^^^وحده بوحده ^^^ رائعة لفهد المساعد

[! الظامية !]

ما أجمل ذكريات الطفولة وما أروعها .. خاصة عندما يكتبها شاعر رقيق


وعذب مثل " فهد المساعد " ليرسم " شقاوة الوقت .. وشيطنة السنين على جدار



الذاكرة .....




قصيدة تتسم الشفافية .. والروح الخفيفة .. كملت جريئة ..... وجميلة للغاية ..



لا أطيل عليكم لأدعكم مع هذا الشاعر المبدع وقصيدته الشفافة .....












يا غايبة وأن كان فيها جماله
تجملي يا أم الحلا والظفاير


بالله شوفي صاحبك كيف حاله
شوفيه في غيبتك وشلون صاير


صارت حياته ضيق خلق وبطاله
هم وسهر وأوراق شعر و( زقاير )


يعني حبيبك صار حالته حاله
ما باقي إلا أنه يدن العباير


الله لا منه ذكر ما مضا له
قبل الدواير ما تجر الدواير


يوم الطفولة والشقا والجهاله
يوم الكباير في عيونه صغاير


أيام كان معانده راس ماله
ويسوق لهبال الشقاوة بشاير


ياما امتلى بالحب والطيش باله
وياما امتلت من شخبطته العواير


يكتب عليها : ( عاااااااشقك للثماله
ويخط توقيعه : ( جريح الضماير )


ياما اشتكاه أبوك في بيت خاله
وياما تحصل من هواك العزاير


مره حلف بــ أنه يبطل هباله
وقبل يكمل .. فك أخوه الستاير


ثم طالع الشباك .. لينك قباله
وفــ أقل من لمح البصر جاك طاير


على ضغر سنه مميل عقاله
كاشخ وناسي لا يصك الزراير


لا شافك يتمتم لحاله بحاله :
لعيون هالشوفه تهون الخساير


ولا شاف زول أبوك حذف نعاله
الحب جاير.. لكن العود جاير


طفل يتيم ورغم الأحزان داله
ما يدري أن حظه مع الوقت باير


كنتي طموحه كنتي أغلى حلاله
كنتي وصرتي .. بس يا أم الظفاير


طفل زرع من ضحكتك في خياله
لين أثمرت شعر هزاله حراير


لا تتركينه في غيابك لحاله
بالله شوفي كيف هالطفل صاير


ووحده بوحده كان عندك عداله
أتبطلي غيبه وأبطل ( زقاير )




منقووول

[محمد الخريف]

الكايده

صح السانك والسان الشاعر

قصيده فعلا الطفوله لها مذاقها وذكرياتها الخاصه

دمتي بكل الود

[**مني خذوك**]

آآآآآآآه من فهد المساعد..

صح لسانك ولسان فهد المساعد..

ولاعدمنا يمناك يالغلا..

والله يعطيك الف عافيه..

دمتي بود..

اختك

[! الظامية !]

استاذي محمد الخريف
تشرفت القصيدة بمرورك الفواح بريح العود والعنبر

[! الظامية !]

الغلا مني خذوك
اسعدني مرورك العذب