من مواقفي الطريفه000000

[أم اليسر]

أهلين حبايبي كيف حالكم وعساكم بخير وسلامه000

بصراحه من زمان ودي أقولكم (بعضا من مواقفي الطريفه) ولكن مامعي وقت كفايه

لكن اليوم الاربعاء وهذا اليوم دائما يفتح نفسي ما أدري ليه!!!!

المهم شديت حيلي قبل شوي وقلت يالله خلين أوسع صدري وصدور الحبايب في موقف طريف

من مواقفي اللي مرت على حياتي الحافله بالمواقف (الرائعه) الله يسلمكم في سنه ماضيه من عمري

كنا ناوين نسافر بالسياره لمكه الاربعاء والخميس والجمعه 000

جهزنا السياره مماجميعه وركبنا وكان بداية الرحله الساعه الثالثه فجرا من يوم الاربعاء ( لحكمة ما)

الطريق بين القصيم ومكه بعيد شوي أقصد شويتين ماسكين الخط من الساعه ثلاث وربع تقريبا

الى الساعه ثمان وبعدها بدى أبو الشباب (ينود) يعني ينعس والنوم يطارده مطارد ياما جاه من قدام

وياما جاه من وراء المهم كان النوم أقوى منه وأستسلم له وبدت السياره تروح يمين وشمال


وأنا تعالو شوفوني 000لين قلت أشهد أن لا اله الا الله 00

قلت لآبو الشباب وقف في إستراحه وخذ لك غفوه 00وركب رأسه وقال أبكمل والطريق ما فيه من

يقول ربي الله 0000


قال تدرين !!!!!!!!!!!


تعالي كملي 000قلت :وش العلم

قال: اللي سمعتي

بعد الاخذ والرد والسين والجيم قال : شوفت عينك لنا ثلاث ساعات تقريبا ما شفنا الا سيارتين

وباقي على أول تفتيش تقريبا (300) وأنا أبكون جنبك وإذا صار شي صحيني من النوم

المهم إستلمت زمام الامر وبسم الله وعلى بركة الله00

ركبت السياره 000ومشيت تقريبا (200) كيلو بدون ما تمر سياره الا اللهم الجهه المقابله كن

تجي سيارات لكن تمر بسرعة الريح وما يفكرون إن اللي يسوق حرمه

الى أن جاء القضاء المحتوم 000أشوف بمراية الجنب سياره من بعيد جايه 000

ما أقدر أسرع أكثر من (150) لكن إضطريت أزيد السرعه لين (180) وعينك ماتشوف الا النور

وبسم الله بلحظة البرق السياره اللي وراي ما بيني وبينه الا شوي وشكله (طاق طبلونه)

ويبي يسقط علي 00شفت ما فيه فايده من زيادة السرعه قلت يالله أبي أهدي علشان يسقط وأفتك

منه000

نسيت أقولكم إني كنت متلطمه بشماغ أبو الشباب)00

المهم قربت السياره 000لمي

وأنا أحاول ما أرتبك لآنه خلاص ما يمديني أسوي شي ولا حتى أصحي أبو الشباب اللي في سابع

نومه 000

توازنت مع السياره 000وعشر دقائق وهم موازنين لي وشكلهم شاكين فيني 000


(يمكن علشان هديت بشكل ملفت للنظر!!!)


شفت الموقف ما فيها إنا000قلت أبو الشباب قم

قال :وش فيه

قلت : شف اللي جنبي

التفت للسياره وشافهم شابين وسيارتهم مرسيدس المهم تدرون وش سوى أبو الشباب

قال: كملي ماعليك

قلت : ماتشوفهم لصقين الى متى؟؟

قال : اصلا ما نقدر نسوي شيء خلي الوضع طبيعي ولاترتبكين


قلت :هذا أخر ماعندك

قال:إيه

وأخذ نفس عميق وأسمي بالله وعينك ما تشوف إلا غباري
وأمشي بين السماء والارض
وناصل لآول محطه بيننا وبينهم تقريبا خمس دقايق
وقبل ناصل للمحطه بشوي
قلت له : شف أبي أقف بجنب دورة المياه جهز عبايتي حطها بكيس علشان أدخل فيها بدورة المياة أعزكم الله

وبسرعة البرق الحمد لله وقفت بالمحطه ورى بجنب دورة المياه ونزلت بسرعه ومعي الكيس

ودخلت وغيرت ولبست عبايتي وطلعت عادي جدا والشماغ بالكيس تحت العبايه

وأنا أطلع وأركب وأبو الشباب كان نازل وراكب بمكان القياده كانو الشباب واقفين بجنبا

