معـــآ ليكـــون النفآس في بيت الزوووووج ..

[مزايا إنسانة]

إذا كان جوابك على السؤال الأول [ نعم ] فـ بإمكانك

الإسترسال في قراءة الأسئلة تباعاً >>> تبطون عظم مع الأسلوب





1- هل أنتِ تعيشين في وسط عائلتك ؟

2- هل أنتِ موظفة أو طالبة ؟

3-هل لديكِ أخوات متزوجات ؟

4- هل أخواتكِ مكاين تفريخ ؟

5- هل حصل في يوم من الأيام وعدت من الدوام تعبانة وتافلـتن العافيه
وراسك يرقل من قلّ بركه لـ تتفاجئي بأصوات ضجيج صادره من بيتكم تصل إلى
مسامعكِ قبل أن توطوطي عتبة الباب ؟

6- هل حصل ودرعمتِ لبيتكم لـ تستقبلك رائحة الحلبه المنتشره
في كل دعاسيق البيت في الداخل ؟

7 -هل استيقظت مذعورتاً من نومك الهادئ ذات ليلة على زعاق بزر توهـ
لحمه حمرا مابعد تعلم وشلون يصيح بإحترام ؟

8 - هل زد رأيت تجمهراً أمام باب حمام بيتكم - الله يعزكم - ويوم قربتي
شوي كودك تشوفي وش السالفه وبالطق والطقاق دخلتِ راسك من بين حشود
المتجمهرين ولاها أمك واختكِ ماسكين نفس قطعة اللحمة الآنفة الذكر
وجالسين يسبحونها ؟

9- هل سبق أن رجعتـي من الدوام لتجدين بيتكم مزدحم بالزوار تسنه
بندة ليلة رمضان ومن لمحت أمتس طرف خشتس مدت لتس الدله بدون تفاهم
وقالت قهوي العالم ؟

إن كانت أغلب اجوبة القارئــه الكريمـه بـ نعم ..

فـ مبروك
في بيتكم نفاس http://forum.hawaaworld.com/images/smilies1/smile22.gif


:
:

ليه ياربي كذا !
يعني الواحد يقول اللهم لا إعتراض

بس ولو للصبر قالوا حدود يا مصبرالموعود

كل يوم اقول بيجي رجلها ويقشعها هي وذرّها من عندنا بس ماش
ماحولك أحد .. الله العالم الولد بيصير عمره سنه وهي توها نفاس ما قضت
!
يا جماعة الخير لا تفهموني
غلط .. انا احب اختي واقدّرها والود ودي ما تفارقني .. بس احبها
لحالها بدون الفوائد الي طلعت فيها من زواجها ذا القرود الي معها
منيب اواطنهم !

http://forum.hawaaworld.com/images/smilies1/smile16.gif



عيال اختي ايه ما قلنا شي ! بس فيهم بثاره تيزي بلد .. !
لا واذا تحملناهم وقلنا معليش توهم صغار والحشمه لأمهم مهيب لهم ..
ونبلع هالغثا الي يصير على شرف ذا النتفه الجديده الي جدعتها ..
تحسبونه يثمر وإلا يبين فيهم ؟ من يصير طول هالنتفه شبرين اول كلمه
ينطقها ويقولها لك " كل تبن " !>> http://forum.hawaaworld.com/images/smilies/hahaha.gif


خلوّا خلوّا ذا على جنب مهب موضوعنا ..

الي غابني صدز هالـ 40 يوم الي اشوفهم ..


سبحان الله عمر الحريم ما احترموا مواعيد والا وقت الا بـذي ! يتحروون
الدقه بالحسبه .. 40 يوم بالضبط مستحيل تنقص بس ممكن تزيد
40 يوم وانحن ما عندنا غير فاتحين باب و راديّن باب.. مستقبلين زوار
ومودعين زوار .. مدخلين فلانه وبناتها ومطلعين فلانه وحريم عيالها ..
لا وكله كوم واذا جت وحده الله يجزاها خير بزعمها راعية واجب

وتجيكم من عقب العصر إلى 9 عندكم

وانتي يا حيل الله مالتس الا تدورين بهالقهوه والشواهي ..

واذا خلاص تكرمت و لبست عباتها وطلعت .. ترجع بسرعه وترفع
نقابها وتزف لتس الخبر العذب " معليش ترا بناتي ماقدروا يجون اليوم
بلاهم منشغلين شوي بس باتسر بحيل الله بيجون كلهم "
<-- ماودكم تشوفون تعابير خشتي ساعتها
مير الله يجزاتس خير راعية واجب !
الحين بناتتس عندهم التزامات ومشاغل وبيسون الواجب حسب فضوتهم .. !

بس اصحاب البيت عطّاليه ما وراهم شغل والتزامات ابد .. على حسابكم هُم ؟
قايلين لكم رقاصه انا ما تبدا ورديتي الا 1 بالليل و ورا !
نعبنو ابليسكم .. ترا فينا الطالبة وفينا الموظفة ماترجع الا على
حروة المغرب وفينا المتزوجه وعندها بيت تصاليه .. !
والأم مهيب بكل الأحوال بصحتها وفيها حيل تهابد وتراكض لكم انتم
وزياراتكم !

ياخي خلوا جيتكم وحده وموعدها واحد .. مهب كل القبيله تجي تزور

وكل يوم وحده داخله لحالها .. حشى ! ماروانا الا انتم ؟

<---- حولكم شي تخافون عليه ابعدوه عنها ترا
شاشت هالعبده



ماخليت شي عن امي ..

يمه حددي يومين بالاسبوع يجون العالم فيه !

يمه مالها سنع تاركين الدعوة سايبة تقل والله الي عندنا عنز والده في حوش
مفتوح وكل شوي جاي شايب والا بزر يويق عليها !

