تكفون فزعتكم

[جرح القدر]

انا حديثة عهد بالزواج دايم في دوامه طقاق مع زوجي اوقات احس اني احبه لما يعاملني معامله حلوة ولما نطاق وهو شبه يومي احس اني اكررررررررررررررررررة لدرجة اني ادعي عليه بس ان فكرت زين خصوصا اني متغربة عن اهلي بظروف العمل خفت على مستقبلي ورحت اراضية وامثل عليه اني احبه و اموت ومن زين الطبايع يتغلى ولا يرضى بسرعة وقلبه حجرررررررر اشك انه انسان وانا ودي وانا ابوسة اعضه بس ماسكه نفسي انا اجمع ثم انفجر عليه في موضوع تافه
وشايف نفسه على اخر اذا زعلت طنشني لدرجة اني ابي اطنش بس مو قادرة افكر اكل حبوب منومة تنسيني الشقى اللي فيه وش اسوي مع هالعله تكفون ان قذوني

[مقراط]

جرح

السلام عليكم ورحمه الله وبركاته

الله يسلمك تكفين لاتاكلين حبوب منومه ضاره بالصحه

والحمد لله ماهنا مشكله هده امور الحياة

لا تكترين عليه الطلبات وقولي له سم وطاعه في كل الامور ماغير معصية المولى عز وجل

ان شاء الله تكون امورك زينه ولك علينا الدعاء

واسال المولى عز وجل ان تكونين افضل النساء ويفرج همك وغمك

ياربي يوفقك

[يا عيني]

الي هذا اوله ينعاف تاليه

هذا وانتي في بدايه زواجك قاسي معك اجل بعد عشر سنين وش بيصير

ربي يعينك

بس فيه طريقه نفعت لهالنوعيه من الازواج وتم تطبيقه عليهم وتعدل حالهم الى افضل بكثير

عليك بالاهتمام فيه شخصيا مبين عليه يزعل بقوه عشان يحب التدليع له

فدلعيه من كل مكان

واخص بالذكر كل شئ يحبه الرجال وهي نقطة ضعفه


تحياتي

[شموخ بدوية]

اختي هذه شئ عادي كلنا مرينا فيه في بداية الزواج صدقيني ...مصير الأيام تقرب بينكم لانه كل واحد قادم من بيئة مختلفة يحسب نفسه لسه عزووبي .......

تبين نصيحة اخت لك.... الزوج مثل الطفل ممكن تضحكين عليه بكم كلمة حلووة ..اهم شئ اذا زعل أو غضب لاتردين عليه ولاكانك تسمعين شئ طنشي ...وأذا هدأ تعالي بشاي مع نعناع

وكلمتين حلوة رايح تقلبه 180 درجة راح يحس بالخجل من نفسه ...وشوئ وشوئ راح يتغير كثيرررررر......صدقيني وانا أختك لاتحطين رأسك برأس الزوج ممكن لأسمح الله يتلفظ بكلمة في سااعة غضب ينهدم بيتك....وبشرينا عنك

[محمد الخريف]

جرح القدر

اصبري وهذا امر طبيعي شخصان من بيئه مختلفه وطباع مختلفه

تفكير مختلف عادات مختلفه شخصيتين مختلفتين لابد وان يكون هناك في البدايه اختلافات كثيره

لكن تذوب هذه الحواجز والمشاكل مع الايام وباذن الله يتم الانسجام

اصبري والله معاك

[قصيمية والنعم]

عادي جدددددددددا
في بداية الزواج الى 4 أو 5 سنين
اسألي مجرب
بس أنت حاولي تطنشين شوي
وتغابي ..... على قولة المثل (سيد قومه المتغابي)
ولاتكون ردة فعلك قوية لأي شي يزعلك
يعني خففي ردة الفعل بأي طريقة مثلا وطي صوتك شوي وانت تنقدين
او أسبقيها ب(الله يهديك ) بأسلوب حلو مب سخرية
زي كذا ... يعني

واذا تبغين المشاكل تخف
ألهي عنه
ادرسي اشتغلي سوي اي شي خصوصا انك بعيدة

[صدى الحنين]

أختي الغالية جرح القدر الله يعينك هذي الدنيا أصبري وأكثري من الدعاء خاصة في الثلث الأخير من الليل قال تعالى ( وإذا سألك عبادي عني فإني قريب أجيب دعوة الداعي إذا دعان .... الأية
أسأل الله العظيم رب العرش الكريم أن يفرج همك ويصلح حالكما ويرزقكِ الذرية الصالحة ...

