تبي تترك زوجها وتآخذ أخوه المتزوج ! ( والله ما ذبحني إلا مشاعر أخوي تجاهها )

[صمت]

بسم الله الرحمن الرحيم

السلام عليكم ورحمة الله وبركاته

( ملاحظة : أنا كتبت نفس المشكلة في منتدى ثاني )

شلونكم خواتي ؟ إن شاء الله بخير وعافية،بصراحة أنا أخت حيوية،ومو من طبعي أبدا إني أكتب مواضيع من هالنوع


لكن أنا اليوم جلست مع أختي ، ووالله من القهر اللي فينا ، ومن كثر ما إحنا مو مصدقين إن فيه بشر مثل هالشكل !!!


يا أخوات السالفة والله خطيرة جدا،يعني مو مجرد شيء بسيط ممكن الواحد يتغاضى عنه

أو إننا نقول مع الأيام بتصلح،لأن الأشخاص اللي نتعامل معهم،أشخاص في قمة الدناءة في التفكير - قبل أي شيء -

أخوي تزوج قبل شهر ونص من وحدة من أقاربنا،هالبنت جلست معه حوالي إسبوعين ، وبعدها راحت لأهلها

في البداية ما ذكرت الطلاق،لكن مع مرور الأيام بدت عايلتها تلمح إن البنت خلاص تطلب التسريح من زوجها - اللي هو أخوي -

يا بنات لو وقفت السالفة على إنها طالبه الطلاق بدون أي سبب واضح أو حتى حقيقي !!

لهان الأمر علينا،لكن تصدقون إنها في كل يومين تطلع بسالفة جديدة على أخوي،أشياء يحلف أخوي أيمان مغلظة إنها ما صدرت منه،وإنه آخر شخص ممكن يسويها

في النهاية اتضحت الحقيقة،ألا وهي إنها ما تبي أخوي ! يعني بالعربي بايعته باللي هي به !!

والمره بالله عليكم متى تبيع زوجها ؟ إلا إذا كان في البال واحد ثاني !!


طبعا هذا استنتاجنا فيما بيننا ، حتى ما اطلعنا أخوي على هالكلام ،لأنه حسااااس بجد يعني


شخصيا أشوف هاللي تسويه ظلم،وربي بيحسابها عليه رب العالمين


لكن !


لو عرفتوا إن هالشخص اللي بيطلقونها من أخوي علشانه، هو أخوي الثاني

تخيلوا !!

أخوي المتزوج !!!

والله العظيم إن هالشيء بدأ يحسسني بتبلد في الإحساس...معقول في بشر مثل كذا ؟

بغض النظر عن كل شييييييييء..أخوي ومشاعره تجاهها .. تجاهلوها علشان شيء ما قدرنا نعرفه للحين!!

وش السبب اللي يخليها تزهد في أخوي الحبيب الطيب ، الملتزم بدينه،وتتمنى تآخذ الثاني المتزوج وقد عنده عيال !!

صحيح أخوي المتزوج ، حاول يوقفهم بكل قوته ، حتى وقفهم إنهم يتكلمون في الموضوع معه

( لأن أخوها كلمه في هالموضوع ، وقاله إياها بالصريح.. " خذها أنت ! " ولمح إن البنت تحب أخوي المتزوج وتبيه من قبل )



وش رايكن ؟؟ هل فيه شيء يوقفهم عند حدهم !؟

[تكفون قلبي لاتجرحونه:(]

حسبنا الله ونعم الوكيل يعني أخوك بعده يحبها ؟ معقول ؟؟؟؟

المفروض تقوولون له علشان تطيب نفسه منها

مو احسن تخلونه يحب وحدة ما تستاهل ذرة من مشاعره

[رواسي**]

أعوذ بالله ..معقولة فيه وحده تفكر بحماها لا وبعد متزوج(z)
انا لو في مكانك ياحيويه اشعلل الدنيا أخلي اخوي اطلقها لانها مو كفؤ
زوجة صالحة ..وأحذر أخوي المتزوج لا يقربهم ولا يقبل حتى النقاش معهم..

