سؤال مهم يبي له اجابه

[الساربه]

صباح الخير انشاء الله تكونوا بخير جميعاً
سؤالي للرجال المتزوجين واتمنى الاجابه عليه وطبعا ماستغني عن تعليق البنات
هل تضعون ارقام سريه عالجوال وجهازك الحاسب عشان زوجتك ماتشوف المستخبى فيه؟؟ ولماذا ؟!
ووجهة نظري اكتبها بعد ردودكم .(q31)

[صعفق الرابع عشر]

لالالالا ماعمري سويت رقم سري على جوالي او كمبيوتري
تدخل تمقل عيونها بالي فيه لان ماعندي شيء اخبيه

[الساربه]

اشكرك ياصعفق( الله يثبتك ) على المرور
وكثر الله من امثالك

[shmooo_332]

زوجي مو حاط لا على الكمبيوتر ولا الجوال


بس إذا زعل مني حط للكمبيوتر رقم سري بس أنا افتحه بطريقتي00

[متغربل]

بسم الله الرحمن الرحيم
اختي الكريمة تعالي اعطيك اللي يريحك
قال تعالى (ولا تجسسوا)
انا وانتي مسلمين والحمد لله ومؤمنين ان الله لم يشرع لنا الا اللي يصلح حالنا ومافيه احد اكتشف شي بجوال شريكه وطلع بعد هالحادثه مبسوط ابدا
بالنسبة لي مع زوجتي الله يحفظها فما بيننا اي ارقام سريه لكنها تستأذني قبل تفتح جوالي واستأذنها واعرف ويبان عندي انها ماسحه بعض الرسايل ويبان عندها انها ماسحه كثير من الرسايل لكن حنا متفقين ان لكل شخص له بعض الامور اللي مايبي يطلع عليها احد كالامور الخاصه باحد الجنسين خصوصا امور النساء وايضا بعض مشاكل الاصدقاء وطلب الاستشاره

اختي لك قصه انا ماسمعتها من احد الا عشتها وشفتها
زوجة احد اصدقائي لقت بجواله رساله مصدرها انثى اعتقد انها معليش ياعمري تعبانه ونمت
قامت الدنيا ولا جلست وصارت مشاكل
لما بانت القصه اتضح ان صديقي هذا له صديق استخدمت زوجته جواله بغرض ارسال رساله لاخوها وتعرفين بعض البنات عادي تقول عمري لاخوها المهم وبسبب ان الجوال نوكيا رهيب القديم ففيه ميزة حفظ رقم افتراضي للارسال اللي بسبب استعجالها ارسلتها لصديقي اللي بغى ينخرب بيته وكل هذا بسبب تقليب جوال ماله سنع

هذا اللي عندي قلته والله يزين حياتك اختي بكل خير

[الساربه]

مشكور عالمرور عزيزي متغربل
مودائما ان اللي تشوف جوال زوجها بتخسر في الاخير وتندم انها فتحته انا اتكلم عن فئه من الازواج راعين خش ودس يعني مو صريحين مع زوجاتهم وهاذولي ينخاف من غدرهم أنا طرحت هالسؤال عمداً عشان كل وحده تنتبه لزوجها وماتكون قطه مغمضه وتجيب عيال وتتوهق فيهم وزوجهايخونها من وراها وانا اقول هالكلام مواني شكاكه بس انا قريت وسمعت قصص واقعيه
واقربهم بنت عمي زوجها حاط قفل على اللاب توب وجواله وكانت تحاول تفتحه وماقدرت وجابت منه ولد وبعد اربع سنوات تطلقت موبسبب القفل لسبب ثاني كبير ولا لانها شاكه في اخلاقياته بالعكس واثقه ثقه عمياء فيه حتى انها احترمت رغبته في تقفيله للجوال المهم راحت لاهلها وجلست عندهم سنه اخوانهاماسكتوا صاروا من وراه يبحثون عن مصداقيته في انه مريض لانه يقول اني مسحور فاكتشفوا اتصالاته ووصلت لاخوها فواتيره فاكتشفوا انه يخون زوجته مع سوريه لانه سافر مره لسوريا وتعرف عليها واستمرت علاقتهم وخرب بيته بسبة صلبيه وزوجته بنت حسب ونسب وتخيلوا انها هي واهلها اصروا على الطلاق وهو رافض وضغطوا عليه لين طلقها وماقالوا له انهم كاشفينه انه يخونهافخلوه على كذبته وكانت صدمه للبنت لما درت عن سوالفه رغم انها كانت تموت فيه تحول حبهاكله لكره .

[البرحيه]

والله الحين تسهلة جميع الامور للزوج انه يترك زوجته مع امراءه اخرى ومالك الا الدعاء

جوال غير جواله الاصلي بطاقة مسبوقة الدفع......
زواج مسيار قريب من زواج المتعه........
بالخارج حدث ولا حرج يعني اذا زوجك يخاف ربه هذا المانع مو الحيه ولاحرصك ولاكن الدعاء
الدعاء فستودعيه الله ان يحفظه لك كلما خرج من البيت وعند الصباح والمساء