يمه ارحميني ارجع من الدوام ما اشوف مالي خلق اغير ملابسي

وش عاد اقابل هالأمم !
بس ابــــد ! كان ذا الجدارن الي وراكم تنطق فـ هي ترد علي ..
مير اول كانت تقول " يا كبرها عند ربي ! تبيني اقول للعالم لا تجونا
.. انهبلتي انتي "
الحين انا قلت قولي لهم لا تجون ؟ قلت حددي لهم يومين وفكينا من
هالقلق !
" لا يا خزياه .. قولة لا تجون الا هاليومين زي قولة لا تجون ابد ..
افرضي هاليومين ما ناسبوا العالم ! "
اجل مناسبنا انحن الاسبوع كامل يا يمة؟! :01df662:


طاعوش انا ماعرف من الاسبوع الا الجمعةولا هوب يصفى لي ؟!
هالكلام اول .. الحين ابشركم مهيب ترد علي خير شر ..

مقتطفات من أحاديث تدور في مجلس نفاس
:
:

[ 1]

" عسى ما تعبتي بس يا فلانه ؟ "
" لا الحمدلله تيسرت "

" الحمدلله .. بس لا تعلمين احد لـ انسألتي بسم الله عليتس ! ترا عيون
الناس مهيب ترحم وانا خالتتس ! "

تعقيب / اول شي يـ الخاله الملقوفه ترا هالسؤال مهب كلـن يسأله يومتس
توصينها ع الإجابه ! يعني ولاده وش ظنتس ؟ اكيد بتتعب بوقتها وعقب
خلاص .. المشكله ما يسأل الا ناس مجربينها .. ابوك يالتناحه يا
شيخ !
ثاني شي .. ترا حتى القطاوه تحمل وتالد ! مهب حلى كل شي تلزقون فيه
سالفة العين والنظلة.. ياررربيه بس
:
::
:

[ 2 ]

" شوفي يا فلانة .. لا رجعت البيت برسل لتس كيس فيه اعشاب استخدميها
وان شاء الله ماتطلعين من الاربعين الا وانتي بنت ما كنتس لا حملتي
ولا ولدتي "
" صدز .. خلاص انتظرها اجل "
" ايه بس يومياً مهب تهملينها .. وتشوفين لو انتس أم لـ درزن عيال
مهيب عايقه مع هالاعشاب "


تعقيب /(qq167)
سؤال برئ(a26) - دام هذي نتايج اعشابتس يـمّ سر باتع .. ورا رجلتس



خذ عليتس عقب ثالث بزر جبتيه وحدهـ ثانيه ؟ (qq152)



:

::


:




[ 3 ]



"

ما شاء الله وش سميتوا الصغيره ؟ "

" دانة "
الحرمة الي تسأل وخشتها مايله والحتسي ما عجبها " اييه .. مدري تسن
الأسم ماهنا زود ! يا بنيتي مدري وش ذا الاسماء الجديدة الي طايحين بها

العالم ! "




تعقيب / ترا اصغر بنات الحرمه الي سألت .. اسمها [ غزيل ] !!:SmileyBunny:



:

::


:





[ 4 ]



" الا يا فلانه ما قلتي لي وين ولدتي بأي مستشفى ؟ "

" المستشفى الفلاني "

" اييه زي اختي حصة!! عند اي دكتورة ؟ دكتورة هبة ؟ "

" لا والله .. عند الدكتور خالد "





الحرمة(z) الي تسأل تنغز الي جنبها بكوعها وتعض على براطمها وتتحلطم



" يا خزيييياه .. كابتّن عفشها عند رجال يختي خلاص هالحريم ماعاد فيهم حيا

! وراها ما ولدت عند حرمه .. وش حيث الرجال تولد عنده ؟ "





تعقيب / يقولون والعهده ع الراوي .. ان خويتنا الي ماعجبها موضوع

الولاده عند دكتور ..





جايها الطلق وهي بسيارة ابو جيرانهم حيث ان رجلها كان كاشت في البر



.. ومالقت الا جارتها تستفزع بها .. وما كان بين الولد والنور الا شوي

لولا ان ربكم ستر والشوارع كانت فاضيه والا ان تسان صار مكان الميلاد

في شهادة الولد .. " سيارة ابو جيرانا "
الله يحرمّ ايديات امي نوره على النار .. لو هي سامعه السالفه ان تسان
تكش بيدينها وهي تقول ( غربلهم الله .. شبكه تعاير منخل ! ) http://forum.hawaaworld.com/images/smilies1/smile16.gif







طيب الحين فيه سؤال يراودني عن نفسي ومضطره اسدحه بس رجاءاً صيروا

متحضرين شوي وماله داعي ترجموني بنعالكم <--- يا حياة الشقا متعوده


وجه إهانات




الحين الوحده اذا ولدت وش تجيب ؟ لا اشوف احد مستظرف وقايل تجيب آدمي

! ادري اننا محناب نجيب قطاوه ..

بس قصدي هالآدمي الي هي تجيبه من هو حقه ؟ حق ابوه صح والا لا ؟
طاايب .. اسم الولد يلحق مين ؟ يلحق اسم ابوه صح والا لا ؟
طااايب .. دام الدعوه كذا .. ودام النفاس اصلا بسبب هالولد .. ممكن
احد يفهمني وش دخل مندوب اهل البنت يبحلون بها ؟ ورا مهب اهل رجلها
هم الي يصالونها ؟!

ياخي الولد ولدكم انحن وش دخلنا ؟






والله ما خرب بناتنا الا امهاتهم !

