صدق من قآل الزوآج قسمة ونصيب .. فسخت خطوبتي !!

[~ عذب الروح ~]

السلام عليكم ورحمة الله وبركآته :

كل عآم وأنتم بخير وشهر مبآرك .. السموحة جآت متأخرة

بدخل بموضوعي على طول .. المهم تقدمت بخطبة إحدى الفتيآت طبعاً من نفس قبيلتي لكن ليست من العآئلة
أقصد ليست بنت عمي أو بنت خالي .. تمت النظرة الشرعية طبعاً مع الهدية كأي خطبة عآدية ..
وصلنآ لموضوع المهر وأختلفنآ فيه وللأسف مآ اتفقنآ .. وأنتهى الموضوع عآدي .. عندي كم سؤآل ويآ ليت تجآوبوني :

1- هل أنآ أستعجلت بالنظرة الشرعية وتقديم الهدية قبل مآ نتفق على المهر ؟
2- في هذي الحآلة هل من حقي أطالب بإسترجآع الهدية ( من ذهب وغيره .. ) ولا خلآص أنسآهآ دآمهآ هدية ؟ أو أهل البنت راح يرجعو الهدية من تلقآء نفسهم ؟
3- أبي استشآرتكم قبل مآ أخطب في المرة الجآية ..

ومنكم نستفيد ,, وبإنتظآركم

[ون تو]

أخوي أسأل الله أن يكتب لك الي فيه الخير والصلاح
يقول عليه الصلاة والسلام
(اعلم أن ما اصابك لم يكن ليخطأك وأن ما أخطأك لم يكن ليصيبك )
والله ما تدري وين الخيرة فيه وما تدري يمكن الله نجاك من بلاء
اذكرك بالاستخارة عدة مرات قبل أي قرار وربي يكتب لك الخير

اما بالنسبة لسؤالك .. اعتقد أنه المفروض أنهم يرجعون كل شيء لاني اعرف
ان الطقم خصوصا الشبكة لا يقل في العادة عن 6 الاف والمبلغ مو سهل
حتى لو تطلبه ما عليك خلاف لانك ماانت عايش على بنك وثانيا هي هدية للزواج
والان الموضوع انتهى والمفترض يعود كل شيء لحاله

هذه وجهة نظري الله يفتح لك ابواب الخير والفلاح

[تصبرياقلبي]

مرحبا بك اخوي عذب الروح {علينا وعليك يارب }
رد ع اسألتك
انا اقول النظره الشرعيه لا مو حرام لنه محلل لك ومن حق اي شاب النظره
واما في الهديه فا الافضل انك ما تسترجعها لنها ع اسمها هديه ,,وابد اذا صارمنهم احدفطين وشقردي بيرجعها لك بدون ما تطلبها
لئنه انتا تعرف كلام الناس ما منهم فكه اذا بترجعها ؟؟!
هاذارئيي

والله يوفقك ويعوضك بأخير منها يارب عاجل غير اجل..ويعوضها هي بعد(:
{ونصيحه مني لك انك اذا خطبت بالمره الجايه تكثر من الاستخاره وربي يدلك ع الخير ان شاء الله}
تحياتي ودعواتي لك

[تصبرياقلبي]

مرحبا بك اخوي عذب الروح {علينا وعليك يارب }
رد ع اسألتك
انا اقول النظره الشرعيه لا مو حرام لنه محلل لك ومن حق اي شاب النظره
واما في الهديه فا الافضل انك ما تسترجعها لنها ع اسمها هديه ,,وابد اذا صارمنهم احدفطين وشقردي بيرجعها لك بدون ما تطلبها
لئنه انتا تعرف كلام الناس ما منهم فكه اذا بترجعها ؟؟!
هاذارئيي

والله يوفقك ويعوضك بأخير منها يارب عاجل غير اجل..ويعوضها هي بعد(:
{ونصيحه مني لك انك اذا خطبت بالمره الجايه تكثر من الاستخاره وربي يدلك ع الخير ان شاء الله}
تحياتي ودعواتي لك

[من بقايا الامس]

عن الشوفه فحق مشروع
وبعدها للطرفين حق الموافقة والرفض

عن الهديه
فمن المفترض يرجعونها طالما لم تتم الموافقه
هذا شي متعارف عليه
واذا ثمنها مايسوى
والناس يستاهلون
فأطلب من الله الخلف والتعويض


