المساعد الشخصي الرقمي

مشاهدة النسخة كاملة : استراحه -16-رساله الى كل سحليه000


ابوعيون
21-07-08, 11:01 PM
رسالة إلى كل سحليه ناشبه بحلق أهلها مع
السلام عليكم ورحمة الله وبركاته

رساله مني الى كل سحليه ناشبه بحلق اهلهااااااااا وماتصرفت مع انهم حاطين معهاااااا اختهااااااااا مجانأأأأأأأ

* كيف تصطادين تمساح دون اللجوء للأساليب السقيمة ( المغازل ، الترقيم ،
التلميح اللي ماله سنع ، الترزز بالأسواق ...... الخ .

للإجابة على هذا السؤال إليكِ مايلي :-

* أهم نقطة نشني على العجوز اللي حاطه عينك على ولدها ثمن نفذي مايلي :-

1) خليك مع امك لاتروحين مع البنات وتتهيبلين ماورى ماتهيبلتي اصبري عنهن كم شهر
لين تتم العمليه .

2) امشي وانتى حاطه راسك بين كتوفك لاترفعينه ابد حتى لو يصير كله صعارير ( خلي
الفكس دايم في متناول اليد ) علشان يقولون مؤدبه ومب متكبرة.

3) كلمة خالة خليها على لسانك وخاصة لأم التمساح علشان تحس بنوع من التميز عن بقية
العجز لامانع تنادين عجوز ثانية بخالة علشان اذا مانجحت الخطة مع العجوز نمبر ون
تنجح على الثانيه <<< الاحتياط واجب يابنيتي

4) اذا بدت امك تتكلم انغزيها بكوعك علشان تدخلك بالموضوع حتى لو مالك داعي تطبيقاْ
للمثل ( كثر الطق يكسر الحديد ) ادري المثل ماله داعي بس مالقيت غيره .

5) اخوانك الصغار لاحقيهم وطامري معاهم وين مايروحون حتى لو مب عادتك بس تصرفي
معهم كانك امهم عشان العجوز تاخذ فكرة انك حريصة على ذريتك ( جعلهم عقبك )

6) كل ما اكلت امك من اكلة زينة خليها تقول : نفس الأكلة اللي تسويها بنتي ( حتى لو
الاكل من المطعم الصيني أو المكسيكي!!! ).

7) اذا جيتي بتمدين ايدك جعلها للكسر <<< خربتها اعبطي خشتك وتوجعي وخلي
امك تقول : قايله لك وانا امك لاتنظفين جدران الفلة الخارجية بس انتي الله يهديك ذابحتك
النظافه <<< جعلي ما ابكيك اجل بتنظفين جدران الفلة نظفي غرفتك أول اللي تقولين
ثايرة فيها قنبلة ذرية

اذا تكلموا الحريم عن العرس اكتمي نفسك لين تحمر خدودك علشان يقولون البنت تستحي
ومالنا حق تكلمنا عندها << بس لاتكتمي نفسك مره أخاف تروحين فيها واصير
قتلت نفس بغير حق ؟؟!

9) مهما كان موضوع الحوار حماسي لاتبدين رايك خليك مثل الطرما لان اللقافه تجيب اجل
الخطه

10) شعرك افرديه لاتخلينه طاير وشوشه مهما كانت الموضه لان العجز ما يدورون الا اللي
شعورهن ناعمه والا اللي شوشهن طايره محد يلتفتلهن

11) إذا أدلت العجوز (أم المتوهق) بأي راي سواء سياسي ولا وطني ولا اقتصادي وافقي عليه
حتى لو انه ماسخ وماله داعي مثلاْ تقول العجوز: أمس بوش متقهوي عندنا يا فلانه قوليلها
وليه ماعلمتينا ياخالة نجي نعاونكم؟؟

12) في العروس لا ترقصين واعتبري الرقص عيب وشق جيب اقضبي ارضك وانثبري.

13) اذا جا طاري السوق وهو طبعاء لازم يجي الطاري لانه ملح الجلسه عند الحريم خلي امك
تقول ( الله يعظم اجر اميمتك) بناتي مايطلعون للسوق ابوهم يجيب اغراضهن .

