ان كان طيبي عيب ومشكلتي اوفيت ...,,...

[... بنت الجنوب ...]

http://www.alhayrh.com/galry/albums/userpics/normal_2so2.jpg (javascript:;)


يالليل ماذكر فـي حياتـي تمنيـت
,,,,, مثل ابتسامه تنتشل قلـب منصـاب

مليت ورب البيـت يالليـل مليـت
,,,,, من الجروح اللى تجيني بلا اسبـاب

تدري يالليل اني على الجرح غنيت
,,,,,, غنيت دمعه والصدى ضم الاهـداب
تبي الحقيقه والصراحـه ترجيـت
,,,,,,,, فرحه ولكن الزمـن بالعطـا خـاب

يالليل قلي بدنيتـي ويـش سويـت
,,,,,, حتى الهموم بداخلي تفتـح ابـواب

إن كان طيبي عيب ومشكلتي اوفيت
,,,,,,, اموت صادق وارفض اعيش كـذاب
طبعي كذا عـن ميزتـي ماتخليـت
,,,,,, عندي مبادي دونها ترخص ارقـاب

بينـي وبينـك ياكثـر ماتعنـيـت
,,,,,,, اركض بغرفه مغلقـه مالهـا بـاب

غرفه وراها فرحتي دونهـا جيـت
,,,,,,, اركانها عتمـه ولا حولـي احبـاب

كاس الفراق المـر منـه تقهويـت
,,,,,,, انا اشهد إن الشوق يالليـل غـلاب

يالليل انا لاشفـت ماعفـت قفيـت
,,,,,,, اقفي ولو خلفي كثيرين الاصحـاب

الا جروحي كـل مارحـت وقفيـت
,,,,,,,, جتني تحمل صدتـي لـوم وعتـاب

ماذكر ولو مـره بحياتـي تهنيـت
,,,,,,, اضحك كذا والصدق عن شفتي غاب

صارت دموعي ضيف وعيوني البيت
,,,,,, ودايم تشوف من المناديل ترحـاب

لاشفت شمس الصبح ليديك حنيـت
,,,,,,, في داخلك حبر القلم بالشقـى ذاب

اسريك بالحالي واذا رحـت ونيـت
,,,,,,, مابي تروح ودمعتي بيـن الاهـداب

أكتب شعوري في ظلامك على ايـت
,,,,,,,,, ونورك ختم قصة عذابي علـى اب

يالليـل قـل للصبـح انـي تمنيـت
,,,,,,, بس ابتسامه تنتشل قلـب منصـاب
,,,,,
صح لسان قايلها
ان شاءالله تعجبكم

[!*x الْعطْاْx*!]

جميلة جدا نقل رائع بارك الله فيك

[أم أديم]

الله الله الله

رائعه ,,, كلك ذوووق

[خلي البال]

بينـي وبينـك ياكثـر ماتعنـيـت
اركض بغرفه مغلقـه مالهـا بـاب

غرفه وراها فرحتي دونهـا جيـت
اركانها عتمـه ولا حولـي احبـاب

كاس الفراق المـر منـه تقهويـت
انا اشهد إن الشوق يالليـل غـلاب




قصيدة جميلة .. أبدعتِ الإختيار بنت الجنوب ..

[... بنت الجنوب ...]

!*x الْعطْاْx*! (http://www.qassimy.com/vb/member.php?u=158875)

تسلم اخوي وفيك ..

شكرا لحضورك الطيب..

[... بنت الجنوب ...]

أم أديم (http://www.qassimy.com/vb/member.php?u=10)

تسلمين اخت الكل من ذوقك..

شكرا لحضورك الحلو....

[... بنت الجنوب ...]

خلي البال (http://www.qassimy.com/vb/member.php?u=49027)

تسلم اخوي من طيبك وذوقك..

شكرا لحضورك الرائع..