كوني ذيبة .. ولا تكوني دجاجة ..@

[من بقايا الامس]

من ملاحظـاتي على بعـض المتزوجـات
لو دخل حرامـي بيتهـا في غيـاب زوجـها
تغرق في شبر ميه
على قول اخواننا المصاروة .

&


لاتجيد التصرف
لاتدافع عن نفسها
لاتستخدم فطرتها في الدفاع عن ابنائها


والمطلوب كالتالي :..

> معرفة طريقة استخدام السلاح الناري .
> معرفة قيادة السيارة لحالات الطواريء خارج المنزل .
> معرفتها بأرقام الطواري .. ( شرطة , دفاع مدني , اسعاف .. ااالخ ).


/
\
/

همسـة شعريـة لشاعـرة مميـزة
توضح الفرق
بين الذيبـة والدجاجـة (qq115) :..


يابــــــوي جعلك للبقــــــا والمكاسيــــــب
عمـــري بدونك يالــذَرا ويـــش أبي بــه


وش بــــك تحــــاتي لانــــوى الموت تغريب
تخشــــى عليــــنا بالليـــّالي الكئيبـــــه


خـــذ دلــّتك واركـــــى على مسند الجيب
وعطنــي شمــــاغك بلثمـــــه وأحتمــي به


واللــــه لأســــدّك بالفــعول المصاليب
واللـــــه لأشيـــلك بالرخـــا والمصيبه


طــــلع المعــالي ماانحكــــم للشــّواريب
بنـــت ٍ وأنـــــاطح فارس القـــوم طيبه


وياشيخـــي إبشــر لوتدور الدّواليـــب
بنتـــك إلا منـــّه عــوى الذّيــب( ذيـــــــــبــــــــه) ..(qq18)



&

&


( معلومة عاامة )

أرقام الطوارئ في المملكة العربية السعودية

***
الشرطة 999
***

الحوادث (المرور) 993

***

الإسعاف 997

***

الإطفاء 998

***

مكافحة المخدرات 995

***

أمن الطرق 996

&
&


نقطة توضيحة // ينعت الجبان بالدجاجة او الرخمة .. بينما يلقب الشجاع بالأسد او الذيب (qq6)

[مجرم جامعي]

والله وانا اخوك الحريم كلبوهن ذيبات بس وانا اخوك الغفله وعنصر المفاجاه تكون سببن بالخوف اللي يحصل وثاني شين ياخوي السلاح انا ماني معه ابدن الا في نطاقن محدودن وخاصتن للحريم شكرن على هالنصايح لاخواتنا يابقيتن من امس وسلامتن تسلمك وانا اخوك

[_دارج]

أهم شيء تتعلم القيادة .. علشان تدافع عن نفسها ..?!!!

[مجرم جامعي]

أهم شيء تتعلم القيادة .. علشان تدافع عن نفسها ..


وشلون تجي هذه والله انك ماتدري وين ربي حاطك فيه لو انك قايلن سلاح كان مقبولتن منك طبعان انا مع تعلم الحرمه للسواقه للحاجه لكن ضد السماح لها بالقيادة على طول ويشرفني اكون سواقن عند اهلي ولا اخليها تقود السياره او اجيب لها سواق

[_دارج]

وشلون تجي هذه والله انك ماتدري وين ربي حاطك فيه لو انك قايلن سلاح كان مقبولتن منك طبعان انا مع تعلم الحرمه للسواقه للحاجه لكن ضد السماح لها بالقيادة على طول ويشرفني اكون سواقن عند اهلي ولا اخليها تقود السياره او اجيب لها سواق


ممكن لاجل يصير بأمكانها تهرب وتروح تسكن بفندق ..(vv)

ماسمعت عن الفندق النسائي الجديد ..

[شموخ بدوية]

يأخوي مو كل الحريم دجاج بعضهن اطلق من الف رجال...وتاريخنا يشهد على ذلك قديما كان بعضهن يقمن بالغزو على القبائل الثانية..هذه من يسويها الحين؟؟؟؟

الا وش رأيك في الرجال الدجاجة اللي مايهش ولا ينش ..وحدة تقول لقت عامل مع شغالتها في الغرفة وتقول وامسكه واضربه لين قال بس هو الشغالة تقول ربي عطاني قوة رهيبة
سالتها وزوجك وينه ؟؟؟؟قالت نائم قومته عقب ماذبحتهم واتصلت على الشرطة وقلت لها هو وش يسوي زوجك قالت يحرسهم وانا ادل الشرطة على بيتي قلت لها فلانة اسمح لي انت متزوجة حرمة ماهو رجال استغفر الله ......