تجي الام مطفيه النور

وطايره مليون بالحماس من تدري ان بنتها حامل .. ماتخلي عطّار ما تزوره
ما تخلي شنق وداعوس ما تدعسق به .. كل شي ينشرب والا يوكل والا يلهم
تجيبه .. وتفضي للبنت غرفه وتبلشنا نزلوا سرير ورقوا طاوله وجيبوا
مفرش ورجعوا ستاره .. تقل اول مره يولد عندها احد ؟ واذا هي اول مره
وشو له هالحمااس .. تراه نتفة بزر ونتق من بطنها مهب اختراع الله
يرحم حالكم
هذا انتم قبلنا حملتوا وجبتونا وش حيثكم ما سوا فيكم اهلكم كذا ولا
ضركم ؟ بالعكس الوحده من اول لا اله الا الله صحتها فُل وهي والده في
البيت .. ما ولدت بمستشفى وخذت لها سويت كامل اسبوع وماغير تبطح وبلع
بهالحلى والقهوه حتى ولدها مهيب ترضعه http://forum.hawaaworld.com/images/smilies1/smile49.gif







ومن عجائب قدرة الله في خلقه ان المره ما تحلى بعين رجلها الا لاصارت

في بيت اهلها


يالهيس وهي عندك في بيتك ماانتب تناظر خشتها ..




ويوم صارت نفاس عندنا

.. 24ساعة ناشب لنا ! ما عندنا شغله غيرك انت وحرمتك وعيالك !


ياخي تحبهم وفاقدهم ضفهم ورح بهم بيتك الله لايهينك ...




وابشر بلي يجي يشقر عليكم كل يوم ..



بس اعتقونا لوجه الله

ولا يرفع ضغطي الا لا صار جالس مع حرمته يسولفون في غرفتها وانا

بالصاله الي جنبهم اهجّد واسكت فروخ ابليس الي يفترض انهم اطفال و الارجح

انهم عيال اختي ..




يقوم واحد منهم يدخل على ابوه وامه ويزعجهم .. ويجي

ابوه الله يطول في عمره يكرشه بكل حنان ويقول له " رح رح يا بابا

لخاله ندى شفها تناديك " http://forum.hawaaworld.com/images/smilies1/smile22.gif






حشى



اول شي يا سبع البرومبا تراك ماكل في عيالك مقلب كبر راسك ! اجل تبيهم

ينادوني خاله ؟ عساهم ينادوني بإسمي مهب بشيـن ثاني ويسد !

ثاني شي وش قالوا لك انا ؟ خماّمة الضايع ؟! كل ما طق عود بعوتد جدعتوا

بزارينكم علي ؟ انتم تدشرون وانا اتحمل نتايج دشرتكم ؟







نفسيتي تعورني .. !

كل ما ذكرت ياخي هالأجانب طقتني غلقه وش زودهم عنا يا جماعة الخير

يوم ان الوحده فيهم تولد من هنا وتصك الجينز من هنا .. ما توفي لها
يومين الا وهي تقامز وتسوي رياضه
ورا هالفقمات الي عندنا مهب تسذا
وراهم 40 يوم ما عندهم غير فرم بهالمرقوق والجريش ! قال ايش .. ترمم
جسمها قال ، مهب ترميم ذا ردم الله يحييكم
!
الوحده منهن ما تطلع لبيت رجلها عقب الاربعين الا على شيول
لا والكمخه اختي اقول لها ذاك اليوم ناه بس شوفي ترا ذا الصور عقب
ولادتها باسبوعين - أأشر لها على صور لزوجة توم كروز - قالت .. واذا ؟
لا تقارنين حبيبتي عيالهم هذولي عيال حرام !!!
<--------
يالهدرة(z)يالكمخة يالفاهية .. الحين نفاس ولد الحرام يفرق عن نفاس ولد

الحلال !





ياربيه بس !

اسعفوني .. أريد حلاً ؟:gcr852:

عموما انا بقوم الحين اصلي المغرب وانزل استقبل الوفد الجديد بس اتوقع
اني ارجع اكمل
والله يابي مّر مهب صاحي .. مهب رايح لين افرك البياله بجبهة وحده من

هالزايرات !





جاني عالايميل ... وفطست عليه من الضحك ... وحبيت اضحكم معاااي ...


وفي النهاية سؤال مني أنا أختكم مزايا (qq22)

ماهي نظرتك أيها الزوج وأيتها الزوجة
لفترة الأربعين وماذا تعني لكما ؟؟
ماذا تفضلين أيتها الزوجة تقضين الأربعين في ربوع منزل أهلك أو غياهب بيتك(q69)
وأنت أيها الزوج ماذا تفضل عطنا رأيك

[مزايا إنسانة]

جوابي أنا عن فترة النفاس أنا أرى أنه البكرية حلو تكون أمها يمها خاصة أنها أول مرة تجرب أنها تكون أم
وأيضاً حسب صحتها وإذا كانت هذا ثاني طفل فبيتها أريح لها ولأهلها بعد
لكن يمكن الزوج مايرتاح من وجودزوجته وهي بالأربعين عنده بسبب كثرة الزوار وأنها الزوجة في أوقات كثيرة تحتاج مساعدة
وعناية
لأنه المرأة في فترة النفاس غالباً تكون تعبانة خاصة النفسية وهناك من تصيبهم حمى النفاس وأكتئاب النفاس وقد يصل بها هذا المرض إلى
حد الأنتحار أو عدم الأعتراف بالطفل أو قتله يعني لاتستهينون بموضوع مابعد الولادة
وما أقول إلا يارب تعظم الأجر وجزى الوالدين على رب العالمين

[سنى البدر]

هههههههههههههه

حلوة

بس والله فيه ناس يحسبون متى تولد بنتهم علشان يزورونهم الناس

وبالنسبة لرايي إذا كانت الأم عايشه وفي صحتها النفاس من الأفضل عندها

وقالوا من زمان ( ريح الأم يلم )

وأحب أقول لصاحبة الموضوع لك يوم يا ظالم

اللي مر على أختك بيمر عليك

تشكري مزايا على الطرح

[الــنــوخــذة]

فكينا من حتسي الناس ولا عندنا مانع (a26)

وشدعوى ماتروح بيت اهلها (qq1)

مشفوحة ماقدرت تقعد عند اهلها حتى تخلص من الاربعين (qq152)

والله لو ان اهلها صاكين الباب عليها (qq11)

اعوذ بالله وش هالحرمة ماقدرت تفك رجلها حتى وهي مضنية (a14)

وخوذي من هالهرج الفاضي :c010:

[Oo ريم oO]

ههههههههههههه

مره رايق الموضوع

والله انا استنى ولاده خواتي على احر من الجمر الله يقومهم بالسلامه ..البيت غير اذا فيه نفاس روعه الجو ولمه خواتي هذا الشي نفتقده الا اذا كان في بيتنا نفاس ..والبيبي العب فيه زي ماابغى طول الوقت في حظني ..