[Oo ريم oO]

استغفر الله العظيم معقوله في ناس كذا ..

ومردى من البنت الا اهلها واخوها من شين الطبايع بكل وقاحه يقول زوجوها للثاني؟؟؟

يأختي اخوك يطلقها ولا عليها حسوفه اللي تفكر بأخو زوجها المتزوج ...اعوذ بالله

من باعنا بعناه وانتم للأسف قاعدين تجادلونهم طلقوها مو غصب تجلس مع اخوكم ...يخرب بيتها ...

يالله ولعت منها وشلون انتم الله يعينكم ويصبر اخوك والله يعوضه يارب

[مداوي2009]

لا حول ولا قوة الا بالله .............................. يطلقها هذه ماتستاهله...................... وخليها عند اهلها خل حبها ينفعها
بنات اخر زمن ماذاقت ظلم الازواج والله ماتستاهل تعيش يوم واحد في ذمتة تراني حاس بموقفه الله يعين بس

[ليمووونه]

استغفر الله العظيم شي مايدخل العقل
اللحين هي على ذمة رجال
وتفكر برجال ثاني
الظاهر ان الحرمه هذي بعقلها شي

[حسن خليل]

شيء غريب جداً.

إذا كانت تحب أخيه من قبل، لماذا تتزوج به. عجيب أمر هذه الفتاة. بعد أن ارتبطت بزوجها تريد الطلاق لتتزوج بأخيه المتزوج.

والأغرب أن يقول أخوها خذها انت لاخيه المتزوج. ناس ما تستحي.

لو لم يكن هناك قرابة ونسب في الموضوع لقلنا يمكن زوجها مقصر معاها من بعض النواحي المهمة.

ومن لا تقدر زوجها وتطلب الزواج بأخيه المتزوج وتقول بأنها تحبه طلاقها أولى حتى لا يعيش معها في جحيم لا يطاق.

[نور القصمان]

لا حول ولا قوه الابالله العلي العظيم

[البرحيه]

مدري احسها مستوحاه من الخياااااااااااااااااااااااااااااال ليه وصلت الوقاحة لهدرجة


الله لا يبلانااااااااااااا

[صمت]

مدري احسها مستوحاه من الخياااااااااااااااااااااااااااااال ليه وصلت الوقاحة لهدرجة


الله لا يبلانااااااااااااا


والله العظيم اني صادقه في كل كلمه كتبتها

الله لايوفقني ان كنت كذبت على بنت الناس او اهلها

[صمت]

جزاكم الله خير على الردود وان شالله ناخذ منها المفيد

[LEMON JUICE]

البنت هذي فيها خلل نفسي كبير جدا

وخلل اخلاقي وديني

[Oo ريم oO]

وين مقراط عنها لو قرأها لموضوع بينجن (a24)

[حكيمة زمانها]

الله يعينكم على مابلاكم

لكن انصح اخوانك يتركونها الاثنين

[شموخ بدوية]

لاحول ولاقوة الأ بالله

اذا قلنا انسابكم فيهم خللل نفسي واجتماعي

انتم وين دروكم ..واخوك للحين باقي عليها وش يبي فيها (qq1)...؟؟

والخبل الثاني اخوها يقول خذها انت قصده اخوك الثاني >عائلة مضروب فيورازات مخها من جد (q104)

خلي اخوك يطلقها مدام ماجابت اطفال .


هذه مسألة مايخلتف عليها أثنان ...

الله يعوض اخوك اللي أبرك منها

[... بنت الجنوب ...]

عالم منتهيه صلاحيتها..
مااقصدك انتي واخوانك ...لا والله. لكن اقصد بنت خالتك واخوها.