شكرا على الارقام المذكوورة ......تقبل تحياااتئ

[من بقايا الامس]

والله وانا اخوك الحريم كلبوهن ذيبات بس وانا اخوك الغفله وعنصر المفاجاه تكون سببن بالخوف اللي يحصل وثاني شين ياخوي السلاح انا ماني معه ابدن الا في نطاقن محدودن وخاصتن للحريم شكرن على هالنصايح لاخواتنا يابقيتن من امس وسلامتن تسلمك وانا اخوك

اشوى اخلاقك في الرد
افضل بكثير من سابقاتها ..(q81)

عن السلاح فضرورة
من الضروريات في المنزل
وتعليمة سهل جدا
ياكثر البران
والصحاري في السعودية .


هذا غير القيادة عليك وعلى المخططات ..(q47)

[من بقايا الامس]

أهم شيء تتعلم القيادة .. علشان تدافع عن نفسها ..?!!!


تعليم القيادة مهمة جدا
والغرض منها
استخدامها في حالات الطواريء فقط ..


دمت بذوق .’

[من بقايا الامس]

يأخوي مو كل الحريم دجاج بعضهن اطلق من الف رجال...وتاريخنا يشهد على ذلك قديما كان بعضهن يقمن بالغزو على القبائل الثانية..هذه من يسويها الحين؟؟؟؟


الا وش رأيك في الرجال الدجاجة اللي مايهش ولا ينش ..وحدة تقول لقت عامل مع شغالتها في الغرفة وتقول وامسكه واضربه لين قال بس هو الشغالة تقول ربي عطاني قوة رهيبة
سالتها وزوجك وينه ؟؟؟؟قالت نائم قومته عقب ماذبحتهم واتصلت على الشرطة وقلت لها هو وش يسوي زوجك قالت يحرسهم وانا ادل الشرطة على بيتي قلت لها فلانة اسمح لي انت متزوجة حرمة ماهو رجال استغفر الله ......


شكرا على الارقام المذكوورة ......تقبل تحياااتئ



والله فعلا هالزوج
وصمة عار على الرجال ..(qq6)

عن الحريم :.
ففيهم وفيهم
ولكن الأغلبية يخافون من خيالهم
وهذا طبيعي اذا ماعلمنا
بأن الانثى رقيقة المشاعر
لاتتحمل الصدمات بأنواعهااا ..

المطلوب
قليل من الشجاعة
لمواجهة المواقف المفاجأة فقط ..


دمتي راقية .

[@ملكة الورود@]

والله وانا اخوك الحريم كلبوهن ذيبات بس وانا اخوك الغفله وعنصر المفاجاه تكون سببن بالخوف اللي يحصل وثاني شين ياخوي السلاح انا ماني معه ابدن الا في نطاقن محدودن وخاصتن للحريم شكرن على هالنصايح لاخواتنا يابقيتن من امس وسلامتن تسلمك وانا اخوك

انا مع الرد اعلاه:whwhwh:

احيانا المفاجاه تخلي اطلق شنب دجاجه(qq168)

وبعدين السلاح تخليه بدون رصاص ولا سكين بلاستك:SmileyBunny:

الشيطان دايم مع السلاح الله يلعنه(qq60)

بس ان لازم الشرف لا والله اقتلها واقتل ابوه(qq6)

اعجبتني ابيات الشعر حيل:ham020:

لايجي مقراطوه يقول اني مافيني خير :SmileyBunny:

دمت بخير خيو

[صــافي]

صدقت اخوي بعض الحريم اذا حصل له موقف او صدمة تصاب بعقر البقر
وتمد لسانه طول ما تقوى

[رواسي**]

خـــذ دلــّتك واركـــــى على مسند الجيب

وعطنــي شمــــاغك بلثمـــــه وأحتمــي به




هذي أنا إذا كنت في البيت بروحي..ألبس شي

من ملابس زوجي..وسبحان الله أصير لبؤة مو ذيبه

أستاذي بقايا

الله يعطيك العافية على النصيحة

[أبو عادل]

بسم الله الرحمن الرحيم

السلام عليكم ورحمة الله وبركاته :--- وبعد 000
شكرا على الموضوع
الله يعطيك العافية
ووفقكم الله
وتقبلو مروري
أخوكم / أبو عادل

[مجننتهم كالعادة]

الله يهديك من بقايا الامس
ياللة ياللة انام اذاسمعت صوت يخوف من برا
اذاكنت لحالي في البيت كيف تبينا نحمل سلاح
اونسوق سيارات لحالنا كل الحريم دجاج مع احترامي
مهما استرجلت الخوف غريزة فينا
يعطيك العافية اخوي تقبل مرورى
اختك (حفيدة)

[البرحيه]

ههههههههههههههههههههههههههههههههههههههههههه
فاضين لك الشرطه يجون يمسكون حرامي في بيتكم
انت امسك الحرامي وربطه ووده لمهم
غير كذا لا تعب عمرك

اسلم طريقه تتعلم سلاح ........ على فكرة مسموح نطلق النار على الحرامي اخاف تدخل بقضية قتل
معلمتونا فيه حقوق للحراميه ولا لا ..........

