اف .. ناخذ اجازة الفكة منها غنيمة !!!

[ون تو]

السلام عليكم ورحمة الله وبركاته
مبارك عليكم الشهر الكريم اسأل الله ان يبلغنا اياه ونحن بصحة وسلامة وعافية

سؤال محير .. هل الحياة الزوجية مملة لدرجة ان احد الطرفين يريد أن يفتك من الطرف الثاني
بسفر .. او رحلة خاصة أو غيره ....

سؤال مغاير نوعا ما .. هل يستطيع الزوج الاستغناء عن زوجته فترة طويلة اقصد هل يسهل عليه أن تسافر مع أهلها فترة اسبوعين أو اكثر

أحد الزملاء زوجته مسافرة مع اهلها في البداية كان يدعي بقوله ( اف ناخذ اجازة الفكة منها غنيمة ) ولكني كما اعرفه لم يستطع التحمل فنفسيته صارت دمااااااار واخلاقه دمرانه

انتظر رايكم فماذا ستقولون !!

[عذب السجــايا]

ون تو
لابد للزوج والزوجه ياخذو فترة راحه
يعني بمعنى اصح شوي ...يفترقوا شوي من دون زعل الله لايجيب الزعل
عشان يشتاقوا لبعض...
انا نفس الشي يصير معاي...اقول لها ..جيبي ورقة لاجازه اوقعها لك
ومرات اقطع اجازتها....ومرات امدد لها ..
طبعا في اجازات طويلة المدى..براتب...واجازات قصيره بدون راتب
المهم بالتفاهم...
وبعد الاجازة الطويله
لاتسألني عن حرارة اللقاء ...والشوق ....ووو الخ..
ثم نسوي اخلاق كم يوم ...نستحي من بعض...
وبعدها نرجع نحوس الدنيا...
بس صدقني اجازة الزوجه السنويه مهمه جدا لك ولها...
تقبل مروري

[بنت جنان]

والله ايوا ضروري يصير الشي هذا كل فترة اذكر يوم سافرت كان القاء (qq10)

ممتاز بس حسافة خرب رحلتي بكثرة الاتصالات كل دقيقة مرسل رسالة ولا متصل ولا زم ارد ولا بينهال بكم اسألة <<بعد مارجعت يقول حسيتي اني معك؟؟قلت ايوا حبيبي<<فنفسي واكثر بعد

>>>>بس<<<<

شي حلو لو كل فترة يصير فية تغير جو وكل واحد يبعد عن وجه الثاني شوي

على الاقل ياخي بيشوف ناس جديده وبيصير عنده سوالف يجي يحكيها

واشياء ومناطق وبيحس فبعض اوقات بقيمة الزوج صح


واقات بيحس انة ودة يرجع الحين الحين يضب اغراضة ويرجع..!!

بس عموما تجربة ممتعة واتفقنا كل سنة نسويها بس من غير مسجات مزعجة(vv)

[ون تو]

كامل الأوصاف - بنت جنان
وجهة نظركم أحترمها وأقدرها لكم شكري وثنائي العاطر

ننتظر وجهة نظر بقية الأعضـــــــــــــــــاء

دمتم بود

[ملح وقبله]

مدري ليه أنا عكس الناس لا جلست عند أهلي معد ودي أرجع لبيتي ... خلاص أستانس على الطلعة والدخله وكسر الروتين واتأقلم على الجو ولا أطيق أفكر في بيتي تجيني غمته لا تذكرته

ماني من النوع اللي إذا أبطوا يشتاقون وودهم يرجعون ... لا أنا خلاص إذا تعودت على شي ماودي أغيره هذي طبيعتي مدري أحسها غريبه شوي ...