ويتابعون المشهد وأنا متقطع قلبي من الضحك على أشكالهم 000كملنا رحلتنا


وهم ورانا الى وصلنا الطائف وتوهناهم بوسط الشوارع


( السؤال اللي قاهرني من ذيك الساعه ) وش كانو يفكرون فيه ؟؟؟؟


أتمنى إن الموقف أعجبكم 000وإعذروني على الاسلوب
وأسترو ما واجهتو
محبتكم أم اليسر

[هزاز]

ههههههههههههه هزالله انتس خووووووش وحدة

بس عاااااد تبين الصراحة اشوا اني مااااني معكم راتسب عنبو بليستس انتي خبلة

تمشين مية اوثماااااني والله انتس خبلة صتس انتحااااار هذا هههههههههههه

الشباااااااااب الي ملاااازمينكم هذولااااااا انااااا ادري وش يبون بس عاااااد ماني معلمتس ههههههههههه

المهم عزالله انوة خووووووش موقف بس والله انتس انتي ينخااااااف منتس ههههههههههه

المهم الف تحية لتس والقلبتس


تحياااااااااتي لتس



هزاااااااااااااز

[رحمالوف]

أثرتس منتي بسيط يا أم اليسر واللين ..
أنا لتهورت مشيت 120 .. وأنتي طاقه 180 وماعندك من الشر طاااري .. خخخخخخخ
( السؤال اللي قاهرني من ذيك الساعه ) وش كانو يفكرون فيه ؟؟؟؟
خخخخخخخخخخخخخ
للحين ماعرفتي ؟إإإ

لا عاد لاتصدقين .. كذا بس فضول منهم ..
ولا ترى نيتهم زينهـ .. بالحيل ..خخخخخخخ


وأسترو ما واجهتو
ماواجهنا إلا الطيب طاب فالتس .. :whwhwh:

[أم اليسر]

ههههههههههههه هزالله انتس خووووووش وحدة


(الله مير يسلمك على هالمديحه)


بس عاااااد تبين الصراحة اشوا اني مااااني معكم راتسب

(والله أشوى كان مسوي (شيء) شكلك خواف!!)


عنبو بليستس انتي خبلة

(ذيك الساعه العمر ياشامان)


تمشين مية اوثماااااني والله انتس خبلة صتس انتحااااار هذا هههههههههههه


(الخوف الله يسلمك خلاني ما أشوف الطبلون)


الشباااااااااب الي ملاااازمينكم هذولااااااا انااااا ادري وش يبون بس عاااااد ماني معلمتس ههههههههههه


(هين عاد كلش والا ماتقول 000وإذا قلت عندي لك هديه)


المهم عزالله انوة خووووووش موقف بس والله انتس انتي ينخااااااف منتس ههههههههههه


(وش دعوى ينخاف مني وش شايف الله يهديك إنثى مسترجله وقت اللزوم)


المهم الف تحية لتس والقلبتس


(ولك مني مليون تحيه بما إنك أول من رد على موضوعي ودعوه بظهر الغيب)


تحياااااااااتي لتس


(ولك الله يا أخوي)



هزاااااااااااااز
]]>

[!*x الْعطْاْx*!]

الحمدالله على السلامه
عاد من زين طريق مكة الله يهديك تسوقين فيه !!!

[ابولماوي]

والله انتس صدزيه ياام اليسر
كفو والله تسوقين في خط مكه
المهم عادلاعمرتس تعودينها ،،،
هوب موقف طريف الا والله مخيف ،،
كانت معتس مرته يعني بوب ابو لماوي
ام لماوي يعني افتشي ماحولتس احد،،

[ندى المطيري]

الله لا يجيب ساعة الشر
ويسمحون للحريم بالقياة
سلام

[أم اليسر]

أثرتس منتي بسيط يا أم اليسر واللين ..

(أعجبكم)


أنا لتهورت مشيت 120 .. وأنتي طاقه 180 وماعندك من الشر طاااري .. خخخخخخخ

(وش أسوي الضروره تخلي الواحد يغلي عقله)

( السؤال اللي قاهرني من ذيك الساعه ) وش كانو يفكرون فيه ؟؟؟؟
خخخخخخخخخخخخخ
للحين ماعرفتي ؟إإإ

لا عاد لاتصدقين .. كذا بس فضول منهم ..
ولا ترى نيتهم زينهـ .. بالحيل ..خخخخخخخ


وأسترو ما واجهتو
ماواجهنا إلا الطيب طاب فالتس ..

