تبون رياضتنا ترتقي ؟! ألحقني بـ (عجرة يا شيخ ) !!

[.:: ونة خفوقـ ::.]

أقسم بالله العظيم شي يضحك !! شي يفشّل !!

لا وتبون رياضتنا ترتقي ؟! تبونا نوصل (الاحترافية) !!

في ظل ( هالمطرسة ) وفي ظل ( هالبربسة ) !! اللي تحوم تسبد البعيد قبل القريب !!


والله ما نرتقي دام ( تنظيم بطولاتنا بهالشكل ) !!
دام ( التلاعب في القوانين) بهالبجاحة !!

---------------------------------


أسئلة بريئة جدا :


س1 : عندكم قانون فصل (العقوبات) !! وش دخل (الدوري بنهائي كأس فيصل ) .. ولهالدرجة (وصل فيكم الضعف ) لتكسير كل القوانين واللوائح !! لسحب وطرد ( كوزمين ) ؟!!

لهالدرجة مرعبكم !!
لهالدرجة جبنكم !!
لهالدرجة هوانكم !!



س2: ليه يتكرر الحكم ( مرتين ) ؟! ليه دايم يزج فيه بمباريات الهلال ؟!
هل لأنه قدر ( يهزم الهلال في كل مبارياته اللي حكمها للهلال) ؟!
هل هذا الحكم ( الأجنبي اللي تطالبون فيه ) ؟!
دول العالم عددها ( حول 200 ) دولة !!
وفي كل دولة ( أكثر من 30 حكم دولي ) !!
ليه ( هالحكم بالذات ) ؟!
اسألكم بالله جابوا ؟!
هل هو ( بيدجان يبي يخيس وباعوناه بسعر التراب ؟! )
هل هو ( بذيك القوة القيادية ) اللي بحيث ما يشابهه أحد في (العالم كله ) !!
تكفون جاوبوني ؟!
تكفون لا تزيدون الاحتقان ؟!



س3 : اسألكم بالله ( بأي قانون ) وبأي مذهب ؟! وبأي ( ملة ) ؟! وبأي (نهج) !؟!
نشوف ( ضربة جزاء بهالشكل ) ؟!
( هل المهاجم إذا نطح الحارس ) يستحق بلنتي ؟!
بالله علمونا بأي فقرة من .. تشريع (الفيفا) توجد هذه المعلومة !!


س4 : إلى متى هذا التلاعب بنا ؟! وهذا الحقد المسلطّ !! يا جماعة مانبي منكم أي مساندة !!
يا جماعة فكونا من شركم !! يا جماعة .. عطوا الهلال ( حقوقه ) !!
يا جماعة ( خافوا الله ) !! يا جماعة تراها ( كورة ) ما تسوى كل هالـ(الانحطاط) اللي نشوفه !!




س5 : اسألكم بالله هذي جدولة دوري ؟!! وش ذنب الهلال ( يلعب قبل أمس مباراة ) واليوم يلعب مباراة (نهائي) .. وبعد بكرة ( بيلعب مباراة للمنافسة على دورينا السعودي " المخجل " !؟!)

من المتسبب في هالخربطة الدخيلة على رياضتنا ؟!
من المتسبب في هالمسخرة اللي نشوفها ؟!
من المتسبب في ( إ ضحااااك الغير علينا ) ؟!
من اللي قاعد يذبح (التنافس الشريف؟) ويحاول (يفرق وحدة مجتمع ) ؟!!



لا وتبون رياضتنا ترتقتي ؟!

ههههههههههههههههههههههههههههههههههههه

لا تراي اسأل جاد ؟!

هاه تبونا نرتقي ؟!


يا شيخ .. اربطني (بصدّام ددسن ) وخذ بي لفة على الدائري !!
إن ارتقت رياضتنا .. دام ( القلوب السوداء موجودة ) ؟!
دام اللي ( طرد وسلب كوزمين .. وتلاعب بالقوانين .. لإخفاءه ) !!
دام اللي (أحضر هالحكم للمرة الثالثة قدام الهلال .. موجود ) !!




