ذبحني جنن قليبي فصلني من على الخدمه

[اميرة نفسي]

السلام عليكم ورحمة الله وبركاته


(((هاذي معاناة وحده شفتها بأحد المنتديات وحبيت انقلها لكم عشان يستفيد منها كل واحد يعامل زوجته بالبرود ويعرف وش تحس به من الحرماااااان))))
*
*
*
*
*بالبدايه اقولكم انا متاكده ان الشكوى لغير الله مذله بس مليت الصمت ابي حل ماعاد فيني حيل اصبر وياليت القى عندكم الحل...

كل من شافني يسالني وش فيك؟؟؟ بس سرحانه بس افكر


افكر كيف اغير زوجي...

اقولكم شخصيته وشخصيتي واقولكم مشكلتي وانتم الحكم

شخصيته...انسان هادي يميل للصمت دائما خدوم طيب خجول مايحب يضحك ولا يحب كثر السوالف

انسان عملي.. يحب الرياضه بيتوتي >>بيت>>دوام>>مسجد>> مايحب كثر الطلعات الا للضروره

ينام بدري من الساعه 12 خلاص مفصول عن الخدمه


شخصيتي.. مرحه احب الكلام والضحك
احب اللعب احب الحركه احب وقتي كله وناسه مااحب النكد مااحب المشاكل انسانه قنوعه

احب السهر..

اهم شي يومي كيف اقضيه...


مشكلتي .. شخصيته مو راكبه على شخصيتي ابدا مليت الهدوء بالبيت مليت اسلوبه مليت كل شي

اقوله وش رايك نجيب شي يسلينا مثل بلاي ستيشن كيرم مونوبولي نلعب نضيع وقت

يقول ليه بزران حنا....

ايه نسيت اقولكم فارق العمر انا عمري 21 وهو 33سنه >>العمر كله

قلت يمكن فارق العمر السبب بس هو مو كثير كبير عشان يكون كذا اسلوبه


انا اخترت بهالعمر لانه انسان فاهم عاقل يبي استقرار مادريت انه لهالدرجه

واللي مجنني ردات فعله البارده

وانتم كلكم تدرون اي زوجه تبي كلمة حب او اطراء من زوجها

بس مالقيتها

اذا لبست او كشخت له اشوف نظرة اعجاب ويحاول انه مايبين لي

اذا صارحته وسالته قال مااعرف اتكلم كلام حلو..
حاولت اعلمه كيف يقول كلام حب بكذا طريقه غير مباشره

مثل اذا انسدح اقوله انا بكتب على ظهرك باصبعي واتحداك تقراها

اكتب بالبدايه اسامي ويقولها
واذا كتبت كلمه حلوه مثل ياقلبي ياعمري او احبك

يقول ماعرفت وش كاتبه...

وكذا مره يقوم الصبح واكون كاتبه له على المرايه كلام حلو

و كنت ارسله على ايميله وش محتاجه الزوجه من الزوج..
ويتجاهل كل هذا ولا كاني سويت شي ولا يتكلم ولايعلق واذا سالته قال ماانتبهت

ياناس جنني ماادري وش اسوي ؟؟؟؟؟؟؟؟؟

سويت اكثر من حركه يوم أيست قلتله خلاص ماابي كلام حلو


بس ابي ردة فعل حلوه ابيك تحسسني بانوثتي

ابي اذا سويت شي او لبست شي حلو اثني علي امدح اللي سويته مو كاني ماسويت

سولف معي خلني احس اني عايشه انا ماطلبت شي مستحيل انا طلبت الحياة ؟؟؟

انا مقدره وضعه بشغله وماقصرت معه بشي اقوم معه على صلاة الفجر واذا كنت سهرانه اقعد الين وقت دوامه الهي نفسي حتى لو كان فيني نوم يجي من الصلاه يفطر وبعدين ينام الى وقت دوامه واكون صاحيه الى وقت طلعته للدوام الساعه 8

يجي المغرب كل شي جاهز مهيئتله الراحه

اذا دخل ارحب بابتسامه حتى مشاكلي مع اهله مااقولها له ادري مشاكل الحريم تصدع الراس
فكنت اسكت اقول كافي عليه شغله واذا كنت متضايقه من امه او خواته وسالني وش فيك طبعا مايسالني على طول يسالني بعد يومين ثلاثه من الضيقه..!!!