(الله يسلمك قل أمين)
:whwhwh:
]]>

[أم اليسر]

الحمدالله على السلامه

(الله يسلمك )



عاد من زين طريق مكة الله يهديك تسوقين فيه !!!

(ماعندنا أحسن منه وعفناه )


]]>

[رومانيا]

قسم بالله فله ياام اليسرماشاء الله عليتس:c010:
حركات والله جايبه اخر الطبلون وتساقطين وطاقه لطمه http://vb.eqla3.com/images/smilies/n/sm5.gif
ام اليسر انتي كذا:c010:
وننتظر باقي سواليفتس

[أم اليسر]

والله انتس صدزيه ياام اليسر

(وأعجبك بعد)


كفو والله تسوقين في خط مكه

(ومره بخط الرياض القصيم بس مرت بسلام)

المهم عادلاعمرتس تعودينها ،،،

(سم وأبشر وتأمر أمر)

هوب موقف طريف الا والله مخيف ،،

(تصدق توي أخاف!!!)

كانت معتس مرته يعني بوب ابو لماوي
ام لماوي يعني افتشي ماحولتس احد،

(أدري لو أفتش عادي لكن اللطمه خلاص ما أتلخبط إذا مرت السياره)

،
]]>

[أم اليسر]

الله لا يجيب ساعة الشر
ويسمحون للحريم بالقياة
سلام



وأنا أول من يقول 0000لا للقياده إلا لآم اليسر وبس

[الوافي3]

180 ؟؟؟؟
أنا إذا وصلت سرعتي 100 كم ركبي تتصافق في بعضهن (vv)

[شروآي حلم]

الله يسعدتس ياأم اليسر

قسم بالله فطست من الضحك ولو إني خاااااااااايفة من اللي لزقوا لكم بس الحمد لله عدت على خير :SmileyBunny:

عوااااااااااااافي :c010:

[أم اليسر]

قسم بالله فله ياام اليسرماشاء الله عليتس:c010:

(الله الله أعجبك0000أفا بس!!)

حركات والله جايبه اخر الطبلون وتساقطين وطاقه لطمه http://vb.eqla3.com/images/smilies/n/sm5.gif
ام اليسر انتي كذا:c010:

(وش أسوي الضروره يابعدي!!!)

وننتظر باقي سواليفتس

(وش تنتظرين والله المواقف كثيره ولو أكتبها أبدع فيها كتاب أسمه مواقف أم اليسر)





شاكره لمرورك

[دفءالمشاعر]

الصراحه انك ماتلعبين ابد مومعقوله اللي يصير لك ابد ابد ابد

[أم اليسر]

180 ؟؟؟؟
أنا إذا وصلت سرعتي 100 كم ركبي تتصافق في بعضهن (vv)




هلا وغلا بأخوي الوافي كيفك وعساك بخير وسلامه


والله إني أشك بكلامك أما إذا وصلت (100) تتصافق ركبك000هذي كثر منها!!!!!!!!!


هههههههههههههههههههههههههههه

[أم اليسر]

الله يسعدتس ياأم اليسر

قسم بالله فطست من الضحك ولو إني خاااااااااايفة من اللي لزقوا لكم بس الحمد لله عدت على خير :SmileyBunny:

عوااااااااااااافي :c010:



ويسعدك بعد ياقلبي والله منوره بطلتك وأسم الله عليك من الفسطه وبعدين مايصير

عندنا شهد الكون !!!!!!!!!!!!!!!!! واللي صار ياعمري موقف مر مرور الكرام


لاتحرميني الفرحه إذا شفت أسمك مع الردود 0000ودمتي لنا ياشهدنا

[هادي الطبع]

(zm)(zm)(zm)خخخخخخخ(zm)(zm)(zm)تقــــطع بطــــني(zm)(zm)(zm)

[رأي الحكيم]

180 ياساتر انا اذا سمعت صوت جرس السرعة ارفع رجلي عن الدعسة كأني مقروص

[أم اليسر]

الصراحه انك ماتلعبين ابد مومعقوله اللي يصير لك ابد ابد ابد



أهلين بالغاليه دفء

كيفك وعساك مرتاحه000منوره ياعمري بالموضوع 000

وسبق قلت ذيك الساعه ما فيها مجال للتفكير 000الحل يفرض نفسه


لاتحرميني متعة ردك غاليتي 000ودمتي لي

[أم اليسر]

(zm)(zm)(zm)خخخخخخخ(zm)(zm)(zm)تقــــطع بطــــني(zm)(zm)(zm)




منور ياهادي وخاصه هالابتسامات الفسفوريه

ذكرتني برأس التريله الفسفوري اللي أدور عليه!!!!!!!!!!

