لو كان الرجل مناسب هل تدفعين له ليتزوجك ؟؟؟ استفتاء

[دموع المهاجر]

لو كان الرجل مناسب هل تدفعين له ليتزوجك ؟؟؟ استفتاء


لسلام عليكم ورحممة الله وبركاته.............. وكل عام وانتم بخير ...........


عندي سؤال بسأله وابي الجميع يجاوب عليه ممكن وهو مجرد استفتاء


افتراض انه رجل بمعنى الكلمة طيب خلوق دين والكل يشهد بذلك اخلاقه عاليه محافظ على دينه وصلواته مواظب على عمله


ولكن ظروفه المادية لا تسمح له بالزواج هل تدفعين له لكي يتزوجك وتساعديه ؟؟



قلت مجرد افتراض وابغى الكل يجاوب

[مقراط]

الفاضله

السلام عليكم ورحمة الله وبركاته

الله يسلمك لا ماعندنا نسوان تدفع الرجل بداله الف رجل صالح

الاخت الفاضله ماعندنا نسوان يتكلمن بهدا شيء
يارجل صالح قادر يدفع ولاماعندنا زواج

ياربي يوفقك

[مجرم جامعي]

والله وانا اخوك افضل الخلق صلى الله عليه وسلم تزوج خديجة وكانت نعم الزوجه المعينه له بمالها ونفسها رضوان الله عليها ومداخلتي ردن على مداخلة اخي الفاضل مقراط اللي ماادري شلون يكتب احيانا ومايرجع لحياة الرسول صلى الله عليه وسلم اللي هي نبراسن لكل مسلمن موحد رضي بالله ربا وبالاسلام دينا وبمحمدن صلى الله عليه وسلم رسولن ونبيا وسلامتن تسلمني لحالي وبس ماعلي من احد

[amal benani]

والله سؤال صعب لانو ممكن وانا بعيدة عن الامر اقول اه ادفعلو لكن لما اتحط في الموقف اكيد حفكرمليون مرة قبل ما اقدم على الخطوة ولي عودة بالموضوع ومشكور اخي

[شموخ بدوية]

والله مادري صراحة سؤال صعب .......تعرف وش الخوف انه بكرة يقعد يعايرها يقول انت اللي تزوجيتني مو أنا ...من جد موقف صعب

[أح‘ـَآسيّـــسْ]

مليون بالميه لا

يعطيك الف عافيه عالموضوع

[لميا]

ادفع له في عينه (vv)
لا عاد ماتوصل لهدرجه
اتنازل عن بعض طلباتي مو مشكله
اما انو انا ادفع له المهر
عيبه في حقه اصلا
شحط بطول وعرض على الفاضي (qq50)
الله لا يهينه يشتغل الين ما يجمع المهر همن يعرس
مانيب مستعجله ...(wtg)
قال ايش ادفع هذا اللي ناقص (qq115)

[جـمر]

كان الواجب ان يكون السؤال
هل تبحثين عن رجل اعجبك ؟
اما تدفعين له المهر بصراحه سؤال ساذج
الزواج ليس بسوق نخاسة كما تتصورنه يا أعراب الصحراء

[غزلانا]

لا ابد

[الشيعوف]

الله يسلمك ياخوي على موضوعك لاكن ياخوك موشرط تدفع المراءه المهر لاكن ياخذها بدون مهر وبالعاميه ياخذها بخلاقينها دمت بود وتقبل مروري...................نديم الترحال

[أنوثتي..طاغية]

افتراض انه رجل بمعنى الكلمة طيب خلوق دين والكل يشهد بذلك اخلاقه عاليه محافظ على دينه وصلواته مواظب على عمله

اللي فيه هذي المواصفات.....اكيد ماراح يكون انسان ذو حاجه اكيد رح تكون ظروفه الماديه كويسه لانو على قولتك مواظب في عمله واللي مواظب في عمله رح يكون دخلو جيد :whwhwh:

[الفراعنة]

[quote=لميا;3365573]ادفع له في عينه (vv)




لا عاد ماتوصل لهدرجه

[الفراعنة]

قال ايش ادفع هذا اللي ناقص (qq115)

فعلا يشتغل الين مايجمع المهر واذا جمع المهر يجي ذيك الساعه يخطب بنت الناس

[الفراعنة]

ادفع له في عينه (vv)


لا عاد ماتوصل لهدرجه
اتنازل عن بعض طلباتي مو مشكله
اما انو انا ادفع له المهر
عيبه في حقه اصلا
شحط بطول وعرض على الفاضي (qq50)
الله لا يهينه يشتغل الين ما يجمع المهر همن يعرس
مانيب مستعجله ...(wtg)

قال ايش ادفع هذا اللي ناقص (qq115)

