قالت وكنه ضاربن مدفعيه ....المشكله من هو يعشيك بالليل؟!!

[المهاجر]

السلام عليكم

مساكم الله بالخير

وكل عام وانتم بخير

هالسالفة حدثت لأحد الأخوة مطلع شعبان وسأحكيها على لسانه كما قالها فعندما سمعتها أدمعت قلبي قبل دمع العيون

يقول

تزوجت قبل حوالي سنوات ورزقت بطفلة جميلة هي الآن في عامها الثالث.. وكعادة البعض في تجربة الزواج الثاني أخذت الفكرة تدور في رأسي شهور حتى عقدت العزم رغم أنني لم أجد أي تقصير من زوجتي سواء من خدمتها لي او من تعاملها او من انوثتها ولدرجة حرصها وخدمتها لي لا ترضى بأن آكل الا من طبخها دائما وترفض المطاعم ولكنه الشيطان وسوس لي بتجربة الزواج الثاني حالي حال الكثيرين!!!

المهم خطبت من أحد الاسر وتمت الموافقة وتم تحديد موعد الزواج .. وكل هذا من خلف علم زوجتي فلم أخبرها بأي شيء وكنت أريد الزواج يكون سكاتي حتى أجد الوقت المناسب لمصارحتها ..

المهم زوجتي كانت حامل في شهرها الأخير وكنت ناوي عصرية الزواج آخذها لبيت أهلها بحجة سفري خارج المنطقة لمدة أسبوع ولكن جاءها المخاض في فجر يوم زواجي بالضبط .. وقالت يا بو فلانه شكلي قربت ودني المستشفى واخذتها وانتظرت ساعه وشوي وما ولدت وقالوا لا زال امامها وقت .. وجا الظهر ولا ولدت .. وانا على اعصابي زواجي باقي عليه ثمان ساعات .. وجا العصر ولا زالت على حالها واعصابي تلفت بين همها وهم الزواج .. فحاولت انام ساعه اريح جسمي لاني صاحي من الفجر والليل ليلة زواج ونمت حتى المغرب وصحيت على الجوال وكانت والدة زوجتي قالت وش اخبار بنتي ما ولدت قلت والله خبري فيها العصر ونمت قالت اجل ابشرك ولدت وجابت بنت .. غيرت ملابسي ورحت المستشفى اطمئن عليها ودخلت غرفتها وتحمدت لها بالسلامة وجلست عندها واسألها عن حالها وامسك يدها وانا قلبي مع عروستي الليله وأجامل وهي تضحك وتمزح وتطمني بس واضح انها مو مبسوطه وكنها متضايقه فقلت لها انا بروح وبكره أمر عليك أطلعك وودعتها وجيت أطلع ونادتني وقالت يا بو فلانه يا قلبي عليك من بيسوي لك العشاء الليله !!!!

ولما قالت هالكلمة مغصني قلبي ودارت بي الدنيا ذيك اللحظه بثواني ورجعت لها وحبيت راسها وطلعت وانا اخفي دمعتي وندمت أشد الندم على قرار الزواج ولكن الندم لا يفيد فقد تورطت وارتبطت والزواج بعد ساعتين وتم الزواج واتيتها من بكره العصر لاخرجها لمنزل اهلها واصرت ان تبقى في البيت لانها لا تريد ان تتركني دون ان يخدمني احد وتحججت باني مسافر لعمل لمدة اسبوع خارج المنطقة وهي لا تدري ان رحلة مع الزوجة الجديدة وهانذا عدت من السفر وهي لا زالت في الاربعين ولا أدري كيف سيكون وقع الخبر عليها ..
انتهى حديث الزوج المؤثر معنا وتأثرنا كثيرا ولكن لم نلقي عليه اللوم او نشعره بأي ذنب فهو يشعر بذلك ويحترق من الداخل ولا نريد ان نزيد الطين بله..
وبعدها بيومين اتصل بي أحد الاخوة الذين كانوا معنا في الجلسة وهو الاستاذ الشاعر والاعلامي محمد الضالع وقال لي انه كتب قصيدة على لسان صاحبنا الذي تزوج فطلبت ان يرسلها لي فكتب