بس يمكن أحن شوي لبيتي و زوجي لو جاني شي يضيق صدري <<< مصلحجيه الأخت (qq15)

بس تبقى الإجازات الزوجية مهمة جداً جداً جداً للزوجين مع أنه على قولة بنت جنان يجي منه سبعين ألف إتصال في اليوم وراسيل بالهبل .. بس ولو تغيير المكان وتغيير أسلوب الحياة حلو ... وحتى الزوجة لاراحت لأهلها تهتم وتغير في نفسها وشكلها ولبسها وترجع لزوجها بلوك ثاني ... يحسن إنه متزوج وحده ثانيه وينبسط ...

[عذب السجــايا]

بنت جنان
و
ملح وقبله
لاتزعلون مني ...بس كثروا منها
الي تقول سبعين الف اتصال ...والي تقول مزعجني مسجات
انا اعرف الرجال ...الواحد مايصدق يفتك ...حتى لو هو يحبها ...
بس مارح يزعجها بهالشكل المبالغ فيه ....مستحيل ..
اكرر
لاتاخذون بخاطركم

[ملح وقبله]

بنت جنان


و
ملح وقبله
لاتزعلون مني ...بس كثروا منها
الي تقول سبعين الف اتصال ...والي تقول مزعجني مسجات
انا اعرف الرجال ...الواحد مايصدق يفتك ...حتى لو هو يحبها ...
بس مارح يزعجها بهالشكل المبالغ فيه ....مستحيل ..
اكرر

لاتاخذون بخاطركم


ورب البيت ما أبالغ صح إنها مهوب سبعين ألف سبعين ألف بس هذي كناية عن كثرتها

حتى والله اللي يكونون جالسين معي يستغربون يقولون مهوب صاحي زوجك ما شالله كل هذا حب !!! وهو أحياناً يكلم ما عنده شي يقوله ويدون شي يهاوش عليه

وبالمقابل وحده من زوجات أخواني نفس طبيعته كل شوي اتصال على اخوي ومسجات لين مل منها ...

يعني لا تحكم على الرجال كلهم إنهم مثلك ولا أحكم على النساء كلهم إنهم مثلي ...


الناس أشكال وألوان ...

[LEMON JUICE]

لما يمل الزوج من زوجته او تمل الزوجه من زوجها مو معناه ان مافيه حب
لكن طبيعه الانسان يمل ويحب التجديد
قديما كان يقضون على الملل بشكل غير مقصود
يعني كانت طبيعه عمل الرجل من بعد صلاه الفجر الى المغرب سبب في زياده الاشتياق
وعدم الملل

[نازف ألم]

كانك تسولف عني
انا انبسط احس بالحريه شوي
الزم عليها اقول نامي عند اهلك تقول لا بروح معك (z)
ترا بعضهم يبي يفسرها اني مطنش البيت لاااااااااااااع
انا ميه ميه بالتزاماتي الاسريه >> بس بطبعي احب اخذ ريست واكون خفيف الحركه لو لفتره
تغيرررررررر (qq168)




نازف

[نازف ألم]

انا عندي قناعه ان الحرمه اللي تحب الجلسه والنومه عند اهلها
وتحب تفرك من بيتها كثيررررر مش مزبوطه / الحرمه مالها الا بيتها
يمكن يجي مقراط ويقول صح عليك يانازف (a24)




نازف

[الـوامـق]

أعتقدأن الاجازة الزوجية مطلب في بعص الاحيان لكلاالطرفين

ومن تجربة شخصية

بحكم أني متزوج من خارج المدينة اللتي أسكنها

تعتبر هذه الفترة من أصعب الفترات اللتي تمر علي الزوج

ورغم أنها صعبة وكريهة الاأنها جميلة جداً

حيث تتجدد الاشواق والمشاعر

[بنت جنان]

بنت جنان

و
ملح وقبله
لاتزعلون مني ...بس كثروا منها
الي تقول سبعين الف اتصال ...والي تقول مزعجني مسجات
انا اعرف الرجال ...الواحد مايصدق يفتك ...حتى لو هو يحبها ...
بس مارح يزعجها بهالشكل المبالغ فيه ....مستحيل ..
اكرر