اللي يقهر في موضوع النفاس (الجيران ) انواع القلق واللي يقهر تزور النفاس وهي مالها الا يومين ...
الله يصبرنا بس ..

عني انا ساحبه على اي احد يزور ومريحه راسي من الغثا ...

[كلي شموخ واعتزاز]

الوحدة اذا كان اول مولود تنفس عند اهلها لانها بكرية ولاتعرف في امور المولود بس مع الثاني لااحسن تجلس بيتها وان بتكلم عن نفس فانا نفاسي اجلس بيتي وامي
تجيني تجلس معي الاسبوع الاول لاني اولد بقيصرية
وبعد الاسبوع الاول تجيني كل عصر اتقهوة انا وياها ونسولف واذا جاء حريم اتكون موجودة
هي وخواتي لان ساكنين في منطقة او بالاصح حي واحد
يعني مالها داعي الوحدة تنفس عند اهلها
والملاحظ من الوسط الذي اعيش فية
انة بعد المولود الثاني الوحدة تجلس بيتها
وامها هي الي تجي عندها

اماسالفة\\\الحريم ومسيارهم محدث ولا حرج \\ومايدبل (file://\\ومايدبل) كبدي الاالي تجي وتقول بكرة اختي بتجيكم اليوم ما فضت يعني احنا الي فاضين لها \\تجون (file://\\تجون) لنا دفعات \\\بنسبة لجماعتي فطريقتهم مرررة حلوة يتفقون يوم معين يجتمعون فية ويرحون لنفاس كل وحدة وقهوتها معها وحلاها معها وانت تكونين مجهزة تقاديمك وحلاس ومعجناتك مرتن وحدة بس الله يعين يجون حول ثلاث عشر مرة مرة وحدة بس وناسة سوالف وخواتي يصبون القهوة ويباشرون علي المدعوات ومايجون الوحدة الا لها عشرين يوم يعني قدها مرتاحة \\\\

[الرجل الرومنسي]

أحسن طلع أسمك ندى

حركاااااااااات

عاشت الأسامي ياندى بس ياخوفي أنتي اللي أسمك غزيل

هههههههههههههههههههههههههههه

أنا لي رد لأن زوجتي الحين بالنفاس وعند أهلها

والحمد لله فرجت ماباقي شي

ولي تعليق على الموضوع بس مدري متى

لأني مشغووول الحين

يعطيك العافيه

<< يازين الحكي المختصر

<< الله يعين اللي بياخذها << ثرثاره

هههههههههههههههههههههههههههههههههههههههههه

[عالي الذوق]

الحين حنا نستانس عشان نرجع لجو العزوبيه وانتم تقولون نفاس عند الزوج !!(z)

لااا وحلب ورشاد ومدري وشو .. وبنفس الوقت حرمان وازعاج .. هذا اسمه تعذيب للرجل

لااااااا كلش الا النفااس ... تكفون ترى هذي احسن عاده اجتماعيه لاتغيرونها

(q104)

الرجل الرومانسي .. ندى هذي صاحبة القصه .. مزايا آخذه الموضوع من ايميل .. صح مزايا والا انا فاهم غلط(q104)

[البرحيه]

ههههههههههههههههههههههههههههههههههههههههههههههههه
رايقة :SmileyBunny:
انا نفاسي في بيتي من اول طفل امي تزورني كل فتره
اجهز كل شي قبل الولاده ولا احتاج احد معاي
خصوصا اذا فيه خادمة
وانا استقبل الزوار
طبعا اهلي مو بنفس المدينه
وبالعكس اذا مجاني احد يضيق خلقي (qq1)
لاني اتسلى مع الضيوف(zm)
لاكن الي يزعجني جد عادة عند بعض الاقارب الله يهديهم
يجلسون يتعشون(qq167)
وبدال ما اطبخ لنفسي اقعد اطبخ لهم(q104)
يعني وحده والده وتدخل المطبخ تطبخ لهم مصارت تحمد على السلامه
ومن كذا صرت ما اخبر احد اني ولدت الا بعد 10 ايام
اكون استعدت نشاطي :c010:
في البدايه استغربو وليه وليه (qq11)
قلت انا بروحي ومقدر استقبل احد لين اتعافى

ودمتم سالمين(qq22)

[رواسي**]

مسكييييييينة شكلها قرفاااااااانة من أختها حتى الثمالة (z)

ماهي نظرتك أيها الزوج وأيتها الزوجة
لفترة الأربعين وماذا تعني لكما ؟؟


مال أمها داعي الوحده تزوجت خلاص وشو له تنفس عند أهلها >> تقول تسذا
عشانها محرومة من النفسه عند أهلها (q104)

موضوع رائع تسلمين مزايا
:)

[مزايا إنسانة]

هههههههههههههه


حلوة

بس والله فيه ناس يحسبون متى تولد بنتهم علشان يزورونهم الناس

وبالنسبة لرايي إذا كانت الأم عايشه وفي صحتها النفاس من الأفضل عندها

وقالوا من زمان ( ريح الأم يلم )