اقوله سوالف حريم وش لك فيها انت بس ارتاح
حنا يجي يوم ونتصافى..>>واقول في نفسي مافيه امل يجيهاليوم..

المهم..

يجي ساكت طوووووووووووووووول الوقت ساكت بس اذا سالته تكلم

مااذكر فتح موضوع معي كله انا اتكلم

ووقت النوم حدث ولا حرج اذا مابديت بشي مستحييييييييييل هو يبدى حتى لو كان يبي ويكون باين عليه

مرات اخليه عناد وانام بس عادي ردات فعله كالعاده بارده

واذا صارحته بالامور هذي قال تعوذي من الشيطان ونامي ويعطيني ظهره وينام

واذا صارحته باي موضوع يقولي بتكبرين وتعقلين..


حتى لو زعلت عليه اطلع من المجلس زعلانه تكون ردة فعله بارده

وكالعاده يقلب القنوات الرياضيه
لدرجة اني مرتبه له القنوات تحت بعض عشان مايتعب نفسه ويدورها وكل ماطلعت قناة رياضيه جديده صفيتها معهم

كله عشانه

مليت الحياه معه مليت كل شي

كل ليله ابكي اتمناه سهران معي مرات ارقص لحالي واتذكره واقول ليته معيوانقد على نفسي وابكي الين يقوم للصلاه..مع انه مايسمع اغاني ابدا مع العلم ان اول شهور زواجنا كان يسهر برى البيت كل ليلة خميس مع اصدقائه بعد خمس شهور تقريبا صار مايسهر ابدا ولا يطلع من البيت ينام بدري حتى اقوله ماابيك كل يوم تسهر عشان دوامك بس ليلة خميس او جمعه خلني احس ان احد معي بالبيت..

وكالعاده يقولي تعوذي من الشيطان بتكبرين وتعقلين..

طول النهار لحالي والله لولا النت انهبلت من الملل

مليت كل شي حتى مليته هو قلت بحاول اغير طبعي بصير مثله

ومثل ماتعرفون الطبع يغلب التطبع .. قلت مافيه الا اصير مثله

بس عجزت اكمل اسبوع..

مره قلتله انا عازمتك على مطعم وعندي لك موضوع وبعدشيل وحط طلعنا


وقلتله انا مستحيل اعيش كذا لازم تشوف حل

وانا اشوف الطلاق انسب قبل يجي طفل يربطنا مستحيل اعيش كذا طول حياتي

اذا ماتبيني وتشوف فيني عيب طلقني..

قال.. انا ابيك بس العيب فيني انا طبعي كذا

وانت مطلب كل ام لولدها وماابي اخسرك

المهم كالعاده طلعت بنقاش عقيم وماطلعت بفائده

انا الحين بعد شهر بكمل سنتين ومستحيل اعيش كذا

وخلاص قررت الطلاق او يتغير بس المشكله عندي بنت هي ردتني عن قراري..

واسفه طولت عليكم بس ابي حل تكفوووووووووووووووووووووووون

وانتم يالرجال وش رايكم بذا الشخصيه انتم ادرى..؟؟؟

ولكم تحياتي واعذروني مليت الصمت ومليت حياتي كلها...

[الفراعنة]

ذبحني جنن قليبي فصلني من على الخدمه
من هو هذا مافهمت شي

[عذبه الروح]

تقصد زوجها يا الفراعنه

مشكوره على القصه قهرتون والله من جد كل الحريم كذا يشتكون من ازواجهم الله يعين بس وش نسوي جفى في كل شىء

[ضحية ظالم]

إحمدي ربك هذا أهون من الي يقول كلام حلو وكله كذب وغش وخداع احمدي ربك لانه صادق وما يعطيك من مشاعره غير الصدق .....
بعض الازواج قليل الكلام لعدة اسباب منها أنه يكون في دوامه يجتمع مع اصحابه وبتكلمون في كل شيء ويوم يجي البيت خلاص ما عنده حكي خلص!!! او انه يكون متعب !!!أو أنه دمه ثقيل والله يعينك عليه

[المهاجر]

قولي لها تبلع العافيه وتقضب ارضها

بيتوتي بيت دوام مسجد
يا الله من فضلك

فيه الاف الزوجات ما تشوف زوجها الا ساعه باليوم متبطح بالاستراحات او راعي سفر وخيانه وبعضهم ما يدل طريق المسجد