لاتاخذون بخاطركم





والله اني صادقة خاصة كان سفر بلد بعيده وماكان معي احد شكلة

يبي يملي الجو عليا كلام حب وغزل والله ياخي كان طول اليوم اخر شي

يمكن 60 اتصال!! من غير مبالغة و100 رسالة !!والله اني صادقة الرجال جالس طول اليوم يرسل يرسل هههههههههههههههههههه

وماكنت حتي انام زين كان هو الي يصحيني من الصبح المشكلة انو مقفل بليل متأخر<<شكلة بيبي يطفشني(q104)

واذا الجوال مقفل منطقة مافيها شبكة مثلا يوم افتح الجوال كم مسج ينهال عليا
ويتصل وش فيك مقفلة الجوال وش عندك وش صاير؟؟!!

يوسوس المسكين يومن كنت اطفش كنت اعلق الجوال ياخي الواحد يبي يشوف الي وراه وهو مافكني حتي في الاماكن تخليص الاوراق:whwhwh:

يوم رجعت مستانس الاخ على الازعاج الي سببه وانا مسج ارد وستين مسج اطنش نظرا لقربهم ماني فاضية اجلس ارد على كل مسج
رحلت مسجات خخخخخخخخخخخ(a24)


واذا رحت بيت اهلي ماجلس فية 4 ساعات الا ومرسل السواق ويتصل يتصل بسم الله احس ان فية شي بعدين خلاص تعودة على اسلوبة(q79)
وعرف انها طبيعتة حتي لو مايبي شي كذا يمكن موسوس
مدري لانه اذا في البيت حتي يتصل كثيرررررررررر

الصبح وبليل وفنص اليل واليوم الي تمسك معاه على مسجات

اطفش من نفسي الا لازم ارد عليه ولا بيدق خخخخخ(q69)

[عذب السجــايا]

والله اني صادقة خاصة كان سفر بلد بعيده وماكان معي احد شكلة

يبي يملي الجو عليا كلام حب وغزل والله ياخي كان طول اليوم اخر شي

يمكن 60 اتصال!! من غير مبالغة و100 رسالة !!والله اني صادقة الرجال جالس طول اليوم يرسل يرسل هههههههههههههههههههه

وماكنت حتي انام زين كان هو الي يصحيني من الصبح المشكلة انو مقفل بليل متأخر<<شكلة بيبي يطفشني(q104)

واذا الجوال مقفل منطقة مافيها شبكة مثلا يوم افتح الجوال كم مسج ينهال عليا
ويتصل وش فيك مقفلة الجوال وش عندك وش صاير؟؟!!

يوسوس المسكين يومن كنت اطفش كنت اعلق الجوال ياخي الواحد يبي يشوف الي وراه وهو مافكني حتي في الاماكن تخليص الاوراق:whwhwh:

يوم رجعت مستانس الاخ على الازعاج الي سببه وانا مسج ارد وستين مسج اطنش نظرا لقربهم ماني فاضية اجلس ارد على كل مسج
رحلت مسجات خخخخخخخخخخخ(a24)


واذا رحت بيت اهلي ماجلس فية 4 ساعات الا ومرسل السواق ويتصل يتصل بسم الله احس ان فية شي بعدين خلاص تعودة على اسلوبة(q79)
وعرف انها طبيعتة حتي لو مايبي شي كذا يمكن موسوس
مدري لانه اذا في البيت حتي يتصل كثيرررررررررر

الصبح وبليل وفنص اليل واليوم الي تمسك معاه على مسجات

اطفش من نفسي الا لازم ارد عليه ولا بيدق خخخخخ(q69)



تمام...
يمكن يخاف عليك بزيادهـ
بس انا بصراحه ما أويد هالشي ....
من وجهة نظري ان الزوج لازم يكون دائما في موقف قوه..
ويكون ثقيل....
وله هيبه
...
وجهة نظر
[/center]

[^درعــاويهـ مدرعمــهـ^]

تبي الصـــــــراحه

فيه وفيه على حسب


بعضهم تلقاه يحطها ببيت أهلها أسبوع ولافكـــــــر ولاحاول يشتاق

وبعضهم لو تروح يوم عند أهلها ماصدق يجي الليل عشان ياخذها باالعربي مايستغنـــي ...