[رمانه]

كيف تعلمتي السواقه وهذي اكيد مو المرة الاولى اللي تسوقين فيها

ما شاء الله عليك نشمية وكيف السواقه سهلة امنيتي اعرف اسوق احتسابا لاي طارئ

[أم اليسر]

كيف تعلمتي السواقه

(من والدي العزيز حفظه الله ورعاه)

وهذي اكيد مو المرة الاولى اللي تسوقين فيها

(بالطبع وسبق أن مسكت خطوط صاحبة خبره)



ما شاء الله عليك نشمية

(وأعجبك بعد)

وكيف السواقه سهلة امنيتي اعرف اسوق احتسابا لاي طارئ

(والله تبين الصراحه مثل شرب المويه000وفعلا لابد من تعلمه خوفا من الظروف)







منوره بطلتك يالغاليه 00000


وأسال الله الكريم رب العرش العظيم أن يجمعني بكم في الدنيا والاخره

[الوافي3]

هلا وغلا بأخوي الوافي كيفك وعساك بخير وسلامه



والله إني أشك بكلامك أما إذا وصلت (100) تتصافق ركبك000هذي كثر منها!!!!!!!!!


هههههههههههههههههههههههههههه


شوفي وأنا أخوك
وربي محاكيك ما أخذ قسيمه في حياته
غير وحده أتته ظلماً وعدواناً سجلت له في مكان ماعمره راحه(q85)
على شان كذا أنا ثقيل جدا في الخطوط السريعه
>>>>هذا عنده عقده في حياته من السرعه ثلاث حوادث أخذت قبله وهو صغيرون(qq15)

[نوف56]

لقافة مافيه غيرها لكن انتي عجبتيني بقوة ارادتك وقيادتك للسيارة:gcr852:


انا لو يقول زوجي امسكي الدركسون ارتعب وانتفظ من الخوف واصير الف يمين وشمال

هههههههههههههههه(zm)

[عاقل بس مجنون]

ما شاء عليش يام اليسر(q62)
بس أحمدي ربش ان بو الشباب ماخذها ريلاكس(qq122)ولا لو أن الوالد مكانه الله يفكش ويفكهم (qq15)
على طاري طريق مكه حنا لا سافرنا من الكويت لمكه نمر على طريق كرى أكيد تعرفونه مره كنا متخواوين ويا عمي لمكه وفقدناه وعقب ما رجعنا نص المسافه ألا تايره متصلخ وربي ستر أنهم ماطاحوا من الطريق..

حنا نبي نساعدهم والوالد طاير لهم وشوي ألا(qq166) ههههه نبي نساعدهم ألا اللي جاهم جانا انفقع تايرنا بس الحمدلله ربي ستر.

ولله انش خطيره (q62)

[البرحيه]

خخخخخخخخخخخخخخخخخخخخخخ اخاف صاكه الباب على رجلك يبون يعلمونك
يمه امنا بسوق بخط واي خط خط مكه القصيم قمة الأنتحار
انا عن نفسي اعرف اقمز بالبر غير كذا مفيششششششششششش

[صاحبة سمو]

بصراحه والله إنك كذا يا أم اليسر ليه مادريت عنك قبل

وأنا أدور أحد يونسني بالمنتدى وأثاريك هون (تقبلي صداقتي يا أمي)

[أم اليسر]

لقافة مافيه غيرها لكن انتي عجبتيني بقوة ارادتك وقيادتك للسيارة:gcr852:



انا لو يقول زوجي امسكي الدركسون ارتعب وانتفظ من الخوف واصير الف يمين وشمال


هههههههههههههههه(zm)





الله يسلمك مير ويكثر خيرك اللي مريتي على موضوعي هذا أولا

وثانيا أقولك قوي قلبك الوقت هذا يبيك تصيرين أسد ماهو رجل وبس

(جربي توقين بالبر والله إنها فله سوي خمسات هههههه)

[أم اليسر]

ما شاء عليش يام اليسر(q62)
بس أحمدي ربش ان بو الشباب ماخذها ريلاكس(qq122)

(إي والله )

ولا لو أن الوالد مكانه الله يفكش ويفكهم (qq15)

(ما أردى من ذا الا ذاوقد صار نفس الموقف مع والدي المصون ولكن لم يحدث شيء وكملت

الطرق الى قبل التفتيش بكيلو تقريبا

والله يطول بأعمراهم)

على طاري طريق مكه حنا لا سافرنا من الكويت لمكه نمر على طريق كرى أكيد تعرفونه مره كنا متخواوين ويا عمي لمكه وفقدناه وعقب ما رجعنا نص المسافه ألا تايره متصلخ وربي ستر أنهم ماطاحوا من الطريق..