خليها تحمد ربها وتخلي الرومانسيات على جنب فاللي عندها احسن من غيرها بكثير

[رواسي**]

قولي لها تبلع العافيه وتقضب ارضها


بيتوتي بيت دوام مسجد
يا الله من فضلك

فيه الاف الزوجات ما تشوف زوجها الا ساعه باليوم متبطح بالاستراحات او راعي سفر وخيانه وبعضهم ما يدل طريق المسجد

خليها تحمد ربها وتخلي الرومانسيات على جنب فاللي عندها احسن من غيرها بكثير




كفيت ووفيت أخي المهاجر (q81)

قهرتون الله يعطيك العافية

[اميرة نفسي]

ذبحني جنن قليبي فصلني من على الخدمه

من هو هذا مافهمت شي




طبعاً ما فهمت شي لالنك ما قريت شي اصلاً

[اميرة نفسي]

تقصد زوجها يا الفراعنه



مشكوره على القصه قهرتون والله من جد كل الحريم كذا يشتكون من ازواجهم الله يعين بس وش نسوي جفى في كل شىء


هلا عذوبه مشكوره على المرور والمشاركه تحياتي لك

[اميرة نفسي]

إحمدي ربك هذا أهون من الي يقول كلام حلو وكله كذب وغش وخداع احمدي ربك لانه صادق وما يعطيك من مشاعره غير الصدق .....
بعض الازواج قليل الكلام لعدة اسباب منها أنه يكون في دوامه يجتمع مع اصحابه وبتكلمون في كل شيء ويوم يجي البيت خلاص ما عنده حكي خلص!!! او انه يكون متعب !!!أو أنه دمه ثقيل والله يعينك عليه



هلا حسافه فعلاً كلامك صحيح لكن الا نسان دايم يبي الكمال وهي طلبت انه يشاركها مشاعرها ويحسسها بأنوثتها ما اضنها طلبت شي كثير

تحياتي لك

[أحمد جراح]

الأخت الفاضلة قهرتون.

كثيرا ما ندعم في حياتنا اليومية قانون نيوتن أحد القوانين الثلاثة في الفيزياء " لكل فعل رد فعل مساوٍ له في المقدار المخالف له في الإشارة" ، وهذا يصح تماما في عالم الماديات ولكنه أبدا لا يصلح نموذجا وقاعدة في حياتنا اليومية.
كان الناس في الجاهلية يتندورن على أولئكم الناس الذين من طينة هذا الزوج فيقولون له من باب إثارته " إن لم تشأ نفعي فضر" .
وعلى أية حال فالأمر هنا يستدعي نوعا خاصا من التعامل ، وأنا لا أحبذ بتة أسلوب التجربة والخطأ لأنه وببساطة يؤدي إلى تعقيدات شائكة غالبا لا تعطي النتيجة المرضية ، ولكننا بشيء من الحكمة وطول النفس ربما تكون هناك نتائج باهرة. على أن هذه الزوجة عليها ان تعلم جملة أمور منها.
1- أن فترة ما بعد الثلاثين هي عادة فترة الهدوء النسبي والدعة بالنسبة للرجل حيث تركن نفسه إلى شيء من الزهادة في أمور كثيرة ربما كان هو نفسه يمارسها فترة مراهقته ، بينما عند المرأة بخلاف ذلك.
2- هذا الزوج يحمل نفسية الطيبة لدرجة السذاجة وهو مع جاذبيته ينظر إلى كثير من الأمور على أنها غير ذات بال ، إلا أنه يتفطن لها بعد أن ينبه إليها.
3- لاحظي أختي الفاضلة أنك بالقدر الذي تشتكين فيه أنتِ من زوجكِ يشتكي هو الآخر منكِ ، فهو على قياسه يرى في كل ما تقترحينه عليه هرطقة - الهرطقة في لغة العرب تعني الرأي المخالف - ، فعليك حين محاولة معالجة هذا الأمر معه أن تاخذي في حسبانك هذه المسألة.
4- ربما يصعب ان تغيري أنت من سلوكه ولكنك تستطيعين أن تغيري أنت من سلوكك بالقدر الذي يسمح لكما بالتعايش معا دون الضرر أو إنهاء الحياة الزوجية بالصورة القاتمة.
5- بما أنه إعترف لك أن ذاك طبعه ولا يستطيع بين عشية وضحاها أن يتبدل فلا أقل من محاولة معاملته على علاته - إن كانت هذه علل - بالحد الذي يبقي الحياة بينكما مستمرة ، ولا بأس في أن تقتفي طباعه فذلك أدعى إلى إثارة حفيظته. فالذي علمتنيه التجارب والملاحظات على الناس أن أكثر ما يثير الناس هو ذاك الشخص الذي يحمل نفس طباعهم ، وهنا تحتاجين أختي الكريمة إلى نفس جد طويل لتحريضه على ما ترغبين.