لي قـصـةٍ تـجـرح قـلـوبٍ قــويــه
================لو قلتها شفت المدامع كما السيل
قــصــة وليفٍ ما يعرف الخطيــه
================ولا تـأثــر بالحـكـي والأقـــاويـــل
حب وغلا واحساس نفسٍ رضيه
================رقة مشاعر .. ما تقول التهاويل
إخلاصها ما شفت يا ناس زيــه
================وطهارته ماله مع الناس تمثيل
عشنا سنين بـحـالــةٍ عـاطـفـيـه
================لو كان ما جانا ولد مثل هالجيل
يــوم ان ربـي وردن للــمــنــيــه
================وأصبحت من ضمن الرجال المهابيل
خطبت.. وعلوم الخطوبه خـفـيـه
================وحددت موعد للـفـرح والتـهـالـيـل
وجاها المخاض بفجر ذيك العشيه
================ووديتها للوضع .. والحال به ميل
وبعد العصر جاها الفرج والعطيه
================وساقت لي أمه هالخبر بالمراسيل
ورحت آتطمن .. غارقن بالخطيه
================ذي ليلة الدخله .. وهي ما بها حيل
قـامـت تـطـمـنـي.. وتـمـزح عليّه
================وهـي تـخـفـي هـمـهـا والغـرابيل
ضميتها .. وحـبـال حـبـي رديـه
================قلبي مع اللي ولعوا له قناديــل
ودعتها .. وجـروح قلبي نديــه
================ولا حسبت حساب قـولٍ إذا قـيـل
لـكـنـهـا رغــم الألــم عـاطـفـيـه
================ودموع عينه سابقت ضمر الخيل
ما همته نفسه .. لو الـنـار حيّه
================همه معي .. تطلب لهالوضع تعديل
قالت .. وكـنـه ضاربـن مـدفـعـيـه
================المشكله من هو يعشيك بالليل؟!!
والله لـولاهـم قد عــطـونــي بـنـيـه
================وعقدت .. لأقول العذر يا رجاجيل

فيا إيها الرجال رفقا بزوجاتكم

وأعلموا أن الزوجة كنز لمن عرف قيمتها فلا تتزوج عليها طالما هي لم تقصر بشيء ولا تكن خنجرا تطعن به وفائها وحبها وعشقها لك وتأكد أن في زوجتك صفات لن تجدها في غيرها أن نظرت الى جوهرها

خالص الود

المهاجر


ملاحظه
اتمنى عند النقل ذكر المصدر وذكر صاحب الابيات محمد الضالع حتى لا يسرقه النقل في منتديات أخرى حقوقه الادبيه للقصيدة وحقوق قصيمي للموضوع

[مجرم جامعي]

بعذره لو مغصه قلبه ولو مات بالسكته ياخوي هالموضوع ماهو
من حقك تخفيه عن حرمتك المفروض كل رجالن عاقل قبل مايعرس
يعلم حرمته بنيته ولا يمغصه قلبه ولا شي وبعدين والله وانا اخوك
ماهي غريبتن عليها هالكلمة الاجودية الطيبة طيبة الاولى والا
رقم عشرة والله والنعم فيها واللي اعرس
نقول له بارك الله لكما وبارك عليكما وجمع بينكما بخير
والله يرزقنا الثانية والثالثة والرابعة
والوكاد سلامتن تسلمني لحالي وبس وماعلي من احد

[عذب السجــايا]

ذكرتني ببيت الشعر الي يقول
ياشينها لاصرت بين اختيارين .... مستقبلك والا حبيبن تودهـ
مستقبلي والله لاخليه بعدين......واطرد حبيبي لين ربي يردهـ
***
المشكله لاصار ابوك مزوج ثنتين...وجدك لابوك وجدك لامك مزوجين ثنتين
وخالك مزوج ثنتين ؟!؟!
وجاركم مزوج ثنتين؟!؟!
بالله تلاقيها منين؟!؟!
المشكله انا نحبهم (بالحلال)..
ونبي نقلل العنوسه...ونزوج من المطلقات والارامل المساكين الي محد داري عنهم..
ونبي نصير اوفياء مع زوجاتنا ؟!؟!
بالله وش الحل ؟!؟!

