غــــــزة حـــــزينه"جديد ناصر الـــحريّص"

[حابس المجال]

ياموتـري يالله نبـي نقـطـع امـيـال
عسـى اللـذي سـواك تسلـم يميـنـه
انـت الخـوي فالـدرب ياطيـب الفـال
صـبـوا لــه البنـزيـن يامفلليـنـه
نبـا مكـانٍ دونـه اهضـاب وجـبـال
دربـه وعـر والـدرب لـك خابريـنـه
ياعنـك ماهـو للكواشـيـت مـدهـال
ومـاداج بـه دواج مـن حيـن حينـه
دوٍ خـلا... مافـيـه بــدوٍ ونــزال
مافيـه غـيـر الـذيـب والا عويـنـه
اهموم صـدري داخـل الصـدر تجتـال
جـولـة ذهـيـبٍ لاهـلـه فاقـديـنـه
تـدك جاشـي دك وضلوعـي اهــزال
وحبـل الصبـر مقطـوع بينـي وبينـه
امـن الزمـان اللـي لـه الهـم يختـال
يهـب يـاوجـه الـزمـان وياشيـنـه
كنـه يقهوينـي مـن الـسـم فنـجـال
ياقف علـى راسـي .. وعينـي بعينـه
ان قلت تكـرم... قـال واحـد يارجـال
مـدري انـا لـه ضيـف ولا رهيـنـه
ازريـت اعـدل مايـل الوقـت لامــال
والعـمـر مــره وهبلـنـي سنيـنـه
في عالـم ال؟؟؟؟؟ ..؟ تلقـا لـك ؟؟؟؟؟
مافيـهـم الـلـي تاتـنـدي جبيـنـه
غتـره وطاقـيـه ومـوتـر وجــوال
اختلطـوا الاجـواد وســط المديـنـه
وان صحت وسط السوق ..مافيه جمال..؟
جونـي علـيـه اثنـيـن مترادفيـنـه
فـي حالـةٍ قشـرا ويرثـى لـه الحـال
والنـاس مـن حولـه ومتكانفيـنـه !!
وان قلت يالاجـواد ..؟مافيـه عقـال.؟
كـلٍ هبـد صـدره براحـة يميـنـه !!
مافيهم امـن العقـل لـو ربـع مثقـال
العـقـل نعـمـه يالعـقـول الرزيـنـه
اقتاس من عرفـي وفـي كـل الاحـوال
وأشـوم عـن كـل الوجيـه المهيـنـه
شاعر .. واحط الشعر مضـرب للامثـال
وهـبـه وهبـهـا الله ومتوارثـيـنـه
والشعر فيه اعمـاق وابحـوره اطـوال
يفحـم قـوي العـزم مــع سابحيـنـه
احدٍ غرق.. واحدٍ يطربـخ علـى الجـال
وحـدٍ علـى التلفـاز تـومـي يديـنـه
يصيح ..!! ويغني !! ..ولاعنده اشكال؟؟
يالله عـلـى بـلــواه يالله تعـيـنـه
واحدٍ يجيـد الشعـر... وبيوتـه اثقـال
مـن واحـة الافكـار يقطـف كنيـنـه
اصغي معـه والذهـن يطـرب ويهتـال
واقــول هــذا الشـعـر يامدعيـنـه
وجهة نظر شاعر مـن العـرف يكتـال
خـلا هزيـل الهـرج يبـغـا سميـنـه
وان صاحوا الجمهور يبغـون مـوال...؟
وشلون ابـا غنـي وغـزه حزينـه !!
راح الضحيـه عجـز وشيـوخ واطفـال
والشعـب منهـك يالله انــك تعيـنـه
مايستعـز القـدس .. بجنيـه وريــال
ومعبـر رفـح مصكـوك ومسكريـنـه
وفتح وحماس اخوان ..!!لاشافوا المال..؟
ومحمـود ابـن عبـاس معهـم ندينـه
وش بعد ذالقعـده علـى شهـر شـوال
رح راجـع التـاريـخ تلـقـا يقيـنـه
وبغـداد فيهـا اقتـال وتخـرج ابطـال
عقب البطل للنـذل جـا.. مـن يهينـه
اخـر ولايـة بـوش محـذوف بنـعـال
نومـس بهـا الزيـدي وتسلـم يمينـه
راحت ثمان سنيـن فـي حـرب وقتـال
والسـلـم مـثـل الحـلـم متخيليـنـه
حنا عرب نبنـي علـى اقـوال وافعـال
وكـل ماحصـل للـعُـرب مستنكريـنـه
حنا عرب يعنـي علـى افعـال واقـوال
والقـدس ينخـا.. والعـرب خاذليـنـه
يعنـي عروبتنـا ..!! علـى ذل وذيـال
هـذا صـريـح الـهـرج ياجاهليـنـه
مـاودي ادخـل فـي متاهـات وجـدال
الصـوت واضـح..؟ والمـلا سامعينـه
اسنـد علـى اللـي لثقيـلات شـيـال
امن القهـر والحـزن وامـن الضغينـه
نبـا نصبحهـم صبـاح الشـهـب الاال
والـمـوت دربــه كلـنـا عابريـنـه
الناس تهتف لـك مـن شيـوخ وعيـال
صقـر العروبـه ينـصـر الله ديـنـه
صقـر العروبـه ينـصـر الله ديـنـه
صقـر العروبـه ينـصـر الله ديـنـه