وأحب أقول لصاحبة الموضوع لك يوم يا ظالم

اللي مر على أختك بيمر عليك


تشكري مزايا على الطرح




هلا وغلا بسنى البدر والقمررررررر
وفعلاً أحنا لأننا ما نحمل إلا كل أربع أو خمس سنوات وعددنا 4بنات يعني موب كثير نعد ونحسب إذا حملت وحدة عشان نشوف الصغير وصادقة ريح الأم يلم لكن الشكوى لله
الوالدة متوفية من زمان الله يغفر لها ويرحمها
وصرنا كل وحدة تتنفس في بيتها وإذا إجازة تجي تجلس في بيت أبوي عشان أخواني يفرحون بالنفاس وعشان نجتمع عندها لأنه صعبة كل شوي طاقين شلالينا ورايحين بيتها
أما ندى هذي فعلاً بيصدق فيها جواد العلي
يجي لك يوم وتندم على ماسويت .....وأقول منك لله يكفي أنا مليت(q69)
العفو يا الغلا الشكر لك ولحضورك الجميل

[مزايا إنسانة]

فكينا من حتسي الناس ولا عندنا مانع (a26)

وشدعوى ماتروح بيت اهلها (qq1)

مشفوحة ماقدرت تقعد عند اهلها حتى تخلص من الاربعين (qq152)

والله لو ان اهلها صاكين الباب عليها (qq11)

اعوذ بالله وش هالحرمة ماقدرت تفك رجلها حتى وهي مضنية (a14)

وخوذي من هالهرج الفاضي :c010:
لا ماعليك يا نوخذة من كلام الناس تراهم ماعندهم سالفة
الناس فاضية وتدور شي بس تحتسي فيه (q69)
بس أهم شي أنت لاتدبل تسبود أهلها كل يوم راز وجهك عندهم وصكوا الباب وافتحوا الباب
لكن أنت حطها وحط معها مادري شيسمونه رز ولحم وقهوة وهيل وشاهي وسكر هههههههه
وهم بيدعون لك أكيد(q81)

[مزايا إنسانة]

ههههههههههههه

مره رايق الموضوع

والله انا استنى ولاده خواتي على احر من الجمر الله يقومهم بالسلامه ..البيت غير اذا فيه نفاس روعه الجو ولمه خواتي هذا الشي نفتقده الا اذا كان في بيتنا نفاس ..والبيبي العب فيه زي ماابغى طول الوقت في حظني ..

اللي يقهر في موضوع النفاس (الجيران ) انواع القلق واللي يقهر تزور النفاس وهي مالها الا يومين ...
الله يصبرنا بس ..

عني انا ساحبه على اي احد يزور ومريحه راسي من الغثا ...

يارب يديم عليكم الفرح والسرور وعساد دوم موب يوم يارب
تذكرت أختي كانت تولد وقت الأمتحانات وصراحة صرت أتركهم وأطلع أذاكر لأنها كانت في البداية كل سنة حامل(z)
بس أدبتها أنا يوم تزوجت (q69) قلت لها خفي (qq11)وإنتبهي لنفسك الدعوة مو تجميع بزران وبس(q69)
بس والله على وقتها ماكان فيه إلا الكرف ولاخدامة غيري(q104) الله يعظم الأجر
لكن في الآخير أخواني صاروا يقولون متى تحملون وتولودون (qq1)>>لأنهم ينبسطون من الزيارات والجمعات وعاد هياص أنواع القهوة والشاي والحلويات والموالح
والعشا من كل الأقارب(qq172)

[سموة الروح]

ياااااااي

انا حبيتك من موضوعك واسلوبك اللي يهبل..

وحسيت انك صنعه بعد.. الله يقويك>> احتسبي الاجر



هالاجانب اا بحثت بموضعهن وسالفتهن والنتيجه انهم يعني رجالهم مايدري عنه هي ائا او اؤؤ
حنا بسم اله الحواس كله ويشوته لو صا اؤؤ.. فهمتي ياعسوله

[كاميليا01]

مشكوره وكل عام وانت بخير

[شموخ بدوية]

أول لاودة بكرية عند الآهل لكن من ثاني ولد حلاته في بيتك ..

والله لايهين أبو الشباب ..هو الل حمَل خليه يتحمل النتيحة (qq152)


بالنسبة لي ودي اتنفس عند اهلي


لكن دراستهم هي اللي مانعتني من الروحة لهم (qq1):


:ثاني شئ يعني هو يلقى كل شئ جاهز بعد الآربعين سلامته"وحدة نذلة (a14)


الله المستعان بس

[حسن خليل]

من وجهة نظري الأفضل أن يكون النفاس في بيتها. وبشكل عام هذا راجع للعادات والتقاليد المتبعة.

شاكر ومقدر لكِ أختي مزايا هذا الطرح الهادف.

[مزايا إنسانة]

الوحدة اذا كان اول مولود تنفس عند اهلها لانها بكرية ولاتعرف في امور المولود بس مع الثاني لااحسن تجلس بيتها وان بتكلم عن نفس فانا نفاسي اجلس بيتي وامي
تجيني تجلس معي الاسبوع الاول لاني اولد بقيصرية
وبعد الاسبوع الاول تجيني كل عصر اتقهوة انا وياها ونسولف واذا جاء حريم اتكون موجودة
هي وخواتي لان ساكنين في منطقة او بالاصح حي واحد
يعني مالها داعي الوحدة تنفس عند اهلها
والملاحظ من الوسط الذي اعيش فية
انة بعد المولود الثاني الوحدة تجلس بيتها
وامها هي الي تجي عندها

اماسالفة\\\الحريم ومسيارهم محدث ولا حرج \\ومايدبل (file://\\ومايدبل) كبدي الاالي تجي وتقول بكرة اختي بتجيكم اليوم ما فضت يعني احنا الي فاضين لها \\تجون (file://\\تجون) لنا دفعات \\\بنسبة لجماعتي فطريقتهم مرررة حلوة يتفقون يوم معين يجتمعون فية ويرحون لنفاس كل وحدة وقهوتها معها وحلاها معها وانت تكونين مجهزة تقاديمك وحلاس ومعجناتك مرتن وحدة بس الله يعين يجون حول ثلاث عشر مرة مرة وحدة بس وناسة سوالف وخواتي يصبون القهوة ويباشرون علي المدعوات ومايجون الوحدة الا لها عشرين يوم يعني قدها مرتاحة \\\\