[سنى البدر]

حسبي الله عليه

أنسان ناكر للنعمة ما عنده احساس

قسم بالله قهر

معقولة في ناس تفكيرهم بالسطحية يتزوج علشان التجربة

وهي ياقلبي تقول من يعشيك ( عساه للمر )

قصة تعور القلب وتشل التفكير

أخبرنا بمستجدات الأحداث أخوي المهاجر

يعطيك العافية على الطرح

[[سبحان الله]]

هذي مشكلة الرجااااال عندنا يعالجون الغلط بالغلط000

اهم شي اخذ القرار وبس
هو الحيييييييييييييييين وش استفاااااااد؟؟؟؟؟

حسبي الله ونعم الوكيييييل000

[شموخ بدوية]

مساء الخير اخوي المهاجر

الحمد لله ع السلامة ..كل عام وانت بخير

غبت يالمهاجر وجبت لنا قصة تعور القلب ..

وربي اخنقتني العبرة :gcr852:...

بعض الازواج يتزوج نزوة ..وبعدها يتندم كثير ..في وقت لاينفع الندم ...

الله يعينه ..لكن اتوقع لو زوجته درت ماراح تسامحه .


.لأنه على قد المرأة ماتحب على قد ماتكره

والطعنة جت من أقرب حبيب ...

تفكر فيه وش يتعشى .وهو يفكر في العرس ..كلاً على همه سرى

رجال مالهم آامان (qq11)..


تشكرات المهاجر .


.الله يهديك ماكتبته الأ يوم جاء يتسكر القسم حساافة (qq1)

[نسخ ولصق]

الرجال مالهم امان ولا يملا عينهم غير التراب

عسا ان شالله كل رجال يتزوج على زوجته يصيبه حادث بليلة عرسه ويموت

[.:: ونة خفوقـ ::.]

لاتعــــــــــــــــليق الله يعوضها بالجنه

الله يصبرها

[سفير شمر]

السلام عليكم ورحمه الله وبركاته
اخى المهاجر حياك الله وكل عام وانت بخير وصحه وسلامه
القصه حقا محزنه ومؤثره باسلوب الزوجه الذى جعل الزوج يفكر الف مره فى خلال اقل من ثوانى والجميل منه انه حب راسها يعتذر عن الطبخ وانه يرغب بالسفر لعمل ماء ولكن قلبه معلق بها ويحبها حبا لا يعلمه غير الله والدليل انه ندمان على التصرف الذى سواه ولكن الامر صار ولابد منه واللى بعد هذا الامر وشوو وماهى عواقبه
الومن يحددها ونحن يامعشر الرجال لانفكر بغير يوم الزواج وبعده تكون الامور تسبح مع امواج الزمن العتيه ؟
ويمكن ان تزين الامور لنا ونصير كالعصفور الذى يطير من غصن الى غصن من السعاده بالزوجتين والعكس صحيح الله يوفقه ويعطيه الصحه والسلامه ان شاء الله

[سفير شمر]

الرجال مالهم امان ولا يملا عينهم غير التراب

عسا ان شالله كل رجال يتزوج على زوجته يصيبه حادث بليلة عرسه ويموت


وانتن يا معشر النساء وش اللى يملا عيونكن الطين

ترى الدعوه على المسلم لا تجوز بارك الله فيك
وبعدين هذا شرع الله ماهوو شرعك ياملا العافيه

[عذب السجــايا]

الرجال مالهم امان ولا يملا عينهم غير التراب

عسا ان شالله كل رجال يتزوج على زوجته يصيبه حادث بليلة عرسه ويموت

نسخ ولصق

حرااام عليك...
الله يزوجنا ...كلنا مثنى وثلاث ورباع ...
في بنات قاعدات في البيوت يبون ولو ربع زوج ؟!؟!
وش رايك فيهن هذولي من الي يزوجهن؟؟
اذا ماتزوجوا الرجال وحده وثنتين وثلاث ...
قعدوا هالبنات ...وعنسوا؟؟
وبالتالي نكون احنا رجال غير صالحين
وماقمنا بواجبنا تجاهمم
..
لاتدعين علينا الله يهديك..
***
ومع احترامي لصاحب القصه الا انه فيها نوع من المبالغه ..
بالله وحده بتولد ..
وتقول من الي بيسوي لك عشا ؟!؟
هو يبي نتعاطف مع البنت ...
هذا اذا كانت القصه حقيقيه من اولها ..
تقبلوا مروري

[صدى الشوق@@]

