

اخوي سيف عجزت وانا اقلب سالفت اخوياك براسي ابحاول استنتج ليه هم يسوون كذا وهم متزوجين ...مالقيت الا على قولت الاعضاء ضغف الوازع الديني ...واكيد انهم يوم يتزوجون مغصوبين من قبل أمهاتهم قامن يتشرهن ويزنن ابشوف اعيالك ومادري ايش الين مل وقال شوركم وهداية الله ...وهم الله والعالم انه صديقك حق النت امبشك مع هالصديقه وكان بينهم شي واشويات قبل الزواج بس المشكله ايش مايقدر يخطبه وهي طاقته علاقه معه ويمكن مع غيره وعشان كذا ماقدر يترك العلاقه بالمسن ...اما الثاني يمكن كد جرب المسيار وهو شاب ومبسوط فايوم تزوج حن لذيك الايام ...معليش طولت بس والله انهم قاهرينن وانا ماعرفهم ..الله يهديهم ويبين النور لهم ويفتح على قلوبهم ..




رنا الوادي


تواجدك اظافه مميزه للموضوع

وكل ماذكرتي يلامس الحقيقه


ولو ان هناك امور اخرى لم تذكريها

الا ان نقاطك التي ذكرتيها اغلبها منطقيه


شاكر لتواجدك

[وافي المروه]

خوياك ذيلا كانوا اصحاب هوى من قبل الزواج ولا فيهم ذرة خوف ولاحيا لا من الله ولا من خلقه


ويوم شبعوا بالحلال ولان بناتنا يغلب عليهم الخجل احيانا بالامور الجنسيه حنوا للوصخ اللي كانوا عليه
وبعضهم كانه لاول مره يكتشف هالعالم وكان الزواج باب بدا يفتح له مسار الحريه واللهث ورى هالملذات بصرف النظر عن منبعها

مع ان فيه رجال كثير عاديين لاملتزمين ولاشئ مايقربون الحرام عن قناعه ومن مبدأ انه تصرف
لا اخلاقي وانه يرفع نفسه عن هالمستنقعات وماتجلبه من شبهات وامراض وانه باب ان فتح ماراح ينسد
يعني من قناعات داخليه فيهم ان مالها داعي والواحد يستر نفسه حتى يستر على بيته ويفضل انه يتفاهم مع زوجته اريح له واسلم

و البنات احتارت بالزواج وازواجهم هالايام ان جاته متعلمه ووسائل التعليم ياكثرها هالايام تعجب لتصرفاتها وجرءتها مثل مايسميها وبدا يتحسب لتصرفاتها وردات فعلها واشلون جاته متعلمه ومستوعبه هالشئ
وان جت حياويه استثقل دمها وقال انا اش ورطني بوحده مثل ذي وبدا يتمرغ بالوحول متجاهل بنت الناس اللي المفروض انها اولى باهتمامه واحتواءه لها والتقرب لها ويتفاهم معها حتى يرتاح بقية عمره والا هو ناوي يعيش طول عمره بالغلط

انا اصبحت مالوم اللي تقول اتزوج كبير افضل لي من واحد حده شهر العسل
او اني احمل ويرميني ويرجع يحن لحياته الاوليه





الشيخه شجون مرورك وردك اكثر من رائع

ولي تعقيب على كلامك


لي عوده بأذن الله

شاكر لحظورك