))))))))) احتمــــــــــال وارد الحــــــــــدوث (((((((((

يمكن تكون العجوز منشنه على بنت غيرك لكن بعد النقاط السابق ذكرها بتصرف نظر
عنك وعنها <<<< امزح لاتصدقين

ماعليناااااااااا المهم اللحين العجوز بتكون وقعت بالفخ

* نروووووووووح للتمساح اللحيـــــــن *

* اهجدي في بيت اهلك ولاعاد تطلعين واذا جا المعرس بيشوفك خلي ابوك يقول والله ودي
تشوف البنت بدون ماتدري علشان تاخذ راحتك وانا عمك وبعدين تشوفها على
الطبيعه علشان ماتقول غشيتوني << إيه هين يالشايب والله لو بيدك لتحط مكانها
باسكال مشعلاني ولا نوال الزغبي ولا غيرها وغيرها من الشواكيش الصناعيات
اللي مطيرات عقول اعيالنا على الفاضي.

* وقبل يجي اليوم اللي بيشوفك فيه بحوالي اسبوع او اكثر ( على حسب شين وجهك )
ادهري من مشغل لمشغل (صبغه، فرد، تنظيف بشرة ....الخ) لاتخلين على روحك
قاصر ولما يجي المعرس خلي اخوك ياقف جنبه عند الشباك عشان ما يطوّل بالتبحلق
ويبان المستخبي وذلك تطبيق لنظرية اللمحه ذبحه.

* بعدها عاد كيف بيشوفك هذي عليك مب كل شي بعلمك اياه دبري عمرك بس خلي ابوك
بنهاية المشهد يقول : العذر والسموحه وانا عمك << العود ضمن الولد يوم يقوله وانا عمك
ترا البنت حوسه (مع انك طاقه كل زينك ) بس بهاللحظه الولد بينط على راس ابوك و
بيمطخه لين يشفط مخه وبيقول متى العرس ياعم ( اللهم ارحمه فقد كان باراْ بوالديه )

عاد الله يوفقك ولا تنسينا من حلاو العرس واياك تعلمين الولد من معلمك
هالعلوم اتفقنا

(((((((( تحذيــــــــــــــــر ))))))))

ابتعدي عن امهات العيال اللي متعلمات راعيات الشنطه مثل لون الجزمه
لان هذولي يبيلهم خطط بعيدة المدى

(((((((( نصيحــــــــــــه )))))))))

رفيقاتك بيلاحظون التغيرات المفاجئه اللي صارتلك فانتي قولي لهم انك
خلاص انسانه عرفتي درب السنع والعداله



تنبية ......ترا مالي دخل بالنتايج موضوع عجبني ولطشته من المنتدى الي جنبنا

غرست حبك
22-07-08, 12:13 AM
ههههههههههههه

طيب اذا ام اتمساح سحبت علي وش اسوي<<<<<<وانت وش دخلك وجاي اول واحد بعد

طيب وحنا ياتمسايح مالنا خطط ولا مالنا رب

تشكرااااااااااات خيو

وردة وردية
22-07-08, 02:06 AM
13) اذا جا طاري السوق وهو طبعاء لازم يجي الطاري لانه ملح الجلسه عند الحريم خلي امك
تقول ( الله يعظم اجر اميمتك) بناتي مايطلعون للسوق ابوهم يجيب اغراضهن .


أخاف اذا أخذته وقلت له أبغى أروح للسوق يقول أنا مااخذتك الا عشان أرتاح من كلمة ودني للسوق هنا بروح فيها :(

آפـآسيس™ «●•
22-07-08, 03:23 PM
هههههههههههههههه
مشكلتي اذا سويت الخطه ولا استفدت...
الي يبين بطبعي واخلاقي اللي هي هي .. احسن
( بـــــــــــــــــــــدون عـــــــــــش) ههههههههههههه
يعطيك العــــافيــــــــه..

ابوعيون
22-07-08, 04:29 PM
الله يعطيكم العافيه ولا يحرمني ردودكم:gg4mpup::gg4mpup::gg4mpup:

نوف 1404
22-07-08, 08:53 PM
هههههههههههه شـكــ وبارك الله فيك ـــرا لك ... لك مني أجمل تحية .

smile
22-07-08, 08:57 PM
آسف الموضوع مكرر

يعطيك العافية