ختاما يقول الإمام علي رضي الله عنه وأرضاه " كم من حاجات لنا قضيناها بتركها" ، فلو أمسكت بكل شاردة وواردة فلن تجدي بعدها ما تمسكين ، خاصة وأن زوجك متدين ويخاف الله فيكِ ويعاملك بالحسنى فلا أقل من أن تكوني عونا له على عاداته. ولا أنصح بتة أن تعود إلى طلب الطلاق فكم أبغض هذه الكلمة ، وقد أباحه الله كعلاج لا كمشكلة تضاف إلى حياتنا ، مع اخذ الأمر بعين الاعتبار لا ينبغي إهماله فلربما هو نفسه لا يدري أن به علة جعلته يتصرف على هذا النحو وهنا أجدني نا صحا ولحوحا على أن يعرض نفسه على أخصائي نفسي. كما أتمنى لها أن يبارك لها في زوجها وأن تحل مشكلتها في العاجل القريب بإذنه تعالى.
والسلام.

[البرحيه]

ذبحني جنن قليبي فصلني من على الخدمه


من هو هذا مافهمت شي



هههههههههههههههههههههههههههههههه تقصد الأتصالات السعوديه:rofl951:

[البرحيه]

بصراحه هذا رهيب تحطينه تلقينه .....(q81) ..... ما تخافين عليه .......... هي قولي لها كل اربع سنين ومنتي فاضيه(zm)
والفرق بالعمر مو مشكله نفس عمر زوجي يوم اخذه وانا عمري 17 ولا منعت نفسي من الوناسه;star1;
حتى كنت العب مليحق مع بنتي من الطفاقه .....:SmileyBunny: .... وصيح ابي ايسكريم باسكن .(qq166) ... بعدين عقلت(qq10)

مكبره الموضوع بزياااااااااااااااااااااااااااااااده

[مقراط]

قهر

السلام عليكم ورحمه الله وبركاته

الله يسلمك هي ماتستاهله ماغير دلع وكلام فاضي

اصلا هي ماهي مراه

لو انه راعي خرجات وراعي طلعات كانت تقول ياليت يكون بيتوتي

للاسف الحين امححححححححححححححححححححححق نسوان

ياربي يوفقك

[سوسومحسن]

الله يكون بعونها ياليتها تدري ان الرجال زي بعض بس يختلفون في بعض الصفات وكمان اذا الطلقت يمكن يجيها افضل منه تحط كل الاحتمالات قبل لا ربي يغير عليها نعمتها

[اميرة نفسي]

قولي لها تبلع العافيه وتقضب ارضها


بيتوتي بيت دوام مسجد
يا الله من فضلك
افا يالمهاجر اشوفه جايزن لك لا تصير انت مثله بعد


فيه الاف الزوجات ما تشوف زوجها الا ساعه باليوم متبطح بالاستراحات او راعي سفر وخيانه وبعضهم ما يدل طريق المسجد

خليها تحمد ربها وتخلي الرومانسيات على جنب فاللي عندها احسن من غيرها بكثير




والله اذا كان وجوده بالبيت كا عدمه خله يطلع للستراحات اصرف له على الاقل اذا طلع راحت هي توسع صدرها عند اهلها بدل مهب حاكرها بالبيت

[[سبحان الله]]

[quote=المهاجر;3251991]قولي لها تبلع العافيه وتقضب ارضها


بيتوتي بيت دوام مسجد
يا الله من فضلك

فيه الاف الزوجات ما تشوف زوجها الا ساعه باليوم متبطح بالاستراحات او راعي سفر وخيانه وبعضهم ما يدل طريق المسجد

خليها تحمد ربها وتخلي الرومانسيات على جنب فاللي عندها احسن من غيرها بكثير


[/quote

نفس الراي جزاااااااااااك الله خييييييييييييييييييييير(q81)