أخوي المهاجر.؛حياكـــــــ ربي الف تحيه وسلامات طووووولت
بالغيبه!!!!!!!!!!!!!!!!!عسى المانع خيـــــــــــــــــــــــر



قصتكـ مره مؤثره وزي ماعودتنا .....بس لاتنسى خبرنا عن الباقي


شــــــــــــــــــــــــــــــــاكره لــــــــــــــــــــــــــــــــــــــــــكـ

[قصيمية والنعم]

راحت السكرة وجت الفكرة!!!
وياكثر ماتصير
بس من اللي يوزنها بعقله زين!!
اعرف طبيب راتبه 40ألف
متزوج 3 ومزوج ولدين له توهم بالجامعه
ويصرف على الخمس بيوت كلها والسادس بيت ابوه الشايب !!
وحالهم يقول ذا راتبه 400ريال !!!
بس يستاااااااااهل من كذا واررررردى!!!
ضيع قروشه على العرس وكل وحده فرخت له كومة لحم!!
أفواه وارانب خخخخخخخخخ

[MISS 3NIZA]

بسم الله الرحمن الرحيم
السلام عليكم ورحمة الله وبركاته
اولا مدام انه يحبها ويموت فيها ليش يتزوج عليهالانه بكذا بيظلم الزوجه الثانيه بتكون هي تجربه وخلاص او نزوه وخلاص ويمكن ماتطلع زوجته من الاربعين الا وهو مطلقها يعني المظلوم بالسلفه هذي الزوجه الثانيه والله حرااااااااااام عليه كذا يلعب بمشاعر بنات الناس...............................

[ملح وقبله]

ياقلبي قلبها هالزوجه تكسر القلب والله ....

لأنها حبيبه وقلبها طيب وعلى نياتها طلع حظها كنه وجهها المسكينه

بس إن شاالله إن حظها الزين يجيها في الجنة (( لهم الدنيا ولنا الآخره ))

وهالرجال كوده يوم تزوج يطيح في وحده قشششراااااااا

تمشيه على العجين ما يلخبطهوش وتعلمه إن الله حق ويرجع لذيك الضعيفه ويطيح عليها يبوس راسها ورجولها بعد ....

الله المستعان بس ... ولا تحرمنا يالمهاجر من مواضيعك المتميزة ...

[عساس الحيا]

قصه معبره مشكور المهااااجر على هذا القصه المعبره وهذا الشخص صراحه فسقااان لو فقير كااان مافكر في الزواج السريع هذا





والشكر لعضوه عنيزه للأخبارناا بهذا الموضوع

[غريب الماضي]

قرّبا مربط النعامة مني
ـــــــــــــــــــــــــــــــــــــــــــ لـا نبيع الغوالي بيع النعالِ

[شامخه بحجابي]

تنرحم هذه الزوجه يعني هذا جزاها مهتما فيه اخر اهتمام

وموفرة له كل سبل الراحة وتراعي شعوره من الوحده

وهو مبيت النيه ويفكر بغيرها وبا يعها ببلاش

ماقول الا الله يكفينا شركم يامعشر الرجال صدق مالكم امان

[عذب السجــايا]

تنرحم هذه الزوجه يعني هذا جزاها مهتما فيه اخر اهتمام

وموفرة له كل سبل الراحة وتراعي شعوره من الوحده

وهو مبيت النيه ويفكر بغيرها وبا يعها ببلاش

ماقول الا الله يكفينا شركم يامعشر الرجال صدق مالكم امان

ترى الرجال ماسوى شي ؟؟
بس تزوج
وش فيكم انتو سويتوها مصيبه ؟؟
هذا قصه اتوقع واحد مفبركها ...يعني من نسج الخيال
وهذولي هم ضد تعدد الزوجات الي سنه ديننا الحنيف
انتي والا غيرك من البنات الي بالمنتدى
لوك عانس والا ارمل والا مطلقه ...كان ماعندك مشكله
تتزوجين على مره ...
اعيد واكرر في بنات قاعدات بالبيوت يبون ولو ربع رجال
يعني يبون لو يكونون الزوجات رقم 4
الحوار لايفسد للود قضية

[شامخه بحجابي]