ياعمري أنتي يا أم الوسمي الله يخلي لك أمك وأخواتك ولايفركم يارب
بس ياقلبي مو كل الناس أمهاتهم تقدر تجيهم وفيه ناس إذا الوحدة نفاسها ببيتها مايزورونها خاصة أقاربها إللي من جهة أمها يستحون من ولد الناس
وهذا أنتي شفتي رد النوخذة والأخ اللي بعده يقولون تروح لبيت أهلها ماعندهم إستعداد يتحملونها وهي تعبانة
ولا يسمعون صياح الصغير وإزعاجه يبون عيال ببلاش (qq1)
من ناحيتي الوحدة إذا أبعدت شوي عن بيتها خاصة في النفاس بترجع له مشتاقة للبيت ولزوج لكن إذا نفاسها وتعبها في البيت صعب وأسالي مجربة خاصة أني أتعب حيل جسدياً ونفسياً ومظطرة أجامل وأتحمل عشان لا أضيق صدر اللي حولي وطول فترة النفاس بكاء وأتمنى أمي بس دقيقة أشوفها وتشوفني وتشوف اللي جبته يااااااااااااااارب رحمااااااااك
سامحيني ماعاد أقدر أكمل ردي (q78)
الله يخلي لكم أمهاتكم يارب ولا يحرمكم منهم وأولدوا وتنفسوا عندها ووسعوا صدوركم وبروها بحياتها

[كلي شموخ واعتزاز]

والله انك صادقة يا مزايا انسان
لكل الناس ظروف
بس مثل لو اني بنفس عند امي زوجي مايرضي
يقول بتزعجينهم انت وعيالس
خلي امك عندك اخف وانا عارفة ان بعض الامهات الله يعطيهن العافية كبار ويالة بعمارهن يقومن \\\لذلك ارئ ان الاخوات يقومون بعض احسن \\\وانا بنسبة لي امي تجي عندي والله لايحرمني منها تقوم فيني مع اني اقول لها ارتاحي بس تري امي صغيرة عمرها 49بس انحرمنا من حضنها واحنا صغار بسبب طلاقها من ابوي
والحمد الله
الله عوضنا
واحنا اكبار
سكن في نفس الحي
الله لايحرم ام من ضناها
والله يرحم امهات المسلمين
الاحياء والاموات

[طفششش]

لا الوحده إذا ولدت لازم تكون عند أمها عشان تسنعها ^__*
وعشان تسوي نيو لوك ويتفاجأ زوجها إذا شافها
وطبعا يكون تغيير شامل من داخل ومن برا *__*

[كلي شموخ واعتزاز]

ماعلية المرة الاول وبعد ماعلية المرة الثانية ويالة ماعلية تجلس عند اهلها في المرة الثالثة\\\\بس عقب كذا صراحة هزلت \\\\والي بتسوي نيو لك تسوية وهي في بيتها\\\\مثلا في اخر عشر ايام ماتقابل زوجها الا لظرورة وتكون تستعد ل نيو لك من حف وتنضيف بشرة وقص وصبغ شعر وحمامات سونا ومغربي \\\والزوج بذلك يتفاجا بك\\\اما لك اربع بزران ومدارس وصجة وتروحين لاهلس وتدبلين كبد ابوس وامس بصجة البزران تراها موحلوة بحقهم خاصة اذاهم كبار في السن ومتعودين علي الهدوء \\\\واذاكان ولابد اذا جاء اخر ثلاثة ايام من الاربعين روحي لاهلس وسوي نيو لك وعلشان يشتاق لك خاصة اذا البيت صغيرولزمنا تقابلينه برايحة والجية\\\\

[داهية العرب]

أولاً الموضوع خيالي ومتعوب عليه فعلاً
والله يعين اللي كتبته
ألف شكر على النقل

ثاني هام بما اني زوج والسؤال موجه لي
فأنا اقول المره لا تلوذ على بيت رجلها إلين تطلع الاربعين
وياليت بعد ما تتصل عليه كل شوي
تعال اجلس عندي ولا تعال شف ولدك والا سير علينا
سير علينا يا هوى سير علينا

وبعدين اطلب من إدارة المنتدى الله يحفظم ويرزقهم البطانة الصالحة
انهم يشيلون الخط هذا >>>>>>> خط ماله داعي

[مزايا إنسانة]

أحسن طلع أسمك ندى



حركاااااااااات

عاشت الأسامي ياندى بس ياخوفي أنتي اللي أسمك غزيل

هههههههههههههههههههههههههههه

أنا لي رد لأن زوجتي الحين بالنفاس وعند أهلها

والحمد لله فرجت ماباقي شي

ولي تعليق على الموضوع بس مدري متى

لأني مشغووول الحين

يعطيك العافيه

<< يازين الحكي المختصر

<< الله يعين اللي بياخذها << ثرثاره


هههههههههههههههههههههههههههههههههههههههههه


لا موب إسمي ندى والموضوع جاي على الأيميل
بالأضافة هذاك الوقت يوم أختي كل يوم تجي تقضي نفاسها عندنا كنت صغيرة بالثانوي ولاكان فيه شي إسمه نت لأنه ببساطة كان من عشرين سنة وأكثر(qq22)
والحمدلله متزوجة وعندي عيال وصلوا للثانوي الله يصلحهم يارب
وألف مبروك على المولود عساه عبد صالح يارب ويقربه عيونكم دنيا وآخرة
وننتظرك يا أبوفهد تقول لنا رأيك وين تبي زوجتك تقضي نفاسها ولو أني عارفة الجواب حالك حال الربع اللي ردوا قبلك وبعدك كلهم تنصلوا من مسؤليتهم وماكأنها حامل بولده كأنها جايبة الولد من بيت أبوها أو شاريته من البقالة(z)
صراحة إنصدمت منكم يارجال أثاريكم أنانييين بزيادة