أرفعوا راسسسسسسسسسسسسسسسسكم يا زعماء !!
فوووووق فووووق فووووق !!


( خسرنا مباراة وكسبنا نجوووووووووووووم ) !!
(خسرنا المباراة .. وكسبنا فريق راح يرفعنا راسنا لسنوات قدام !!)
(رااااااااااضين بالقضاء والقدر .. وكككككككككل شيء سويناه !! روح !! مساندة !! قتالية ) !!
لكن الحمد لله الذي لا يحمد على مكروه سواه !!

هنيااااااااالكم ( يالزعماء بهالفريق ) !!

اللي الكل ( يحاربه) !! وهو ناشب لهم !!
اللي الكل (واقف له ) !! وهو شوكة في حلوقهم !!
اللي الكل (يكيد له ) !! وهو شاااااااااامخ مثل شمووووووخ ( طويق ) !!


كبيرررررررر يالأزرق !!


راح ( نفرح ) ونبتهل !! وراح ( نشكر الله على كل حال ) !! وراح ( نجدد ثقتنا بلاعبينا ) !!
راحت بطولة !! و غيرها ( بطولاااااااات ) !!


كل شي يقدرون ( يسلبونه منا ) !!

إلا ( زعامتنا وثقتنا بنفسنا ) !!
منقول من منتدى الزعيم

[!*x الْعطْاْx*!]

بطولة لا تهم اذن لماذا كل هذا البكاء عليه

والهلال فريق كبير يحقق بطولاته بدون تدخلات اذن ماذا تريدون

مشكله الانسان اذا انصدم بواقعه بدا يخربط وفعلا ودك تربطه بصدام ددسن وتبيع سكراب

[.:: ونة خفوقـ ::.]

ومن قايل لك اننا بكينا انا عن نفسي مابكيت ولافكرت بس اللي بكوا يحق لهم مو عشان الخساره عشان الضغط اللي على الهلال
والنصر لو امس جلسوا زياده في الملعب كان غرق ستاد الملك فهد من دموعهم انا طول عمري اسمع الرجال مايبكي بس ماادري ليه تغيرت القاعده هذي وصار البكاء على التفاهات

[!*x الْعطْاْx*!]

هم يحسدوني على موتي فوا أسفي.. (http://tdwl.net/vb/archive/index.php/t-203946.html)
.حتى على الموت لا أخلو من الحسد ...

الدليل : البحث عن مبرارت
البحث عن الاعذار
الاساءه للاخرين
والبكاء فى الفرح ليس عيبا
سواء للرجل او للمرأه

على العموم للأسف ان عقلية جماهير الهلال
تدار بالريموت ويتأثرون دائما
"" كالامعه ""
بما تكتبه الصحافة وبعض مراهقى الانترنت
والذين لاسف لايعون مايقولون

كنت فى الملعب وبعد المباراة بارك لنا كثير من مشجعى الهلال
وبكل روح رياضية
لكن من لايعرف من الكوره شىء هذا الذى يسىء
للناس ولنفسه

ولو قدر الله وفاز الهلال
والله لشفنا حالكم من الفرح يرثـى لها
وعلى قدر الالم يكون البكاء

الف مبروك النصر

وعودته للبطولات
لان هذا الفريق الاولمبى هو الاول بعد سنوات قليلة

[.:: ونة خفوقـ ::.]

ولو قدر وخسر النصر كان حالكم انتم يرثى لها

وردي على كلامك الباقي بيوصلك

[!*x الْعطْاْx*!]

بارك الله فيك اختى وباذن الله مستقبل النصر احلى واحلى واجمل

وبالتوفيق للهلال
ايضا
لكن هذه السنة طارت الطيور بارزاقها

[ساميوو]

البطوله ذهبت لمن يستحقها
مبرووووووك لجمهور الشمس

[^درعــاويهـ مدرعمــهـ^]

جماعة فكونا من شركم !! يا جماعة .. عطوا الهلال ( حقوقه ) !!