(الحمد لله على سلامتهم ولو إنها متأخره لكن الحمد لله)

حنا نبي نساعدهم والوالد طاير لهم وشوي ألا(qq166) ههههه نبي نساعدهم ألا اللي جاهم جانا انفقع تايرنا بس الحمدلله ربي ستر.

(وه ياربيه والله طار قلبي قلت لايكون صار لهم شي الحمد لله)

ولله انش خطيره (q62)

(ماشفت شي والله ياعلوم عندي إنها تخوف)









هلا وغلا فيك يا أخوي ومنور بطلتك الرائعه

[أم اليسر]

خخخخخخخخخخخخخخخخخخخخخخ اخاف صاكه الباب على رجلك يبون يعلمونك

(تصدقين والله إنك صادقه بس ماهي رجلي يمكن عبايتي هههههههه)

يمه امنا بسوق بخط واي خط خط مكه القصيم قمة الأنتحار

(جربي أول وبعدين أحكمي والله وماتتركين الدريكسون وقولي قالته أم اليسر)
انا عن نفسي اعرف اقمز بالبر غير كذا مفيششششششششششش
(الله يقويك على القمز ههههههههه)








لك طله رهيبه يالغاليه ولاتحرميني منها يابعدي

[أم اليسر]

بصراحه والله إنك كذا يا أم اليسر ليه مادريت عنك قبل

(والله ما أدري عن معاليك وين سكنه ولا كان جيتك 000هههههههههه)



وأنا أدور أحد يونسني بالمنتدى

(الله يسامحك وكل هالاعضاء أكثر من كذا وكلهم فله وكل واحد أحسن من الثاني أستري علي الله

يبارك فيك ولاتفضحين فيني طال عمرك)

وأثاريك هون

(منذو مبطي الله يسلمك)

(تقبلي صداقتي يا أمي)

(هذي زعلت منها وش دعوى أمك تراي صغينونه لايهمك الاسم !!!!!!!!!! أبي شرهه على الكلمه تراها قويه وعلشاني أمك بعد أم ببلاش)











لاتؤخذيني ياغاليه على أسلوبي معك منوره ومرحبا فيك عضوه جديده معنا

ونحن بشوق الى قلمك نستشرفه ونستقي منه

[.:./ღ/ شيطوووووووونــه /ღ/.:.]

الله الله وناااااااااااااااااااااااسه

تسوقين هههههههههههههههههه

كفوووا

[شذى الزهوور]

ماشالله عليك ولله لوووووهوووووو انا كان اغمي علي

[شذى الزهوور]

لوسمحتووووووووو عندي سؤال .. انا جايني بنيه ودي اسميها شادن وشرايكم ؟؟
مامعنا شادن؟؟ تكفووووووووووووووووووون ردووووو بسرعه الله يجزاكم خير

[أم اليسر]

لوسمحتووووووووو عندي سؤال .. انا جايني بنيه ودي اسميها شادن وشرايكم ؟؟
مامعنا شادن؟؟ تكفووووووووووووووووووون ردووووو بسرعه الله يجزاكم خير



هلا والله فيك
معنى أسم شادن

(ولد الغزال الذي قوي وأصبح باستطاعته السير مع أمه أو الاستغناء عنها )


وبعدين وين الرد!!!!!!!!!!!!

[أم اليسر]

الله الله وناااااااااااااااااااااااسه

تسوقين هههههههههههههههههه

كفوووا



أهلين ياغاليه ومنوره والله مشتاقين لك من زمان ماشفتك وين الغيبات

عسى المانع خير على العموم جربي السواقه والله فله !!!!!!!!!!!!

[أم اليسر]

ماشالله عليك ولله لوووووهوووووو انا كان اغمي علي





هذا الكلام والله إنك كذا!!!!!!!!!

ودي أشوفك وأنتي تسوقين أكيد الشكل له دور (فيه تعضيض براطم ههههههههه)

منوره والله ولاتحرميني طلتك 0