فعلا يشتغل الين مايجمع المهر واذا جممع المهر يجي ذيك الساعه يخطب بنت الناس والى عمره صار فوق الاربعين ثم يقولون له انت كبير وش سبب عدم زواجك متاخر ثم يحتار واخر الحلول يروح يطلع فيزة زوجة من الخارج ثم يروح يبحث عن زوجة ثم يلعبون عليه الاجانب
ثم يجي بخفي حنين ثم يكون مدمن سفر كل ماجمع قرشين راح والعذر بروح الدوري على حريمة اعيش معها باقي عمر وهكذا حتي ؟؟؟؟؟؟؟؟ وانتن يابناتنا عواس في البيوت
كل رجل يجي فيك وفيك واذا تزوجها طلقها وش السبب اخلاقه شين يسهر كثر مايجي الا عند صلاة الفحجر ولا يصلى وهكذا ويكون عندنا عوانس وشيبان من غير زوج والفتحة تكبر يوم بعد يوم وحنا جالين نبحث عن الكنز المفقود
طيب جاكم او عرفتم من فيهم الدين والحلق زوجهم بلاش تشرط البنت والشاب يصلحون بيناتهم حياتهم هم حرين فيها ليه التعقيد
اذا مايجي يوم يوقف والي الامر عن باب البيت حقهم ويبداء يحرج عن باب بيته بنات بنات للزواج بلاش بلاش بلاش
الله يستر علينا

[قصيمية والنعم]

لا
و1000
لا

[مجرم جامعي]

واضح اكثر الردود من النساء انه ماعندهن شي يمنحنه للخاطب الجديد على العموم في سنه الدجه هذه كلن يقول يالله نفسي لا رجالن ولا حرمه والوكاد خديجة رضوان الله عليها خطبت الرسول صلى الله عليه وسلم ودعمته الى اخر لحظة من عمرها بصحتها ومالها وكانت احب نساء الرسول صلى الله عليه وسلم الى نفسه حتى ان عائشه رضي الله عنها اصابتها الغيرة النسائية من كثر مايذكرها بالخير صلى الله عليه وسلم وهي القدوة للنساء ماهو هالطفرانات اللي كل وحدتن تقول كلامن حقيقتن يكره الزواج في شين اسمه العرس وسلامتن تسلمني لحالي وبس ماعلي من احد

[دموع المهاجر]

أشكر الجميع

وكل الردور نفس المعنى


وربي يوفقك الجميع

لازال السؤال مفتوح

[حلا الروح]

لا لا مو حلوه في حق المراه واحلا شي في المراه الحياء مهما يكون ما اتنازل
واروح اطلب منه الزواج
مشكورر

[... بنت الجنوب ...]

مو مشكله اخليه يدفع مهري هو وبالي يقدر عليه

ان شاء الله عشره ريال.!

طبعا هذا اذا كان يستاهل وجدا اوكيه.

[قصيمية والنعم]

واضح اكثر الردود من النساء انه ماعندهن شي يمنحنه للخاطب الجديد على العموم في سنه الدجه هذه كلن يقول يالله نفسي لا رجالن ولا حرمه والوكاد خديجة رضوان الله عليها خطبت الرسول صلى الله عليه وسلم ودعمته الى اخر لحظة من عمرها بصحتها ومالها وكانت احب نساء الرسول صلى الله عليه وسلم الى نفسه حتى ان عائشه رضي الله عنها اصابتها الغيرة النسائية من كثر مايذكرها بالخير صلى الله عليه وسلم وهي القدوة للنساء ماهو هالطفرانات اللي كل وحدتن تقول كلامن حقيقتن يكره الزواج في شين اسمه العرس وسلامتن تسلمني لحالي وبس ماعلي من احد

أخوي مجرم جامعي
ردك متزن ويدل على ثقافتك
بس ترا خديجة رضي الله عنها
خطبت الرسول اللهم صل وسلم عليه
من هوووووووووووو؟؟؟
الرسوووووول
الحمدلله والشكر لاهب ذالها ولاهوب قايل لها انتي اللي بغيتيني
لاصارووووو رجال هالوقت مثل حبيبنا المصطفى
ذيك الساعة ظمنت أخلاقه وقلت اي يافلان تعال أبيك وأدفع لك
بس أعرس علي !!!
(qq168)

[كابرس]

لا ابد
في =دولة الهند وبس

[سفير شمر]

السلام عليكم ورحمه الله وبركاته
اذا انا اتصف بهذى الاخلاق ورغبت الزواج الحمد لله فيه الكثير من اهل الخير
يحبون فعل الخير زملاء العمل جماعه المسجد جماعتى كلهم ما راح يقصرون معى
بل يبذلون مافى وسعهم من اجل مساعدتى ؟ على الزواج ؟ ولا ارضى بان الفتاه التى ارغب بالزواج منها
ان تعطينى مهراه من اجل ان ادفعه لها الايام ومشاكل الحياه الزوجيه يمكن انها فى لحظه تخرب البيت بس
كلمه من الزوجه انت لوو فيك خير ما انا اعطيتك المهررر عاد الشيطان حاضررر ويرقص او العكس
واللى ماتتعب عليه ماهوو حلووووو اذا ما اخذت اقساط لمده عشرررر سنوات وانت تسدد مهر الزوجه
الحياه الزوجيه مالها طعم
تقبلى مرورى المتواضع من هنا

[سفير شمر]

أخوي مجرم جامعي
ردك متزن ويدل على ثقافتك
بس ترا خديجة رضي الله عنها
خطبت الرسول اللهم صل وسلم عليه
من هوووووووووووو؟؟؟
الرسوووووول
الحمدلله والشكر لاهب ذالها ولاهوب قايل لها انتي اللي بغيتيني
لاصارووووو رجال هالوقت مثل حبيبنا المصطفى
ذيك الساعة ظمنت أخلاقه وقلت اي يافلان تعال أبيك وأدفع لك
بس أعرس علي !!!
(qq168)



والله انك صادقه هذاك سيد الخلق عليه الصلاه والسلام
يعجزون الرجال ان يصلوو الى جزء من اخلاقه الفاضله