[عذب السجــايا]

انا أعتب على الي يتوقعون ان هالمشكله سهله
بما ان الزوجه بدأت تفكر في الطلاق ....فأكيد مشكلتها كايده...مب بسيطه
هذا النوع من الازواج هاديء جدا...ولايمكن يتغير ابد ...يعني اغسلي ايدك
انك تخلين واحد هادي ....يتحول الى انسان سولفجي ..يحب الطلعات والروحات والجيات
ويحب يمدح ويتغزل....انسي الموضوع مارح يتغير ابد....
ما قدامك الا انك تتغيرين تصيرين مثله ...واتوقع ان الايام كفيلة بذلك خصوصا لاصار عندك عيال
وكبروا شوي ..واشغلوك...
كان الله في عونك اختي ...
وحاولي تشغلين نفسك باشياء مفيدهـ......
عشان ماتحسين بالفراغ...
ولا تلومين زوجك ...لان شخصيته كذا الله خالقه كذا ...شي لا ارادي
ولا تهزين ثقتك في نفسك....صدقيني لو كنتي اجمل بنات الكون ...رح تواجهين نفس التعامل...
***
اعجبتني حركة الكتابه على الظهر
تقبلي مروري

[ملح وقبله]

الموضوع قديم بس مو مشكله نرد

هذه المرأه لازم ترضى بالأمر الواقع مثل ما رضينا حنا ... كنا ذيك الايام نبي واحد فيه وفيه وفيه ونبي نسوي ونسوي ونسوي ...

وفي الأخير آآآآآآآه ولااااا شي من اللي تمنينا صار ... بس نقول الحمد لله ...

تحمد ربها وترضى وتكون لها علاقات مع جيرانها وأقاربها وصداقات وتفرغ طاقاتها معهم ...

وعلى فكره نوعية زوجها جيده بما أنه ( حطني تلقاني ) يعني ماهو عصبي ويعطيها اللي هي تبغاه ما يعاند ... تحمد ربها وتعيش حياتها وتنبسط مع مجتمعها مهوب لازم مع زوجها وتبي بالغصب تخليه مرجوج مثلها ...

[هيو2]

ذبحني جنن قليبي فصلني من على الخدمه
من هو هذا مافهمت شي



هههههههههههههههههههههههههههههههه تقصد الأتصالات السعوديه:rofl951:
ههههههههههههههههههههههههههههههه

ههههههههههههههههههههههههههههههه

ههههههههههههههههههههههههههههههه

الله يرجكم على هالصبح ولو إنكم تاريخيين :d

[Oo ريم oO]

تحمد ربها الف مره ان زوجها مو راعي خرابيط ثانيه واذا الموضوع على الرومانسيه ماجابت شي جديد كل السعوديين مافيهم رومانسيه الا القليل منهم ..
روعه رد المهاجر الله يوفقه عقليه رائعه في هالقسم

[عذب السجــايا]

تحمد ربها الف مره ان زوجها مو راعي خرابيط ثانيه واذا الموضوع على الرومانسيه ماجابت شي جديد كل السعوديين مافيهم رومانسيه الا القليل منهم ..
روعه رد المهاجر الله يوفقه عقليه رائعه في هالقسم

اجل من الي عنده رومنسيه
البنقاليين
والا ابو يمن
ولا الباكستانيين
نبي نعرف منهم ....
عشان نروح ناخذ دورات عندهم ؟!؟!
ونسلم من السنتكم؟!؟!

[غرام السنين]

بسم الله الرحمن الرحيم

أولا القصه موغريبه وكل يوم نسمعها سواء اللي يشتكي الرجال أو المره

وأنا من رأيي أن مافي مشكله أنا عايشه كذا والكلام موكل شي بالحياة ولازم الوحده منا لما تعطي الزوج الحب والكلام الحلو لاتنتظر منه شي يكفي إنها وصلت إحساسها وصدقيني الصبر مفتاح الفرج إصبري ورا تلقين ردت فعل تسرك وإحمدي ربك زوجك ماعنده خرابيط شباب هاليومين وعندك بنت الله يخليها لك المفروض تلهيك وأنا أكيده إن هالبنت هي اللي بتقربكم من بعض

وبعدين إنتي لما تكلمينا كله تشتكين من معاملته لك مافكرتي تسألينه عن إذا يعاني من مشكله أو فيه شي صايرله يمكن عنده شي شاغل باله ومايبي يشغلك معاه ترا الرجال أتفه شي يخليه ينقلب فوق تحت وخصوصا الماده والأسهم لها دور كبير....

