ياقصيمي نت عندي مشكله

[منصور الجلعود]

السلام عليكم ورحمة الله وبركاته

بعد غياب

أعرض عليكم هذه المشكله الكيبورديه
وآمل من يملك الحل مراسلتي على الخاص باسرع وقت ممكن



ياقصيمي نت عندي مشكله
أسكن بحايل وقلبي بالقصيم


كم سألت السكري من أسئله
سكرك من وين يالتمر الوسيم

ولايعبرني وأعضه وآكله
لأن يصبح بين فكيني هشيم


ونوب أفكه من سنوني وأمهله
لجل يدري بأني انسان ٍ كريم


من حلاته كل بيت ٍ يدخله
سكري مطنوخ وبرآيه حكيم


أشهد انه له أمور ٍ مذهله
طب للعينين والعظم الهشيم


عندنا سعره حلاته حلله
غالي ٍ بالحيل والله العظيم


وقبل شهر الصوم عندي مسأله
وين أحصل سكريكم بالقصيم


لكم ودي وتقديري



,

[راعي سميراء]

صح لسانك يابن العم الغالي| ابو جلعود

الحمدلله على السلامة

لاهان راسك على القصيدة

ونامل ان تجد حلا لما تريد

تقبل مروري

[منصور الجلعود]

صح لسانك يابن العم الغالي| ابو جلعود


الحمدلله على السلامة

لاهان راسك على القصيدة

ونامل ان تجد حلا لما تريد


تقبل مروري




ابن العم الغالي/أبو عبد الله

مرحبا بنسمات الشمال الرائعه

أشكر لك روحك الحاتميه


وأبشرك تم التوصل للمطلوب من قبل أحد الأخوة من منطقة القصيم وقد دلني على نوع من أجود انواع السكري وقد وفر علينا مشقة السفر فجزاه الله خير الجزاء,,,



لك ودي وتقديري الخاص

,

[ياسر الحربي]

السلام عليكم ورحمة الله وبركاته

بعد غياب

أعرض عليكم هذه المشكله الكيبورديه
وآمل من يملك الحل مراسلتي على الخاص باسرع وقت ممكن



ياقصيمي نت عندي مشكله
أسكن بحايل وقلبي بالقصيم


كم سألت السكري من أسئله
سكرك من وين يالتمر الوسيم


ولايعبرني وأعضه وآكله
لأن يصبح بين فكيني هشيم


ونوب أفكه من سنوني وأمهله
لجل يدري بأني انسان ٍ كريم


من حلاته كل بيت ٍ يدخله
سكري مطنوخ وبرآيه حكيم


أشهد انه له أمور ٍ مذهله
طب للعينين والعظم الهشيم


عندنا سعره حلاته حلله
غالي ٍ بالحيل والله العظيم


وقبل شهر الصوم عندي مسأله
وين أحصل سكريكم بالقصيم


لكم ودي وتقديري



,



وعليكم السلام ورحمة الله وبركاته


أرجوأن أكون ساهمت في حل المشكله بهذه الأبيات
ودمت بكل خير



الجمل شال الحمول المحمله=
والصرام يطيب في وقت الصريم

وماأضن تلقى حلول المشكله=
خصمك القاضي وصرت أنت الخصيم

والمشاكل فمنتداها مهمله=
وأتعوذ شر شيطانٍ رجيم

في زمان تعزفيه المرجله=
والمراجل ضايعه عندالحريم

وراعي الجزلا رمته المنذله=
والمحشم مالقى القدرالحشيم

وعاف ميدان الشعرمايدخله=
من سبايب شرهة الوجه الرخيم

المهايط والعبط والطهبله=
كلهافي شخصه الغيرالكريم

والمشاكل سبته مستفحله=
والعواصف مثل رقراق النسيم

والصغيره أصبحت كالمعضله=
فمنتدى القصمان من وقتٍ قديم

وهذاشورالي مضتله مشكله=
السكري خله وخذلك عسكريم



ولك ودي وتقديري

[ياسر الحربي]

تصحيح البيت الثاني من الرد وأرجو من أحدالمشرفين التعديل وإضافةالكلمه التي بالون الأحمر
وماأضن تلقى حلول المسئله=
خصمك القاضي وصرت أنت الخصيم

[منصور الجلعود]

أخوي الغالي/شنباوي

ألف صح لسانك على هذه المشاعر الرائعه

وجهة نظرك وتجاربك أخي الكريم على العين والراس
ولكن مهما كان كل منطقه لاتخلو من الرجال الأوفياء
ومن غيرهم ممن هم دون ذلك كما ذكرت,,,


ومن ناحية مطلوبي أبشرك اني وجدت المطلوب
واذا تبغا رقم الرجال راسلني على الخاص
وأرسله لك وقد التقيت به في حايل

وأسعاره أرخص بكثير من أسعار الأخوه اللي يبيعون السكري في حايل

على العموم أشكر لك مشاعرك
وأسأل الله لك التوفيق والسداد

,

[ياسر الحربي]

أخوي الغالي/شنباوي

ألف صح لسانك على هذه المشاعر الرائعه
ألف صح بدنك على هذا الذوق الرفيع والأدب الجم
وجهة نظرك وتجاربك أخي الكريم على العين والراس
وأنت بعد على العين والراس
ولكن مهما كان كل منطقه لاتخلو من الرجال الأوفياء
أناأشهد لكنهم قليل جدا
ومن غيرهم ممن هم دون ذلك كما ذكرت,,,
صدقت أخوي مالين الدنيا


ومن ناحية مطلوبي أبشرك اني وجدت المطلوب
واذا تبغا رقم الرجال راسلني على الخاص
وأرسله لك وقد التقيت به في حايل
مشكور يالغالي مليان عندنا وأناأفضل الروثانه والبيض والبرحي على السكري
وأسعاره أرخص بكثير من أسعار الأخوه اللي يبيعون السكري في حايل
الدنيا كلها غلا هاليومين حتى الرخيص صار غالي الله يكفينا الشر
على العموم أشكر لك مشاعرك
وأسأل الله لك التوفيق والسداد
وأنا أيضا أشكرك على ردك الراقي
والله يقبل منك
,

"
"
"

[أصيل الحربي]

صح لسانك يابن جلعود
وصح لسانك ياأبوشنب
تحياتي

[دموع الزمن]

حياك الله

اخوي المبدع

انا بعد اشاركك

حب القصيم واهلها ولو بيدي

جبت لك مطلوبك الان

تحياتي العطره

اختك دموع الزمن