انعدم كل شيء حلو بيني وبين زوجي

[الرس غير]

السلام عليكم ورحمة اللة وبركاتة اطرح مشكلتي لعلي اجد الحل بعد صراعي لهذة المشكلة اكثر من سنة
انا كنت عايشة بجنة...........وانقلبت الى جحيم


كنت احب زوجي واعشقة وكنا نعيش كالعشاق حياتنا تملأها السعادة والضحك والعناق والتضحية
يمكن كان مقصر معي بس ماكان يهمني اهم شي انا اموت فية واغفر كل زلاتة كبيرة ام صغيرة
من قلب يملأة الحب والحنان فكنت اعتبرة كل حياتي واهلي وناسي وووووووووو....الخ
وادلعة والبس لة واتشيك واهدية واسوي لة حفلات ورومانسية
واعطية الحنان والمال وكل شي يتوفر بحوزتي بلا تردد
عمري ماقد ناديتة بأسمة انادية ياعمري ياروحي يا.........


ولكـــــــــن.... كل شيء حلو بيننا انعدم من لما(خانني) سمعتة يكلم بنت ويعاكسها بالجوال
المهم ماراح اتكلم في تفاصيل الخيانه وليش وش سوى لاني غفرت لزوجي زلته وانتهى الموضوع


المشكلة هي اني ماعاد احبه واصبحت كقطعة من الجليد
كنت افكر هذا الشيء بس من اثر الصدمة
لكن اكتشفت بجد ماعاد احبه ونتيجة لهذا الشي اهملت بيتي ونفسي
وزوجي ولبسي وانعدم الكلام الحلو بيننا وصارت العلاقة مشدودة
وجافة ومتوترة من اكثر من سنة


توجهت اللي الله بالدعاء ان نعود مثل ماكنا قبل
تذكرت حسناتة وحطيتها بكفة وحطيت هالزلة بكفة
وحااااااولت وحااااااااااولت وحااااااااولت بدون فائدة حاولت اتصنع الكلام الحلو
ماقدرت لان مافي احسن من الشي اللي يطلع من القلب
بالعكس كلامنا لبعض صار جارح وننادي بعض بألقاب...........؟؟
قلبي مااااااااااات وسرت اعيش بدون هدف مع زوجي صارت الحياة لالون ولا طعم
انا متضايقة من هالشي وابي ارجع مثل اول بس ماقدرت الله نزع حبة من قلبي نزع
وماقدر اتصنع كثير


عارفة ردودكم بتقولوا انتي كذا تساعدية يطالع لغيرك ويضيع منك ووووو
وهذا الكلام قلتة لنفسي الف مرة بس مافية فايدة
000000000

[عذب السجــايا]

اختي
الرس غير

ابن آدم ليس معصوما من الخطأ
نصيحتي لك
اطلبي منه تروحين لاهلك كم يوم
اعتبريها راحه ...وحاولي تنسين الموضوع
وان شاء الله ترجعون مثل أول وأفضل
انصحك انك ما تتمادين في اهمال زوجك
او كره زوجك
وتعتقدين في قرارة نفسك انك خلاص كرهتيه ومارح تحبينه
لان المسألة ليست بالسهله
وربي راح يكتب لكم عمر مع بعض ان شاء الله
وتعيشون حياة اسعد من كذا وراح يكون بينكم عيال
فلاتقتلين حياتكم الزوجيه في مهدها
وتوكلي على الله
والله يهون عليك

[رسالة sms]

الحين انتي بين امرين وخيارين اما تعيشي معه بدون حب وتصبري ولا تتطلقي ويمكن يعوضك الله خيراً منه الحب ماهو بالغصب
وتبين نصيحتي تهني بحياتك دامك شابه والحياة قدامك ولا تخلي الوقت يروح وبعدين تندمي
اتمنى لك السعاده
تحياتي

[مسك البنات]

السلام عليكم ورحمة اللة 0

غاليتي من كثر ماقريت في كتب الحياة الزوجيه تعلمت أعظم حاجه وهي أنك ماتزعلين من الأنسان إللي حبيتيه ولكن أزعلي وتضايقي من التصرف إللي بدر منه (لاتزعل من الفاعل وأنما من الفعل الذي صدر منه) وماأنتي فيه من ضيق وهم أنما الشيطان يريد أن يدخل بينكم فلا تتركي له مجال وكل ماتذكرتي فعله قولي أعوذ بالله من الشيطان أسأل الله أن يجعلك قرة عين لزوجك ويجعله قرة عين لك كرري هذا الدعاء في سجودك
وياااربي يوفقـــــــك 0

