أبرحل من عنواينك وأبترك وردتين وآه !!!!!!!

[مجرد روح]

أبرحل من عنواينكوأبترك وردتين وآه !!!!!!!



--------------------------------------------------------------------------------




على مـبـدأ الـفــراق الـمــر .. يـا خـلـّي فـمـان الله وعلى مـبـدأ فـمـــان الله .. يا خـلـّــي تـذكــرنـــي ..!





وعلى مـبـدأ تـذكــرنـي .. تـذكـرحـبنـا وش جـاه ـتــذكـّـر قــد مـا تـذكــْر .. ولـكـن لا تـفـكـّـرنـي ..!





تـصـورنـي مثـل لـيـل ٍ بـهـيـم ٍ .. حـالـك ٍ مـســراهـ إلى ضاعـت بي دروب المسا .. والـدرب حـيرنــي ..!





وقفت .. من العـنا تايـه .. على حـدّهـ ويا مقســـاهـ يـسـنـدّنـي على هــم .. وعلى غــم ٍيـحــدرنـي ..!





وتـصـورني مثل طفـل ٍ .. يتيـم ٍ .. مـد لـك يـمـنـاهـ تنهت .. وانكسر صـدرهـ يقـول : الوقت قاهرني.. ..!





تـثاقل دمـعـتـينـه فـي عـيونـه .. والزمـان أبكـاهـ وأنا لولا " دموعه / وانكسارهـ " ويش يسهرني ..!





أبرحل .. من عنواينك ..وأبترك " وردتين وآآآهـ "
بقايا عشقنا المجروح ..وأن قصرت .. فـ اعذرنـي ..!






وإلى مني رحلت .. ورحت .. لا تسأل عن اللي تاهـ أبي تسأل عمّن تركني .. وقــفـّـى وبعثـرنـــي..!



وسلامتكم ...

[صادق النظرة]

الأخت مجرد روح اولا اهلا بك في قصيمي نت وفي خيمة التراث والشعر الشعبي تركتي وردتين

جميلتين وآآآه قاسية على كل من يسمعها جميل هذا النقل وتسلم اناملك على هذا اشكرك من

الاعماق وونتظر جديدك .

[محمد الخريف]

مجرد روح

صح السانك قصيده اكثر من رائعه
نحن هنا نعتز بوجود الشعراء بيننا

نفخر بكم ونشتاق للمزيد من ابداعاتكم

تحياتي لك

[azizmm]

مشاركه رائعه لكن ما كان ودي تكون بها القصيده

تحيتي يعطيك العافيه

[مجرد روح]

اخوي صادق النظرة اشكرك على الترحيب الجميل والله محيي اصلك وجودك شرف لي

اخوي محمد اشكرك على التشيع وهذا دافع لي للكتابه

azizmm الله يعافيك بس هذي حال الدنيا اذا بتضحكك بيوم بتبكيك عشره

[سنى البدر]

على مبـدا الفـراق المـر.. ياخلـي فمـان الله
وعلـى مبـدا فمـان الله.. ياخلـي تذكـرنـي

وعلى مبدا تذكرنـي.. تذكـر حبنـا وش جـاه
تذكّـر قـد مـا تذكْـر.. ولكـن لا تفكـرنـي

ابسافر من أعماقك.. على جفن السهـر لرخـاه
(وابنثر دمعة عيون السهـر )..لكـن تصورنـي

تصورني مثل ليل المفارق.. كيف هـو مسـراه
الى ضاعت بي دروب المسا.. والهـم بعثرنـي

وقفت.. من العنا تايه.. علـى حـده ويامقسـاه
يسندّنـي علـى هـم.. وعلـى غـمٍ يحدرنـي

وتصورني مثل طفلٍ.. يتيـمٍ.. مـد لـك يمنـاه
تنهت.. وانكسر صدره يقول: الوقـت قاهرنـي

تثاقل دمعتينه فـي عيونـه.. والزمـان ابكـاه
وأنا لولا (..دموعه.. وأنكساره..) ويش يسهرني

نعت كل الصخور.. وقلبك القاسي.. عجز ينعـاه
تعاليت وتكابـرت وعلـى الصدمـات تغمرنـي

أبرحل.. من عنواينك.. وأبترك..( وردتين وآآآه)
بقايا عشقنا المجروح.. وان قصـرت.. فعذرنـي

والى مني رحلت ..ورحت.. لا تسئل عن اللي تاه
ابي تسئل.. عن اللي سابني.. وقفـى وبعثرنـي

والى منه.. طرى اسمي على بالك.. ابي تنسـاه
لان اسمك.. على بالي.. ترى ما عاد يحضرنـي

مدام انك تثاقلت الصور.. من ذاااااك ..حتـى ذاه
اجل.. ماني بحاجة شخص.. عمره ما تصورنـي

واذا ودك تحقـر القلب..(فيمـا أٌنذكـر اعـلاه)
حشى لانته.. ولا غيرك.. تـرى والله يحقرنـي

ابي تعرف..(بأني حالـةُ فـي الحـب مستثنـاه)
أدوس القلب.. واعروقه.. ولا مثلـك يسيرنـي

علي نذر ...ويمين.. اني لعلمـك الجفـا وارداه
واعلمك التحدي ..في غرامي.. وكيف تخسرنـي

وبعلمك الشموخ.. اللي رفع راسـي ولا وطـاه
واعلمـك انحنـاء الـذات.. للـي مـا يعبرنـي

والى اشتد الغرام.. وهزنـي.. يالعنبـو مجنـاه
ابكّـسـر مجاديـفـه.. ولا والله يكـسـرنـي

انا ماني حبيـبٍ ..لا خذلتـه بالهـوى.. تجفـاه
انـا لـي خافـقٍ.. يالعنبـو حييـك مكبـرنـي


القصيدة منقولة وهي للشاعر محمد بن ساقان

[مجرد روح]

اخوي سنى البدر القصيده منقوله اكيد وانا مدعيت انها لي اشكرك اخوي على مرورك

[سنى البدر]

اخوي سنى البدر القصيده منقوله اكيد وانا مدعيت انها لي اشكرك اخوي على مرورك

أنا ما قلت أنك مدعي أنها لك

بس حبيت اوثقك القصيدة بشاعرها

وهذا القسم مخصص لقصائد الشعراء وليس للمنقول

فيه قسم آخر للمنقول

تقبل مرور