ليش كثير من الازواج يبي زوجه للمتعه فقط

[رسالة sms]

بسم الله الرحمن الرحيم
*

*

*

*

*








ليش الزوج يبي زوجه من دون مسؤليه يعني زوجه يتمتع فيها واذا بغت تروح السوق وهو طبعاً لازم يكون معاها يقوم الدنيا ولا يقعدها
وخصوصاً بهالوقت من بداية الاجازه تبدا المناسبات وتكثر الطلبات والزوجه مسكينه ما تبي تكون اقل من غيرهابس الزوج من تطري السوق نط فيها وبدا بالهواش والمشاكل
بس تعالو شوفوه اذا بغى متعته يصير وش حليه حبوب ورقيق (a21) ماتصدق انه هاذا زوجها(q77)
يمعشر الرجال انتبهو لحريمكم وخليكم متوازنين تعيشون خياة خاليه من المشاكل

مع تحياتي

[شامخه بحجابي]

بختصار ياعزيزتي

قال تعالى ( هن لباس لكم وأنتم لباس لهن )

تم تعديل كتابة الآية
حسن خليل

[شموخ بدوية]

يالله ..الله يكون في عونك ياعمري حياتك صعبة كذا ...عورت قلبي ....(a26)

[حسن خليل]

التوازن شيء مهم في الحياة الزوجية. والذهاب إلى السوق لشراء الحاجيات إذا كان باعتدال على الزوج أن يلبي طلب الزوجة.

شاكر ومقدر لكِ طرح الموضوع.

[drweesh]

لي 17 سنه متزوج واذا زوجتي طلبت السوق أقول أسف
هذي دراهم وشوفي أبوك يوديك للسوق
بداية زواجي وديتها للسوق علشان تشتري فستان للعيد
ما أعجبها السوق ورحت بها للثاني والثالث ولا شي أعجبها
ليله كامله متنقل بين الأسواق من المغرب لين الساعه 12
واخر شي قلت ما بدهاش يابو خالد اسحب السيفون على
السوق ولاعاد توديها والحمدلله 17 سنه ومفتك من السوق
( معي حق ) أكيد

[سنى البدر]

احس العنوان فيه ظلم للرجال

قولي بعض الرجال مو أكثر الرجال

واللي يسوي كذا أنسان أناني يبغى متعته وبس

[الشيعوف]

وش نسوي فيكم يالحريم الوحد اذا دخلت السوق ولفته لف قالت والله ماعجبني شي ودني للسوق الفلاني. وكثيييييييييير تصير بين الحريم تلف الرياض سوق سوق. الزوج في هذي الحاله يمل اذا الشي هذا تكرر من حرمته يقعد يصرف ويهاوش اذا جابت طاري السوق . ولا مدري وشلون تفكرون اذا راحت بفستان معين للعرس وجاء عرسن ثاني راحت تشري فستان جديد وش يقولون لازم اشري فستان جديد وش عشانه عشان فلانه شافته علي وعلانه عرفت فستاني. انا ماعمم على الكل لكن معظم الحريم واللي اشوفه موجوووووووود بكثره. حتى الزوج لازم يكون عادل بكل شي يوفر طلبات حريمته بقدر استطاعته مايخذ اللي يبي ويشبع رغباته وبعدين اذا بغت الزوجه شي من السوق قوم الدنياء ولاقعدها لكن كل شي وله حدود . اهم شي يكونون متفهمين عشان تكون العلاقه بينهم سمن على عسل. كلن فيه حقه لكن اللي اشوفه من بعض الحريم اي عزيمه واي عرس تنقز للسوق تاخذ فستان لها او لبس جديد... الله يسخر كل رجل لزوجته ويجعل السعاده بينهم متلازمه يارب... مشكوره وماقصرتي على موضوعك ... احترماتي ................ نديم بن ترحال

[كابرس]

انتي تقولين الرجال وهذا مو صحيح اختى الفاضله قولي بعض الرجال
اما الذهاب للسوق والصالون الخاصه بالتجميل شى مشروع وحق اساسي من حقوق المراءه وواجب ملزم للرجل وعليه القيام به ولكن بعتدال وبقدر المطلوب فقط وعند الحاجه واعتقد ان معظم الرجال لايمكن ان يقصرو
اويتخذلو لنه واجب عليهم ودمتى برعايه الله

[رسالة sms]

بختصار ياعزيزتي

قال تعالى ( هن لباس لكم وأنتم لباس لهن )

تم تعديل كتابة الآية
حسن خليل

الف شكر لك شامخه على المرور تقبلي تحياتي

[مقراط]

رساله الفاضله

السلام عليكم ورحمة الله وبركاته

الله يسلمك الزوج معه حق والسوق ماهو اكل جح

والسوق مافيه خير

والمراءه السنعه تاخد اللي تبيه من نزله واحده للسوق

ياربي يوفقك

[@ملكة الورود@]

صدقتي بعضهم يازينه وقت طلب حاجته الشرعيه.