هههههههههههههههههههههههههههههههههههه وربي أضحكتني هالجمله !!!!!!!!!!!!!!

حقوقه هههههههههه الله ياالدنيا صار الهلال اللي ينسلب منه الحق :D :D :D :D

الظاهر تعودتوا على سلب حقوق الغيــــــر وتبون كل شي لكم(ern)

الله يصلح الحال بس ,,,,,:c010: :c010:

[.:: ونة خفوقـ ::.]

نسلب حقوق ليه شايفتنا الاتحاد السعودي او الفيفا ترى الهلال حده يتصرف في فريقه يعني ماله حكم على احد لكن بقوته وسيطرته سلب حتى عقولكم مو بس حقوقكم

[رحمالوف]

السنعوسيه والله إن الرياضهـ بوادي وأنتي بشعيب ..(a24)
أول باشتان / النصر عقدته الحكام الأجانب وأنا شخصيآ ما أذكر إنه فاز على الهلال والحكم أجنبي ..
إذا تذكرين أنتي نورين وعلميني .. جل من لا يسهو ..

تاني باشتان / هذي التشكيله هي نفسها تشكيلتكم من بدايه دوري كاس فيصل ..
ونفس الكلام معنا ..
وكلنا وصلنا للنهائي ..

وبالنهائي كان لابد من الفصل .. ومن الظفر بالكأس لأحد الفريقين ..

ولله الحمد كانت من نصيب العالمي ..(zm)

ارضي بالأمر الواقع ..:ro258es:

وقضي الأمر الذي فيه تستفتيان ..

نياهاهاها :rofl951:

[الفارس الهلالي]

جماعة فكونا من شركم !! يا جماعة .. عطوا الهلال ( حقوقه ) !!


هههههههههههههههههههههههههههههههههههه وربي أضحكتني هالجمله !!!!!!!!!!!!!!

حقوقه هههههههههه الله ياالدنيا صار الهلال اللي ينسلب منه الحق :D :D :D :D

الظاهر تعودتوا على سلب حقوق الغيــــــر وتبون كل شي لكم(ern)

الله يصلح الحال بس ,,,,,:c010: :c010:

صراحة يا اختي

ردودك في الاقسام الاخرى جيدة،، بل ممتازة، وتنم عن ثقافة واحترام

لكن هنا، لا ادري ما هو السبب

يختلف اسلوب الرد 180 درجة

على العموم ارجع للموضوع


اللي اقدر اقوله، ذنب الهلال ، انه مكتسح البطولات

ذنب الهلال، انه الوحيد الذي ينافس على جميع بطولات هذا الموسم
ذنب الهلال، انه النادي صاحب الصولات والجولات والبطولات
ذنب الهلال، انه الوحيد الثابت والبقية متحركون (

لذلك لا تتعجبون عندما ترون اللهلال يلعب 4 مباريات وكلها مهمة في ظرف اسبوع ونصف

كل هذا لأجل ان تتوقف الماكينة الهلاليه عن حصد البطولات

ولكن لا احد يقارع الزعيم الا ويرجع عليه كيده

[.:: ونة خفوقـ ::.]

خخخخخخخخخ
تقدر تقول الرياضه بوادي وانا بشعيب بس وش نسوي الوراثه الهلاليه عندنا يعني لو نسوي فيها وفاء لابائنا واجدادنا
وبعدين ماكان فيه حكم اجنبي في المباريات اللي قبل لان النصر حاله حال الفرق الصغيره يعني اقرب ماله التعاون يعني تبيهم يجيبون حكم اجنبي اذا لعب معكم الهلال ليه
بس يوم وصل للنهائي ماجابوا حكم اجنبي عشانكم لا عشان اهمية المباراه فقط لاغير
وانا من قالك اني مو راضيه عارفه ان الامر انتهى بس فيه شي براسي مافرغته احب اتكلم انت خسران شي

[أخوان الغول]

