يابوش

[جندي الوطن]

بسم الله الرحمن الرحيم
السلام عليكم ورحمة الله وبركاته

قصيده حول ماساة غزه اعجبتني ونقلتها







http://www.hyil.com/vb/images/frames/9_cur.gifhttp://www.hyil.com/vb/images/frames/9_cul.gifيابـوش خـذ بندقك..وافـزع لـغـزة=بالثـوب والبسـام لاتحـط طـربـوش
اركـب علـى جمـسٍ يهيـض مفـزة=لاحاشتـه صدمـه ولاهـو بمغشـوش
في (تـل أبيب)الجمـس يابـوش لـزه=مافيـه بعـد الله غيـر أنـت يابـوش
أولمـرت تلـه فـي جبينـه وحِــزه=يالدفـش لاتاخـذْك رحمـة بـدفّّـوش
حنا معك..يابـوش فـي كـل حَـزه!!=وإن جيتنا في دربك الـورد مفـروش!
فعلك..تبيـن فـي العـروبـه مـحـزه=أكبر رئيس بمنصبـه منـك مخـروش
أطلـق شنـب فيـنـا بعينك..تـخـزه=ماكنـه الا فـرد وعيونـك جـيـوش
يحـق لـك تفـعـل وكـفـك تـهـزه=وتلمنـا مثـل الغنـم داخـل الحـوش!
وقـتٍ يعـدوا بـه رجــال المـعـزه=وأكثـر سلاطينـه هراميـل وختـوش
السيـف شلتـه فــي يمينك..بـعـزه=تذبح وتسلخ سلخ..والعرض مخـدوش
مايمنـا يـابـوش نـخـوة وعــزه=حنا(دعـاة السلم)!!مانعـرف الهـوش!
خـذ ماتبـي يابـوش شخصـك نعـزه=يامذبـح الخرفان..ياراعـي الغـوش!!
برميـل نفـط يقابلـه ..كيـس مـزه=..والا بلاااااش...الرز يظهر لنا كروش!
المالبـور الأصـلـي الـلـي تـمـزه=خفف شوي آخـاف يذبحـك يالبـوش.
ماهـو بحـبٍ فـيـك حــبٍ بـغـزه=خايف تروح وتصبح بيوتها نعوش!!!!
يابـوش خـذ علمـي لربـعـك ودزه=إن العروبـه عندنـا قبـر منـبـوش
والله مافـي القبـر فـزعـه وفــزه=ألا...علـى انفسنـا صناديد،،ونهـوش
فينـا الشجـاع الفـذ رمحـه يـكـزه=في ظهر ابن عمه...ولاينوشكم نـوش
عنـدي طلـب واحـد بحكـم المعـزه=مادام صـرت أمـون وتمون..يابـوش
لبنـان فـي حاجـة رئيـسٍ تــرزه=عجل ترى وضعه كما العهـن منفـوش
يـااااااااذل مـن يابـوش تبغـا تعـزه=أقولها..والدم فـي جسمـي يغـووش!
خـذ راحتك..يابـوش واقتـل بـغـزه=والله ماعندك..عـرب كلنـا طـروش!!


http://www.hyil.com/vb/images/frames/9_cdr.gifhttp://www.hyil.com/vb/images/frames/9_cdl.gif____________________



أسأل الله جل..وعلا ..أن ينصرنا على من عادانا..
ويرحم شهداءنا ويجعل..لنا فرجا عاجلا ليس آجلا..

وأن يحيي..قلوبنا الميته..ويبعث فينا روح التوحد..والجهاد.
هو ولي ذلك..والقادر عليه..





منقوله