المساعد الشخصي الرقمي

مشاهدة النسخة كاملة : عطــــــــــــــــــــــــــــــــــــــــــــــــ ــــــــــــــــــــــــش

حروف العز
02-01-09, 01:35 AM
(qq55)


عطش ...!!
والعشق بعيونك غدير ...!!
عطني وله ليله ...!! وخذ مني عمر ...
وباقي العمر مابيه ...!
وخله يصير اللي يصير ...!!

قل لي " أحبك ...!"
وتكفيني عمر ...!!
وإلا أقول ...!!
لمح بها بس ...
ودي أحس بطعمها ...
ياااااه .... باين عليها شيء ...!!
فيها من النشوة ولو رشفة أمل ...
قلها وخل الباقي علي ...
لو قلتها ينبت على كتفي جناح ...
ومن الفرح يمكن أطير ...!!



قهر ...!!
واليوم من غيرك دهر ...!!
وسوالفي ماتت عطش ...!!
واشوف بعيونك نهر ...
وضحكة طفل
تنبت على شفاهك مثل وردة مطر ...!!
وانا أموت من الظمى ...
واشرب هواء ...
وعيونك الحلوة تنام
وعيوني قطعها السهر ...!!
منتب سهل
أثرك خطير ...؟!!

أُستاذ عشق ... وفلسفة ...!!
عمره قضي بالعشق ...
والأشواق ...
كله أحاسيس ... ومشاعر ...
وعمره ما يخون ...!!
أُستاذ في تاريخ عشاق الهوى ...
عنتر ... ومجنون ليلى ... وعزة ... وقيس ...!!
أحوالهم ... واهوالهم ... وهمومهم ...
وعشقٍ سكن بقلوبهم ...
وآخرها ماتوا ياحرام ... ولا اهتنوا بالعشق ...
ملعون ابوه
من جد ما عنده ضمير ...!!

غريبة
كل المشاعر ...
واحاسيس الغرام ...
والصدق ... والحُب العفيف تنبت بـ هالقلب الصغير ...؟!
غريب العشق ...!!
والاغرب العشاق ...!!
واغرب منهم المعشوق ...!
وانا على عشقك غريب ...!!
ومهما حصل ...
تبقى وسط عيني كبير
وربي كبير ...!!

نزوة...
ويا نزوتك نزوة ...!!
ونشوة ...
ويا نشوتي نشوة ...!!
وصف أول غرام ...!!
واحلام بنت ...!!
وشفايفٍ متولعة ...
إن تمتمت قالت " أبيك "
وإذا سكتت ... يدميها الجفاف ...
وعشق العفاف ...!!
فديتها
تحلم لها بليلة قمر ...
وليلة مهي ليلة ...
ليلة عمر ...!!
فيها زغاريد ... وتهاني ... وشيءٍ يسمونه زفاف ...!!
خلها تصير ...
وشف وش يصير ...!!
والله لعلمك الوله ...
واسقيك كاس من الغدير ...!!


حروف العز

(qq133)
$ روح المسك $
04-01-09, 01:36 PM
رووووووووووووووعه
ربي يسعدك :)
الربيع ابن الحمدان
04-01-09, 08:03 PM
إبداااااااااع

وراااااائعه

الله يعطيك العافيه
حروف العز
05-01-09, 03:13 AM
رووووووووووووووعه
ربي يسعدك :)

الف شكر روح .. كلك لطف
حروف العز
05-01-09, 03:16 AM
إبداااااااااع


وراااااائعه


الله يعطيك العافيه


الف شكر على مرورك الكريم .. ربي يحفظك
حروف العز
19-03-10, 05:09 PM
...................................
الشاطره999
21-03-10, 11:38 AM
صح لسانك
فعلا" أمتعتنا بروح المعاني ورهفة الأحاسيس وكأنك تنطق عن القلب وتحكي بالعيون
أحسنت صنعا"
المحرومه من الدنيا
21-03-10, 05:39 PM
السلام عليكم ورحمة الله وبركاتـــــــــــه. يسلموووكلمات حلوووه يعطيك العافية
قـلـب جـبـار
21-03-10, 10:21 PM
غريب العشق ...!!
والاغرب العشاق ...!!
واغرب منهم المعشوق ...!

نص رائع بمعنى الكلمة

حروف العز

اعتدت ذلك منك

قلب طفلة
عالم الإناث
22-03-10, 12:25 AM
الله تسلم هالحروف ويسلم هالنظم..
شاعر مبدع ..
حروف العز
22-03-10, 11:54 PM
محرومة

قلب طفلة


في عالم الاناث


تحياتي واكثر مع التقدير
حروف العز
28-01-13, 12:11 PM
up