[&دلع انثى&]

حطي نفسك مكانه اتخيلي انك تموتين عليه,, لكن زل بك القدر وخلاك تكلمين واحد,, وانتي ماتحبين هذا الواحد
تحبين زوجك بس منتي عارفه كيف كلمتي غيره ,, انعمى على قلبك وغلطتي هالغلطه ,, مع ان اللي كلمتيه مايعنيلك اي شي ,, مجرد زله مانتي عارفه ليش كلمتيه,, وندمتي عليها وماراح تكررينها
وتتمنين انه يسامحك ومستعده تسوين اللي يبغى بس يسامحك وينسى غلطتك ويحبك زي اول ,, في ذيك اللحظه راح تكونين ندمانه موووت وتتمنين يصير اي شي ويخليه ينسى غلطتك ,,حتى لو تنازلتي عن اي شي بس المهم ينسى غلطتك ويكون زي اول معاك <<< تخيليه هو الحين بهذي الحاله
يمكن تحققينله امنيته وترحمينه من الندم وتسامحينه وكأن شي لم يكن وترجعين زي اول معاه,,
ترا الدنيا حلوه والعمر اللي يروح مايرجع ,, اقنعي نفسك من جواتك انه ماصار شي ,, وتحدي نفسك انك تنسين الموقف اللي صار ,, وتعيشين حياتك بحب مع زوجك ,,:)

[الساربه]

اول شيء تسوينه مثل ماقال لك كامل الاوصاف ارتاحي ببيت اهلك عالاقل نهاية الاسبوع واستشيري من هم ثقه ويفكرون بعقل مو بغيره وعصبيه وفي هالفتره لاتكلمينه ولاتراسلينه حاولي تصرفينه بأي طريقه المهم يكون بعيد عنك طيب
واسمحي لي بسؤال هو يكلمها بس والا يتقابلوووون؟ لانو في هالحاله يبي لها كلام ثاني وحاولي تاخذين رقم اللي يكلمها عشان توصلين لها .
تعاطفت معك وبتابع موضوعك اذا تسمحين لي .

[الساربه]

واذا تبين الصراحه مالومك على كرهه بس لا تستمرين على هالطريقه لانك انتي اللي بتتعبين نفسياً وهو ماهمه
طيب هو يدري انك كشفتي خيانته ؟
آسفه اذا كثرت عليك الاسئله بس انا احب البحث والتحري وحل المشاكل يسموني بالبيت المحقق كونان .

[استغفرالله]

هذا الكلام بلسان وحده اعرفها وهذا ما حصل معها نفسك بالضبط تقول ::اختي انا صارلي نفس موقفك بالضبطوعشنا وقت بعذاب بس سامحت لاكن الموضوع براسي وكان متكبر ومتعالي وماكئن صار شي كني انا المخطي وتوقعت ما نعيش مع بعض بس دعيت ربي وبكل صلاة والله سنه وانا على هالحال هذا سبحان الله يا مقلب القلوب تغيرت الحياة بدى يركض وراي ويحبن وبديت احبه سبحان الله الدعاء ومنجات ربك والله هو الحل وتراه تبي تتغير حياتك تبي تصير احسن من شهر العسل والله العظيم وحاولي انك ما تفتحين الموضوع مع زوجك ابددددددددددددددددددددددددد اسئلين لا تفتحي الان كلما فتحتيه راح تذكرين لا تبحثي لا تسئلي وش صار لا تاخذين رقم البنت انسي وش صار ابدي حيات حلوه وايذا زوجك من الرجال العاقلين ويفهمون ويقدرون راح يقدرك ويعرف انك تغيرتي لا تردين عليه بالقاب شينه بالعكس ولا تدلعينه فقط ناديه بابو فلان حتى يحس بانك زعلانه وبنفس الوقت راضيه عليه وان شالله تبي تتغير حياتك الله يوفقك ويرزقك الذريه الصالحه قولي امين

[الساربه]

انا من رأيي انك ماتمشينها له بالساهل موبهواش وزعل وصياح لا باسلوب يرضيك ويرضيه
المهم لازم يدري انك صاحيه له ولازم تكونين نبيهه تراقبين تصرفاته مو قطه مغمضه .