خلي اخوك يطلقها ويرميها بوجه اهلها ذي انسانه ماعندها من الحياء ذره.ولاتستاهل حتى ظفر اخوك.

.

[الكنق11]

ودي أقول كلمة صريحة ولو جرحت

لا أعتقد بأن هذه المرأة تطلب الزواج بالأخ الاكبر المتزوج بدون كلام بينها وبينه
أخشى أن يكون بينهم اتفاق والدليل كلام أخوها له
يعني خلها تجي من أهل البنت أحسن

أتمنى ماتزعلين علي أحياناً الصراحة مرة وأنا أقول أتمنى أن يكون شكي وكلامي في غير محله
لكن أخوك الصغير يطلقها ومهف مقيط ورشاه هذه ماتستاهله ويعوض خير منها
والاخ الاكبر كانه بعيد عن التهم لا يقربها ولا يتزوج بها وخلها تجلس ببيت أهلها

وبهذا مافيه أي المشكلة
الرجل ويلقى اطيب منها والبنت ذي مادخلت بيتكم وسلمتوا منها لأن اللي هذا تصرفها وباء
بعده عن الناس مكسب

[ولع آل عبدالله]

!! أمااا أن اخوها يجي بنفسه ويقول لأخوك الثاني تزوجها انت !! (q104)


اذا هذي أخلاق اخوها اللي المفروض ينكر على أخته اللي تطلبه وتفكر فيه

فكيف البنت !!! (qq1)


ماادري وش تبون بهالعايله ولافي نسبهم من الأساس !!


عايله غريبه من جد !!! (a14)(a14)

[الفارس الهلالي]

لن ارد الا بعد ما اشوف رد مقراط

[عذب السجــايا]

في كم سوال يدور في مخيخي
هل زوجة اخوك تكشف على اخوك الثاني؟؟
هل تظهر قدامه بملابسها العاديه؟؟
هل يحتكون في بعض؟؟
اعتقد والله اعلم ان بينهم قصة حب
أو اعجاب على الأقل
بعض البنات مهبوله اذا اعجبت في واحد خلااااااااص
تضيع وماعاد تقدر تفكر...وترتكب حماقات من دون شعور
عموما
خلي اخوك يزوج ولايطلقها ......يعلقها لين تطلب الخلع
عشان يسترجع خسايره فيها (a26)<<<< نظره ماديه
لا ..بس اقل شي يقهرها شوي زي ماقهرته
***
ياحليل الرجال اذا حب (q104)

[رواسي**]

ودي أقول كلمة صريحة ولو جرحت



لا أعتقد بأن هذه المرأة تطلب الزواج بالأخ الاكبر المتزوج بدون كلام بينها وبينه
أخشى أن يكون بينهم اتفاق والدليل كلام أخوها له
يعني خلها تجي من أهل البنت أحسن

أتمنى ماتزعلين علي أحياناً الصراحة مرة وأنا أقول أتمنى أن يكون شكي وكلامي في غير محله
لكن أخوك الصغير يطلقها ومهف مقيط ورشاه هذه ماتستاهله ويعوض خير منها
والاخ الاكبر كانه بعيد عن التهم لا يقربها ولا يتزوج بها وخلها تجلس ببيت أهلها

وبهذا مافيه أي المشكلة
الرجل ويلقى اطيب منها والبنت ذي مادخلت بيتكم وسلمتوا منها لأن اللي هذا تصرفها وباء
بعده عن الناس مكسب

كثيييييييييير اسمع ذا الكلمة من عجايزنا
وتوقعتها حصرية لنا وماتوقعت احد يعرفها غيرنا(z)..وللعلم ما عرف معناها
ولكن المقصود بها خله يولي صح :gg4mpup:

[صمت]

شكرا لكم جميعا

بالنسبة لكلام أخونا الكينج..بأن فيه علاقة،فهذا شيء مستحيل

لأن أخوي مستحيل يسوي شيء مثل كذا..ملتزم على فكرة

[صمت]

أما اللي يقول إنها تطلع قدامه بملابس بدون حجاب،فهذا بعد عيب كبير عندنا ، وحرام قبل كل شيء !!