فاصله /
اخبر زمان اول
يوم جيت اخطب
موصي على ميمتي
لاتعطيهم طقم الذهب الى ان تتم الموافقه

وهذا المفروض والمتبع فعله


بالتوفيق .,’

[عذب السجــايا]

السلام عليكم ورحمة الله وبركاته

~ عذب الروح ~

طالما أنك انسان تدور للستر ..فربي بيوفقك ويسهل امرك خذها من عندي ..
النظره الشرعيه حق مشروع ...وبناء عليها يتم الايجاب والقبول او الرفض ...

الهديه ..عادات وتقاليد ليست مشروعه ...
من وجهة نظري انك ماتطالب فيه وربي يعوضك ...
ويمكن يرجعونها لك ....من يدري؟؟

المرة الجايه ...
اخطب ..وانظر النظرة الشرعيه ...ثم ارسل الهديه ...
وفقك الله

[~ عذب الروح ~]

الله يجزآكم خير أخوآني ع الردود
ولاحظت ردود متنآقضة بخصوص موضوع الهدية لكن .. الله يخلف علينآ ويعوضنآ خير ان شآء الله

شآكر لكم أخوآني ومقدّر ... والله يكتب لنآ الخير إن شآء الله .. وبحول الله رآح أستخير أكثر من مرة ..

ودعوآآآتكم

[فاتـــن]

عساه خيره
وامر المؤمن كله خير
الله يرزقك بالزوجة الصالحه

[عالي الذوق]

(وعسى أن تكرهوا شيئاً وهو خير لكم)

مخلوف خير ان شالله والله يعوضك الي أحسن منها..مين عارف يمكن شر ورده ربي عنك.. وبالنسبه للهديه لاتسأل عنها واذا ماردوها لك فتراك كسبان بترك النسب من هالعائله..
أكيد فهمت قصدي..

[مقراط]

عدب

السلام عليكم ورحمة الله وبركاته

الله يسلمك لعل الامر فيه خير كثير

وبالنسبه للهديه خلك كريم ورجاء لاتطلب ارجاعها ولاتفكر بها

ياربي يوفقك

[Oo ريم oO]

اخوي احمد لله على هالامر واعلم انها خيره لك
بالنسبه لك اخوي الترتيب اللي مفروض يصير في تقاليد الخطبه بعد الشوفه الشرعيه بعدها الملاك وبعدها ارسل الهدايا زي ماتبي ....
في وضعك صراحه اخوي استعجلت على الهدايا قبل الملاك عموما الله يعوضك فيهم وعيب حقيقه ان تتطالب بأسترجاعها...إن هم رجعوها الحمدلله جات منهم
والله يوفقك اخوي ويعوضك خير منها

[الشيعوف]

شوف اخوي من حق كل شاب ان ينظر الى مخطوبته...عن المغيرة بن شعبة قال : خطبت امرأة ، فقال رسول الله صلى الله عليه وسلم : ( أنظرت إليها ؟ ) قلت : لا ، قال : ( فانظر إليها فأنه أحرى أن يؤدم بينكما ) . وفي رواية : قال : ففعل ذلك . قال : فتزوجها فذكر من موافقتها .. اما عن الهديه فرايي لاتطلبها ربي يعوضك خيير.. وانصحك تداوم على الاستخاره في جميع شؤن حياتك,,, والله يوفقك ويسهل امرك ويرزقك الزوجه الصالحه ويلبسك العافيه ويحجي عليك ويحفظك بلوحن محفوظ يارب.... نديم بن ترحال....

[& وطــــن &]

في البدآيه الله يكتب لك الخير حيثُ يكُن

وبالنسبه للنظرهـ فهي حق مشروع لك ولها

والهديه لاتطالب بها طالما قدمتهاا

وانا حصل معي نفس هالموقف ويوم اختلفنا أرجعناها من باب الإحترام

وكِل أمورك على الله دوماً ولا تنسى الإستخارهـ والله يعوضك بالأحسن

كُل ودي ووردي ..

[~ عذب الروح ~]

الله يجزآكم خير جميع .. ووفقكم الله بدنيآكم وآخرتكم

ألف شكر لكل من رد على الموضوع