8
8
8
8
8
8
ما سوى شي الا سوى مصيبة ومصبية عضمى بانسبة لنا يامعشر الزوجاااااات

يا اخ كامل المرأة اذا حبت زوجها وتعلقت فيه وصار كل دنيتها

واذا فكر بغيرها راح يضربها الضربة القاضية ويطعنه في الصميم وهينا يكمن القهر

الرجل اذا لقى المرأة المتفانيه في حبه و المطيعه والمدبرة و النشيطه يعني سنعة وشقردية ودايما تبيض وجهه ولا تثقل عليه بطلبات وشغلها الشاغل كيف ترضي زوجها وتسعده

موب لازم يعدد يحمد ربه على هالنعمة ويقضب ارضه

والعوانس والمطلاقات الله سبحانه وتعاله كفيل برزقهن

هذه ثالث مره اكتب الرد ويطير

[عذب السجــايا]

8
8
8
8
8
8
ما سوى شي الا سوى مصيبة ومصبية عضمى بانسبة لنا يامعشر الزوجاااااات

يا اخ كامل المرأة اذا حبت زوجها وتعلقت فيه وصار كل دنيتها

واذا فكر بغيرها راح يضربها الضربة القاضية ويطعنه في الصميم وهينا يكمن القهر

الرجل اذا لقى المرأة المتفانيه في حبه و المطيعه والمدبرة و النشيطه يعني سنعة وشقردية ودايما تبيض وجهه ولا تثقل عليه بطلبات وشغلها الشاغل كيف ترضي زوجها وتسعده

موب لازم يعدد يحمد ربه على هالنعمة ويقضب ارضه

والعوانس والمطلاقات الله سبحانه وتعاله كفيل برزقهن

هذه ثالث مره اكتب الرد ويطير

الله سبحانه كفيل بهن صحيح
بس ...من هم الرجال الي بيزوجونهن؟!؟!
انتي عارفه ان كل وحده عندها عاطفه صح والا لا ؟؟
والبنت اذا مالقت الطريقه الصحيحه الي تفرغ عاطفتها فيها
وهي الزواج
ممكن تنحرف
واحنا كذا بطريقه غير مباشره نكون سبب في انحراف النساء ؟؟
صح والا لا ؟؟

[ندى الذكريات]

السلام عليكم ورحمة الله وبركاته
في رأيي انه مهما كانت تبعات الزواج الثاني او اسبابه مادام الزوج مصر وجازم بالزوجه الثانيه عليه ان يكون وفيا للأولى بعدم الاساءة اليها أو التجريح بقرض أن يبيح لنفسه الزواج ويعلق الاسباب منها سواء كان صادق او كاذب ليجد لنفسه العذر امام الناس فهو اولا واخر سيتزوج وليكن حكيما وليتق الله ربه
وثانيا ان يكون وفيا لاولاده بعد الزواج مهما كان من تقصير من الاولى او عتب صادر منها او اذى فبحكمته واحسانه لها ولابنائها مردود كبير فيكسب زوجته برضى ابنائه وعدم شعورهم بنقص او فقد وليهم
نقطتين مهمتين
وفاء للزوجه الاولى ووفيا لأبنائه
اتوقع لو ان كل زوج اتبع النقطتين لحلت مشاكل كثير
هذا لو افترضنا العقل من الطرفين ومخافة الله وان العمر ايام وينقضي

[مقراط]

المهاجر صديقي الحبيب

السلام عليكم ورحمة الله وبركاته

الله يوفق المراءه اللي بموضوعك وهي نمودج للمراءه الصالحه

وياليت من لقى مثله كان تنحط فوق الراس

ياربي يوفقك

[اللولو777]

الشرع حلل أربع ,وكل شي حلله ربي له فائده وفيه حكمه يعني الرجال اللي مرته عفوا : وسخه أو لا تنجب أو نكديه
كل وحده تتخيل ان هذا الرجال ولدها شيسوي ؟

أعرف وحده تقول مرت أخوي وسخه وما تهتم بنظافتها الشخصيه وكذا مره امه كلمتها وعلمتها تقول تتسنع اسبوع وبعدين ترجع على طبعها ؟

وتقول اخوي يوريني زهيوي ( صرصور ) ميت على الطوفه ويقولي يا نورا والله صار له اسبوعين ( والمره عندها خدامتين )