[مزايا إنسانة]

الحين حنا نستانس عشان نرجع لجو العزوبيه وانتم تقولون نفاس عند الزوج !!(z)


لااا وحلب ورشاد ومدري وشو .. وبنفس الوقت حرمان وازعاج .. هذا اسمه تعذيب للرجل

لااااااا كلش الا النفااس ... تكفون ترى هذي احسن عاده اجتماعيه لاتغيرونها

(q104)


الرجل الرومانسي .. ندى هذي صاحبة القصه .. مزايا آخذه الموضوع من ايميل .. صح مزايا والا انا فاهم غلط(q104)


ههههههههههههه(q69)
إيو والله ألحين أنا تأكدت وأبصم بالعشرة أنه ماااااااااااااااااااااااااااااات الوفاااااااااااء(q104)
حرام عليكم طيب جامل شوي
يعني هي اللي تتحمل كل شي حمل وولادة وحتى النفاس ماتبون تشوفون وجهها إلا وهي على سنقة عشرة (z)
جد والله أنت قمة الأنانية ومايهمكم غير راحتكم وبس

صح عليك جاي عالأيميل

[الرجل الرومنسي]

لا موب إسمي ندى والموضوع جاي على الأيميل
بالأضافة هذاك الوقت يوم أختي كل يوم تجي تقضي نفاسها عندنا كنت صغيرة بالثانوي ولاكان فيه شي إسمه نت لأنه ببساطة كان من عشرين سنة وأكثر(qq22)
والحمدلله متزوجة وعندي عيال وصلوا للثانوي الله يصلحهم يارب
وألف مبروك على المولود عساه عبد صالح يارب ويقربه عيونكم دنيا وآخرة
وننتظرك يا أبوفهد تقول لنا رأيك وين تبي زوجتك تقضي نفاسها ولو أني عارفة الجواب حالك حال الربع اللي ردوا قبلك وبعدك كلهم تنصلوا من مسؤليتهم وماكأنها حامل بولده كأنها جايبة الولد من بيت أبوها أو شاريته من البقالة(z)
صراحة إنصدمت منكم يارجال أثاريكم أنانييين بزيادة


أولاً الله يخليلك عيالك ويصلحهم يارب

ثانياً أشكرك على الدعوه الطيبه والطيب مايجي منه إلا طيب

ثالثاً لو علي أنا والله ما أخليها تنفس عند أهلها لكن دخلت أمها بالموضوع

وطلبتني العجوز وقدرتها وقلت والله ما أردك ياعمه أبشري فيهم

لأني أنا أبي كل يوم أتصبح بوجيههم يعني وجه المدام ووجه فهودي لبا قلبه وقلب أمه

والحين أنا كل يوم وأنا عندهم من المغرب لين العشاء أقعد معها وألاعب ولدي

ولما أجيهم ما أجي ويدي فاضيه لازم أجي ومعاي حاجه تفرحها

وأقعد أتمقرد عندها أني أنا بدونها ما أقدر أعيش

وأنها ماليه علي البيت ومن راحت صار فاضي وموحش

ويومياً أرسل لها رسايل بالجوال ولازم أكلمها قبل أنام

قسم بالله حتى هي نفسها تقول أحس أني للحين بشهر العسل

أنا لا أدعي المثاليه والكمال الكمال لله وحده

لكن أنا طبيعتي كذا أحب أدلع الزوجه لأني أحس أنها مسكينه وضعيفه

وتفرح لما تسمع الكلام الحلو فـ ليش أبخل عليها بكلمتين حلوين

يطيرونها سما ويخلونها تحلف بحياتي

وبعدين هذي زوجتي وشريكة حياتي ولها حق علي وغيركذا هي تستاهل

من يدلعها ويفتخر فيها بين الناس لأنها مريحتني على الأخر

بس قولوا ماشاء الله لا أحد يصكنى عين

وأسف على الأطاله

ومضه

ياشباب النساء كائن رقيق حاولوا تتركون العربجه عنكم

وترضونهن قدر المستطاع ولا يصير الواحد يدقق على أي شي

الأمور البسيطه اللي تنعدى عدوها ولو غلطة ترى هذي بشر ماهي معصومه عن الغلط

وأهم شي عيشوا بحب عيشوا وكأنكم عاشقين متيمين ولا تكسرون خواطرهن

دمتم بود

ويعطيك العافيه أختي مزايا

[من بقايا الامس]

الطفل الاول
لقلة الخبره والمفهوميه
يكون عند اهلها ومع امها افضل
ولكن بعد كذا
يجب ان تقوم على نفسها
في بيتها وبأشراف زوجها
مع المساعدات الخارجيه عند الحاجه
:)

وفي رأيي يعتمد الموضوع
على صلابه المرأه وقوتهااا
فهناك من هي في ثاني يوم
ترقص سامري ..(qq172)


واخرى ( رخوه ) ..بعد شهر زمان
الام واوجاع
لاتنتهي

[... بنت الجنوب ...]

