أغنى بلد بالنفط وأكثر بطاله ..!

[محمد ^ العتيبي]

السلام عليكم ورحمة الله وبركاته ،

الخبر و الصور أبلغ مُقدمه ..!

تقدم أكثر من 15 ألف شاب سعودي لـ 500 وظيفة برتبة جندي في الجوازات ، وتسبب هذا العدد الكبير في فوضى حيث تم كسر الأبواب من قبل المراجعين وضرب الضباط والأفراد ، مما استدعى قوات الشغب لتقوم بدور الأمن والتنظيم ، وكان أكثر المتقدمين ممن يحملون درجة البكالوريس (جامعي) للحصول على وظيفة جندي الجوازات ..!

http://www.elaana.com/up/get.php?filename=1146024604.jpg

http://www.elaana.com/up/get.php?filename=1146024520.jpg




ياحسبي الله عد مارفرف الطـير 000 أغنى بلـد بالنفـــط وأكـثر بطـاله .!

المسـأله طالت وتحــتاج تبـرير 000 حق الشعب يسأل وش اللي جراله.؟

ابن البــلد خضّـار ويبيـع جرجير 000 والأجنبـي مـكتب و مـرتاح باله..!

لا والـــذي زاد المتـاهات تعسـيـر 000 حتى المــوظف ماصفاله حـــــلاله

بين القروض وبين نهـش الهوامير 00 ضاع الضعيف وضيّع السـوق ماله

للي حصــل ويصير نحتــاج تفسير 000 نبي حلول الحـين ماهــيب حاله

لا مانبـي تخـــدير نبغاه تغييـــــر 000 نبي الحـــقايق تتضـــح والعـــداله

من منطلق واقع أنا أطلقت تقـرير 000 ولخـــادم البيتــــين هذي رســــاله

أما نعــيش بجـــد وبعز وبخـير ؟ 000 وإلا نمــوت أبرك من نعيــش عاله

[واحــ 1ــد]

محمد العتيبي ، حياك وبياك وصح السانك الف مره ، نص جميل يحمل رساله للملك ، ولكن اخي محمد نحن ضحية وزارة التعليم العالي ،والتخصصات الجامعيه العقيمه ، الكل تخرج من الجامعه ولكن جميع التخصصات غير مطلوبه هل هذا يعقل ، متى نجدد دما وزارة التعليم العالي لكي نواكب التقدم الحضاري ونواكب الامم في تقدمها نحو المستقبل ؟
اخي محمد بارك الله فيك وحياك وبياك وصح السانك نص جميل يحمل في معناها الامتعاض من هذا الوضع المتفجر من البطاله ,

[محمد ^ العتيبي]

أبقاك الله ، وصح كلك وشكرا ً لتواجدك وردك أخي واحـــد





والله يصلح الحال على كل حال





تحيّتي

[كبرياء سعوديه]

ياحسبي الله عد مارفرف الطـير 000 أغنى بلـد بالنفـــط وأكـثر بطـاله .!

المسـأله طالت وتحــتاج تبـرير 000 حق الشعب يسأل وش اللي جراله.؟

وكان أكثر المتقدمين ممن يحملون درجة البكالوريس (جامعي) للحصول على وظيفة جندي الجوازات ..!

قمة القهر وربي
صح لســـــاانك طال عمرك
ويرزق كل عاطل بوظيفة عاجلا ليس آجل
تقديري
كبرياء سعوديه

[محمد ^ العتيبي]

لاهنتي ياكبرياء



وألف شكر لحضـــورك ، وصح كلك




تحيّتي

[كبرياااااااااء]

ابن البــلد خضّـار ويبيـع جرجير 000 والأجنبـي مـكتب و مـرتاح باله..!




صح لسانك



ليت الرساله تاصل للي المسولين للحد من البطاله

[ŘǻŶąŅ~ •●∫]

صح لسانك..
لاهنت

[محيزر]

مصروف سهرة عند بعض الهوامير ×××× يوظف الوف للوطن من عياله

ومصروف رحلة قنص مع كلب اوطير ××× يفتح مجالات الشغل والعماله