تقول اخوي يبي يعيش حياته يبي يتزوج ولا يبي يطلقها علشان عيالها

قلت الصراحه الله يعطيه العافيه اللي ما يبي يطلقها ومخليها على ذمته

يعني الزواج الثاني رحمه لبعض الناس

وشي حلله رب العالمين ما فيه مجال نختلف فيه

[سهول]

ترى الرجال ماسوى شي ؟؟
بس تزوج
وش فيكم انتو سويتوها مصيبه ؟؟
هذا قصه اتوقع واحد مفبركها ...يعني من نسج الخيال
وهذولي هم ضد تعدد الزوجات الي سنه ديننا الحنيف
انتي والا غيرك من البنات الي بالمنتدى
لوك عانس والا ارمل والا مطلقه ...كان ماعندك مشكله
تتزوجين على مره ...
اعيد واكرر في بنات قاعدات بالبيوت يبون ولو ربع رجال
يعني يبون لو يكونون الزوجات رقم 4

الحوار لايفسد للود قضية

سبحان الله الرجال مايتذكرون من سنن ديننا الحنيف الا مثنى وثلاث ورباع

[عذب السجــايا]

سبحان الله الرجال مايتذكرون من سنن ديننا الحنيف الا مثنى وثلاث ورباع

لو ان الرجال كلهم عملوا بها الآيه ...
كان حلت كثير من مشاكل الاسر
واعتقد العنوسه الي حاصله في البلد
اكبر سلبيات عزوف الرجال عن الزواج
سواء العزاب او المتزوجين

[خلهم ينفعونك !]

ردد مع عبد الكريم ...

"
آآآآآآآآآآآآآآآآآه ..

على حبي اللي كان ..

يازمن ما به أمااااااااان .. "



والله إنك قتلتني .... يمين ..


وما أقول لهذا اللي أترفع عن تسميته رجال لأن العشرة ما تهون الا على ولد الحرام ... أقول له :

خلهم ينفعونك .. دام هم يعجبونك ..
اليوم تضحك شفاتك .. وبكرة تبكي عيونك ..

وخلهم ينفعونك ..

[ياقلبي لاتحزن]

قصة رووووعة وتعور القلب نفسي اعرف وش بيكون ردة فعلها اذا درت بزواجة..
اتوقع ماراح تسامحة ابدا..
يعطيك الف عافية على هالنقل..

[أسرني الأمل]

شـكــ وبارك الله فيك ـــرا لك ... لك مني أجمل تحية .
الله يسلمك على طرح الموضوع الحين الزوج وش الي نفعه عير الندم
ولكن للاسف الرجال اهم شي عندهم الشهوه في التجربه في الزواج الثانيه
والي دايم يضيع في السالفه الاطفال ما اقول الا الله يهديهم ويعقلهم
وانا احب اذكر قصه لوحده اعرفها ساكنه هي وزوجها في منطقه غير المنطقه الي فيها اهله واهلها
المهم حب ودخلت الفكره في راسه انه يتزوج الثانيه المهم ترك زوجته وهي في اشد حاجتها له وقت الولاده
وسافر ليتمم خطوبته في نفس اليوم الي سافر فيه وسبحان الله بنفس اليوم الي سافر فيه كانت ظاهره فيها علامات الولاده تركها وحيده بحيث لم تجد غير الاسعاف الي انقذها وهو يتزبط لخطيبته ولا اهتم لشعور زوجته الاولى المهم ما اقول الا الله يكفينا شرهم

[احساس راقي]

اخوانى اعضاء المنتدى الكرا م .....
لماذا كل هذة القساوة على المراة المراة هى الام والاخت والبنت قبل ان تكون الزوجة المراة هى كل شى جميل المراةليست سيئة بلقدرالذى تنظرون اليةالمراة ينقصها العلم حتى تصبح كاملة المراة اذا نشأت في بيئة طيبة اصبحت طيبة ليس كل من نراها سيئة نعتبر كل النساء سيئات اعزئي اعضاء المنتدى لماذا لاندخل في حوار جاد ونافع مع الاخوات احسن من المهاترات ورمي الاتهامات وتحميل كل طرف المسولية بهذا نستطيع ان نصل الى نقاط الخلاف ونساهم الجميع في حلها
بقلم / مبارك الزنم

[شروآي حلم]

مسكينة هالزوجـة ... الله يكون بعونها

بس كلنا تعاطفنا معها ونسينا الثانية.. هو يقول إنها طقت براسه ويبي يجرب الزواج الثاني والحين ندم ..!!