البطولة مسلوبة من اكثر من اسبوع

وانا كنت اقول ان النصر راح يفوز بالقوة الجبرية

البطولة كان سيرها لصالح النصر

ولا بصراحه النصر لم يقدم اي شيء

سوى ضربة جزاء ظالمه

وهدف جدا جميل ملعوب

وغير هذا النصر ولم يقدم شيء

وهذا ما حدث تماما

[رحمالوف]

بس فيه شي براسي مافرغته احب اتكلم انت خسران شي

أبد والله مانيب خسران شي أبد ..توني كاسبن بطوله(zm)
الشقى على أصابعتس طال عمرتس .. (qq166)
بس بدون سب الله يجزاتس خير ..(qq22)

[.:: ونة خفوقـ ::.]

من سبيت انا ماسبيت احد ومثل ماقلت التعب على اصابعي والتعب على اعصابي لاتحزن يااخي تنصحونا بالكتاب هذا وانتم ماتطبقونه

[L_b_c_JI]

ما عليه الزعيم دايم محارب

ويتعدد الخصوم والهلال ثابت

قبل ثلاثه اسابيع امام الاتفاق في كاس ولي العهد

والبارح مع النصر في كاس فيصل وولده كاس ابوي وبعطيه اللي ابي

بعد اسبوعين ان شاء الله مبارات التتويج ببطوله الدروي امام الاتحاد

يعني الهلال اكيد ينافس على البطولات جميعها

واذا خسر وحده منها فهذا شي طبيعي


بس اعجبني فرحة اساد هههههههههههههههههههه

[♥عـېۆڼۑڵڰ♥]

الزعيم زعيم لانصر ولاغيرهـ ينزل زعيمنا
والبطولة اللي امس كل ابوها غش بغش
وانا عن نفسي ابارك للنصراويين والحكم
على المكافئة القيمة اللي اخذها امس
وابارك للاتحاد السعووووووووووووووودي

[^درعــاويهـ مدرعمــهـ^]

صراحة يا اختي

ردودك في الاقسام الاخرى جيدة،، بل ممتازة، وتنم عن ثقافة واحترام

لكن هنا، لا ادري ما هو السبب

يختلف اسلوب الرد 180 درجة



مشكـــور من ذوقك خيـــــــو

هون رياضه الوضـــــع يختلف بعدين أنا ماسبيت أحد يعني أميل لفريقي المفضل

وأدافع عنه مافيها شي

أو ان فيه سبب ثاني يمكن اني متعصـــبه وأنا مدري عن نفسي (ern)

ع العموم أنا أعتذر ان كنت ضايقت أحد أو غلطت عليه بدون قصد

يبقون الهلالييين أخوانا وحبايبنا قبل كل شـــــي ..(qq136)

هارد لكم (qq136)

[خلاد الودعاني]

يجب علينا بكل اريحية ان نبارك لفريق النصر كأس الاتحاد السعودي تحت 23سنة وان كان القوم قد تعشوا نواشف فأنتم يازعماء قد تغديتم مفطح وان شاء الرحمن الحاشي جاي بالطريق كبروا روسكم يازعماء وهالبطولة فدوة لعيون الدوسري والكلثم وخيرات.....

[مايهم]

سنعوسيه شرايك تتقبلينها وتقولين مبروك للنصر..النصر يستاهلها لو قلتي ماقلتيه. والرياضه دام فيها مشجعين لايرون اخطاءانديتهم الحقيني بعجره اذا انصفو الفريق المنتصر على ناديهم.اكبرو وخلو روحكم رياضيه مثل ماتفرحون وتنتصرون بجيلكم يوم تحزنون وتنهمزون وهذي سنة الكوره.....

[فـيـ عنيزة ــصـل]

لـــن ولــــــن نرتقي طالما نصدق مانقرأ وننقل كُل مايكتب ..!


لـن ولــن نرتقي طالما تتواجد هذه العقول بيننا ..!

لـن ولــن نرتقي ونحنُ نشكك بالذمم ..!

لــن ولــن نرتقي بتزييف الحقائق ..!


لـــن ولــــن بوجودكم نرتقي ..!




هاردلك .. البطولة نصـراوية