[غريب الماضي]

تصرف تلقائي وطبيعي جدا ً أن تتغير العلاقة
فالذي بينكم علاقة ذات ثقة قوية جدا ً وأعتقد
أنكـ ِ لم تتوقعي أو تشكـ ِ لمجرد الشكـ في يوم
أن يلتفت زوجكـ ِ لسواكـ ولو عن طريق الصدفه
وبما أنكـ ِ أعطيتهـ كل شيء لديكـ ِ فكنتي تنتظرين
أن يبادلكـ ِ الشعور والثقة والإخلاص والوفـاء
ولكن ها هي خسائر " الثقـة " تأتي كبيرهـ ومخيمه
فكأنكـ ِ نفختي بلونـه كبيرهـ شامخة وبلمح البصر
تم ثقبها بعود ثقاب صغير وبعدها تلاشت وأنهارت
كما ينهار الجليد ، (( هذا تصوري لحياتكـ ِ ))
أتمنى أنكـ ِ قمتي بمصارحته بوقتها وإعلامه
بأنكـ ِ علمتي أنه كان يهاتف أو يخاطب فتاة
أخرى سواكـ وأعلمتيه بأن هذه خيانه لم تتوقعيها
منه وإن كل ما حدث من تغير بحياتكما بسبب هذه الخيانة
وإن لم تقومي بمصارحته بوقتها فأسمحي لي أقول لكـ ِ أنكـ ِ
ظلمتي نفسكـ ِ وظلمتي زوجكـ ِ معكـ ِ أيضا ً ، فلما تجلدي
ذاتكـ ولم تعلمي زوجكـ ِ بخيانته لكـ وتجعلين ضميره يئنبه
ومن ثم أن كان يحبكـ ِ حقا ً سوف يعض أصابع الندم على
مافعله ويعود إلى مأوه وعشه السعيد وزوجته المخلصة
وسوف يودع للأبد النظر ولمجرد النظر لأي فتاة أخرى
و أعلمي أخيتي أن الحياة تضحيات وصبر ومصابره
وعفو وتسامح ، والزمن هذا زمن فتن وأغراءات سيما
بين الفتيات والشباب ، فلربما كانت الفتاة التي يحادثها
هي من سعت خلفه حتى أوقعته والشيطان لاريب حاضر
وحتى وأن كان هو من سعى لهذا الأمر أم لم يسعى فعليكـ ِ
أن أردتي أن تعود حياتكـما كما كانت أو مشابهه لما كانت
عليكـ ِ أن تجتمعي مع زوجكـ ِ وتصارحيه وتتحدثي معه
بصدق ويكون الحديث حديث قلوب وأحبه حتى تتوصلى
إلى أتفاق وتجديد لحياتكما ومستقبلكما ، فالرجل قد يلعب
ولكن لا يلبث ألا ان يعود للثمينه زوجته التي صانته
وضحت من أجله وصبرت على مره وحلوهـ.

ربي يوفقك ويسعدك ويحفظك يارب العالمين

[طالبة رحمة الله]

أختي الله يعينك..بس الاحسن انك تحاولين ترجعين معاة مثل قبل...

الدنيا قصيرة ومابغى غير أيام ونروح مااحد يدري متى ساعته..فسامحيه وارجعي مثل قبل..

ربي يوفقك..ويصلح لك زوجك..

[برجس1]

أختي الله يعينك..بس الاحسن انك تحاولين ترجعين معاة مثل قبل...

الدنيا قصيرة ومابغى غير أيام ونروح مااحد يدري متى ساعته..فسامحيه وارجعي مثل قبل..

ربي يوفقك..ويصلح لك زوجك..

طالبة الله يوفقك على هذه النصيحة الطيبة وياسعد عين المسامح
من اجل كذا قالوا المسامح كريم
الزعل مافيه خير ماغير يفرح الشيطان على الزوجين بالتفريق بينهم
الله يسمعنا عنهم الاخبار السارة قريبا




شكلين مابحكي انا

[انفينيتي]

ولا تتطلقي ويمكن يعوضك الله خيراً منه الحب ماهو بالغصب


يمكن ويمكن لا
والطلاق شي كل حد يعرفه بس هي تبي نصايح مفيده

[سفير شمر]