اخواني..تشوفون من الاسلم نقول لأخوي ؟ تتوقعون يطيب خاطره بعد كذا ؟

والله خايفة ما ينسى طول حياته !

[عذب الروح]

وهل أخوك الذي طلقها ؟؟؟ يمكن أنه غيرقادر جنسيا

[صمت]

وهل أخوك الذي طلقها ؟؟؟ يمكن أنه غيرقادر جنسيا





لا الحمدلله لو كان غير قادر كان ماطلب الزواج اساسا

[سيمار]

والله هالزمن فيه مشاكل العن
وحتى البنات فيه قصص واقعية ان الزوج يطلق زوجته وهي ماتدري لانه يحب اختها
الله يعافي المبلي ولا يبلانا

[عالي الذوق]

والله شوفي هذي مافيها حسافه ابد لاهي ولا أهلها والفكه منهم غنيمه .. ان كان فعلا ماقلتيه صحيح وأخوك الثاني لم يتفق معها على شي

يبقى شي واحد وهو رد الاعتبار لأخوك ولكم
ودامها بلغت هالمبلغ هي واهلها من الانحطاط وقلة الاصل

فالحل بسيط جداً .. يطلقها اخوك .. وبعدها راح يبين كل شي فإن كان اخوك المتزوج مواعدها بشي فلازم يوفي بوعده أو ماراح يخلونه لاهي ولا أهلها يبي يفضحونه .. واذا مافيه شي بينهم فتطليقها بحد ذاته رد اعتبار لكم

[تفووق الوصف]

هذي قليلة ادب ..

الله لايردهاا على ايش متمسك فيهاا ..

الله يعوضه خير منهاا ..

[نبض قلبه]

الله يعينه صرااااااااااااااااحه منتهى الوقاحه وقلة الذوق وين عايشين فيه ...بس انتبهوا لخووووكم الكبير لا تعجبه السالفه الله يفرج لخوكم ويهدي وضعه واهم شي يرضيه ربي

[من بقايا الامس]

مجرد توقع او افتراض
هالزوجه شافت في اخوك الاكبر .. (المتزوج)
مواصفات كانت تتمناها في زوجها الحالي
والاعتراض في مدى توسعها
في طلبها
وجرائتها
وان كانت هالجراءه تحسب لها لاعليها
والسبب
كان بالأمكان
اغراء الاخ الاكبر
وايقاعه في شباكها
وخيانة الأصغر
دون علمه
ولكنها
سلكت الطريق الصحيح
بالتعبير عن رغبتها
دون
محرمات او خيانات متوقعه

[نازف ألم]

ولو ان التفاصيل مو كامله وصعب نحكم على شي من طرف واحد
مثل الحرمه اللي جت تبكي عند القاضي العظيم شريح قال له الاعشى انها تبكي
قال لاتستعجل فقد جاء اخوة يوسف الى اباهم عشاء ًيبكون
لو كان اللي ذكرتيه صحيح واخوك موقفه سليم
لو مكان اخوك امسح فيها البلاط هي واهلها
اخليها تجي تبوس رجولي هي واهلها وتقول اعتقني
قولي له يصير شنب ويسترد هيبته اللي اراقوها بالارض والا ترا بتجيه صدمه
الا اذا هو خلقه ضعيف فماذا يضر الشاة سلخها بعد ذبحها


نازف

[بياض الثلج]

ياختي مافي وحدة تطلب طلب الا وهي واثقة منه

للاسف اخوك على علاقة معها وعامل فيها تمثلية انه مايبيها


يعني بلعقل كيف تقول اريده ؟؟؟؟؟؟؟؟؟؟؟ وهو مو داري عنها