هذا اللي مشاهد على أرض الواقــــــــع

[مجودي20]

ورب البيت ما أبالغ صح إنها مهوب سبعين ألف سبعين ألف بس هذي كناية عن كثرتها

حتى والله اللي يكونون جالسين معي يستغربون يقولون مهوب صاحي زوجك ما شالله كل هذا حب !!! وهو أحياناً يكلم ما عنده شي يقوله ويدون شي يهاوش عليه

وبالمقابل وحده من زوجات أخواني نفس طبيعته كل شوي اتصال على اخوي ومسجات لين مل منها ...

يعني لا تحكم على الرجال كلهم إنهم مثلك ولا أحكم على النساء كلهم إنهم مثلي ...


الناس أشكال وألوان ...

والله يا انا اكره الرجال اللي يعطي زوجتة وجه عند الرجا جيل خصوصا في الاتصالات بالجوال
كل شويه وهي متصلة مدري وش تبي يعني تبي تقول شوفوا انا وزوجي نحب بعض او تقول انا ماصبر عن زوجي او انها عندها شبق مو متحمله غياب زوجها اسئله كثير تدور في رؤوس الشباب ( الرجاجيل عن الزوج والزوجه اللي كل شويه متصلين على بعض ) اجل وش معنتها تتصل عليه وهي تعرف ان زوجها مع الرجاجيل في استراحة او مخيم او في ملحق في بيت واحد من الاصدقاء من كثرة هذه الحركات كرهنا شي اسمه زواج بعيش عزاب طول عمري
او بشرط على زوجتي في عقد القران عدم الاتصال اكثر من مرتين اذا خرجت من البيت وخصوصا اذا رحت للاصدقاء
والله ياتعليق يجي للي يتصلون على بعض انواع الاستهزاء والاستهتار


واحد يهمس في اذن كل زوجة تحرج زوجها بكثرة الاتصالات

تحياتي دمتم بود

[من بقايا الامس]

عند غيابي الاستجمامي عن المنزل
كانت تضايقني الاتصالات المتكرره
والاسائلة الغير مبرره

ويش فيك تأخرت ..؟؟
تعال خذني كلهم راحوا ..!!

وهلم جرى


مع ان الساعه ماتجاوزت الثانيه عشره مساء
والبيت عامر بالخوات والزوار


بمعنى هناك نوعيه من النساء
يكبسون على نفس الزوج
ويلصقون ولا لصقة جونسون
خاصة لمن تجاوز بها العمر سن الصبا
ودخول الزوج مرحلة المراهقة المتأخرة


يكون الوضع اكثر رعبا وهلع .

[مقراط]

ون الفاضل

السلام عليكم ورحمة الله وبركاته

الله يسلمك بنت الرجاجيل اللي قايمه بزوجه وعياله تنحط فوق الراس

ولاتترك لحظه واحده

ولكن الحرمه اللي مع الموضه والنت والجوالات ولسانه يلجلج في الاسواق عند الباعه

واللي تطلع مع السواويق

خله تروح وادا ماتبي الرجعه ازين وابرك

ومضه

اجمل مافي الحياه حياء المراءه

ياربي يوفقك

[ون تو]

أخواني الكرام .. أشكر لكم مروركم وتفاعلكم مع الموضوع
وكل مشاركة تستاهل اني نرد عليها لوحدها بس خويكم سوداني !!
الزبدة .. من خلال طرحكم اتضح لي مايلي :
1- الاجازة وفترات النقاهة مطلوبة لأجل تجديد الشوق والروتين
2- جميل أن يفهم كل طرف خصوصيات الاخر
3- كلما كانت الاجازة منسقة كانت أفضل
4- قضية البعد وتكرار الانقطاع قد تكون وسيلة لزرع الشك في نفس احد الطرفين

لكم ودي واحترامي