طيب والضعيفة اللي خلاص صارت زوجتك الثانية وش مصيرها ؟

بيطلقها أكيد وبيرجع لزوجته وعياله وكأنه ماسوا شي .. ونسى المسكينة اللي ظلمها وجرحها وحملها عذاب ماهي قده .. وخلاها مطلقة وبكذا ضيّع مستقبلها ودمر حياتها ويكفي نظرات الناس لها وكأنها السبب لأنها وثقت فيه وتحسبه رجال قد كلمته (qq11)

مادرت إنه .......... ولا بلاها (qq22)

لا بارك الله برجال هذا تفكيره وعساه من حظ ردي إلى أردى منه (qq167)

[... بنت الجنوب ...]

كل عام وانت بخير اخوي المهاجر..:)

من ناحية الموضوع بصراحه شيء يعور القلب (g)..لكن هذا حال البعض منكم يالرجال تعاملون الزوجه وكأن لامشاعر لها ولااحاسيس .:gcr852:

لكن عني انا لو مكان زوجته كان نهيت حياتي معاه ..وخليته يعرف قيمتي وقتها.

ممكن البعض يخالفني الرأي لكن اعتبرها اقل شيء لأرضاء نفسي.(h) ورد اعتباري.

[عذبة الصوت]

ترى الرجال ماسوى شي ؟؟
بس تزوج
وش فيكم انتو سويتوها مصيبه ؟؟
هذا قصه اتوقع واحد مفبركها ...يعني من نسج الخيال
وهذولي هم ضد تعدد الزوجات الي سنه ديننا الحنيف
انتي والا غيرك من البنات الي بالمنتدى
لوك عانس والا ارمل والا مطلقه ...كان ماعندك مشكله
تتزوجين على مره ...
اعيد واكرر في بنات قاعدات بالبيوت يبون ولو ربع رجال
يعني يبون لو يكونون الزوجات رقم 4

الحوار لايفسد للود قضية



ذابحك السنع ياكامل الاوصاف ..الحين مضيقات صدرك البنات اللي بالبيوت ؟؟؟سبحان الله ..مااقول الا الله يعين زوجتك عليك ..

[موجه هادئه]

مسكينة هالزوجـة ... الله يكون بعونها

بس كلنا تعاطفنا معها ونسينا الثانية.. هو يقول إنها طقت براسه ويبي يجرب الزواج الثاني والحين ندم ..!!

طيب والضعيفة اللي خلاص صارت زوجتك الثانية وش مصيرها ؟

بيطلقها أكيد وبيرجع لزوجته وعياله وكأنه ماسوا شي .. ونسى المسكينة اللي ظلمها وجرحها وحملها عذاب ماهي قده .. وخلاها مطلقة وبكذا ضيّع مستقبلها ودمر حياتها ويكفي نظرات الناس لها وكأنها السبب لأنها وثقت فيه وتحسبه رجال قد كلمته (qq11)

مادرت إنه .......... ولا بلاها (qq22)

لا بارك الله برجال هذا تفكيره وعساه من حظ ردي إلى أردى منه (qq167)

شهوده أحبك في الله :sh652:

الحمد لله انو حياتك صارت حلوه وجرحك طاب (a21)


ــــــــــــــــ

وانت يالمهاجر ما مليت ؟؟؟

دايما مهاجر

(qq115)

[حايليه تحب القصيم]

نفس قصة اختي كانت واثقه برجله مره..
كانت حامل بشهر التاسع وانصدمت بخبر زواجه ودخلت المستشفى واظنت بعمليه تعبت مره حسبي الله عليه واخرته وش عذره يقول اخوه زوجني ياه ونحرجت يعله بالماحي

[برجس1]

كلامك
صح100بالمئه
هذولي هم ضد تعدد الزوجات الي سنه ديننا الحنيف
انتي والا غيرك من البنات الي بالمنتدى
لوك عانس والا ارمل والا مطلقه ...كان ماعندك مشكله
تتزوجين على مره ...
اعيد واكرر في بنات قاعدات بالبيوت يبون ولو ربع رجال
ولاحصل

[شروآي حلم]

