أكثر من الحب ما أقدر

[عبْث]

أكثر من الحب ما أقدر ..

ممكن تحبيني أكثر ..

بس أنا أنسان عادي ..

أمسك الطابور مثلي مثل الأغلب في بلادي

أزرع من أول شقى بالشهر غربه

وأنسى نفسي في محطات الرحيل وفي بعادي

أيه عادي

مثل الأغلب في بلادي

أزرع الشهر الطويل أحلام وأدري

في حصادي

تجين أقسّم لك ثمن هالعمر في تالي حصادي

أحسبي لي ..

كم لتر يكفي إرتحالي

إحسبي لي ..

كم شقى كم وجه غالي

رحت عنّه في غيابٍ ما أدري أرجع منه سالم

أو تلقفني يدين الموت ويدين الليالي

أحسبي لي ..

كل لحظه في غيابي

من متى بالظبط مدري ؟

قبل كم ؟ الله وأعلم !

ما حسبت ولا مداني

أذكر أخر حلم يمكن من عمر أو يمكن أكثر

ما مداني

مثل كل البدو أهيجن

بس كنت أمزج مع هذا الغنا بعضي جناني

مو مثل ما تحسبيني

أبسط من اللي توقعتيه وأكثر

أذكر إني طفل وأذكر

بيتنا إيجار في قطعه ثلاثه

وأذكر إني كنت الأكبر

بين سبع أخوان أصغر

أذكر الشارع صغير وأذكر المسجد كبير

وأذكر أذكر

كان صوت أمي ينادي

ياوليدي

قوم لا أعلم أبوك إنك تغيب وأقعد أتململ ولا أبغى ..

يوووه يمّه مدرسه والله تعبنا رغم إني كنت لسّه بأولى واحد ..

طبعاً أمشي لا سلام ولا كلام

ولا حبيبي وين بوسة قبل تمشي

لا عطر لا مشط لا أكوّي ثيابك

يا صباح الخير يا قطعه ثلاثه

يا صباح النور قبل النور يطلع

صدقيني كنت الأبسط

كنت عادي

مثل الأغلب في بلادي

أدري أني قلت بعض البعض لكن باقي أكثر

ما أقدر أقوله ولا أقدر

أكثر من الحب ما أقدر

ممكن إنتي تعرفين الحب أكثر ..

لأن وقتي ما عطاني

وقت أحب ولا أتذكّر لو أغنّي كل هذا الشعر أماني

في ورق وأحرف وأغاني ..

شعر يسلم راسك أصلاً كل حرف وكل معنى من خيالي

أغرب الأشياء إنك

تكتب إحساس الخلايق

وإنت ما عشت الكلام اللي تقوله

بس الأغرب ..!!

إنك أبلغ من مجرّب وأنت ما جرّبت أصلاً

وأكثر أغرب..!!

إنهم يقرونك أبلغ ..!!

لا تناديني كفاني

كل ما أسكن في مدينه

تنبذ أوراقي حزينه

لا تحبيني تراني

ما عرفت الحب يوم العمر توّه

عاد عقب أقفى كثيره

لا كبيره ..

لا كبيره ..

إتركيني

بين الأوراق الحزينه

إتركيني مثل محراب يتعبّد في هدوء

وفي سكينه ..


( ما بجيتك آنا بجّتني السفينه .. منين ماهب الرذاذ تريد تبحر )

مدري شـ / دخّل مظفر



بس إحسّ إنه معبّر


أكثر من اللي أقوله

أو من اللي كنت أحاول بس أقوله



أكثر من الحب ما أقدر ..

أكثر من الحب ما أقدر ..






نواف التركي

[ولـــــه]

اللــهـ ..

رائعه .. بكل ماتعني الكلمـهـ ..من معنـى ..

يسلم ذووقكـ .. اخوي عبـث ..

استمتعت بقرأتها ..

يعطيك العافيه ..

:)

[عبْث]

حياك اختي وله

والشكر لك على هالطله والتعليق الاكثر من رائع

تقلدي احترامي

[كبرياء سعوديه]

إنتقــاء رائع وذائقة أروعـ
سلمت هالذائقة أخي
تقديري
كبرياء سعوديه

[مشاعل الزين]

الله عليه نوآف ,,, مآفي احسن من التوآضع والبسآطه

ابدعت إخوي جعلك سآلم ,,, اختيآر ولا اروع


إحترآمي لك بحجم الكون...

دومآ بانتظآرك...