السلام عليكم ورحمه الله وبركاته

انتى وبطريقتك هذى سباب وكره وبعد تجعلينه يتمادى بماهوو يفعل ويمكن انه يكون علاقات كثيره غير هذى اللى هوو يكلم
من المفروض انك تحتوين زوجك وبطريقه جميله تحسسه بغلطته تكونى حليتى المشكله والحياه الزوجيه تريها مثل البحر يوم هادى
ويوم تتلاطم الامواج فيه كل موجه تريد ان تكون اعلا من الثانيه ولكن لابد من ان يهدا هذا الموج وتستمر السفن بمسيرها هذى الحياه الزوحيه (الحياه هى البحر ) والزوجين هم السفينه متى ما فكرتى بخلق مشكله كثيره المشاكل ومتى ما فكرتى بخلق حب وحنان بعد كثيره
الطرق ولا عليك من اللى تقول اطلبى الطلاق او روحى سوى اللى تبين انتى دائم فى المجتمع الحلقه الاأضعف استعين بالله واصبرى
وعليك بالدعاء وحسن الخلق مع زوجك واسئليه هل انا مقصره بشى من حقوقك الزوجيه او المنزليه واذا علمك بما انتى مقصره ابدى مع اول الخيط وحاولى ان تكونى له الزوجه والام والاخت والدكتوره زواهم شى الدعاء بصلاح الاعمال

[ابوطيف وريف]

اذا انتي كلامك 100% ومنتي مقصره معه بشي ويخونك والله ماعنه سالفه

[هدة الطير]

بعيد عن المثاليه

انا مع الأخوان اللي يقولون روحي ريحي في بيت اهلك

ولاتكلمينه باالفتره هذي

تغلي عليه شوي

خله يحس بقيمتك وانتي بعد تحسين بفرقاه غديك تشتاقين له وترجعون مثل اول بأذن الله

وبعدين يااختي فيه رجال يكلمون بنات ( مهايط ) يعني ماعندهم سالفه بس كذا يسوون فيهاااا

هم صحيح مخطئين 200% لاكن ترى ماعندهم سالفه ولايعتبرون خونه وعملاء ولايستحقون ان تضرب اعناقهم انما حبس انفرادي ويعلن توبته ويتعهد ان لايعود لمثل هذا <<<< قلبه عميل ههههههههه


والله يوفقك يااختي ولايلعب عليك الشيطان

[abeir]

هذا شعور طبيعي وهو غلاطان لازم تصارحيه ويوعدك مايرجع تاني لهذا الموقف . ولازم تحافظي على بيتك وتكوني حكيمة . خليك في بيت اهلك كم يوم لحدي مايعتزر ويجيك ويأخدك لبيتك

[مداوي2009]

مافيه احد معصوم من الخطأ......... اعطية فرصه ثانية يمكن يندم ......... وقبل هذا شوفي ردة على فعلتة وليش سوى هذا الشي ................ عشان ماتندمين بعدين يوم ماينفع الندم
................. وعيك بالدعاء ثلث الليل الاخير اتمنى لكم التوفيق

[عابره سبيل]

السلآآآآآآآآآآآآآآآآآآآآآآم عليكم ....إنشاءالله تكونين بخير أختي الرس غير...أسأل الله العظيم أن يسخر لج قلب زوجك
آختي الحبيبة كم هو صعب أن تغفر المرأة لمن جرحها وتنسى الألم....ولكن الله سبحانة عطانا نعكة عظيمة وهي نعمة النسيان هل أنتي أفضل من رب هاالكون أللي يغفر الذنوب ولو كانت ذنوبة عنان السماء...أنا معك بس لجلستي معه لاتتذكري سيئاته معقولة ماتذكرين لة حسنة وحده...
وأقولك سر و أدري الأخوان بيزعلون مني كل الرجال عندهم غريزة الخيانة صعب تلاقي رجل مو عينة زايغه ألا من عصم الله وعلى فكره إذا شفتيه شاري خاطرج فهذا ممتاز أحمدي ربك نزوه وعدت ولا يكون زواج من وحده تنشب بحلقك طول العمر..والمعذره اذا طولت
ولكي فائق تحياتي..
أختكم هدهد الشرق

[شجــن]

أول نصيحة من قلب إختك ...إذا كان ما يدري إنك دريتي لا تواجهينه ...ترى غالبية الرجال إذا حس إنه انكشف تمادى و باعها و زي ما تجي تجي ....وبعدين ليه تهملين نفسك ؟؟؟حبي نفسك يا الغالية يحبك زوجك ...انشغلي عنه ينشغل فيك ..أما إذا خليتيه محور حياتك اللي تدور عليه ...فعز الله راحت عليك....عسى ربي يختار لك الخيرة ...بس ترى سيد قومه المتغابي ..