انا زوجي مصر اني اروح عند امي وقت الولاده ,,(a14)

مو تفهموها غلط انه يبي يفتك مني ..(qq167)

لكن مالي احد بالمنطقه الي انا فيها وهو مايعرف يسوي لي ولاحتى فنجان قهووووه,,

وسواء جلست ببيتي او عند اهلي هو معايه مافيه فرق.(qq22)

[مزايا إنسانة]

ههههههههههههههههههههههههههههههههههههههههههههههههه

رايقة :SmileyBunny:
انا نفاسي في بيتي من اول طفل امي تزورني كل فتره
اجهز كل شي قبل الولاده ولا احتاج احد معاي
خصوصا اذا فيه خادمة
وانا استقبل الزوار
طبعا اهلي مو بنفس المدينه
وبالعكس اذا مجاني احد يضيق خلقي (qq1)
لاني اتسلى مع الضيوف(zm)
لاكن الي يزعجني جد عادة عند بعض الاقارب الله يهديهم
يجلسون يتعشون(qq167)
وبدال ما اطبخ لنفسي اقعد اطبخ لهم(q104)
يعني وحده والده وتدخل المطبخ تطبخ لهم مصارت تحمد على السلامه
ومن كذا صرت ما اخبر احد اني ولدت الا بعد 10 ايام
اكون استعدت نشاطي :c010:
في البدايه استغربو وليه وليه (qq11)
قلت انا بروحي ومقدر استقبل احد لين اتعافى


ودمتم سالمين(qq22)

مشاء الله تبارك الله الله يخلي لك الوالدة يارب وتفرح بعيال عيالك
وصراحة إذا أنتي مرتاحة ببيتك وعندك خادمة وأمك بتجيك والزوار ماينقطعون حلوة
لكن البلشة باللي يجون ويجلسون يتعشون (q104)
وأحسن شي أنك صرتي ماتعلمين على طول(q81) خليهم يفهمونها(qq167)
من ناحيتنا أنا أحب وأفرح
إذا النفاس تقرب لنا مرة ناخذ معنا عشانا وقهوتنا وحلانا ونتجمع كل العيلة إذا هي بنت عم يكون باقي عمامي جايين وإذا هي بنت خالة يكونون الخالات وبناتهم متواجدين وصراحة لمة وسعة صدر وصلة رحم
الله لايغير علينا

[مزايا إنسانة]

مسكييييييينة شكلها قرفاااااااانة من أختها حتى الثمالة (z)


ههههههههههههههه يمكن والله لأنه يا أنها تكون تدرس والنفاس صراحة بيزعجونها أو إجازة والنفاس بيسجنونها ماتروح ولاتجي لأن امها بتجلس مع أختها هنا المشكلة


مال أمها داعي الوحده تزوجت خلاص وشو له تنفس عند أهلها >> تقول تسذا
عشانها محرومة من النفسه عند أهلها (q104)

موضوع رائع تسلمين مزايا
:)



هههههههههههه هذا أنا إا ماحصل لنا الشي قلنا ماله داعي لغيرنا(q69)
والله لاحرمك من أمك وحسها بالدنيا ولايحرمك الأجر في صبرك
ووجودك وحضورك هو الأروع يا الغلا

[سفير شمر]

جميل الموضوع عيشنى بين اهلى ايام الصباء
سقى الله هذيك االايام

عن نفاس الزوجه نحن من المعترف عليه ان الزوجه عند امها
كل عيالها تروح الى بيت امها الى ما تنتهى من الاربعين ويمكن انها توصل الخمسين بعد
هذى الايام راحه لزوج هههه

[مزايا إنسانة]

ياااااااي

انا حبيتك من موضوعك واسلوبك اللي يهبل..

وحسيت انك صنعه بعد.. الله يقويك>> احتسبي الاجر



هالاجانب اا بحثت بموضعهن وسالفتهن والنتيجه انهم يعني رجالهم مايدري عنه هي ائا او اؤؤ
حنا بسم اله الحواس كله ويشوته لو صا اؤؤ.. فهمتي ياعسوله

حبتك العافية يا الغلا وتسلمين
أسعدني حضورك :)

[ملح وقبله]

يوووه عاد أنا ودي أحمل عشان ابرطخ عند اهلي في النفاس 40 يوم بدون ادنى قلق من ولد الحموله جيتك ابجيك <<< الله من زين الهدف (a24)

جد عند أهلي راحه نفسيه ووناسه عجيبه ما بقي الا هي اقعد في بيتي في النفاس الله لا يقوله ما صدقت أفتك (qq167)


ومن عجائب قدرة الله في خلقه ان المره ما تحلى بعين رجلها الا لاصارت

في بيت اهلها




يالهيس وهي عندك في بيتك ماانتب تناظر خشتها ..





ويوم صارت نفاس عندنا


.. 24ساعة ناشب لنا ! ما عندنا شغله غيرك انت وحرمتك وعيالك !


قسم بالله كنها تشوفنا هههههههههههههههه

لا وتزيد الحاله إذا صارر عنده زوار ويجيك بزر فضيحه يافلانه ... فلان يبيك وعيون اللي في المجلس مبققه (z) ونظرات حالهم تقول الله يخلف علينا <<< وما دروا إن هالرجل اللي يحسبونه العاشق الولهان ماعنده إلا الدجه ولله الحمد

ويلطخونا بعين تمشي ألفين على غير سنع (qq1)

أسلوب اللي كاتبه الموضوع يهبل ياليتها أختي والله لأوريها والله لأخليها تغير لعيالي حفايظهم :c010:

[الساربه]

الا يازين النفاس في البيت ساعة صدر ووناسه وبعدين حرام اذا وحده والده بعمليه من بيعايسها في بيتها مثل اختي وامي ماتقدر تروح لها بعد امي عندها زوج وعيال تروح وتخليهم الا تجي بنتها عندها تحت عينها اريح لها
وبالنسبه للزوار مايجون الا بعد المغرب ومايجون الا كل شيء والم القهوه والشاهي والنعناع في ترامس وتجهيز البيالات والفناجيل والتمر وصياني الحلويات والمعجنات كلها في المجلس والتعبه عالخدامه
وطريقتنا في استقبال الزوار هي ثلاث ايام يوم لخالاتي وباتهم وحريم عيالهم ويوم لعماتي وبناتهم وحريم عيالهم ويوم لاهل زوج اختي وبس.
ولا ازعاج بزارين ولا شيء اصلاًلها جناح خاص في الدور السفلي كأنها شقه .