وبعدها تقولي احد غيره(q84)(qq15)

الا وش سالفة الزوج يطفش هذي بعد شغلته يودي اهله السوق واي مكان بدل السواويق

والتكاسي هذا بعد شعرة وجه ولا مايعرف انها حرمتها الا وقت حاجته(a28)

عجبي(qq170)

[Becker]

قللي من ذهابك للأسواق
1) أخرجوا في أيام غير الذروة (زي نهاية الأسبوع)
2) أخرجي في أوقات الصباح (بعد الساعة تسعة)
3) حوالي تخرجين أذا كان عند زوجك إجازة.

[رسالة sms]

يالله ..الله يكون في عونك ياعمري حياتك صعبة كذا ...عورت قلبي ....(a26)


مشكوره ياقلبي على تضامنك معي بس لا تعورين قلبك تراى شي عادي زوج واحد وشوية مشاكل احسن من نص زوج على كل حال (qq168)(q33)

[رسالة sms]

التوازن شيء مهم في الحياة الزوجية. والذهاب إلى السوق لشراء الحاجيات إذا كان باعتدال على الزوج أن يلبي طلب الزوجة.

شاكر ومقدر لكِ طرح الموضوع.

شاكره مرورك الكريم اخوي حسن

[شموخ بدوية]

مشكوره ياقلبي على تضامنك معي بس لا تعورين قلبك تراى شي عادي زوج واحد وشوية مشاكل احسن من نص زوج على كل حال (qq168)(q33)

اي شوئ مشاكل ؟؟؟؟؟تعرفين موضوعك يذكرني بزواج المتعة عند الشيعة ..يالله هذه مكانة المراة عند زوجك يمحق ..الله يعينك (q84)

[رسالة sms]

لي 17 سنه متزوج واذا زوجتي طلبت السوق أقول أسف
هذي دراهم وشوفي أبوك يوديك للسوق
بداية زواجي وديتها للسوق علشان تشتري فستان للعيد
ما أعجبها السوق ورحت بها للثاني والثالث ولا شي أعجبها
ليله كامله متنقل بين الأسواق من المغرب لين الساعه 12
واخر شي قلت ما بدهاش يابو خالد اسحب السيفون على
السوق ولاعاد توديها والحمدلله 17 سنه ومفتك من السوق
( معي حق ) أكيد


وشهد شاهداً من اهلها يعني تعترف انك ما توديها (qq89)
وحتى لو دارت السوق وما لقت شي يعجبها يمكن السوق فعلاً مافيه شي حلو المفروض توديهاا سوق ثاني يمكن تلقى شي يعجبها ولا تبي زوجه ببلاش
هاذي مشكلتكم يالرجال يوديها ابوها ولا اخوها وانتم وش فايدتكم اجل هم ما زوجو بناتهم علشان انت تستمتع وهم يتعبون وراها
وطبعاً ما معك اي حق

[رسالة sms]

احس العنوان فيه ظلم للرجال

قولي بعض الرجال مو أكثر الرجال

واللي يسوي كذا أنسان أناني يبغى متعته وبس








هلا سنو

ويمكن يكون اكثرهم مو بعضهم حسب الي اشوف من الحريم اذا جتمعو كل وحده تشكي من زوجها اذا طلبت السوق وقليل الي اشوفها تقول انه يبسم ويستانس اذا طلبت السوق لانه يدري وراه سحب فلوس وتعب ونسي ان الزوجه لها حق مثل ما عليها حق

[كابرس]

هلا سنو

ويمكن يكون اكثرهم مو بعضهم حسب الي اشوف من الحريم اذا جتمعو كل وحده تشكي من زوجها اذا طلبت السوق وقليل الي اشوفها تقول انه يبسم ويستانس اذا طلبت السوق لانه يدري وراه سحب فلوس وتعب ونسي ان الزوجه لها حق مثل ما عليها حق
ياخفون من العين ولا ثلاث اربع الحريم مسحبات الرجال بالاسوق من اول يوم ايجازه الا نهايه العطله ههههههههههههههههههه