[من بقايا الامس]

انت تعيشي مرحلة الصدمه
ومن الطبيعي نتائجها
فقدان الامان والشك والتوجس وعدم الثقه

ولتفاديها يجب ان تشاهدي بعض المتغيرات الأيجابيه
من قبل زوجك لتعود الثقه لسابق عهدها
ويتجدد الحب القديم


اذا المسأله تعود لزوجك في المقام الأول
وهو المسؤل الاول والاخير

[الحياه عباره عن فراغات]

اختي مقدرين ضرفك والمرحله الي مريتي فيها


بس الانسان مو معصوم من الخطا واعتبري غلطه زوجك انها ماتعدت لشيء اكبر من المألوف يمكن المكالمه اللي سمعتيها مجرد في بدايتها وانهم ماتعدو الخطوط الحمرا واذا تماديتي بأسلوبك وتركتيه ولابادلتيه بالمحبه صدقيني يمكن يرجع لعادته لانه لقا شيء يبادله ويحس فيه اهتمي فيه ولايكون مجرد اهتمامك فقط بالشكل او ترتيب المنزل لا كوني متألقه له دائما بكلامك ووبطاعتك له

لاتسكتين على المشكله اللي صارت عشان مايتمادى اختاري وقت مناسب وفاتحيه بالموضوع قولي له انا قصرت معك ليه تحطني بالموقف هذا انت زوجي ولما تكلم غيري ماحس بقيمتي اتجاهك اهم شيء طريقه الاحوار لازم تكون هاديه

___________________

وصدقيني مهما فكرتي بخاينه زوجك تأكدي انك بتتصرفين على طريقه خاطئه ولاراح تعجب زوجك
بدون ماتحسين لانك تترجمين افكارك وتطبقينها باسلوبك اهم شيء وحطي عليها الف خط افكارك غيريها عشان تقدرين تتعايشين مع حياتك مثل ماتبين

حاولي تبعدين الفكره تذكري بدايتكم بالزواج خلي صوركم تكون معك على طول ابعدي الاوهامم عنك ترى الشيطان حريص وانه يفرح لما يفرق بين زوج وزوجه اكثر من اي اثم ثاني


بالعكس اعتبري اللي صار فتره تجديد محبه اللي راح يمكن تعودتي عليه من كلام حب وغزل وغيره وبعد المشكله هذي ترى تعود قيمه المعزه والكلام الزين لانه سبقه مرحله جفاء وكل شيء يجي بعد عناء تاكدي بيكون ممتع حتى لو قليل لان الدوام على رتم الواحد يفقد ميزته واستغلي الموقف وجددي علاقتك مع زوجتك وانسى اللي صار ولاتهتمن ولاتغارين من وحده رخصت نفسها وكلمت زوجك انتي اكبر بكبير عشان تشيلين همها وابدي حياتك من جديد وماحلى نفتح صفحه جديده وتبدين من جديد

[الرس غير]

من جد كلامكم يريح

الله يجزاكم خير ويجعلها في موازيين حسناتكم00

[م/حديجان]

شوفي وأنا أخيّّتك الأمر سهل و أسهل من شرب عصير البرشوم إذا صار شقف مع قرع وبيدجان المهم

ماعندي لف ولا دوران وكلامي مثالي وهذا ألي أتوقع تبغين

زوجك يطقطق بالأسهم ولالالا إذا ايه هل هو من الي يبيع ويشري بأي شركة من دون ما يتحقق منها إذا كان إيه فترى ألي سوى من تكليم أخف من البيع والشرى بهالشركات تعرفين ليه لأن الربا أشد عند الله من 36 زنية كما في الحديث وش اخف عليك زاني ولا يكلم بنت يله قولي لي

أنا جبت هالكلام ألي ما يجي على بالك إن أحد يجيبه على شان أعلمك إننا نعظم ذنب ونغفل عن ذنب