[من بقايا الامس]

انا مع الرد اعلاه:whwhwh:


احيانا المفاجاه تخلي اطلق شنب دجاجه(qq168)

وبعدين السلاح تخليه بدون رصاص ولا سكين بلاستك:SmileyBunny:

الشيطان دايم مع السلاح الله يلعنه(qq60)

بس ان لازم الشرف لا والله اقتلها واقتل ابوه(qq6)

اعجبتني ابيات الشعر حيل:ham020:

لايجي مقراطوه يقول اني مافيني خير :SmileyBunny:


دمت بخير خيو



السلاح الناري رغم اهميته
الا ان اخطارة معروفة
ويجب المحافظة عليه
بعيدا عن اعين الابناء


ولكن في المواقف الصعيبة
ياروح مابعدك روح

عن مقراط :.
تراه خويي .. يمون
لاتزعلونة
(qq136)

[فرس حره]

موضوعك رائع جدا
هناك فعلاحريم الدجاجه اشجع منها
وهناك حريم ذيبه

وفي الاخير الموقف هو اللي يحكم الناس مواقف

[من بقايا الامس]

صدقت اخوي بعض الحريم اذا حصل له موقف او صدمة تصاب بعقر البقر


وتمد لسانه طول ما تقوى


احيانا يكون الموقف صعب للغاية
لحظتها تتلخبط الأفكار وتنشد الاعصاب
ولا يستطيع كائن من كان
مواجهة الموقف

كما ذكرت سابقا
قليل من الشجاعة والمواجهة
قد تحل الموقف


ودمتي .’

[من بقايا الامس]

خـــذ دلــّتك واركـــــى على مسند الجيب


وعطنــي شمــــاغك بلثمـــــه وأحتمــي به




هذي أنا إذا كنت في البيت بروحي..ألبس شي

من ملابس زوجي..وسبحان الله أصير لبؤة مو ذيبه

أستاذي بقايا


الله يعطيك العافية على النصيحة



ويعافيك نسمة .,’


وواضح من ردودك
واخلاقك العالية
ذيبة اصل وفصل ..


دمتي بود .,’

[مقراط]

بقايا القريب الى قلبي

السلام عليكم ورحمه الله وبركاته

الله يسلمك ليش كل هدا المراءه سواء كانت في بيت زوجه او في بيت اهلها مايجيها شيء

ادا كانت على النيه الطيبه وكان زوجه او ابوها

لاياكلان الحرام ولا يمشون في ادى الناس

ومضه

اعمل خير تلقى خير

ياربي يوفقك

[مقراط]

انا مع الرد اعلاه:whwhwh:

احيانا المفاجاه تخلي اطلق شنب دجاجه(qq168)

وبعدين السلاح تخليه بدون رصاص ولا سكين بلاستك:SmileyBunny:

الشيطان دايم مع السلاح الله يلعنه(qq60)

بس ان لازم الشرف لا والله اقتلها واقتل ابوه(qq6)

اعجبتني ابيات الشعر حيل:ham020:

لايجي مقراطوه يقول اني مافيني خير :SmileyBunny:

دمت بخير خيو
ملكه

السلام عليكم ورحمه الله وبركاته

الله يسلمك ابصم بالعشره انك والنسوان فيكم الخير والبركه

والله يديم عليكم الصحه والعافيه

ويحعل ابناءكم ابناء خير

ولاتنسين تقرين صوره الكهف من يوم الجمعه فهي نور عليك

[الــنــوخــذة]

يعطيك العافية

[Purity]

ههههههه ضحكتني كلمة ذيبة
اذا تعلمنا السلاح راح يتهمونا بالارهاب " Muslim women terrorists"
في المواقف الصعبة ما اقدر اكون شي غير دجاجة :$
جزاكم الله خير على الموضوع

[من بقايا الامس]

بسم الله الرحمن الرحيم

السلام عليكم ورحمة الله وبركاته :--- وبعد 000
شكرا على الموضوع
الله يعطيك العافية
ووفقكم الله
وتقبلو مروري
أخوكم / أبو عادل


دائما وابدا ذوق
في ردودك اخي ابو عادل ..

