عمليات شفط الدهون وربط المعدة

[أميرة الكون]

السلام عليكم ورحمة الله وبركاته
حابة اسأل احد مختص ويعرف عن عمليات شفط الدهون وربط المعدة
1-ابغى اعرف مخاطرها اذا فيه
2-هل اي احد يقدريسوي هالعمليات حتى لو ماكان يعاني من سمنة ويلجأ لها فقط لازالة الدهون المتمركز في منطقة معينة من الجسم
3-اذا فيه احد يعرف دكتور شاطر وموثوق فيه سواء في المملكة او برا يعمل مثل هالعمليات بنجاح
4-هل هي العمليات تبقي اثر على الجسم مايروح والا بعد فترة تختفي الاثار
5-بالنسبة لعملية ربط المعدة>>>>هل جراحتها كبيرة ومتعبة زي شفط الدهون والا عادية وبسيطة
6-نسبة نجاح عملية شفط الدهون مضمونة والا لا واذا نجحت نتايجها دايمة بعد الرياضة والا ممكن يرجع الوزن من جديد بسرعة

[استغفرالله]

اختي انا شااهدت كثير عمليت بالتلفزيون عن هذي العمليه ودائما اسمع كلام الدكاتره الي بالتلفزيون يقولون >> ان خطورة العمليه تتمحور حول زيادة السمنه بمعنى كلما زاد وزن الشخص كلما كانت الخطوره اكبر
اختي ايذا انتي سمينه اول شي بادري بالتمارين الصحيه اشتركي في اي نادي صحي المهم السبورت التمارين اول شي وبعدين فكري بالحلول الاخرى اعرف كثير ناس وصل وزنهم 90 وما شالله الحين وزنهم وصل 50 بعد التمارين واول شي توكلي على الله
والله يعين

[أميرة الكون]

انا ناوية اشترك بنادي واركب ابر صينية للمرة الثانية بس كنت افكر بحلول دايمة واسرع بس وانا قدرت انقص وزني 25 كيلو بس رجعتهم):
انا كنت 95 ووصلت71 بس بدا يرجع وزني والحين بالثمانين ومابي ارجع لكابوس التسعين
الرجيم ماكنت انتظم عليه الا باللحف اني ما اكل شئ غير المكتوب بس قالولي الحلف عن شئ محلل حرام وما ادري ايش اسوي ففكرت بالعمليات

[حلوو]

ممكن اعرف كم طولك وكم وزنك؟

[حلوو]

أميره الكون انتبهي ما انصحك بها الحذر الحذر ولها مخاطر مب بسيطه
اختي عليك بالرياضه يوميا نصف ساعه او 4 مرات بالاسبوع ومتابعة نظام غذائي صحي واهم رياضه المشي
صدقيني العزيمة والإرادة والرياضة وطولت البال حتى لو كل شهر تفقدين 2 كيلو او اقل المهم تستمرين
لا عملية شفط ولا ربط والعمليات خطره ومكلفة ماديا !
اختي نصيحه عليك بالرياضه وتقليل الاكل وانتظمي شهور وراح تشوفين كيف النتيجه المبهرة

[امل بندر]

اختي اميرة الكون انصحك بالذهاب الي عيادة المداوة وسؤال الدكتور صالح الراجحي عن حقن ازالة الدهون وهي مضمونه باذن الله وتستطيعين بها ازاله جميع الدهون المتراكمه في اي منطقه في جسمك وقد رايت من استخدم هذه الحقن ومدى فاعليتها وهي تؤخذ بشكل يومي وصدقيني مارح تندمي وبعدها ما رح تضطري للعمليات (qq165)

[أميرة الكون]

انا طولي 164 والمفروض وزني يكون بالستين بس انا وزني 86 يعني على ابواب التسعين وما ابغى ارجع لكابوس التسعين
أمل بندر>>>>>> مافهمت ايش تقصدون بابر ازالة الدهون ووين القى عيادة الدكتور صالح الراجحي وايش اسم العيادة وكيف اقدر اسأله

[حلوو]

لالالالا انتبهي اصلا عمليات شفط الدهون او ربط المعدة هذا فقط لاصحاب الوزن 120 او اكثررر وحتى لو اقل او اكثر فيها خطورة كبيره
سجلي بمركز نادي نسائي بمستوصفات او نادي اوباجي او نادي الامير سلمان الاجتماعي
انت ممتلئة مب سمنة مفرطه وبما انك تبين الرشاقه اصبري فدهون السنين المجتمعه بجسمك ماتروح بشهر
انت يبي لك تطولين بالك خلال 6 شهور او اقل 4 شهور و إن شاء الله توصلين لوزن 60 كيلو

اتبعي برنامج نظامي غذائي صحي عندك دايت سنتر اكلهم ماعليه لذيذ بس مب كل الوجبات وعندهم اشتراك انا شفت لهم جناج كوفي في مركز الامير سلمان الاجتماعي ممكن تزورين النادي ان حبيت وسجلي فيه اشتراك 3 شهور يوجد قسم نسائي مستقل

3 شهور رياضيه 4 مرات بالاسبوع مع تقليل الأكل وبتشوفين كيف النتائج المهبرة وتوصلين للرشاقة
وبالتوفيق