تعوذي من إبليس ولا تكلمينا بالحب إستغلي لما تكونون مع بعض غرقيه بالحب عيشيه بعالم ثاني طلعيه من الحاله اللي هو فيها كلما يكون بالبيت حطي بنتك عنده وخليه يلاعبها وإنت إلعبي معاهم
وراح يتغير...
والله يوفق الجميــــــــــــــــع

[Oo ريم oO]

اجل من الي عنده رومنسيه
البنقاليين
والا ابو يمن
ولا الباكستانيين
نبي نعرف منهم ....
عشان نروح ناخذ دورات عندهم ؟!؟!

ونسلم من السنتكم؟!؟!

كامل الأوصاف اتقبل هالرد من اي واحد الا انت تتدري ليش؟؟؟
عقلك اكبر من الخرافات اللي تقولها وش دخل البنقاليه والباكستانيين؟؟؟(qq11)
ادري انك ترمي بهالكلام !!!!!:544453:
انا لم اعمم قلت الا القليل منهم

[مجودي20]

كامل الأوصاف اتقبل هالرد من اي واحد الا انت تتدري ليش؟؟؟
عقلك اكبر من الخرافات اللي تقولها وش دخل البنقاليه والباكستانيين؟؟؟(qq11)
ادري انك ترمي بهالكلام !!!!!:544453:
انا لم اعمم قلت الا القليل منهم
مشاء الله وش التحليل تفهمينها وهي طايرة وصلتي مرحلة النضج النتي من عاشر قوم اربعين يوم صار منه راضعتن مع ياعيني من نهد واحد كلك قلب

الف مبروك عليكم الشهر الكريم

[نسخ ولصق]

والله من الفضاوه

طيب وانت ياقهر تون ليه تنشرين قصتها يمكن المراه ماتبي احد يعرف قصتها
انفضحت هالمراه والله كاني اعرفها بس لو اطلعت اللي ببالي اني لاجلدها جلده ماتنساها بعمرها كله

[نسخ ولصق]

مشاء الله وش التحليل تفهمينها وهي طايرة وصلتي مرحلة النضج النتي من عاشر قوم اربعين يوم صار منه راضعتن مع ياعيني من نهد واحد كلك قلب




نهد وش هالكلام هذا عيب تقول نهد

[معانق سحاب]

والله اشوف انو زوجها كويس يعني لو انه صايع وش كان تبي تسوي معه

بس في شي انا اتفق معها فيه ( الحي يحييك والميت يزيدك غبن )

[عذب السجــايا]

كامل الأوصاف اتقبل هالرد من اي واحد الا انت تتدري ليش؟؟؟


عقلك اكبر من الخرافات اللي تقولها وش دخل البنقاليه والباكستانيين؟؟؟(qq11)
ادري انك ترمي بهالكلام !!!!!:544453:
انا لم اعمم قلت الا القليل منهم




ريم1
انا ماقصدت شي ...
ولا رميت لشي الله يهديك...
ومدري وش تفسيرك لكلامي...
بس الي يهمني من الموضوع ...
ان هالعباره دايما اشوفها في المنتدى...
السعوديين مافيهم رومنسيه .....
من جد منهم ذولي الي عندهم رومنسيه عشان نتعلم منهم ؟!؟!
لايكون المسلسلات والخرابيط ...ترى هذي كلها خرابيط ...وكل الممثلين فاشلين اجتماعيا
والمطربين افشل منهم ...
لاتغركم المضاهر الله يهديك...
ترى اغلبهم بلغ بهم العمر عتيا وماتزوجوا ومايحتاج اضرب امثله ...
كبروا عقولكم ...واحمدوا ربكم على النعمه ...
احمدوا ربكم ان الله رزقكم بازواج واخوان نشامى اولاد نشامى
يكفي ان الواحد منهم يغار على زوجته من نسمة الهوى...
هذا الشيء افتقدوه كثير من الي تنبهرون بمضاهرهم....
اكرر واقول ..
ترى ماقصدت شي ..
ولانيب من الي يرمي بالكلام ...
تقبلي مروري