المساعد الشخصي الرقمي

مشاهدة النسخة كاملة : الولد وان طاب طيبه من خواله وان تردى ... ؟


الزاحف
27-11-04, 11:27 AM
كثيراً مانسمع هذا البيت

الولد وان طاب طيبه من خواله
الا ان البعض لايعرف القصيده كامله
لذا احببت نشرها ليطلع عليها أعضاء وزوار هذا المنتدى الرائع



قالها إبن الذيب من هاجوس باله=كلمةٍ يلعب بها والبال زيني
قالها يومه طراله ما طراله=من هواجيسٍ تشيب المرضعيني
غرّني بعض الرجال بكثر ماله=مادرى إن الموت في حبل الوتيني
كيف ينفعني وبعض الناس خاله=ما يدوم البيت كان الساس طيني
ماش وين اللي عوايده الشكاله=مثل إبن ظافر حمد ليته يجيني
الثنا والجود دايم في خياله=علّمه ظافر سلوم الطيّبيني
جوّد العليا ولزّمها عياله=وأدركوا من علمته دنيا وديني
واهني من باع حظّه وإشتراله=سار في درب النبي وأخزا اللعيني
موقفه ماكل رجّالٍ يناله=ومن بغا ممشاه يقعد مرّتيني
وكم ذبح من حايلٍ من حر ماله=وعادته لطمة خشوم العايليني
حالفٍ ماخذ على الطرقي رياله=وبالثلاث محرّم إنها ما تجيني
لا لقيت اللي على السكّه لحاله=يلتفت ويقول : وين المستحيني
أوقف الموتر حيا وأبغا الجماله=يوم ولد اللاش وجهه ما يليني
والطمع في كرّوة الرجلي رذاله=خصّ به وإن جا مجال الغانميني
والردي في حالةٍ ماهيب حاله=يا عوينه من كلام الطيّبيني
الولد وإن طاب قالوا : من خواله=بالخوال يسال قبل الوالديني
وأركبه لعيون من زينٍ دلاله=ما تحاكوا في قفاه الرامسيني
ما بغى غيري وأنا مابغا بداله=قاعدٍ لي بالرجا مدّة سنيني
ما قعدنا فالعمل نبغا الرزاله=ناخذ العليا طريق الفايزيني
وأشرب الفنجال وأكب البياله=تابعٍ سلمي سلوم الأوليني


راشد بن حسن بن الذيب العجمي

الزعيم
27-11-04, 05:16 PM
صح لسانك أخوي الزاحف

والحقيقه أن هذه القصيده كثير مانسمعها في المجالس

ولكن لا نعلم من هو قائلها أو بدايتها ونهايتها

وفعلاً أسأل عن الخال قبل الوالدين

لان هناك الكثير أصبح يبحث عن الجمال على حساب الاصل والكرم والشجاعة

فلابناء هم مستقبل الحياة والصضد الأيمن للوالد والوالده والاسرة جميعها

ألف مليون تحية وتقدير للأخ الزاحف على هذا الاختيار

تحياتي لك

الزعيييييم

الوافي3
27-11-04, 06:12 PM
الله يوفقك أخوي الزاحف

قصيدة قمة في الشموخ ، من هذا الشاعر الفذ

أحيانا القصيد ، يجبرك من أول بيت إلى أن تكمل القصيدة إلى نهايتها

جمال القصيد يجبر القارئ على الاستمتاع

سلمن يمينك لنقلها لنا

الغندوره
27-11-04, 09:24 PM
اخوي الزاحف ...دائما يعودنا بالجديد والمميز

أهنئ هذا المنتدى بوجوده وأمثاله

اخوي الوافي3 ...الشاعر راشد بن حسن بن الذيب العجمي

سكري
27-11-04, 10:14 PM
العزيز
الزاحف
وين الناس لك مدة وين انت
النادر مايجيب الا نادر
والله اني من اول الباحثين عن هذه القصيدة
ولك تحياتي اخوك

الزاحف
28-11-04, 04:22 PM
الزعيم

لك الفين مليون تحيه

وأشكرك الشكر الجزيل على مرورك الكريم

ولاهنت يالغالي

كاتم الونة
29-11-04, 12:53 AM
الزاحف

دائم مميز

وفعلا

اتحفتنا

بهذه الرائعه

وهي من القصايد

الخـــالـــــــــده

صح لسان الشاعر

وتسلم يمينك أخوي

.....محبك..............

بونواف
29-11-04, 11:44 AM
ياساااااااااااتر

من وين طلعت يالزااااااحف مبطين عنك (qq98)

وفعلا غيبتك صارت تسوى ...

وجبت هالراائعه (qq72)



سلم الله قلبك ولاعاد تقاطع عاد ترنى مانتحمل غيابك (q47)

الزاحف
29-11-04, 11:29 PM
الوافي



دائماً





كما





انت

وافي


لاهنت أخي الكريم على مرورك العذب

ثنوى
29-11-04, 11:34 PM
قصيده رائعه عن سلوم الرجال

وعلى قولتهم الخال تحت الوساده

يعني مايبعد تحاكيه في اغلب افعالك

الزاحف
30-11-04, 01:22 PM
الغندوره

أشكر لكي تواجدك

وأطرائك

واكرر الشكر