. . . ( حبيبتي وموبايلها .. والفلبينيه الـ ؟؟؟ ) . . . !!

[منصور المعمري]

مساءكم سكر :


.

.


.





البارحـة كنـت أتصـفـح رسايـلـك


هذي وله .. هذي طلب .. هذي إعجاب


وهـذي رسالـه مـن رسايـل تدللـك


فيها شويـة شـوق .. وشويـة عتـاب


وهذي صورك بس القلاده ماهيـب إلـك


الصـدر هـذا مايبـي فوقـه حـجـاب


أطهر من المرجان .. وأصعب من الملك


وأعنف من التدمير من بعـد الإرهـاب


شمس الشموس اللي تغطي علـى الفلـك


لومرها ( كوكـب زحـل ) فوقهـا ذاب


والربطـة اللـي غارقـه فـي جدايلـك


تضم ( شـلال الذهـب ) قبـل ينسـاب


ورسايلـك تظهـر طريـقـة تعامـلـك


مثـال رائـع للوصـل بيـن الأحبـاب


أقـرا الرسالـه فـي ولـه وأتخيـلـك


يامن زهتك أغلى الوصايـف والألقـاب


وإنتي تقولـي : ( لازم إنـي أقابلـك )


جنب العيـاده وإنتبـه حولـك أجنـاب


وأقبلت أغنـي للفـرح قبـل ماأوصلـك


ودوّرت لـك بيـن الزوايـا والأسيـاب


أقول هـذي .. لا .. ولاذي .. ولاتلـك


إنتي وصوفـك غيـر تلعـات الأرقـاب


وجيت العيـاده قلـت يمكـن أحصلـك


وإنشلت يدينـي قبـل ماأطـرق البـاب


وردت ( فلبينـيـه ) بفمّـهـا عـلـك


عنها الوصوف الرائعـة تأخـذ غيـاب


ويوم فتحت بـاب العيـادة وأنـا هلـك


متوتر .. وتايه .. ومشـدود الأعصـاب


لقيـت مـن ذابـت ضلوعـه بأناملـك


سماعـة الكشـف .. وملفيـن وكتـاب


و( مريولـك الأبيـض) كأنـه يغازلـك


عليه من ريحة جسدك أزكـى الأطيـاب


ولالقيتـك قلـت بـه شــي شاغـلـك


غيابـك أنتـي مايجـي غيـر بأسبـاب


ودقيت لـك .. لكـن مقفـل (موبايلـك)


ومقفلـه مـن بيننـا كــل الأبــواب


غيابك أصعب .. بس الأصعب تجاهلـك


لاطابت جروحي .. ولاخاطـري طـاب


وعقب دريـت إنـه محـال ٍ تواصلـك


وإن الوصل مثل ( الوطن ) عند الأغراب


رجعـت ياكـل الغـرام .. لرسايـلـك


ألقى بها الذكرى عقب ماالوصـل غـاب

[ولـــــه]

الله الله الله الله الله الله ..

رائعــه بكل ماتعنيـه الكلمــه .. من معنــى ..

صح الله لسانك وصح كلك ..

ابدعت بكل حرف .. نظمتــهـ ..

دمت بخيــر ..

:)

[ســـــووولآفـــــ]

جميل ماقراءة هنا
لكن
أطهر من المرجان .. وأصعب من الملك
لا اعتقد ان الطهاره اشتهرة وعرفت عن المرجان
صح السانك وتقبل مروري
ســولآفـــــ

[كبرياء سعوديه]

البارحـة كنـت أتصـفـح رسايـلـك



هذي وله .. هذي طلب .. هذي إعجاب



وهـذي رسالـه مـن رسايـل تدللـك



فيها شويـة شـوق .. وشويـة عتـاب
يسلمـ بوحك وصح كلك
مشاعر
احساس
نبض
كلهاا مجتمعه بسمو شخصك
سلم لنـاا قلمك الفذ
تقديري
كبرياء سعوديه

[فـواااز]

قصيده جميله فيها من الشوق والمعاناه والوله مايحرق ما بين جبنيك من سبب هذا الصدود

اعانك الله على مراجعة تلك العياده حتى تجد ما يشفي جراحك

عزيزي استمتعت بقراءة ما كتبت

لك وافر التحايا

[منصور المعمري]

مساءك سكر :


الأخت : وله


شكرا لطيب مرورك .. تقبلي وافر تحياتي

[منصور المعمري]

جميل ماقراءة هنا
لكن
أطهر من المرجان .. وأصعب من الملك
لا اعتقد ان الطهاره اشتهرة وعرفت عن المرجان
صح السانك وتقبل مروري
ســولآفـــــ



مساءك سكر :


أختي سولاف :

شكرا لطيب مرورك .. المرجان يستخرج من أعماق البحور أليس هذا كافيا ليكون طاهرا ً ..

[منصور المعمري]

مساءك سكر :

الأخت كبرياء سعودية :



شكرا لطيب مرورك ... تقبلي ارق تحياتي

[منصور المعمري]

مساءك سكر :

أخي مشاكس :

أهلا بك .. تشرفت بمرورك الجميل ..

[الـــ غيداء]

لي ملاحظات ولن اذكرها فـ أنت شاعر وقد تعرف ما أرمي إليه
وهذا لا يلغي جمال القصيده فقد كانت جميلة

صح لسانك واعانك الله على تلك المتكبرة