أختك
صدى الحنين

[ندى المطيري]

حبيبتي

والله أني حسيت بمعاناتكـ

لأني أذكر أني عشت نفس الدور

ولما رجعت اليوم للمنتدى

بعد سنوااات

راجعت مشاركاتي القديمة

لا أخفيكـ سر

ضحكـت من كل قلبي

على سذاجتي وتفكيري

وأيامي الغابرة

كنت أشوف ذيكـ الأيام

أني على حق

لكن اللحين

صرت أضحكـ

لذلكـ ياغاليتي

لايضيق صدركـ

وحاولي انكـ ماتزعلينه

عشان ما تراضينه في وقت أنتي تشوفين أنه مايستاهل

لأن بمثل هذي اللحظات

بتكرهينه حتى آخر نفس

لذلكـ

خذي نصيحة أمي اللي ياما كانت تناصحن بها

ماكل البيوت تُبني على الحب

وأنتي حطي في بالكـ

أنه زوجكـ وأبو عيالكـ مستقبلاً

لا تنتظرين منه حب ولا غيره

مع أني واثقة تمام الثقة أنه يحبكـ

وما يصبر عنكـ

خصوصاً الرجال اللي من هالنوعية

اللي كثير الهواش

ما يهاوشكـ إلا لأنه لكـ مكااان كبير في قلبه

لأن لو مالكـ مكان

أصلاً ما أهتم لكـ

وعاملكـ كأنكـ غير موجودة

وزي مايقولون جداتنا

لكثر هواشه دليل حبه

وهذي غالباً ما تكون ضريبة الحب

لذلكـ خلي من نفسكـ الجنة

اللي يستظل بظلها

وحتى لو ما حس

يكفيكـ إحساسكـ أنتي بذاتكـ ونفسكـ

لذلكـ خليكـ معه عادية

وأضحكي وقت ما تشتهين الضحك

والعبي وقت ما تحبين اللعب

حتى لو ماعطاكـ وجه

المهم حاولي تستغلين كل لحظة بالسعادة عشان نفسكـ

قبل لا يجونكـ عيالكـ

وتتندمين على أيااااامكـ

واسألي مجربة ياحلوة

[سحابه مطر]

كنت اول استغرب على اختي 00ياعيني 00اذا كتبت عن زوجها بقوه اثاريها شايفه شي ماشفناه والحين بديت اشوف مثلها بس من نوع اخر 00الله يعيننا

[بيض مقلي]

كنت اول استغرب على اختي 00ياعيني 00اذا كتبت عن زوجها بقوه اثاريها شايفه شي ماشفناه والحين بديت اشوف مثلها بس من نوع اخر 00الله يعيننا

الي بينك وبينة جـــــــــدار ماتدري هو بجنة ولا بنــــــار

[sgar]

الله يعينك
عليك بالدعاء
ويتضح لي من كلامك انك صغيرة جدا ولم تتثقفي عن حيات الرجال وتصرفاتهم حتى ولو كنت على حق حتى تعرفين تتصرفين مع الرجل اذا اخطأ واذا اصاب واذا جاء واذا مرض

عليك بالاطلاع على سيكلجويات الرجل ومعرفتها
وعليك بكلام قمورة فاني اراه عين الصواب
وما قالته يا عيني : بخصوص تدليعه فهو مهم

[سوسومحسن]

اه ذكرتيني بأيام قد مضت وما خففها على الا الصلاه والشكو لربي وطلب من الله السخره في كل وقت والحمد لله الحين لاصق فيني وكل شي على مزاجي

[همسة شوووق]

والله ياحلوه ..
كلنــــــــا سوا في نفس الحفره ,,

[مشاعل عبدالعزيز]

هذه هــــــي الحيــــــــــــــــــاة...
وكــــــــــلام قموره وشموخ بدويه
عـــــــــــــــــــــــــين العـــــــــــقل
وأنا رأيي من رأيهم
أتمنالك التوفيق في الداين..

[سهيم2007]

امر طبيعي بين الزوجين اهتمي بنفسك واعتني بزوجك بالمعامله واللبس والطعام واكتشفي النتيجه بنفسك
بالتوفيق

[الدنيا لحظه]

ودي وانا ابوسة اعضه بس ماسكه نفسي
ههههههههههههههههههههههه
ضحكة لين انفقع بطني
انصحك بالتسامح ولا يدخل قلبك الغضب عليه
أسأل الله العظيم ان يسخر زوجك لك ويجعله قرة عينا لك ويسخرك له
ويرزقكم الذريه الصالحه