رجلتس ألي سواوه هل هو أعظم عندك من نومته عن صلاة الفجر لأن تارك الصلاة عقوبة أشد من المغازل وتكليم الغنادير و هل عمرك زعلتي وكرهتيه بسبب إنه يترك صلاة الفجر أو إنه أصلاً يركب الساعة للدوام ولا جاء على باله يقوم للصلاة بذمتك عمرك كارهته على شان كذا

أوخيتي الله يغفر الذنوب والكافر يقول لاإله إلا الله ويسلم ويغفر له ربي وانت مو راضية تسامحينه بذمتك ماعمرك حشيتي بأحد واغتبتيه ترى الغيبة أشد و أفضع عند الله من التكليم الي بالذات إذا ما وصل لمراحل غويطه وخشك وبشك

توكلي على الله وكلنا نذنب وخلي عندك مقياس للذنوب وعظمها عند ربي مو عظمها بقلبك

يله عاد إذا رجع للبيت نطي عليه وتعنقطي فييه وضمييه وقولي شف ياوروح أمك وأبوك أنت أنا أبي الجنة و أبدخل الجنة بسببك إن شاء الله رضيت ما رضيك ما لي دخل فييك ما فيه أبشيك من على الله ولا أبي شي يزعجك ويزعلك وعيوني فداك من شان ربي يرضى عني ومن هالركات لا تعقدون الأمور وهي سهلة>> والله ياني دخلت جو واشتهت العرس الله يجيب الي تبي الجنة بسببي


حتى الرجل إذا شاف زوجته كلمت وخانته يسمكها ويسكر الباب عليها ويقول تعالي يافلانه جاوبي لييه صلحتي كذا وانا مقصر معك وقولي لي كل الأسباب والنواقص الي خلتك تسوين كذا على شان أحاول أنا وانتي نتكملها شغل الغشامة والمهايط ما يجيب نتيجة
وه تعبت من الكتب الكيبورد يدعي لكي يقول فغصت حباتي وكلي صعارير عاد أبسمع له ياهو طمووح

[احلا لمى]

لاخوووووووووات مااااقصروووووووو بالرد القيم وتبعي نصايحهن ,,,
اعتقد اذاااااا واجهتيه بالحقيقه التي تخفيهااااااااا لسووووووف يرجع حبك له أكثر من لاول

لانك اغلقتي على نفسك الصدمتك وتركتيهاااااااااااا تحرق قلبك ومشاااااااااعر الحب أتجاهه

ولا تضااايقي على نفسك أكثر اذا هو مايبادك الحب نفسه ؟؟؟؟ أكيد فيه شي

واذا سامحتيه على الخيااانه كيف ماترجع شعوووووووور الحب له

عليك بالدعاااااااااااااااااااااااااااء آخر الليل


وشكرا لك

[يا ظالمني]

اصبر عليه وتحمليه والله يكون في عونك اختي ..

حاول تغيرينه حاول تجذبينه .. ترى الشيطان شاطر في هالسوالف .. وكل انسان يغلط .. وساليني انا رجال واعرف هالسوالف .. يمكن يكلمها فتره .. لكن الغلا صدقيني لج انتي .. والحب لج انتي .. وهذه غلطه مثل ما سامحتيه في كثير من غلطاته سامحيه هالمره .. حاول تفتحين مع صفحه جديده في حياتكم .. لا تخسرينه .. مهم كان ..

في ناس صبرت على ازواج يسكرون والعياذ بالله ..

ترى السالفه بسيطه وحله بيدك .. وما دام انتي تحبيه .. مستحيل تكرهينه .. وقلبك لو اكرهه هاليوم راح يحن عليه ..


والله يستر عليك انتي وزجك والله يوفقكم ..

[شيراميلا]

خلى قلبك ابيض

[نور القصمان]

ابن ادم ليس معصوم من الخطا وخير التوابين الخطائين

[شاب من مصر]

شكرا لك

[رمل صافي]

اسمعي حبيبتي الرس غير كونك تبحثين عن شي يخليك ترجعين تحبينه معناه انك مازلتي تحبينه لكن معيار الكرامه عندك زايد عن حده اعملي لتخفيف حده الكرامه واقنعي نفسك ان الكرامه بين الزوجين لها مواصفات مختلفه وسوف تعود حياتكم انشاء الله لما كانت عليه اكثري من الدعاءوربنا يكون في عونك

[الحزين2020]

لا تجعلي للشيطااان مدخلا عليك

لعلها زلة منه ليس إلا



أعااانك الله