شهوده أحبك في الله :sh652:


الحمد لله انو حياتك صارت حلوه وجرحك طاب (a21)




أحبك الله الذي أحببتني فيه .. (qq115)

يسعدك ربي ويحلي أيامك داااايم :sh652:

[شروآي حلم]

شهوده أحبك في الله :sh652:


الحمد لله انو حياتك صارت حلوه وجرحك طاب (a21)





أحبك الله الذي أحببتني فيه أختي موجة .. (qq115)

يسعدك ربي ويحلي أيامك داااايم يا قلبي :sh652:

[شروآي حلم]

شهوده أحبك في الله :sh652:


الحمد لله انو حياتك صارت حلوه وجرحك طاب (a21)





أحبك الله الذي أحببتني فيه أختي موجة .. (qq115)

يسعدك ربي ويحلي أيامك داااايم يا قلبي :sh652:

[نجمة الفضاء]

عسئ عمره ماتعشئ وربي اخنقتني العبرة اكيد كسرقلبها وحالتها تعور القلب هذي وهي الوفيه اجل لاصارت مهمله وش بيسوي الله يعينها ويرد لها حقها وقدرها اضعاف

[زلفاويه اكشن]

قصم بالله وانا اقراء القصه اوجعني قلبي وش هالرجل مااااااايحس هذا وهي
حاااشمته يكااافئهااا بالزواج حسبناا الله ونعم الوكيل وش سووت هي
يعني سووا عند الرجل حشيمه او لأ كله النتيجه الزووواج

وايش المطلقااات والارامل ربي بيرزقهن من عنده من غير مااتخرب بيوووت

[المهاجر]

شكرا لكم جميعا

واعتذر عن التأخير وعن عدم الرد لمدة طويلة

ويا ليت اللي نقلوه ذكروا المصدر مو نهبونا كالعاده (q104)

[彡я ş ∂ ∂ Ļ彡]

بصراحه قصه تعور بالقلب (qq79)
بعض الرجال مايستاهل الاهتمام
لانه ماقدّر النعمه اللي هو فيها
سبحان الله ماقاصر عليه شيء
بس قال يبي يجرّب (q85)
تشكر المهاجر على هالقصه
وبعدين وش هالغيبه
انا لو اني مشرفه ان كان المواضيع اللي يطولون
اصحابها احذفها هههههههههههههه >>امزح تراي (qq166)

[المهاجر]

بصراحه قصه تعور بالقلب (qq79)
بعض الرجال مايستاهل الاهتمام
لانه ماقدّر النعمه اللي هو فيها
سبحان الله ماقاصر عليه شيء
بس قال يبي يجرّب (q85)
تشكر المهاجر على هالقصه
وبعدين وش هالغيبه
انا لو اني مشرفه ان كان المواضيع اللي يطولون
اصحابها احذفها هههههههههههههه >>امزح تراي (qq166)

اشوى انك مو مشرفه والا كان حاذفتنا من زمان (ekaj)

الغيبه ما هنا غياب هو توقف فقط عن المشاركة للانشغال

شكرا على ردك

[彡я ş ∂ ∂ Ļ彡]

اشوى انك مو مشرفه والا كان حاذفتنا من زمان (ekaj)

الغيبه ما هنا غياب هو توقف فقط عن المشاركة للانشغال

شكرا على ردك
(hjh)

[نبض قلبه]

مافيها كلاااااااااااااااام
زواج الرجل على زوجته ذبح لها من الورررررريد للورررررررررررريد

[أميره نايمه]

ياربيييييييييييييييي قصه تبكي

المفروض كل زوج قبل مايتزوج يفكر الف مره ويشوف زوجته ناقصها شي او لا مو يتزوج علشان مجرد تجربه

الله ياخذ روح كل رجال يتزوج على زوجته من غير سبب يارب العالمين آآمييين

[ربشه]

شكرا لكم جميعا

واعتذر عن التأخير وعن عدم الرد لمدة طويلة

ويا ليت اللي نقلوه ذكروا المصدر مو نهبونا كالعاده (q104)


مين اللي نقلوه مالو حق(qq152)

بس ياليت تخبرنا وش صاار عليه(q78)

[المهاجر]

شكرا لكم واعتذر عن عدم الرد على كل من تفضل واكرمني برده لضيق الوقت والظروف