تحياتي لك .,

[من بقايا الامس]

الله يهديك من بقايا الامس
ياللة ياللة انام اذاسمعت صوت يخوف من برا
اذاكنت لحالي في البيت كيف تبينا نحمل سلاح
اونسوق سيارات لحالنا كل الحريم دجاج مع احترامي
مهما استرجلت الخوف غريزة فينا
يعطيك العافية اخوي تقبل مرورى
اختك (حفيدة)


مع الوقت والتعود
يتغير سلوكك الى ذيبة

والمطلوب زيارة خاطفة الى البران
وتتعلمين تستخدمين السلاح
اول يوم طبيعي يصيبك الرعب والخوف
لكن بعد شهر لو هو ار بي جي مايهزك ..


دمتي بنقاء دائم .,’

[من بقايا الامس]

ههههههههههههههههههههههههههههههههههههههههههه

فاضين لك الشرطه يجون يمسكون حرامي في بيتكم
انت امسك الحرامي وربطه ووده لمهم
غير كذا لا تعب عمرك

اسلم طريقه تتعلم سلاح ........ على فكرة مسموح نطلق النار على الحرامي اخاف تدخل بقضية قتل
معلمتونا فيه حقوق للحراميه ولا لا ..........



كلامي بشكل عام
ماهوب شرط حرامي
يمكن واحد من عيالها لاقدر الله
طاح .. انكسر .. اقل القليل تعرف تلفون الاسعاف .


ولا اعني بالذيبة
تكون شرفة ومفترسة
بل تجيد التصرف وقت الحاجة


عن قتل الحرامي // قال رسول الله صلى الله عليه و سلم :( من مات دون ماله فهو شهيد ، ومن مات دون عرضه فهو شهيد ، ومن مات دون أهله فهو شهيد) .

[من بقايا الامس]

موضوعك رائع جدا

هناك فعلاحريم الدجاجه اشجع منها
وهناك حريم ذيبه


وفي الاخير الموقف هو اللي يحكم الناس مواقف


الشجاعة والفراسة
تأتي مع الوقت

فرحلة الألف ميل تبدأ بخطوة ..,’


دمتي بذوق .,’

[من بقايا الامس]

بقايا القريب الى قلبي

السلام عليكم ورحمه الله وبركاته

الله يسلمك ليش كل هدا المراءه سواء كانت في بيت زوجه او في بيت اهلها مايجيها شيء

ادا كانت على النيه الطيبه وكان زوجه او ابوها

لاياكلان الحرام ولا يمشون في ادى الناس

ومضه

اعمل خير تلقى خير

ياربي يوفقك


الحرامي وانا اخوك
مايميز بين اللي
يأكل حرام او يأكل حلال

وياما بيوت انسرقت وهم بيت علم ودين ..


ياربي يخليك لعين ترجيك .

[من بقايا الامس]

يعطيك العافية


ويعافيك يارب .,’

شاكر ومقدر .

[سنى البدر]

أنا دجاجة بنمرة وأستمارة (qq50)

السلاح أخاف منه إذا شفته في التلفزيون

ما قد شفت السلاح الا مرة زرانا شخص معاه رشاش وجميع أفراد العائلة أخذوا صورة معاه(qq15)

والسيارة ما أقتنعت بقيادتها ولا فكرت وإذا سمحوا للحريم بالسواقة بستقدم سواقة مو سواق

وأرقام الطوارئ لم أحفظ ولا رقم لأني عدم بالحفظ

يمكن ما أفكر في هذه الاشياء لأني عايشة مرتاحة ولا أحتجت لها في يوم من الأيام

وإذا أضطررت اليها قد أفكر في تعلمها

وأتمنى أن لا أضطر لها

طرح رائع وتنبيهات تشكر عليها

[... بنت الجنوب ...]

الله المستعان :(

انا اذا مر بجنبي قطو اجمد مكاني مااعاد اقدر اتحرك سبحان الله

رجولي تصير ثقيله وماتحملني على الحركه ابدا (qq89)

اجل لو بيدخل حرامي عزالله انها طلعت روحي (g)

[من بقايا الامس]

ههههههه ضحكتني كلمة ذيبة

اذا تعلمنا السلاح راح يتهمونا بالارهاب " Muslim women terrorists"
في المواقف الصعبة ما اقدر اكون شي غير دجاجة :$

جزاكم الله خير على الموضوع



الارهاب ان ترهب خلق الله
ولكن الدفاع عن النفس حق مشروع
ومعترف من قبل الانتربول ..(q79)

لكي تكوني ذيبة
اقل القليل تعلمي
ارقام الطواريء لاحصل شي
تعرفين تتصرفين ..’


بالتوفيق .,’